Aktualitet

Akademiku serb: Vuçiq nuk do të vendosë sanksione kundër Rusisë, vendimin do ta marrë dikush tjetër

“Serbia shkoi në rrugën e gabuar që nga viti 1989″ tha ai.

Published

3 years ago

on

Presidenti i Serbisë, Aleksandër Vuciq nuk do t’i vendos sanksione Rusisë dhe se Serbia është në rrugën e gabuar që nga rënia e Murit të Berlinit.

Kështu është shprehur akademiku Dushan Teodoroviq duke theksuar se gjendja në Serbi ka pasur politikë të jashtme jo të drejtë duke u ulur në disa karrige përnjëherë.

“Serbia shkoi në rrugën e gabuar që nga viti 1989, pas rënies së Murit të Berlinit dhe tani jemi në një situatë kaq të vështirë dhe mendoj se Vuçiq nuk do ta marrë vendimin për t’i vendosur sanksione Rusisë. Këtë vendim do ta marrë dikush tjetër. Dëshminë e kësaj e gjej në votimin e fundit në OKB, kur votuam përjashtimin e Rusisë nga Këshilli për të Drejtat e Njeriut”, ka theksuar Teodoroviq për media serbe.

Ai ka shtuar se ka ardhur momenti që Serbia të përcaktohet ndërmjet Perëndimit apo Vladimir Putinit.

“Vendi ynë është një nga vendet më të varfra të Evropës dhe ka pasur politikën e jashtme të gabuar duke u ulur në dy, tre, katër karrige. Ka ardhur momenti që kjo nuk është më e mundur dhe për çdo njeri që mendon është e qartë se, për fat të keq, po formohet një ‘Perde e Hekurt’ e re. Në njërën anë janë Vladimir Putini, Aleksandar Lukashenko e disa satelitë të tjerë dhe nga ana tjetër janë Perëndimi, Amerika, Kanadaja, Japonia dhe bota e zhvilluar”, shton ai.

Teodoroviq tha se sjellja e Serbisë duhet të jetë e tillë që t’i dënojë veprimet e Rusisë në Ukrainë.

“Besoj se vendimi i Vuçiqit do të jetë në një farë mënyre i detyruar dhe se në atë mënyrë ai do të paraqesë sanksione nëse i prezanton. Nga ana tjetër, do të doja që t’i prezantojmë për shkak të ndjenjës sonë të moralit dhe ndjeshmërisë që kemi për 6 milionë refugjatë, për gratë e dhunuara dhe për faktin që fëmijët çohen me forcë në Rusi. Ne duhet ta dënojmë këtë [agresionin ushtarak rus në Ukrainë] dhe sjellja jonë duhet të udhëhiqet nga morali dhe ndershmëria, e më pak nga llogaritjet e vogla të ryshfetit”, përfundoi ai.

Kujtojmë se Serbia është shteti i vetëm në rajon që nuk e ka dënuar agresionin ushtarak në Ukrainë dhe se nuk ka vendosur sanksione ndaj Rusisë.

Related Topics:
Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

2 hours ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

2 hours ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

2 hours ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

2 hours ago

on

January 22, 2025

By

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Continue Reading

Të kërkuara