Magazinë

Angelina Jolie pritet ta shesë shtëpinë historike, do të largohet nga Los Angelesi

Published

2 months ago

on

Aktorja 50-vjeçare Angelina Jolie pritet të shesë shtëpinë e saj në Los Angeles dhe të zhvendoset jashtë vendit vitin e ardhshëm, pasi binjakët Knox dhe Vivienne të mbushin 18 vjeç.

“Angelina nuk ka dashur ë jetojë me kohë të plotë në Los Angeles. Ajo nuk kishte zgjedhje për shkak të marrëveshjes së kujdestarisë me Bradin. Planifikon të zhvendoset sapo Knox dhe Viv të mbushin 18 vjeç vitin e ardhshëm. Po shikon disa vende jashtë vendit. Do të jetë e lumtur kur të mund të largohet nga Los Angelesi”, ka thënë një burim për revistën People.

Jolie dhe ish-bashkëshorti i saj, aktori, Brad Pitt, me të cilin ka gjashtë fëmijë: Maddox, 24 vjeç, Pax, 21, Zahara, 20, Shiloh, 19, dhe binjakët, arritën marrëveshjen për divorc në muajin dhjetor 2024, pas një beteje ligjore tetëvjeçare.

Jolie ka blerë vilën historike të vitit 1913 më 2017 për 24.5 milionë dollarë. Shtëpia ka mbi 1,000 metra katrorë hapësirë, me 6 dhoma gjumi dhe 10 banjo, dikur ka qenë në pronësi të regjisorit Cecil B. DeMille. Aktorja ka folur më herët për dëshirën e saj për të lënë Los Angelesin dhe për të kaluar më shumë kohë në Kamboxhia, vendi ku ka lindur djali i saj i madh, Maddox.

“Unë jam rritur në këtë qytet. Jam këtu sepse më duhet të jem këtu për shkak të divorcit, por sapo ata të bëhen 18, do të mund të largohem”, tha Jolie për The Hollywood Reporter. Ajo ka thënë tutje se kur dikush ka familje të madhe, do që ata të kenë privatësi, qetësi e siguri.

“Kam një shtëpi tani për t’i rritur fëmijët, por ndonjëherë ky vend mund të jetë… ai humanitet që e kam gjetur nëpër botë nuk është ajo me të cilën jam rritur këtu. Pas Los Angelesit, do të kaloj shumë kohë në Kamboxhia. Do të vizitoj familjarët e mi kudo që të jenë në botë”, ka thënë ajo.

Ylli ka thënë se i pëlqen të jetë me njerëzit që i do.

“Nuk jam dikush që lutet të rrijë vetëm. Nuk jam ai lloj personi që mendon, ‘Ah, do të doja të isha vetëm për të pasur kënaqësitë e mia të fshehta’. Sepse zakonisht kënaqësia ime e fshehtë është të jem me dikë. Më pëlqen të bëj diçka që i bën ata të lumtur. Kjo me të vërtetë më bën të lumtur”, ka thënë Jolie.

Related Topics:
Continue Reading

Magazinë

Bebe Rexha shënon 10-vjetorin e hitit të saj të madh “Me, Myself & I”

Published

24 minutes ago

on

October 15, 2025

By

Këngëtarja me origjinë shqiptare e famë botërore, Bebe Rexha, ka festuar një moment të rëndësishëm në karrierën e saj, 10 vjetorin e publikimit të “Me, Myself & I”, një nga projektet që e katapultoi drejt suksesit ndërkombëtar.

Në një postim në rrjete sociale, Bebe ndau një video të rrallë arkivore, ku shihet duke performuar këngën pak kohë pas publikimit më 2015.

Ajo e shoqëroi videon me fjalë mirënjohjeje për fansat e saj anembanë botës, të cilët e kanë mbështetur që nga fillimet e karrierës.

“Nuk mund të besoj që kanë kaluar tashmë 10 vjet. Kjo këngë ndryshoi jetën time dhe më hapi dyert e ëndrrës sime. Faleminderit të gjithëve që më keni dashur dhe më keni mbështetur gjatë gjithë kësaj dekade,” shkroi artistja.

Publikuar fillimisht në bashkëpunim me G-Eazy, kënga “Me, Myself & I” u shndërrua shpejt në hit global, duke pushtuar top-listat në ShBA, Mbretërinë e Bashkuar, Kanada, Australi dhe shumë vende tjera.

Projekti arriti miliona dëgjime në platformat muzikore dhe u bë një himn i vetëbesimit dhe pavarësisë personale, duke frymëzuar miliona njerëz në mbarë botën.

Derisa nga publikimi kanë kaluar një dekadë, kënga vazhdon të jetë një prej projekteve më të njohura të Rexhës, me mbi 663 milionë klikime në YouTube dhe qindra miliona dëgjime në Spotify.

Që nga ajo kohë, Rexha ka ndërtuar karrierë mbresëlënëse me një sërë hitesh ndërkombëtare, bashkëpunime me artistë si David Guetta, Nicki Minaj, Dua Lipa, Doja Cat, Martin Garrix e të tjerë, duke e konsoliduar veten si një nga zërat më të fuqishëm të muzikës pop moderne.

“Me, Myself & I” mbetet një pikë kthese në rrugëtimin artistik, këngë që e shndërroi Rexhën nga autore prapa skenës në yll botëror. /A.Z/UBT News/

 

Continue Reading

Magazinë

Kidman zhvendoset në Portugali pas ndarjes nga Urban?

Published

1 hour ago

on

October 15, 2025

By

Pas ndarjes së saj të profilit të lartë nga Keith Urban, aktorja fituese e Oscar-it, Nicole Kidman, po përgatitet për një kapitull të ri në jetën e saj, duke kërkuar një shtëpi të re në Portugali.

