

Published
4 years agoon
By
Betim GashiNëse keni vënë re se jeni të pangopur me gjumë edhe pasi flini për 8-9 orë, atëherë mund të jeni duke përjetuar disa çrregullime. Nëse vini re se ju zë gjumi në vende dhe orare të çfarëdoshme, kjo është një tjetër shenjë që tregon çrregullim me gjumin. Më poshtë janë disa nga arsyet pse ndodh kjo.
Ju mund të vuani nga hipersomnia, gjë që është e kundërta e insomnia. Hipersomnia ndodh kur orët e gjumit shtohen gjatë natës ose ditës. Nëse vuani nga kjo gjë, me shumë mundësi mund të ndiheni të lodhur gjatë ditës. Pra, gjumi i tepërt nuk do të thotë gjithmonë çlodhje.
Ju mund të keni simptoma depresioni. Depresioni shfaqet me simptoma të ndryshme në njerëz të ndryshëm. Nëse dikush përjeton insomnia për shkak të depresionit, dikush tjetër mund të përjetojë hypersomnia.
Mbase ka të bëjë me zemrën. Nëse po flini me orë të zgjatura, një shkaktar mund të jetë zemra sepse shpeshherë sëmundjet e zemrës kanë të tilla efekte te njerëzit.

I keni kontrolluar tiroidet? Janë dy lloje tiroidesh që ndikojnë tek gjumi. Njëra prej tyre shkakton insomnian ndërsa tjetra hipersomnian. Hipertiroidizmi lidhet me gjumin 10-orarësh ose më shumë.

Ndonjëherë nuk ka ndonjë arsye kaq shkencore dhe këto probleme mund të lidhen me ndryshimin e stinëve dhe si ky ndryshim ju bën të ndiheni.

Kur nuk flini mjaftueshëm, gjasat janë që të doni t’i rikuperoni orët e humbura.

Gjumi juaj mund të ndikohet edhe nga rrugët e frymëmarrjes. Nëse ka ndonjë bllokim në rrugët e frymëmarrjes gjatë natës, gjumi ndërpritet. Bllokime të tilla janë të shpeshta dhe shtyjnë orarin e gjumit.

