Lajmet

Al Jazeera paraqet rastin e vrasjes së Shireen Abu Aqla në Gjykatën Ndërkombëtare Penale

Gazetarja u qëllua në kokë gjatë një sulmi të ushtrisë izraelite gjatë muajit maj të këtij viti.

Published

3 years ago

on

Rrjeti Al Jazeera ka paraqitur një rast kundër forcave izraelite në Gjykatën Penale Ndërkombëtare (ICC) për vrasjen e Shireen Abu Aqla.

Gazetarja palestinezo-amerikane u qëllua në kokë gjatë një sulmi të ushtrisë izraelite në Bregun Perëndimor të pushtuar gjatë muajit maj të këtij viti.

Ushtria izraelite arriti në përfundimin se një nga ushtarët e saj ndoshta e vrau atë, por e quajti vdekjen e “të paqëllimshme”.

Al Jazeera ka thënë se kjo ishte plotësisht e pabazuar dhe se provat e saj treguan se ishte një “vrasje e qëllimshme”.

Kryeministri izraelit në largim Yair Lapid tha,“askush nuk do të hetojë ushtarët [Forcat e Mbrojtjes së Izraelit] dhe askush nuk do të na predikojë për moralin në luftë, e sidomos jo Al Jazeera”.

Izraeli nuk e njeh autoritetin e Gjykatës Penale Ndërkombëtare dhe ka refuzuar të bashkëpunojë ta për krime të mundshme lufte në territoret e pushtuara.

Shireen Abu Aqla, e cila ishte 51 vjeç, shkoi në kampin e refugjatëve Jenin më 11 maj për të raportuar për kanalin televiziv arab të Al Jazeera-s mbi një bastisje izraelite që kishte parë përleshje me armë midis ushtarëve dhe militantëve palestinezë.

Ajo kishte veshur një helmetë dhe një xhaketë blu të shënuar “PRESS” kur u vra ndërsa po ecte përgjatë rrugës me gazetarë të tjerë, një prej të cilëve u qëllua dhe u plagos gjithashtu.

Gazetarët, kalimtarët dhe zyrtarët palestinezë thanë se të shtënat erdhën nga trupat izraelite të stacionuara rreth 200 metra larg – pretendime të cilat më vonë u mbështetën nga hetimet nga OKB-ja dhe organizata të shumta mediatike.

Forcat e Mbrojtjes së Izraelit (IDF) fillimisht thanë se nuk ishte e mundur të dihej se kush e vrau Abu Aklën. Por në shtator një zyrtar i lartë u tha gazetarëve se kishte një probabilitet të lartë që ajo të ishte qëlluar “gabimisht nga një ushtar i IDF-së, dhe natyrisht ai nuk e identifikoi atë si gazetare”.

Al Jazeera, e cila është e bazuar në Doha dhe financohet nga shteti i Katarit, tha në një deklaratë të martën se ekipi i saj ligjor kishte kryer një hetim të detajuar mbi vrasjen dhe “zbuloi prova të reja”, duke përfshirë rrëfime të dëshmitarëve okularë dhe video të shumta.

“Al Jazeera ka theksuar në dorëzimin e saj ndaj Prokurorit të ICC-së se provat e reja të dëshmitarëve dhe pamjet video tregojnë qartë se Shireen dhe kolegët e saj u qëlluan drejtpërdrejt nga Forcat pushtuese izraelite (IOF)”, tha ajo. “Pretendimi i autoriteteve izraelite se Shireen u vra gabimisht në një shkëmbim zjarri është plotësisht i pabazuar”.

“Dëshmitë e paraqitura në Prokurorinë (OTP) konfirmojnë, pa asnjë dyshim, se nuk kishte të shtëna në zonën ku ndodhej Shireen, përveç IOF [Forcat pushtuese izraelite] që qëllonin drejtpërdrejt mbi të. IOF kishte pamje të plotë të gazetarëve ndërsa ecnin si një grup, ngadalë në rrugë me jelekët e tyre të veçantë mediatik, dhe nuk kishte persona të tjerë në rrugë”.

Deklarata shtoi se“dëshmitë tregojnë se kjo vrasje e qëllimshme ishte pjesë e një fushate më të gjerë për të shënjestruar dhe heshtur Al Jazeera-n”.

