Kronikë e zezë

Aktakuzë ndaj katër personave në rastin e mashtrimit për investim në kriptovaluta

Aktakuza është ngritur ndaj të pandehurve F.C., R.S., L.G. dhe E.S.

Published

3 years ago

on

Prokuroria Themelore në Prishtinë ka bërë të ditur sot se ka ngritur aktakuzë ndaj pesë personave në rastin e mashtrimit për investim në kriptovaluta

Aktakuza është ngritur ndaj të pandehurve F.C., R.S., L.G. dhe E.S., në drejtim të veprave penale “Mashtrimi” dhe “Shmangia nga tatimi”.

“Sipas aktakuzës, të pandehurit e lartcekur në vazhdimësi, duke filluar nga mesi i vitit 2020 e deri më 12.10.2022, në Prishtinë dhe në vende të tjera në Kosovë, duke vepruar në bashkëkryerje me qëllim të përfitimit të kundërligjshëm të dobisë pasurore për vete, kanë mashtruar të dëmtuarit, përmes komunikimit në forma të ndryshme dhe emra të rrejshëm përmes rrjeteve sociale, duke i vënë në lajthim kinse do të përfitonin shuma të mëdha të parave, me qëllim të investimit në kriptovaluta në një platformë të emëruar GREEN-SKRILL, ashtu që të dëmtuarit kanë vepruar në dëm të pasurisë së tyre, duke iu dhënë para kesh dhe duke iu dërguar shuma të ndryshme të parave në emër të pandehurve në institucionet mikrofinanciare, çka me këto veprime të pandehurit kanë realizuar përfitim pasuror në mënyrë të kundërligjshme, dhe atë në shumën e përgjithshme 304,539.00€ (treqind e katër mijë e pesëqind e tridhjetë e nëntë euro), me ç ‘rast të dëmtuarve iu kanë shkaktuar dëm të konsiderueshëm pasuror. Me këto veprime te pandehurit kanë kryer veprën penale “Mashtrimi”, nga neni 323, paragrafi 4 lidhur me paragrafin 1, lidhur me nenin 31 dhe 77 të Kodit Penal të Republikës së Kosovës. Po ashtu, të pandehurit: F.C., (në cilësinë e pronarit të biznesit), R.S., (në cilësinë e personit fizik) dhe E.S., (në cilësinë e personit fizik) dhe L.G., (në cilësinë e personit fizik), në vazhdimësi, duke filluar nga mesi i vitit 2020 e deri më 10.10.2022, i janë shmangur tërësisht pagesës së tatimit dhe kontributeve pensionale, në atë mënyrë që derisa kanë pranuar të ardhura përmes institucioneve mikrofinanciare, nuk e kanë deklaruar tatimin që kërkohet me ligjin e Administratën Tatimore të Kosovës, çka me këto veprime i janë shmangur tatimit dhe kontributeve personale në vlerë prej 39,734.34€ (tridhjetë e nëntë mijë e shtatëqind e tridhjetë e katër euro)”, është bërë e ditur nga gjykata.

Me këto veprime të pandehurit e lartcekur kanë kryer veprën penale “Shmangia nga tatimi”, nga nenin 307 paragrafi 2 lidhur me nenin 77 të Kodit Penal të Republikës së Kosovës.

Prokurori i Shtetit, siç është bërë ditur, me rastin e ngritjes së aktakuzës i ka propozuar Gjykatës që të pandehurit të shpallen fajtor dhe të dënohen sipas ligjit për veprat penale, të cilat iu vihen në barrë, si dhe të pandehurit F.C., t’i vazhdohet masa e paraburgimit, pasi që ende nuk kanë pushuar shkaqet ligjore për qëndrimin e tij në paraburgim.

Related Topics:
Continue Reading

Kronikë e zezë

Digjet një shtëpi në Vushtrri, vdes një 80-vjeçare

Published

1 day ago

on

January 16, 2026

By

Një shtëpi në fshatin Gracë të Vushtrrisë është djegur, ku si pasojë ka vdekur një 80-vjeçare.

Rastin e ka konfirmuar Policia e Kosovës, duke bërë me dije se po hetohet si “vdekje e dyshimtë”.

Me vendim të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore (IML) për obduksion.

“Me datën 15 janar 2026, rreth orës 22:20, Policia ka pranuar informatën se në fshatin Gracë të Vushtrrisë, një shtëpi banimi është kapluar nga zjarri. Njësitet përkatëse policore dhe zjarrfikëse kanë dalë menjëherë në vendngjarje. Si pasojë e përfshirjes së shtëpisë nga zjarri , në vendngjarje ka humbur jetën viktima femër, e moshës rreth 80-vjeçare. Ekipet emergjente mjekësore kanë konstatuar vdekjen e viktimës në vendin e ngjarjes. Hetuesit policorë në koordinim me Prokurorin kompetent janë duke ndërmarrë të gjitha veprimet hetimore për të sqaruar rrethanat e rastit”, ka njoftua Policia.

Continue Reading

Kronikë e zezë

Shuma rekorde: Shqiptarit në Kroaci i konfiskohen 702,385 euro, Audi A5 dhe dy iPhone

Published

2 days ago

on

January 15, 2026

By

Kur punëtori shqiptar i ndërtimit N. G. (35) mbërriti në pikën kufitare Karasoviqi në mes të natës më 6 tetor të vitit të kaluar në një Audi A5 me regjistrim italian, ai ishte i bindur se sekreti që po transportonte ishte i fshehur mirë. Ai përbëhej nga 28 qese vakumi të fshehura shumë mirë në plastikën anësore të automjetit dhe në sfungjerët izolues pas fletës së dyfishtë metalike të shasisë, shkruan portali kroat Jutarnji List.

