Sport

Arsenali pret biletën për në çerekfinale me një fitore tenistike, Lille barazon me Dortmundin

Published

on

Arsenali ka bërë një hap të madh drejt çerekfinaleve të Ligës së Kampionëve me një fitore të jashtëzakonshme 6-1 ndaj PSV Eindhovenit në transfertë. “Topçinjtë” shkatërruan holandezët dhe tani presin thjesht takimin e dytë në Londër për të zyrtarizuar kalimin në fazën tjetër. Me këtë rezultat, Arsenali ka praktikuar një dominim të plotë dhe ka bërë që ndonjë kthesë dramatike të duket e pamundur.

Ndeshja u hap me shpejtësi, dhe Arsenali kaloi në avantazh në minutën e 18-të, kur Timber goditi bukur me kokë në shtyllën e dytë pas një krosi të saktë, duke zhbllokuar rezultatin. Më pas, vetëm tre minuta më vonë, një tjetër aksion i bukur nga e majta përfundoi me golin e dytë, të realizuar nga Nëanery në minutën e 21-të. Pasi kaloi gjysmë ore lojë, Merino shënoi golin e tretë për Arsenalin, duke e bërë 3-0. Në fund të pjesës së parë, PSV arriti të shkurtonte diferencën në 1-3 me një penallti të realizuar nga Lang.

Në pjesën e dytë, Arsenali vazhdoi me të njëjtin ritëm dhe shënoi dy gola të shpejtë nga Odegaard dhe Trossard, duke e çuar rezultatin në 5-1. Odegaard realizoi një tjetër gol në minutën e 73-të, ndërsa në minutat e fundit të ndeshjes, Calafiori e mbylli përfundimisht golashënimin e “Topçinjve” me një gol të shënuar pesë minuta para përfundimit të kohës së rregullt, duke përmbyllur një fitore të pashembullt 6-1.

Në ndeshjen tjetër, Lille luajti baras 1-1 në transfertë me Dortmundin në “Signal Iduna Park”, duke e mbajtur gjithçka të hapur për ndeshjen e kthimit. Ndeshja u zhbllokua në minutën e 22-të, kur Adeyemi shënoi një gol të bukur nga jashtë zonës, pas një goditjeje këndi. Pas shumë mundimesh, Lille arriti të barazonte në minutën e 68-të, kur Haraldsson shënoi një gol të rëndësishëm për të kthyer baraspeshën në rezultat.

Tani, ndeshja e kthimit mes Dortmundit dhe Lille është e hapur, dhe gjithçka mund të ndodhë në “Stade Pierre-Mauroy”./UBTNews/

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Sport

Presioni mbi Ruben Amorim rritet, Manchester United përgatit plan emergjent për trajnerin

Published

on

By

Problemet e Manchester United vazhduan mbrëmjen e së mërkurës me humbjen e papritur ndaj Grimsby Town në Kupën e Ligës, e cila u vendos pas penalltive. Pas kësaj, pronarët e klubit, Grupi Ineos, kanë kërkuar nga departamenti i futbollit të përgatisë një listë të shkurtër me kandidatë për trajner në rast se do të duhet shkarkimi i Ruben Amorim.

Sipas mediave, trajneri portugez, i sjellë në “Old Trafford” nga Sporting Lisbona me një kontratë të majme, po përballet me presion të madh pas pozicionit të dobët të skuadrës në renditje, duke zënë vendin e 16-të në Premier League.

Në listën e kandidatëve për zëvendësimin e tij përfshihen Andoni Iraola, trajneri i Bournemouth, i njohur për performancën e tij të mirë në Ligën Premier dhe eksperiencën në Spanjë me Mirandes dhe Rayo Vallecano, si dhe Oliver Glasner, trajneri aktual i Crystal Palace.

Manchester United duket i gatshëm të ndërmarrë veprime drastike në rast se rezultatet nuk përmirësohen në ditët në vijim.

Continue Reading

Sport

Leart Paçarada kalon te FC Heidenheim

Published

on

By

FC Heidenheim 1846 ka konfirmuar nënshkrimin e mbrojtësit kosovar Leart Paçarada, i cili vjen nga FC Köln.

Paçarada, 30 vjeç, ka zgjedhur të ndryshojë ambientin, por do të vazhdojë të luajë në Bundesligë, pasi kalon në skuadrën gjermane të Heidenheim. Mbrojtësi i majtë ka firmosur një kontratë që do ta mbajë te klubi deri në verën e vitit 2027.

Njoftimi është bërë zyrtar nga faqja e klubit, ku theksohet se Paçarada i bashkohet skuadrës së Bundesligës nga rivalët e FC Köln.

Në skuadrën e re, ai do të luajë së bashku me dy futbollistë tjerë me prejardhje shqiptare, Arijon Ibrahimovic dhe Diant Ramaj.

Continue Reading

Sport

Drita përballë Differdange në ndeshjen kthyese të Ligës së Konferencës, synon kualifikimin historik

Published

on

By

Drita do të luajë si mysafire ndaj Differdange në ndeshjen kthyese të fazës ‘play-off’ të Ligës së Konferencës, me synimin për t’u kualifikuar për herë të parë në grupet e një gare evropiane.

Takimi zhvillohet në “Stade Municipal de la Ville de Differdange” me fillim nga ora 20:00. Ekipi i trajnerit Zekirija Ramadani do të kërkojë të ruajë avantazhin 2-1 nga ndeshja e parë në Prishtinë.

“Intelektualët” synojnë të fitojnë apo të sigurojnë të paktën një barazim, që do t’i çonte në fazën e grupeve të Ligës së Konferencës për herë të parë në histori.

Nëse arrin kualifikimin, Drita do të bëhet klubi i dytë kosovar që e arrin këtë sukses, pas Ballkanit, i cili ka luajtur dy herë në grupet e këtij kompeticioni.

Continue Reading

Të kërkuara