Lajmet
MPJD pa përgjigje zyrtare, çfarë po ndodh me identifikimin e trupit të Faton Hajrizit?
Më shumë se dy javë kanë kaluar prej kur është raportuar si i vrarë Faton Hajrizi, e trupi i tij ende nuk është kthyer në vendlindje. Javën e kaluar është dërguar strisho e gojës së nënës së tij, por ende nuk ka informata se sa do të zgjasë kthimi i rezultatit të analizës së saj. Njohës të sigurisë thonë se deri në fund të kësaj jave do të ketë zhvillime konkrete në identifikimin dhe qartësimin e identitetit të Faton Hajrizit. Të njëjtit thonë se institucionet vendore do të duhej të kishin bërë kërkesë që të dërgohet një ekspert vendor në Serbi. Megjithatë, shteti ende nuk ka pranuar përgjigje zyrtare lidhur me këtë rast.
Ministria e Punëve të Jashtme dhe Diasporës ka thënë se janë në komunikim me shtetet e QUINT-it, misionin e BE-së në Serbi, familjen e të ndjerit dhe avokatin e autorizuar nga familja.
“Zyra Ndërlidhëse e Kosovës në Serbi i ka parashtruar tri herë kërkesë zyrtare Qeverisë së Serbisë, përmes Zyrës Ndërlidhëse të Serbisë në Kosovë, për të konfirmuar identitetin e personit të vrarë më 19 korrik 2024 në Lloznicë dhe rrethanat e ngjarjes. Gjithashtu, kemi kërkuar mundësimin e kthimit të trupit të tij në Kosovë, por ende nuk kemi pranuar përgjigje zyrtare. Më 30 korrik 2024, përmes avokatit Arianit Koci dhe me asistimin e Zyrës Ndërlidhëse të Kosovës në Serbi, është kryer testi i ADN-së nga ekspertët mjeko-ligjorë nga Beogradi tek nëna e shtetasit Faton Hajrizi në Vendkalimin Kufitar Dheu i Bardhë, tek pjesa serbe. Autoritetet serbe kanë deklaruar se do të duhen disa ditë për të kryer analizat e ADN-së. Deri më tani, Zyra Ndërlidhëse e Kosovës në Serbi nuk është njoftuar për përfundimin e analizave, dhe as avokati Koci nuk ka marrë ndonjë njoftim”, thuhet në përgjigjen e MPJD-së.
Avokati Ardian Bajraktari konsideron se është obligim i institucioneve që të dërgojë kërkesë për përfshirjen e një eksperti vendor.
“Është obligim i institucioneve të shtetit të përkujdesën për qytetarët pavarësisht se çfarë dhe ku ndodhën ata. Në rrethana të tilla do të duhej angazhim i madh i shtetit edhe në drejtim të sigurimit, të përfaqësuesve të Institutit të Mjekësisë Ligjore me rastin e ekspertizës dhe ekzaminimit mjeko-ligjor që bëhet nga ana e institucioneve të Serbisë. Pavarësisht faktit që unë konsideroj që një kërkesë e tillë nuk do të mund të realizohej për faktin se fqinji jonë verior vazhdon të hezitojë të bashkëpunojë me institucionet tona si rezultat i mendësisë së vjetër, mirëpo megjithatë një kërkesë e cila së paku deri më tash nuk është bërë publike që është bërë në adresë të institucioneve që këto të marrin pjesë në këtë. E si rezultat i mos marrjes pjesë të ekspertëve tanë të Mjekësisë Ligjore, në bindjen time do ta bënte të domosdoshme një ekspertizë shtesë me rastin e kthimit, kurdo që do të ndodhë kthimi i trupit të të ndjerit, Faton Hajrizi në Kosovë”, deklaron ai.
Ndërkaq eksperti i sigurisë, Bedri Elezi pret që deri në fund të kësaj jave të ketë finalizim të raportit për identifikimin e trupit të pajetë.
“Deri në fund të kësaj jave do të ketë zhvillime konkrete për identifikimin dhe qartësimin e identitetit të tij dhe më pas edhe sjelljen në Kosovë. Sa i përket kapaciteteve teknike për konstatimin e profilit apo identitetit të tij nuk është ndonjë problem, madje këtë e kanë konstatuar edhe ekspertët kosovar të cilët merren me çështjen, kanë konstatuar që nuk është e vështirë të identifikohet nëse kemi të bëjmë me Faton Hajrizin, por që rrethanat e vdekjes mund të vështirësohen në rast se kemi një afat”,shton ai.
Faton Hajrizi ishte arratisur nga burgu i Smrekonicës dhe ishte në kërkim nga Policia e Kosovës. Pas disa ditëve, u shpall në kërkim edhe nga autoritetet serbe, meqë dyshohej për vrasjen e një polici dhe plagosjen e një tjetri në Lloznicë të Serbisë. Hajrizi u raportua se është vrarë në vendin e quajtur Banja Kovilaça.