You may like
Magazinë
U tall me udhëtimin e Katy Perry në hapësirë, Lily Allen i kërkon falje
Published
17 minutes agoon
April 29, 2025
Këngëtarja britanike, Lily Allen, ishte në mesin e atyre që e kritikuan dhe u tallën me Katy Perryn për fluturimin në hapësirë.
Megjithatë, Allen tani i ka kërkuar falje yllit të famshëm për komentin që kishte bërë.
“Mendova shumë për këtë dhe kuptova se ishte krejtësisht e panevojshme ta kritikoja ashpër. Dua të them, nuk pajtohem me atë që bënë, por ajo nuk ishte e vetmja. Ajo ishte ndoshta më e famshmja”, tha ajo në një episod të ri të ‘podcast’-it të saj, “Miss Me?”.
“Sidoqoftë, më vjen keq. Do të më dhembte nëse do të isha në atë situatë dhe njerëzit do të përdornin emrin tim. Më vjen keq, Katy Perry. E di që nuk e shikon shfaqjen, por më vjen keq”, përfundoi ajo, duke iu drejtuar drejtpërdrejt këngëtares.
Perry ishte një nga pesë gratë që fluturuan në skajin e hapësirës më 14 prill. Përveç saj, kapsula e New Shepard përfshinte të fejuarën e Bezos, Lauren Sanchez, gazetaren Gayle King, producenten e filmave Karianne Flynn, ish-shkencëtaren e raketave të NASA-s, Aisha Bowe dhe aktivisten Amanda Nguyen.
Me të mbërritur në tokë, Katy ishte parë duke puthur tokën, teksa Lauren po i jepte një përqafim Jeff Bezos.
Magazinë
Eurovision habit me ndryshimin: Flamujt palestinezë do të lejohen në publik
Published
2 hours agoon
April 29, 2025
Publiku do të jetë në gjendje të valëvisë flamuj palestinezë gjatë Festivalit të Këngës në Eurovision, pasi Unioni Evropian i Transmetimeve rishikoi rregulloren e tij për të lejuar të gjithë flamujt e lejuar ligjërisht në këtë ngjarje.
Rregullat e rishikuara, të zbuluara përmes dokumenteve të siguruara nga televizioni kombëtar danez, u lejojnë spektatorëve të valëvisin çdo flamur “të lejuar ligjërisht” gjatë garës në Zvicër.
Interpretuesit përballen me rregullore më të ashpra e EBU-ja përpiqet të ruajë neutralitetin politik, me këngëtarët që tani e kanë të ndaluar të shfaqin ndonjë flamur tjetër përveç të tyrit gjatë shfaqjeve ose ngjarjeve zyrtare.
Ky ndalim vlen për flamujt e LGBTQ+, palestinezë dhe flamujt e BE-së, gjë që ka tërhequr kritika nga grupet e aktivistëve, ndryshimet vijnë pas polemikave në garat e mëparshme ku shfaqja e flamujve mori një ngarkesë politike. Politika e re do t’u lejojë njerëzve të valëvisin çdo flamur në finalen e Festivalit të Këngës Eurovision 2025 në St Jakobshalle, Zvicër, të shtunën më 17 maj, me kusht që kjo të jetë në përputhje me kufizimet ligjore.
Flamujt që nxisin urrejtje ose dhunë, pankartat fyese ose shpifëse dhe simbolet e grupeve terroriste të ndaluara mbeten të ndaluara.
Vendimi vjen në një kohë kur Festivali i Këngës në Eurovision përballet me tensione të vazhdueshme për shkak të qëndrimit të tij apolitik, me disa që bëjnë thirrje që Izraeli të përjashtohet nga konkursi për shkak të luftës në Gaza.
Ndalimi i mbajtjes së flamujve, i përcaktuar nga EBU-ja zbatohet në sken në zonën e fansave, në dhomën e gjelbër e në zonat zyrtare ku garuesit presin rezultatet. Grupet e të drejtave LGBTQ+ e kanë kritikuar vendimin, duke argumentuar se flamuri i ylberit përfaqëson identitet personal e jo deklaratë politike.
Kulturë
Dita Ndërkombëtare e Kërcimit, Baryshnikov personazhi i vitit 2025
Published
5 hours agoon
April 29, 2025By
UBTnews
Sot është Dita Ndërkombëtare e Kërcimit. Kjo datë u vendos që në vitin 1982 nga Komiteti i Vallëzimit i ITI (International Theatre Institute), në ditëlindjen e Jean-Georges Noverre, krijuesi i baletit modern.
Synimi i kësaj feste është të kremtojë kërcimin, të kënaqet me universalitetin e kësaj forme arti, të kalojë të gjitha barrierat politike, kulturore dhe etnike dhe t’i bashkojë njerëzit me një gjuhë të përbashkët – kërcimin.
