Aktualitet

Avokati Spartak Ngjela: Partitë i ka pushtuar korrupsioni

Published

5 years ago

July 9, 2021

Betim Gashi

Arrestimi i kryebashkiakut të Lushnjës Fatos Tushe dhe zyrtarëve të tjerë nuk do jetë rast i izoluar.

Kështu u shpreh avokati Spartak Ngjela në studion e “Raw Politics”, duke sjellë në vëmendje se procesi i vettingut ka dhënë efekte të qarta pasi ka larguar një numër të lartë gjyqtarësh të korruptuar nga sistemi i drejtësisë.

Ai theksoi se Byroja Kombëtare e Hetimit e ka sfidë që çdo indicie ta përkthejë në provë ligjore pasi në të kundërt çdo arrestim do ishte i pavlerë.

“Nuk ma ha mendja që është vetëm Lushnja. Vetingu ka hequr deri tani mbi 60% të gjyqtarëve. Janë krijuar dy institucionet të reja, prokurori dhe gjykatë e posaçme. BKH duhet t’i kthejë këto përgjime në prova gjyqësore”, tha avokati.

Përballë moderatores Erla Mëhilli, avokati Ngjela shprehet se strukturat e policisë janë të korruptuara e ku përmend se në Shqipëri ka pasur vazhdimisht marrëveshje të heshtur mes sistemit gjyqësor dhe qeverive.

“Policia e tij [kryeministrit Rama] është e korruptuar e gjitha. Ka shumë korrupsion, pse kryeministri iu turr policisë së tij? Në qoftë se nuk ekziston korrupsioni shtetëror nuk bën asgjë krimi i organizuar në funksion të shtetit. Këta kanë përfituar se nuk kanë pasur pushtet gjyqësor të fortë. Këta kanë pasur një marrëveshje të heshtur midis pushtetit gjyqësor dhe të gjithë qeverive”, shtoi ai.

Avokati u shpreh kritik për partitë politike në Shqipëri kur thotë se janë të “pushtuara nga korrupsioni”, ndërsa shtoi se qytetarët shqiptarë do duhet të shfaqen më optimistë për vetë faktin se interesi i tyre bashkohet me interesin që Shtetet e Bashkuara të Amerikës kanë në Shqipëri.

“Partitë i ka pushtuar korrupsioni. Shqiptarët duhet të jenë optimistë se ka interes të madh amerikan. Amerika… të ndërhyjë dhe t’u thyejë brinjët. Interesi amerikan dhe interesi shqiptar konvergojnë në një pikë”, shtoi Ngjela.

Gazetari i kronikës në Euronews Albania, Eni Ferhati thotë se pritshmëria e publikut te SPAK-u është shumë e lartë dhe për këtë kjo strukturë duhet të godasë në nivele të larta dhe jo vetëm tek zyrtarët e thejshtë.

“Pritshmëritë janë shumë të larta. Sa më lart të godasin aq më mirë do të jetë”, tha gazetari.

Lajmet

Pritje deri në dy orë e gjysmë në kufi: Merdara dhe Dheu i Bardhë më të ngarkuarat

Published

1 hour ago

August 21, 2026

UBTNews

Fluksi i automjeteve në disa pika të kalimit kufitar të Kosovës është rritur ndjeshëm, ku pritjet për të dalë nga vendi arrijnë deri në 140 minuta.

Sipas të dhënave të fundit të Qendrës Kombëtare për Menaxhim Kufitar, pika më e ngarkuar mbetet Merdara, ku në dalje pritet nga 120 deri në 140 minuta, ndërsa në hyrje pritja është rreth 10 minuta. Ngarkesë e ngjashme paraqitet edhe te Dheu i Bardhë, ku pritja për të dalë nga Kosova arrin deri në 80 minuta.

Pikat e tjera kufitare paraqesin situatë më të qetë:

Jarinjë: 10 minuta pritje si në hyrje, ashtu edhe në dalje.

Vërmicë: 3 deri në 5 minuta në të dyja drejtimet. Pikat e tjera (Bërnjak, Hani i Elezit, Kulla, Muçibabë, Mutivodë, Stançiq, etj.)

Qarkullimi po zhvillohet pa pengesa, me pritje minimale prej 1 deri në 5 minuta.

Autoritetet u bëjnë thirrje udhëtarëve që të informohen mbi gjendjen në kufi përpara nisjes dhe të shfrytëzojnë pikat alternative për të shmangur kolonat e gjata.

Lajmet

Inspektorati Qendror i Punës ndalon punimet në 12 vendpunishte në pesë komuna

Published

2 hours ago

August 21, 2026

UBTNews

Inspektorati Qendror i Punës (IQP) ka ndërprerë punimet në 12 vendpunishte në komunat Skenderaj, Mitrovicë, Vushtrri, Prizren dhe Ferizaj, pas kontrolleve të kryera për zbatimin e legjislacionit të punës dhe sigurisë në punë.

Gjatë inspektimeve, zyrtarët konstatuan shkelje të rënda ligjore që vinin në rrezik të drejtpërdrejtë jetën dhe shëndetin e punëtorëve. Për këtë arsye, punimet janë bllokuar deri në eliminimin e plotë të parregullsive dhe plotësimin e standardeve të sigurisë.

Sipas njoftimit, ky aksion synon parandalimin e aksidenteve në punë, ndërsa rifillimi i punimeve do të lejohet vetëm pas verifikimit të ri nga inspektorët. Inspektorati paralajmëroi se kontrollet do të vazhdojnë me intensitet të lartë në të gjithë vendin./E.A/

Lajmet

Plagoset një grua nga plumbi qorr në Lipjan, dërgohet në QKUK

Published

2 hours ago

August 21, 2026

UBTNews

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Lajmet

Të shtëna me armë para një lokali në Prishtinë

Published

3 hours ago

August 21, 2026

UBTNews

Policia e Kosovës ka nisur hetimet për një rast të përdorimit të armës, i cili ka ndodhur mesnatën e së enjtes në Prishtinë.

Sipas raportit 24-orësh të policisë, një grua ka njoftuar se një burrë i panjohur ka shtënë tre herë me armë zjarri në ajër përballë lokalit të saj dhe më pas është larguar me shpejtësi.

Njësitet policore kanë dalë në vendngjarje, ku kanë gjetur dhe sekuestruar tri gëzhoja. Rasti po hetohet nga organet e rendit./E.A/