Kur oficerët e doganës kontrolluan automjetin rreth orës 2:30 të mëngjesit, shqiptari ishte i djersitur, ndërsa gjetën tufa me para në çanta dhe, pasi numëruan kartëmonedhat, gjetën një shumë marramendëse prej 702,385 eurosh. Për fshehjen e origjinës së paligjshme të parave, të cilat hetuesit e Dubrovnikut dyshojnë se vinin nga trafiku i drogës, shtetasi shqiptar u arrestua dhe u ndalua menjëherë.

Ai ka qenë pas hekurave në burgun e Dubrovnikut që atëherë dhe, pak pasi u akuzua së fundmi për pastrim parash, vendosi të pranonte fajësinë për akuzat.

Pra, bazuar në marrëveshje, në Gjykatën Komunale në Dubrovnik, siç ka mësuar Jutarnji, menjëherë pasi u konfirmua aktakuza, ai u dënua me një vit burgim me kusht me një periudhë prove pesëvjeçare dhe iu shqiptua gjithashtu një gjobë shtesë prej 10,000 eurosh, plus 500 euro shpenzime gjyqësore.

Dhe në të njëjtën kohë, ai u pajtua me pasojat e tjera të marrëveshjes – të gjitha 702,385 eurot iu konfiskuan dhe do të transferohen në buxhetin e shtetit në 30 ditët e ardhshme. Gjykata gjithashtu konfiskoi makinën e tij Audi, e cila bëhet pronë e Republikës së Kroacisë, si dhe dy telefona celularë Apple – një iPhone 16 Pro Max dhe një iPhone 13. Duke pasur parasysh se ai pagoi për gjithçka menjëherë, ai u lirua nga paraburgimi disa ditë më parë.

Continue Reading

Kronikë e zezë

Ndërron jetë pionierja e të drejtave civile në SHBA, Claudette Colvin

Published

3 days ago

on

January 14, 2026

By

Claudette Colvin, e cila ndihmoi në dhënien fund të segregacionit racor në ShBA duke refuzuar t’ia linte vendin e saj në autobus një personi të bardhë, ka ndërruarë jetë në moshën 86 vjeçare. 

Protesta e Colvin, e cila çoi në arrestimin e saj, ndodhi në vitin 1955 në moshën 15 vjeç, ndërsa ajo jetonte në Montgomery, Alabama.

Kjo ndodhi nëntë muaj para arrestimit të Rosa Parks, e cila gjithashtu refuzoi t’ia jepte vendin e saj në autobus një personi të bardhë, në një veprim që çoi në bojkotimin e përhapur të transportit publik në qytet dhe një vendim të Gjykatës së Lartë që e ndaloi me ligj një diskriminim të tillë racor.

Arrestimi i Colvin ishte kryesisht i panjohur deri në vitin 2009, kur u botua libri i parë i detajuar rreth përvojës së saj.

Një vit pas arrestimit të saj, Gjykata e Lartë e ShBA-së vendosi që segregacioni në autobusë duhet të marrë fund. Çështja ligjore u përqendrua në dëshminë e katër paditësve, njëri prej të cilëve ishte Colvin.

Në një intervistë me BBC-në në vitin 2018, znj. Colvin kujtoi se ajo “nuk ishte e frikësuar, por e zhgënjyer dhe e zemëruar” sepse e dinte se “ishte ulur në vendin e duhur”.

Ajo ishte personi i parë që u arrestua për kundërshtimin e politikave të Montgomery-t për ndarjen në autobusë, por historia e saj mbeti relativisht e panjohur për dekada. Ishte Rosa Parks ajo që u bë një nga figurat kryesore të lëvizjes për të drejtat civile pasi rasti i saj shumë i ngjashëm çoi në bojkotin në shkallë të gjerë të sistemit të autobusëve në qytet.

Colvin tha se ishte frymëzuar nga aktivistet e mëdha kundër skllavërisë Harriet Tubman dhe Sojourner Truth.

“Sa herë që njerëzit më pyesin: ‘Pse nuk u ngrite kur të pyeti shoferi i autobusit?’ Unë them se ndjeva sikur duart e Harriet Tubman po më shtynin poshtë në njërën shpatull dhe duart e Sojourner Truth po më shtynin poshtë në shpatullën tjetër”, i tha ajo BBC-së.

Më vonë në jetë, ajo u bë infermiere në Nju Jork. Sipas organizatës së saj, ajo vdiq në Teksas.

Continue Reading

Kronikë e zezë

Nxënësi godet me shufër metalike edukatoren e kopshtit në Pejë

Published

4 days ago

on

January 13, 2026

By

Një edukatore e një kopshti në Pejë është goditur me shufër metalike.

Kjo është bërë e ditur nga zëdhënës i policisë për rajonin e Pejës, Fadil Gashi, i cili ka bërë të ditur se edukatorja është dërguar në Emergjencën e Pejës.

“Sot në orën 10:40, policia është njoftuar se në një kopsht, një nxënës me një shufër metalike e ka goditur edukatoren, duke i shkaktuar lëndime”, tregon Gashi.

Continue Reading

Të kërkuara