Aktualitet

Avokati i Popullit pranon pak ankesa për trajtim jo të barabartë në pandemi

Publikuar

3 vjet më parë

më

Avokati i Popullit ka organizuar tryezë me temën “Sfidat e sistemit gjyqësor në zbatimin e Ligjit për Mbrojtje nga Diskriminimi”.

Krejt kjo me për qëllim që të merren qëndrime e opinione mbi diskriminimin, si një prej shkeljeve më të rënda të të drejtave të njeriut, si dhe krijimin e bashkëpunimit me sistemin gjyqësor dhe prokurorial, në funksion të mbrojtjes së të drejtave të njeriut, luftimin e diskriminimit dhe promovimin e barazisë së qytetarëve para ligjit.

Naim Qelaj, Avokat i Popullit tha se Ligji për mbrojtje nga Diskriminimi i plotëson standardet ndërkombëtare, por që duhet vetëdijesim i qytetarëve për t’u njohur me të drejtat e tyre.

“Zbatimi i këtij ligj ka probleme në vetvete dhe paraqet sfidë edhe për Avokatin e Popullit. Sfidat dalin qysh nga kompetencat dhe përgjegjësit e Avokatit të Popullit”.

“Njëri nga problemet mbi bazën e diskutimeve është promovimi jo i mjaftueshëm i këtij ligji, për të vetëdijesuar qytetarët dhe zbatuesit e këtij ligji”.

Qelaj ka thënë se edhe në këtë situatë pandemie vërehet një tendencë e ulët e parashtrimit të ankesave  nga qytetarët se masat që po merr Qeveria e Kosovës a po i trajtojnë barabartë ata.

Merita Syla, drejtoreshë e Departamentit për mbrojtje nga diskriminimi në këtë institucion, tha se nga viti 2015 janë hasur numër i vogël i rasteve që qytetarët kanë shtruar padi për diskriminim.

“Shqetësime ndaj afatin kohor për parashtrim të ankesës dhe poashtu barra e provës janë dy sfida”, është shprehur ajo.

Gresa Caka-Nimani, kryetare e Gjykatës Kushtetuese të Kosovës, tha se Kushtetua i ka dhënë një rëndësi të madhe institucionit të Avokatit te Popullit.

“Shumë shpesh para Gjykatës Kushtetuese vijnë raste që pretendojnë se janë të diskriminuar në trajtimet e rasteve të tyre nga Gjyqësori dhe këto raste po shtohen”, tha ajo.

Albert Zogaj, kryesues i Këshillit Gjyqësor të Kosovës, ka thekuar që në të ardhmen në diskutime të tjera të tilla duhet të përfshihet edhe Gjykata Supreme.

Zogaj e ka konsideruar sfiduese faktin e kualifikimit të një rasti si diskriminim nga praktikat gjyqësore.

“Është sfiduese fakti se si duhet të verifikohet një rast diskriminimi nga praktikat gjyqësore. Ka pasur raste diskriminimi kur nxënësit janë ndarë në shkolla në klasa të veçanta në bazë të përkatësisë etnike”.

Ai ka thënë se do të bëjnë më shumë përpjekje në të ardhmen për identifikim më të lehtë të diskriminimit.

Jetish Maloku, Kryesuesi i Këshillit Prokurorial të Kosovës, tha se promovojnë vlera që rrit barabarësinë.

“Çdo diskriminim për neve është i papranueshëm. Mendoj që ligji i vitit 2015 paraqet në bazë shumë të mirë që e fuqizon individin në mbrojtje nga çdo formë e diskriminimit”.

Maloku ka thënë se të gjitha veprat që kanë të bëjnë me diskriminim i trajtojnë me prioritet.

“Nga viti 2015 deri në gjashtë mujorin e fundit të këtij vitit kanë trajtuar 21 raste të trashëguara para se të hyj ligji për diskriminim. Në vitin 2020 ka trajtuar 3 raste me 3 persona kurse gjatë gjashtë mujorit të parë të këtij viti ka katër raste me katër persona. Me sukses kemi zgjidh 32 raste me 72 persona”, është shprehur ai.

Ndërsa Albina Shabani Rama, kryetare e Gjykatës Themelore në Prishtinë, tha se janë të ballafaquar me raste solide për shkak të trajtimit jo të barabartë.

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

3 ditë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

2 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara