Aktualitet

Arabi Saudite: Princi i kurorës emërohet kryeministër

Ai tashmë është sundimtar de fakto i eksportuesit më të madh të naftës në botë.

Published

3 years ago

September 28, 2022

UBT news

MBS është tashmë de facto sundimtar i mbretërisë, por emërimi i ri zyrtarizon rolin e tij si kreu i qeverisë.

Princi i kurorës i Arabisë Saudite, Mohammed bin Salman, është emëruar kryeministër i mbretërisë në një riorganizim të kabinetit të urdhëruar nga Mbreti Salman, sipas një dekreti të publikuar nga Agjencia zyrtare e Shtypit Saudite të martën.

Princi Mohammed është tashmë sundimtar de fakto i eksportuesit më të madh të naftës në botë dhe emërimi zyrtarizon rolin e tij si udhëheqës i qeverisë së mbretërisë.

Princi i kurorës, i njohur me inicialet e tij MBS, ka shërbyer më parë si zëvendëskryeministër, si dhe ministër i mbrojtjes. Ai do të zëvendësohet si ministër i mbrojtjes nga vëllai i tij më i vogël, Khalid bin Salman, i cili ishte zëvendësministër i mbrojtjes.

Dekreti mbretëror rikonfirmoi të gjithë ministrat e tjerë të lartë në postet e tyre, përfshirë ministrin e Jashtëm Princin Faisal bin Farhan Al Saud, Ministrin e Financave Mohammed al-Jadaan dhe Ministrin e Investimeve Khalid al-Falih./UBTNews/

Related Topics:Arabi Saudite Mohammed bin Salman

Up Next

FMN paralajmëron Britaninë e Madhe se shkurtimet e buxhetit të saj “mund të rrisin pabarazinë”

Don't Miss

Letonia shpall gjendje të jashtëzakonshme në disa pjesë të kufirit me Rusinë

Aktualitet

Emisari i BE-së për dialog takon sot presidenten Osmani

Published

1 hour ago

August 6, 2025

UBT News

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Aktualitet

Organizatat e dala nga lufta shpalosin detajet e protestës së nesërme

Published

1 hour ago

August 6, 2025

UBT News

Organizatat e dala nga lufta e Ushtrisë Çlirimtare të Kosovës, do të mbajë sot konferencë për media për të prezantuar detajet dhe informacionet për protestën e nesërme. Konferenca nis në ora 11:00, në zyret e OVL-UÇK.

OVL-UÇK-ja nesër me fillim nga ora 17:00, do të protestojnë në sheshin “Skënderbeu” në Prishtinë, për të kundërshtuar vijueshmërinë e procesit gjyqësor në Hagë, ndaj ish-krerëve të UÇK-së.

Gjatë protestës do të kërkohet reagim institucional lidhur me këtë proces. Në një prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme

Kundërshtimi i padrejtësive ndaj ish-bashkëluftëtarëve në Gjykatën Speciale

Formimi urgjent i institucioneve legjitime dhe respektimi i rendit kushtetues

Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së” thuhet në një prej njoftimeve të organizatës.

Aktualitet

Fushë Kosovë, burri sulmon fizikisht gruan

Published

1 hour ago

August 6, 2025

UBT News

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.