Sport

Ancelotti njofton në konferencë për largimin e yllit të madh nga Real Madridi

Kapiteni i Uellsit ka startuar vetëm katër ndeshje në La Liga këtë sezon.

Published

on

Trajneri i Real Madridit, Carlo Ancelotti, ka konfirmuar se Gareth Bale do të largohet nga klubi kur t’i skadojë kontrata në fund të këtij sezoni.

Kapiteni 32-vjeçar i Uellsit, i cili e kaloi sezonin e kaluar si i huazuar te Tottenhami, ka startuar vetëm katër ndeshje në La Liga këtë sezon.

Bale u rikthye në formacionin fillestar të Madridit në barazimin 0-0 të së shtunës me Villarrealin dhe pas asaj loje Ancelotti çuditërisht e futi atë në listë për ndeshjen e 1/16 të Ligës së Kampionëve të së martës me Paris Saint-Germain.

Trajneri i Madridit u pyet sërish për Bale të hënën dhe zbuloi se koha e tij me klubin spanjoll po shkon drejt fundit.

“Kam një marrëdhënie të mirë me të dhe me pjesën tjetër të lojtarëve”, u tha Ancelotti gazetarëve. “Marrëdhëniet personale janë të forta kur të gjithë tregojnë respekt dhe ai e ka bërë gjithmonë këtë dhe nuk më ka zhgënjyer kurrë në këtë drejtim”.

“Në të kaluarën, ai nuk ka pasur motivim të madh, por ai dëshiron t’i përfundojë gjërat këtu në një mënyrë të mirë. Bale e ka ndihmuar këtë klub për të fituar Ligën e Kampionëve, Kupën e Mbretit dhe largimi në një nivel të lartë nga këtu do të ishte mirë për karrierën e tij”, tha në fund trajneri italian.

Bale iu bashkua Real Madridit në vitin 2013 dhe ka kaluar një periudhë të lavdishme në klub, duke i ndihmuar ata të fitojnë dy tituj të La Liga-s së bashku me kurorëzimin e katër herë si kampionë evropianë, ndërkohë që ka pasur periudha kur ka qenë jashtë skuadrës për shkak të dëmtimeve.

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Sport

Gjakova dhe Cena garojnë sot në Evropianin e xhudos

Published

on

By

Pas suksesit madhështor të Distria Krasniqit, e cila një ditë më parë u shpall kampione e Evropës, sot vëmendja e sportit kosovar është sërish në Podgoricë, ku Akil Gjakova dhe Dardan Cena do të zbresin në tatami për të përfaqësuar Kosovën në Kampionatin Evropian të xhudos.

Të dy xhudistët janë në formë të mirë dhe parashikimet janë premtuese – pritjet janë që të sjellin edhe ata medalje për Kosovën, duke vazhduar traditën e artë të këtij sporti që tashmë është bërë krenaria kombëtare.

Nën drejtimin e trajnerit Driton Kuka, xhudoja kosovare ka kthyer në zakon sukseset në arenën ndërkombëtare, dhe ky kampionat duket se po vulos një tjetër kapitull të ndritur për ekipin tonë.

Continue Reading

Rajoni

​Ylli rizgjidhet president i Komitetit Olimpik Shqiptar

Published

on

By

Fidel Ylli është rizgjedhur Presidentit i Komitetit Olimpik Kombëtar Shqiptar (KOKSH) edhe për 4 vitet e ardhshme. Në Asamblenë e 31-të të Përgjithshme Zgjedhore të mbajtur në Tiranë, Ylli ka marr besimin për të drejtuar Komitetin Olimpik Kombëtar Shqiptar për një tjetër mandat.

Gjatë punimeve të Asamblesë është votuar edhe për zv Presidentin e Komitetit Olimpik. Erli Pellumbi mori besimin nga asambleja dhe u ri zgjodh si zv President i Komitetit Olimpik.

Asambleja votoi dhe për Komitetin Ekzekutiv të KOKSH, që do të përbëhet nga Alfred Tahiraj, Enkeleda Caushi, Florend Kalivopuli, Julinda Dhame, Izmir Smajlaj, Krenar Dila, Leonard Luli, Pavlina Evro.

Siç është bërë traditë në çdo Asamble të KOKSH, janë dorëzuar Urdhrat Olimpikë, për figura që kanë dhënë kontribut ndër vite në sportin shqiptar, që përkonin me emrat e Theodhori Driza, Emin Lishi, Mustafa Fagu, Krenar Luto dhe Sytki Tafili.

Continue Reading

Sport

Marcus Rashford ‘nuk dëshiron’ të luajë sërish nën drejtimin e Ruben Amorimit

Published

on

Sipas BBC, Marcus Rashford nuk pritet të luajë përsëri për Manchester United, ndërsa Ruben Amorim mbetet në krye. 

27-vjeçari, aktualisht i huazuar në Aston Villa , ka rizbuluar formën me katër gola që nga transferimi i tij në shkurt – duke përfshirë një në humbjen e fundit 2-1 ndaj Manchester City.

Megjithatë, pavarësisht se ka kontratë me Man United deri në vitin 2028, marrëdhënia e Rashford me Amorim duket e tensionuar.

Edhe pse Rashford besohet të jetë i hapur për një rikthim në “Old Trafford”, ai nuk dëshiron të luajë nën drejtimin e Ruben Amorim.

Amorim e përjashtoi Rashfordin nga skuadra në dhjetor dhe nuk e ka përzgjedhur atë në skuadrën e ndeshjes, përveçse e emëroi atë një zëvendësues të papërdorur në humbjen ndaj Newcastle.

Continue Reading

Të kërkuara