Sipas raportimeve të Variety dhe SIC Notícias, Kidman ka shprehur interes për të blerë një pronë në CostaTerra Golf & Ocean Club, një vendpushim luksoz i njohur si “Hamptons i Portugalisë”, vetëm një orë në jug të Lisbonës.

Zona është një prej më të shtrenjta dhe të kërkuara në Evropë, ku jetojnë personalitete si Princi Harry dhe Meghan Markle, George Clooney, Paris Hilton dhe Princesha Eugenie.

Kidman ka aplikuar për leje qëndrimi pranë autoriteteve që në korrik, e shoqëruar nga dy fëmijët, Sunday Rose e Faith Margaret. Mungesa e Urban nga dokumentet ka nxitur spekulimet se çifti ka ndjekur rrugë të ndara, ndërsa Kidman ndodhej në SHBA për detyrime profesionale.

CostaTerra Golf & Ocean Club, krijuar nga Mike Meldman, mbulon sipërfaqe prej 722 hektarësh përgjatë Atlantikut dhe ofron një komunitet të mbyllur me standarde të larta, duke përfshirë fushë golfi, qendër hipizmi, klub plazhi, spa, zona Wellness dhe një fermë organike.

Mediat ndërkombëtare e kanë krahasuar vendpushimin me Saint-Tropez-in e viteve 1960 ose Ibizën para se të bëhej qendër turistike.

Ajo udhëtoi në Portugali në korrik për një takim me Shërbimin e Imigracionit dhe Azilit, gjë që ka nxitur spekulime se do zhvendoset aty.

Pas 19 vjet martesë dhe një pasurie neto të kombinuar prej 282 milionë dollarësh, Kidman është e gatshme për një fillim të ri larg SHBA-së.

Në një intervistë të fundit, ajo foli për sfidat e jetës dhe tha:“Kam parë shumë, kam jetuar shumë dhe kam mbijetuar shumë. Ndërsa plakem, dua të ndaj mençurinë që kam fituar dhe ta lë dhimbjen dhe shkatërrimin pas meje.” /A.Z/UB T News/

Continue Reading

Magazinë

Vdes muzikanti legjendar D’Angelo, në moshën 51-vjeçare

Published

3 hours ago

on

October 15, 2025

By

Muzikanti dhe producenti legjendar amerikan, D’Angelo, ka ndërruar jetë në moshën 51-vjeçare.

Këtë e ka bërë të ditur familja e tij duke publikuar një njoftim në rrjetet sociale.

“Ylli që ka ndriçuar familjen tonë ka ndalur dritën e tij në këtë botë… Pas një beteje të gjatë me kancerin, me zemër të thyer njoftojmë se Michael D’Angelo Archer, i njohur në mbarë botën si D’Angelo, ka ndërruar jetë sot, më 14 tetor 2025,” thuhet në deklaratë.

Ata shtuan se, “jemi të pikëlluar, por thellësisht mirënjohës për trashëgiminë e muzikës së jashtëzakonshme që ka lënë pas. Ju lutemi të respektoni privatësinë tonë në këtë periudhë të dhimbshme, por ju ftojmë të bashkoheni me ne në kujtimin e tij.”

Sipas raportimeve të TMZ, shkaku i vdekjes ishte kanceri i pankreasit.

I lindur në Virginia, D’Angelo publikoi tre albume: debutimin e tij të famshëm “Brown Sugar” (1995), pasuar nga “Voodoo”, dhe albumin e fundit “Black Messiah”, që përmban 12 këngë, përfshirë “Really Love”, kënga e parë zyrtare pas “I Found My Smile Again” në vitin 2008.

“Black Messiah” arriti vendin e parë në tabelat e albumeve R&B/Hip-Hop dhe Indie Store në SHBA, u rendit i pesti në US Billboard 200, duke vulosur statusin e D’Angelo-s si një nga zërat më të mëdhenj dhe më me ndikim në historinë e muzikës R&B. /A.Z/UBT News/

 

Continue Reading

Magazinë

Princi dhe Princesha e Uellsit habitin me veprimin

Published

21 hours ago

on

October 14, 2025

By

Princi dhe Princesha e Uellsit, së bashku me tre fëmijët e tyre, Princi George (12), Princesha Charlotte (10) dhe Princi Louis (7) – pritet të zhvendosen në shtëpinë e tyre të re, Forest Lodge në Windsor, në fillim të nëntorit.

Shtëpia me tetë dhoma gjumi ndodhet në pronën Windsor Great Park dhe konsiderohet “shtëpia e përhershme” e familjes, pas disa vitesh sfiduese.

Fillimisht u raportua se çifti mbretëror shpresonte të vendosej për Krishtlindje, por punimet e rinovimit përfunduan më herët se parashikohej. Sipas Daily Mail, stafi ka nisur të zhvendosë sendet personale, ndërsa është vendosur një perimetër sigurie prej 150 hektarësh, në bashkëpunim me Home Office.

Fëmijët janë në pushimin e gjysmëvitit nga shkolla Lambrook që nga 17 tetori, Princi William (43) do të jetë në Brazil nga 3 deri 7 nëntor, për eventin Earthshot Prize dhe konferencën për klimën COP30.

Princesha Kate (43) nuk do ta shoqërojë, është e angazhuar me mobilimin dhe arredimin e shtëpisë së re.

Ky ndryshim vjen pas një periudhe të vështirë: humbja e Mbretëreshës Elizabeth, diagnoza e kancerit për Kate dhe Mbretin Charles në fillim të 2024, dhe përballja me sfida personale dhe emocionale.

Forest Lodge përfaqëson një fillim të ri për familjen mbretërore. /A.Z/UBT News/

 

Continue Reading

Të kërkuara