Çdo vit një mesazh nga një koreograf apo balerin i shquar qarkullon në të gjithë botën. Për 2025-ën, mesazhin e dha balerini dhe koreografi Mikhail Baryshnikov, nga më të vlerësuarit botërisht, i konsideruar si një nga kërcimtarët më të mëdhenj të kohës sonë.
“Vallëzimi mund të zgjojë ndjeshmëri, të frymëzojë mirësi dhe të ndezë një dëshirë për të shëruar dhe jo për të dëmtuar. Sidomos tani, ndërsa qindra-mijëra durojnë luftën, drejtojnë trazirat politike dhe ngrihen në protestë kundër padrejtësisë, reflektimi i ndershëm është jetësor. Megjithatë, arti është ende mënyra më e mirë për t’i dhënë formë të pathënës, dhe ne mund të fillojmë duke pyetur veten: Ku është e vërteta ime? Si e nderoj veten dhe komunitetin tim? Kujt t’i përgjigjem?”, shkruan Baryshnikov në mesazhin drejtuar artdashësve.
Në një karrierë që përfshin më shumë se 50 vjet në kërcim, teatër, televizion dhe film, Baryshnikov ka punuar me koreografë dhe regjisorë të shquar. Pas një fillimi spektakolar me Baletin “Kirov” në Leningrad, ai erdhi në Perëndim në 1974 dhe ishte balerin kryesor me Teatrin e Baletit Amerikan (ABT). Në vitin 1980 ai ishte drejtor artistik i ABT ku, për dekadën e ardhshme, ai prezantoi një brez të ri kërcimtarësh dhe koreografësh. Në vitin 2005, ai lançoi Baryshnikov Arts në qytetin e Nju-Jorkut, një hapësirë krijuese që mbështet artistë multidisiplinarë nga e gjithë bota./ATSH/
Magazinë
Kritikët prisnin më shumë nga sezoni i pestë i serialit “You”
Published
9 hours agoon
April 29, 2025
Sezoni i pestë i serialit të njohur të Netflix-it, “You”, me protagonist Penn Badgley, filloi transmetimin më 24 prill.
Ashtu si çdo sezon i mëparshëm, ky u bë shpejt më i shikuari në shumë vende. Reagimet e para nga kritikët janë pozitive e fundi i serialit ka ngjallur kuriozitet të madh tek publiku dhe ka ndarë opinionet. Sezoni i fundit i serialit zhvillohet afërsisht tre vjet pas ngjarjeve në fund të sezonit të katërt.
Joe Goldberg jeton një jetë të qëndrueshme në martesë me Kate Lockwood, me të cilën po rrit djalin e tij Henry, të cilin e kishte me ish-partneren e tij Love.
Në sezonin e pestë, zbulohet se Joe nuk ka vrarë askënd që nga hera e fundit që shikuesit e panë atë. Joe gëzon një reputacion të patëmetë dhe ka një shumë të konsiderueshme parash. Errësira e brendshme, e kombinuar me histori dhune në të kaluarën, kërcënon të shkatërrojë gjithçka që ka arritur ndërsa seriali i afrohet finales së tij spektakolare dhe të tensionuar.
Në sezonin e fundit, Penn Badgley i bashkohet Charlotte Ritchie, Anna Camp, Griffin Matthews, Pete Ploszek dhe Madeline Brewer.
Edhe pse sezoni i pestë i serialit u publikua së fundmi, ai ka marrë një numër të madh komentesh dhe vlerësimesh.
Sipas rishikimeve të para të kritikëve në Rotten Tomatoes, sezoni k vlerësim prej 81 për qind. Audienca i jep vlerësim më të ulët prej 56 për qind.
Jo të gjithë ishin të kënaqur me sezonin e fundit. Disa mendojnë se personazhi i Joe është bërë i mërzitshëm, të tjerë pretendojnë se prisnin një fund më të mirë. Megjithatë, ka edhe nga ata që besojnë se sezoni i pestë është më i mirë se ai i mëparshmi.

U tall me udhëtimin e Katy Perry në hapësirë, Lily Allen i kërkon falje

Një tjetër gjigant dëshiron të blejë Google Chrome

Ushqimet e shumëpërpunuara mund të lidhen me vdekjet e hershme

Laboratori për Testimin e Performancës së Sportistëve, flet profesori Milaim Berisha

Eurovision habit me ndryshimin: Flamujt palestinezë do të lejohen në publik

Presidenti i Malit të Zi nuk e dekreton ligjin për Plazhin e Madh të Ulqinit

UBT promovon dy botime të rëndësishme shkencore në fushën e mekanikës dhe inxhinierisë së ndërtimit të autorit, Prof. Naser Morina

UBT shënon Ditën Ndërkombëtare të Sigurisë dhe Shëndetit në Punë me diskutim të thelluar për menaxhimin, shëndetin dhe mirëqenien në mjediset e punës

OKB: Mbi 72.000 migrantë të vdekur ose të zhdukur në dekadën e fundit
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur