Kronikë e zezë

Aksidenti fatal në autostradën “Ibrahim Rugova”, flet vëllai i viktimës: Shoferin as nuk e fali e as nuk e vras

Published

4 years ago

on

Një person ka humbur jetën të shtunën pas një aksidenti që ndodhi në autostradën “Ibrahim Rugova”.

Viktima është Naser Arifi, nga Bujanoci me vendbanim në Gjilan.

Ngjarja tragjike ndodhi në dalje të Malishevës. I ndjeri u detyrua ta ndalte veturën në shiritin emergjent për shkak të një prishje. Ai ishte goditur nga një kombi teksa po hynte në veturë.

E për rastin tragjik ka folur edhe Selami Arifi, i cili është vëllau i të ndjerit.

Arifi i cili punon në Francë tha për Klankosova.tv se nuk dëshiron personalisht që të merret me personin që shkaktoi aksidentin ku humbi jetën vëllau i tij.

Ai thotë se shteti duhet t’u japë dënim maksimal në rastet e tilla të aksidenteve.

“Shoferin as nuk e fali e as nuk e vras. Le t’i mbetet shtetit. Por, nuk dëshirojmë të zhdukemi si popull me këta shoferë. Ju lutem duhet të bëni presion mediatik tek shteti dhe qeveria, në mënyrë që të ketë dënim maksimal për këto raste se mbaruam”.

Selami Arifi thekson se në Francë, vendin ku jeton dhe punon nuk ka numër kaq të lartë të viktimave nga aksidenti sikurse në Kosovë.

“Në Francë ku jam dallimi me popullësi është 70 milionë banorë, por nuk bëhen kaq vdekje në komunikacioni. A e din ai zotëriu (shoferi) që katër jetim në shtëpi na i ka lënë ? Me një nënë 80 vjeçe e djali më i madh i ka 11 vjet”.

Related Topics:
Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

22 hours ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Lajmet

Gjendet e vdekur gruaja që u raportua e zhdukur në Klinë

Published

23 hours ago

on

December 8, 2025

By

Policia e Kosovës ka njoftuar se një grua e cila ishte raportuar e zhdukur në Klinë është gjetur e vdekur skaj lumit Bistricë.

Policia në raporton 24 orësh ka njoftuar se me urdhër të prokurorit të rastit, trupi është dërguar në Institutin e Mjekësisë Ligjore për obduksion, ndërkohë që vdekja e saj po hetohet.

Njoftimi i plotë zyrtar:

“Është raportuar se me 07.12.2025 rreth orës 13:15 nga njësitë policore skaj lumit Bistrica, gjatë kërkimit është gjetur  viktima e rastit e cila është raportuar e zhdukur. Vdekjen e viktimës e ka konstatuar mjeku, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raportin e Policisë së Kosovës./S.K/PK/

Continue Reading

Lajmet

Arratisen tre persona nga Qendra Edukuese Korrektuese në Lipjan, kapen nga policia

Published

23 hours ago

on

December 8, 2025

By

Policia e Kosovës ka njoftuar se tre persona janë arratisur nga Qendra Edukuese Korrektuese në Lipjan mbrëmjen e së dielës, por që janë kapur nga policia dhe janë kthyer sërish në qendër.

Njoftimi i plotë zyrtar:

“Qendra Edukuese Korrektuese, Lipjan / 07.12.2025 – 20:25. Është raportuar se tre persona meshkuj kosovarë janë arratisur. Lidhur me rastin njësitë policore kanë arritur që ti kapin të arratisurit, të cilët janë kthyer përsëri në këtë qendër”, thuhet në raportin 24 orësh të Policisë së Kosovës./S.K/PK/

Continue Reading

Lajmet

​Dogana konfiskon një sasi barnash të rrezikshme për shëndetin e qytetarëve

Published

4 days ago

on

December 5, 2025

By

Njësitë Antikontrabandë të Doganës së Kosovës, gjatë një kontrolli të realizuar në një barnatore në Prishtinë, kanë zbuluar një sasi të konsiderueshme të barnave të ndryshme me banderola të shteteve të huaja.

Këto produkte nuk janë importuar përmes zinxhirit zyrtar të furnizimit dhe nuk figurojnë të jenë futur në Kosovë nëpërmjet procedurave ligjore doganore.

Barnat e gjetura përbëjnë rrezik serioz për shëndetin e qytetarëve, pasi origjina, cilësia dhe kushtet e ruajtjes së tyre nuk janë të garantuara sipas standardeve të kërkuara, thuhet në njoftim.

Dogana e Kosovës ka sekuestruar të gjitha produktet dhe ka iniciuar procedurat ligjore ndaj subjektit përgjegjës.

Kontrollet do të vazhdojnë pa ndërprerje me qëllim të mbrojtjes së shëndetit publik dhe parandalimit të qarkullimit të produkteve ilegale në treg./S.K/KP/

Continue Reading

Të kërkuara