Vendi
Profesoreshat e UBT-së, Blertë Zylfiu-Latifi dhe Miranda Sejdiu-Abazi, publikojnë studim të ri shkencor në bashkëpunim ndërkombëtar
Në kuadër të avancimit të kërkimit shkencor dhe bashkëpunimit ndërkombëtar, profesoreshat e Fakultetit të Stomatologjisë në UBT, Dr. Blertë Zylfiu-Latifi si autore e parë dhe Dr. Miranda Sejdiu-Abazi si autore korrespondente, kanë publikuar një studim të ri hulumtues në fushën e ortodoncisë. Ky punim shkencor është realizuar në partneritet me studiues nga Departamenti i Ortodoncisë dhe Antropologjisë Dentare i Universitetit të Zagrebit, si dhe me profesionistë të stomatologjisë nga Gjermania.
Punimi me titull “Tooth Crown Dimensions among Angle Occlusion Classes in Kosovar Adolescents” është publikuar si artikull origjinal në revistën ndërkombëtare Acta Stomatologica Croatica (Vol. 60, Nr. 3, 2026, fq. 289–301). Ky organ shkencor është i indeksuar në platformat më prestigjioze globale si Scopus, PubMed dhe Web of Science Core Collection (ESCI), duke mbajtur Faktor Ndikimi (Impact Factor) 1.8 në JCR dhe 1.9 në SJR. Autorët e këtij studimi janë Blertë Zylfiu-Latifi, Senka Meštrović, Jelena Dumančić, Miranda Sejdiu-Abazi dhe Fatbardha Mustafa.
Hulumtimi është shtrirë në shtatë qytete kryesore të Kosovës – Prishtinë, Prizren, Pejë, Gjakovë, Mitrovicë, Ferizaj dhe Gjilan – ku janë përfshirë 400 adoleshentë të moshës 13 deri në 19 vjeç. Pjesëmarrësit janë kategorizuar sipas klasave I, II dhe III të okluzionit sipas Angle, me qëllim që të analizohet lidhja mes këtyre klasave dhe dimensioneve të kurorave të dhëmbëve permanentë.
Përmes një analize multidimensionale të dimensioneve meziodistale, bukolinguale, cervikoincizale dhe diagonale, studimi nxori në pah se ekzistojnë dallime të dukshme ndërmjet klasave të okluzionit, sidomos në dimensionet meziodistale dhe cervikoincizale. Në anën tjetër, dimensionet bukolinguale shfaqën një shkallë më të ulët të variacionit.
Kontributi kryesor i këtij hulumtimi qëndron në përcaktimin e vlerave të para referente specifike për popullatën e adoleshentëve kosovarë. Këto të dhëna do të shërbejnë si një bazë e rëndësishme për përmirësimin e saktësisë në diagnostikimin ortodontik, analizën e hapësirës dhe planifikimin e trajtimeve klinike në Kosovë. Ky publikim dëshmon angazhimin e vazhdueshëm të UBT-së për zhvillimin e kërkimit shkencor me standarde të larta ndërkombëtare.
Punimi është publikuar me Open Access dhe mban DOI-në 10.15644/asc60/3/3.
Vendi
Vendimi i Kushtetueses: Zgjedhja e Qeverisë është kushtetuese, Presidenti duhet të zgjidhet deri më 6 tetor
Edhe sonte protestë në Prishtinë, dita e tetë
Profesoreshat e UBT-së, Blertë Zylfiu-Latifi dhe Miranda Sejdiu-Abazi, publikojnë studim të ri shkencor në bashkëpunim ndërkombëtar
Vendimi i Kushtetueses: Zgjedhja e Qeverisë është kushtetuese, Presidenti duhet të zgjidhet deri më 6 tetor
Donjeta Sadiku siguron medalje evropiane në boks
Hallgrímsson beson përballjen me Kosovën barazimi do të ishte rezultat i mirë
Tahiri kërkon seancë urgjente të Kuvendit për vendimin e Speciales
Kurti takohet me kongresistin Latimer në New York, kërkon që Bondsteel të bëhet bazë e përhershme amerikane
Abdixhiku takon ambasadorin britanik, diskutojnë zhvillimet politike në Kosovë
Të dielën mërgata në Austri proteston kundër vendimit të Speciales
-
Lajmet2 months agoInfantino kërkon falje për gabimet, por ruan mbështetjen e drejtuesve të FIFA-s
-
Sport2 months agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet2 months agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet2 months ago“Spider-Man: Brand New Day” thyen rekorde, i afrohet miliardit në vetëm pak ditë