Rodney Dixon, avokat për Al Jazeera, tha se fushata përfshinte sulmin ajror izraelit që shkatërroi një bllok kullë të qytetit të Gazës që strehonte zyrat e Al Jazeera-s dhe agjencisë së lajmeve Associated Press (AP) gjatë një konflikti midis Izraelit dhe militantëve palestinezë në maj të vitit 2021.

Familja e Abu Aqla-s, e cila paraqiti ankesën e saj në ICC në shtator, tha se ata e mbështesin paraqitjen e Al Jazeera-s./UBTNews/

Related Topics:
Continue Reading

Aktualitet

Pjesëmarrësit e Konferencës Ndërkombëtare të Muzikës Moderne në UBT nisin dorëzimin e abstrakteve

Published

2 hours ago

on

September 18, 2025

By

Në UBT kanë nisur aplikimet dhe pranimi i abstrakteve për Konferencën Ndërkombëtare për Muzikën Moderne dhe Prodhimin e Audios (IC-MDM), e cila këtë vit zhvillohet si pjesë e edicionit të 14-të të UBT International Conference for Business, Technology and Innovation, me fokusin kryesor: “Resilience and Sustainability”.

Kjo konferencë synon të mbledhë së bashku shkencëtarë, studiues, kompozitorë, producentë, artistë dhe praktikues nga fusha të ndryshme të muzikës dhe teknologjisë së zërit, për të ndarë përvoja, rezultate kërkimore dhe praktika bashkëkohore që lidhen me zhvillimet më të fundit në muzikë dhe audio.

Fushat kryesore të interesit për përzgjedhje përfshijnë (por nuk kufizohen vetëm në):

  • Antropologjia Muzikore
  • Historia e Muzikës & Muzikologjia
  • Instrumentet Muzikore & Performanca
  • Didaktika dhe Edukimi Muzikor
  • Kompozimi Bashkëkohor
  • Prodhimi Muzikor & Audio
  • Dizajni i Zërit
  • Muzika dhe Teknologjia
  • Muzika dhe Inteligjenca Artificiale (AI)

Afatet e rëndësishme:

  • Dorëzimi i abstrakteve: 10 tetor 2025
  • Njoftimi i pranimit: 17 tetor 2025
  • Rishikimi shkencor (peer-reviewed): 17 tetor 2025
  • Regjistrimi i hershëm: 17 tetor 2025
  • Regjistrimi i vonuar: 20 tetor 2025
  • Dorëzimi i punimeve të plota: 14 nëntor 2025

Punimet e paraqitura duhet të jenë origjinale, të papublikuara dhe jo në proces shqyrtimi në ndonjë konferencë tjetër. Gjatësia maksimale e tyre është 6 faqe, ndërsa të gjitha materialet që nuk përmbushin kriteret e formatit nuk do të merren parasysh.

Kjo konferencë përbën një hapësirë unike ndërdisiplinare ku muzika takohet me shkencën, teknologjinë dhe krijimtarinë, duke nxitur dialogun mes studiuesve dhe profesionistëve nga vende të ndryshme të botës.

Continue Reading

Lajmet

Më 22 shtator dëshmitari i ri i mbrojtjes në rastin Thaçi dhe të tjerët

Published

2 hours ago

on

September 18, 2025

By

Pas përfundimit të dëshmisë së dëshmitarit Paul Williams, gjykimi në çështjen kundër Thaçit, Veselit, Selimit dhe Krasniqit përfundoi për ditën e sotme dhe për këtë javë. Gjykimi do të rinis të hënën.

Pas përfundimit të dëshmisë së dëshmitarit Paul Williams, gjykimi në çështjen kundër Thaçit, Veselit, Selimit dhe Krasniqit përfundoi për ditën e sotme dhe për këtë javë.

Gjykimi do të rinis të hënën, më 22 shtator në ora 09:00, kur pritet të fillojë dëshminë një dëshmitar i ri i thirrur prej Mbrojtjes.

Të hënën pritet të nisë dëshminë dëshmitari i tretë me radhë, një britanik, i thirrur nga mbrojtja e ish-presidentit Hashim Thaçi.

Paul Williams, dëshmitari i dytë i mbrojtjes Thaçi në Gjykatën Speciale në Hagë, sot deklaroi se delegacioni i Kosovës në Rambuje dhe vet Hashim Thaçi kërkonin pavarësinë.

