Sot, më 11 nëntor 2025, aktori i njohur Leonardo DiCaprio feston 51-vjetorin e lindjes, duke lënë pas një karrierë të jashtëzakonshme në kinematografi dhe një angazhim të veçantë për çështjet mjedisore.

I njohur për rolet e tij në filma si Titanic, Inception, The Revenant dhe The Wolf of Wall Street, DiCaprio ka treguar një pasion për artin e tij, duke sjellë në ekran personazhe komplekse dhe të paharrueshme. Përveç suksesit në Hollywood, ai është edhe një aktivist i zjarrtë për mbrojtjen e mjedisit e ndryshimeve klimatike, duke përdorur famën e tij për të ngritur zërin për çështjet më të rëndësishme globale.

Gjatë karrierës, Leonardo ka ndarë edhe mendimet mbi jetën, për suksesin dhe për sfidat: “Nëse mund të bësh atë që bën më mirë dhe të jesh i lumtur, je më përpara në jetë se shumica e njerëzve” dhe “Trashëgimia e një njeriu përcaktohet nga mënyra si përfundon historia.”

Fjalët e tij reflektojnë filozofinë e jetës së një njeriu që ka kaluar përmes dështimeve, sfidave dhe triumfeve të mëdha.

Leo vazhdon të frymëzojë miliona njerëz jo vetëm si aktor, por edhe si një model për këmbëngulje, pasion dhe përgjegjësi sociale.

Sot, teksa feston 51 vjet, mbetet një nga ikonat më të rëndësishme të Hollywood-it, një nga zërat më të fuqishëm për mbrojtjen e planetit. /A.Z/UBT News/

Ariana Grande shijoi një darkë luksoze me familjen e saj në Mayfair pas premierës së filmit Wicked: For Good, por i dashuri i saj, Ethan Slater, mungoi dukshëm.

Ylli i pop-it, 31 vjeç, u shfaq me një fustan të zi të zbukuruar me motive lulesh, ndërsa prindërit dhe vëllai i saj ishin të pranishëm.

Burime pranë çiftit kanë pohuar se marrëdhëniet mes Arianës dhe Ethanit janë tensionuar.

Në tapetin e kuq, dyshja nuk pozuan së bashku, gjë që ka nxitur spekulime mbi lidhjen e tyre, shkruan DailyMail.

Ethan reagoi ndaj thashethemeve me një postim domethënës në Instagram gjatë fundjavës.

Premierë e Wicked: For Good solli Ariana-n dhe bashkë-aktorën Cynthia Erivo në qendër të vëmendjes, të dyja të veshura me fustane elegante të errëta, në kontrast me ngjyrat e përdorura për promovimin e filmit të parë.

Filmi, i cili do të dalë në kinema më 21 nëntor, përfundon rrëfimin e dy shtrigave të Ozit dhe vijon suksesin e muzikëlit origjinal. Ariana dhe Cynthia performuan disa këngë nga vazhdimi, duke treguar kiminë e tyre të gjallë dhe energjinë gjatë intervistave dhe fotografive.

I drejtuar nga Jon M. Chu, fitues çmimesh, filmi vazhdon linjën e suksesit të Wicked, i cili fitoi mbi 747 milionë dollarë në biletari dhe mori shumë vlerësime kritike. /A.Z/UBT News/

Një nga momentet më simbolike për çdo Zonjë të Parë të Shteteve të Bashkuara është publikimi i portretit zyrtar, fotografia që shpërndahet nga Shtëpia e Bardhë, arkivohet në Regjistrat Kombëtarë dhe shënon zyrtarisht fillimin e mandatit të saj.

Për Michelle Obamën, ky moment erdhi 16 vite më parë dhe u shoqërua me komente të shumta – jo vetëm për stilin, por edhe për një detaj që do të bëhej temë kombëtare: krahët e saj.

Në fotografinë zyrtare, ish-Zonja e Parë pozon me një fustan të zi elegant, pa mëngë, të dizajnuar nga stilisti amerikan Michael Kors.

Sot, kjo pamje konsiderohet një ikonë mode dhe vetëbesimi, por në atë kohë, ajo ndezi një debat të pazakontë në publik dhe media:

“A duhet që Zonja e Parë të tregojë krahët?” “Sleevegate” – kur moda u kthye në politikë.

Në librin e ri “The Look”, publikuar së fundmi dhe i dedikuar evoluimit të stilit të Michelle gjatë viteve në Shtëpinë e Bardhë, rrëfen si vëmendja mediatike ndaj pamjes së saj u përdor për ta paraqitur si “të ndryshme”.

Sipas Obamës, fokusi i tepruar tek detaje të tilla i shpërqendronte njerëzit nga puna dhe mesazhet që përfaqësonte. Libri përfshin rrëfime nga stilistja Meredith Koop e nga dizajnerë tjerë, që tregojnë si moda u shndërrua për Michelle në mjet përfaqësimi, diversiteti dhe fuqizimi.

Debati arriti kulmin kur ajo shoqëroi Barack Obamën në fjalimin e parë para Kongresit, sërish me një fustan pa mëngë. Mediat e etiketuan pamjen si “tepër informale” dhe “të papërshtatshme”, duke krijuar madje edhe një term të veçantë për këtë diskutim: “Sleevegate”.

Sot, ajo foto dikur e kritikuar është shndërruar në një simbol të guximit, autenticitetit dhe fuqisë femërore. Për shumë njerëz, ajo mbetet një kujtesë se edhe zgjedhjet estetike mund të jenë deklarata të forta për identitetin dhe pavarësinë. /A.Z/UBT News/