Lajmet
ATK: Për shtatë muaj kemi mbledhur mbi 577 milionë euro të hyra
Administrata Tatimore e Kosovës(ATK) ka njoftuar se gjatë periudhës janar-korrik të këtij viti, të hyrat tatimore kanë kapur vlerën e 577.3 milionë eurove.
Sipas ATK-së, këto shifra tregojnë rritjen e performancës në mbledhjen e të hyrave tatimore nëse bëjmë krahasimin me periudhën e njëjtë të vitit të kaluar, për të cilën shohim se rritja është për 62.4 milionë euro apo 12.1% tatime.
“Janë realizuar një sërë reformash strukturore dhe administrative, të cilat kanë pasur ndikim të drejtpërdrejtë në përmirësimin e mbledhjes së të ardhurave. Digjitalizimi ose automatizimi i shërbimeve ndaj tatimpaguesve dhe qytetarëve, përveç që ka ndikuar në rritjen e deklarimit vullnetar, kjo ka ndihmuar edhe në rritjen e transparencës dhe efikasitetit në mbledhjen e tatimeve. Janë zhvilluar fushata intensive për të rritur ndërgjegjësimin e qytetarëve dhe bizneseve për rëndësinë e pagesës së tatimeve dhe përfitimet që sjellin për shoqërinë tone”, thuhet në njoftimin e ATK-së.
Më tutje në njoftim thuhet se prioritet i aktiviteteve të autoritetit tatimor mbetet luftimi dhe parandalimi i ekonomisë jo-formale, për të cilën kanë intensifikuar përpjekjet për të luftuar evazionin fiskal përmes kontrolleve më të rrepta.
“Këto masa kanë kontribuar në rritjen e të ardhurave nga tatimet dhe në krijimin e një klime më të drejtë konkurruese. Rezultatet e këtyre përpjekjeve janë të dukshme. Të hyrat tatimore kanë shënuar rritje, duke kapërcyer nivelin e planifikuar dhe duke siguruar burime të rëndësishme financiare për realizimin e projekteve publike dhe përmirësimin e shërbimeve për qytetarët tanë”, thuhet më tutje në njoftim.
Sipas ATK-së, kjo arritje është një sinjal i qartë i angazhimit për të krijuar një sistem tatimor të drejtë dhe të qëndrueshëm, i cili përmbush nevojat e shtetit dhe ndihmon në zhvillimin ekonomik të vendit./UBTNews/
Legjenda e Barcelonës njofton pensionimin nga futbolli
Osmani takohet me presidentin e Senegalit
Arrestohet një i dyshuar për sulm seksual ndaj një të miture në Podujevë
Nis Superliga e Kosovës në futsall këtë fundjavë
Sean ‘Diddy’ Combs rikthehet në gjykatë për të kërkuar një gjykim të ri
18 nga librat më të mirë të vitit sipas gazetarëve të BBC
Ylli amerikan Luke Combs tregon se si e bëri Britaninë të dashurohej me muzikën country
Filmi për oficerin indian që kapi dy herë një vrasës famëkeq, tani edhe në Netflix
Ky gabim në larje mund t’i bëjë rrobat tuaja të mbajnë erë të lagësht
-
Aktualitet1 month agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months agoUBT shpall konkurs për pranimin e studentëve të rinj për vitin akademik 2025/26