“Hashim Thaçi dhe do të thoja të gjithë anëtarët e delegacionit shqiptar të Kosovës dhe ekspertët tyre kosovarë, shqiptarë, kërkonin pavarësinë”, tha Williams.

Williams tha se i ka treguar delegacionit rrugën drejt pavarësisë.

“Pavarësia ishte e domosdoshme. Kam kaluar shumë kohë duke u shpjeguar rrugën se si mund të arrinin pavarësinë në qoftë se fjala pavërsi nuk shkruhej në marrëveshjen e Rambujesë’, shtoi ai.

Williams më tej theksoi shkollimin e Hashim Thaçit në Zvicër, duke potencuar se ai ka pasur kulturë të sjelljes./D.B/EO

Continue Reading

Lajmet

Basha pret në takim ambasadorin e Shqipërisë, Petrit Malaj

Published

2 hours ago

on

September 18, 2025

By

Kryetari i Kuvendit të Republikës së Kosovës, Dimal Basha, ka pritur sot në takim Ambasadorin e Republikës së Shqipërisë, Petrit Malaj dhe zëvendësamasadoren, Pranvera Teli.

Gjatë takimit, Basha dhe Malaj diskutuan për idenë e mundësisë së krijimit të një Zyreje Ndërlidhëse në kuvendet e të dyja shteteve, ku deputetët do të informohen në kohë reale për zhvillimet brenda institucioneve përkatëse, pastaj ku shkëmbehen njoftimet për qëndrimet e kuvendeve në raport me temat e caktuara si dhe ku përditësohen lajmet lidhur me procedurat dhe iniciativat në zhvillim me rëndësi për dy vendet.

“Kjo do të ndihmonte edhe në mësim reciprok nga përvoja e komisioneve parlamentare dhe trupat punuese të dyja shteteve, ku shkëmbimi i praktikave më të mira dhe forcimi i bashkëpunimit ndërinstitucional do të lehtësonte adresimin e çështjeve të përbashkëta për të avancuar agjendat e zhvillimit të dy kuvendeve“, thuhet në njoftim.

Basha më tej theksoi rëndësinë e mbështetjes së vazhdueshme të Shqipërisë për procesin e integrimit të Kosovës në Bashkimin Evropian, duke shprehur angazhimin serioz të Kuvendit të Kosovës për të avancuar në këtë drejtim. Ai gjithashtu uroi Ambasadorin Malaj për hapjen e katër kapitujve në negociatat për anëtarësimin e Shqipërisë në BE, duke vlerësuar këtë arritje si moment të rëndësishëm përpara në rrugën e integrimit evropian/D.B/KP

Continue Reading

Lajmet

Haradinaj takohet me ambasadoren greke, kërkon njohjen e Kosovës nga Greqia

Published

2 hours ago

on

September 18, 2025

By

Kreu i AAK-së, Ramush Haradinaj, ka takuar sot shefen e Zyrës Ndërlidhëse të Greqisë, Heleni Vakali.

Haradinaj përmes një postimi në Facebook ka shkruar se temë e diskutimit ishin zhvillimet në Kosovë dhe rajon si dhe raportet mes dy vendeve, transmeton KosovaPress.

“Sot prita në selinë e Aleancës Shefen e Zyrës Ndërlidhëse të Greqisë, znj. Heleni Vakali.Biseduam për zhvillimet në Kosovë dhe rajon, për raportet ndërmjet dy vendeve tona, si dhe për mundësitë e thellimit të mëtejshëm të tyre“, ka shkruar ai.

Tutje, Haradinaj tha se ka kërkuar edhe njohjen e Kosovës nga Greqia, duke potencuar se nga kjo do të përfitonin të dy vendet dhe i gjithë rajoni.

“Ambasadores Vakali i shpreha mirënjohje për mbështetjen e dhënë proceseve për Kosovën dhe e ftova që të mbështesë vendin tonë në angazhimet për njohjen e shtetit të Kosovës nga Greqia dhe në proceset e integrimit euro-atlantik. Njohja e Kosovës nga Greqia do të krijonte horizonte të reja zhvillimi, nga e cila do të përfitonin jo vetëm vendet tona, por i gjithë rajoni“, përfundoi ai./D.B/KP

Continue Reading

Të kërkuara