Këngëtarja 33-vjeçare Demi Lovato, e cila u martua këtë vit me Jordan “Jutes” Lutes, thotë se për vite me radhë ka ndier presionin shoqëror për t’u martuar herët.

Në një intervistë për Who What Wear, ajo u shpreh se gjithçka ndodhi natyrshëm dhe se tani është më e lumtur se kurrë.

“I thashë burrit tim sot: ‘Nuk e kam ndier kurrë më shumë dashuri për ty. As nuk e mendoja se mund të rritej kaq’”, ka treguar ajo.

Demi, e cila ka pasur më herët lidhje me Joe Jonas, Wilmer Valderrama dhe Max Ehrich, thotë se përvojat e së kaluarës i kanë mësuar rëndësinë e punës me veten.

“Nuk isha bërë ende kujdesin e duhur për veten. Universi të shpërblen kur punon me veten. U përgatita për të qenë e vetme dhe vetëm atëherë isha gati të ndaja jetën me dikë tjetër,” ka thënë ajo.

Ajo ka folur edhe për vendimin për të qenë e hapur me fansat rreth sfidave personale.

Pas trajtimit në rehabilitim më 2010 për çrregullim bipolar dhe bulimi, këngëtarja thotë se ndjeu përgjegjësi të tregonte të vërtetën e saj.

“Kisha një shpërthim publik në moshën 18 vjeçare, për të cilin kam folur edhe në dokumentarët e mi,” u shpreh Demi. /A.Z/UBT News/

Aktori i njohur amerikan, Kevin Spacey, ka folur hapur për gjendjen e tij financiare dhe jetën pas skandaleve që e vunë në qendër të mediave ndërkombëtare.

Ai u lirua përfundimisht nga akuzat për sulm seksual të ngritura nga katër burra në Mbretërinë e Bashkuar, por pranon se vitet e fundit kanë qenë “astronomike” nga pikëpamja e shpenzimeve.

“Unë jetoj në hotele, përdor apartamente Airbnb dhe shkoj aty ku është puna. Fjalë për fjalë nuk kam shtëpi,” tha Spacey për The Telegraph, duke shtuar se kjo është mënyra se si po përpiqet të menaxhojë situatën e tij. Ai shtoi se gjendja e tij financiare nuk është e shkëlqyer, megjithatë falimentimi nuk ka ndodhur: “Kisha shumë pak të ardhura dhe shumë shpenzime.”

Aktori komentoi për bojkotin që përjetoi në Hollywood dhe mënyrën si po e kapërcen atë: “Në një mënyrë të çuditshme, ndihem sikur jam kthyer aty ku fillova… gjithçka është në magazinë dhe shpresoj që një ditë të vendos se ku dua të vendosem përsëri.”

Spacey është akuzuar nga mbi 30 burra, përfshirë Anthony Rapp, për sjellje të papërshtatshme ose sulm seksual, me akuzat që dolën në vitin 2017. Si pasojë, Netflix e largoi nga seriali “House of Cards”, ku u zëvendësua nga Robin Wright.

Në korrik 2023, ai u lirua nga akuzat në Mbretërinë e Bashkuar dhe në një padi të vitit 2022 në Nju Jork u shpall i pafajshëm. Gjatë dokumentarit “Spacey Unmasked” në 2024, ai mohoi çdo shkelje, duke deklaruar se nuk mund të lejonte të sulmohej pa bazë.

Në maj të këtij viti, Spacey pranoi një çmim për arritje jetësore në Kanë, duke përshkruar vitet e fundit si sfiduese, por të mbushura me mësime dhe përvojë personale. /A.Z/UBT News/

Gjatë Royal Variety Performance më 19 nëntor në Royal Albert Hall, Londër, Kate Middleton dhe këngëtarja britanike Jessie J ndanë një moment prekës solidariteti.

Të dyja kanë kaluar përvoja të vështira me kancerin, dhe përqafimi i tyre prapaskenë u përshkrua nga Jessie J si një gjest “nënë më nënë”.

Ky event shënoi daljen e parë publike të Kate Middleton pas trajtimit të saj për kancer në vitin 2024.

Ajo u shfaq elegante me fustan kadife të gjelbër, ndërsa Princ William mbante smoking me velvet të zi. Jessie J, që u diagnostikua me kancer të gjirit dhe iu nënshtrua mastektomisë, ka ndarë hapur përvojën e saj me fansat.

Gjatë javës, Princesha e Uellsit mbajti edhe fjalimin e saj të parë publik që nga diagnoza, duke falënderuar për mbështetjen dhe duke folur për sfidat e trajtimit. /A.Z/UBT News/