Lajmet nga UBT

Agjencia për Akreditim mbetet pa anëtarë të Bordit, Hajrizi: Po dëmtohet cilësia në arsimin e lartë

Published

on

Prof.Dr.Edmond Hajrizi, rektor i UBT-së, ka thënë se dorëheqja e anëtarëve ndërkombëtarë të të Bordit të Agjencisë së Kosovës për Akreditim, paraqet problem pasiqë po dëmtohet cilësia në arsimin e lartë në Kosovë.

Përderisa të enjten pesë anëtarë të Bordit kanë dhënë dorëheqje, prej tyre dy vendorë dhe tre ndërkombëtarë. Dorëheqja e ndërkombëtarëve ndërlidhet me kërkesën e Antikorrupsionit për ta deklaruar pasurinë.

“Dorëheqja e anëtarëve ndërkombëtarë krijon një problem shumë të madh për funksionalizimin e Bordit Nacional për Sigurimin e Cilësisë në Kosovë. Në bazë të udhëzimit administrativ dhe rregullativave e ligjeve në Kosovë ju e dini që pa pjesëmarrje ndërkombëtare nuk krijohet edhe kuorumi për vendimmarrje dhe me këtë pezullohet puna e Bordit dhe vendimet e Agjencionit të Akreditimit. Kjo bën shtyerjen e vazhdueshme të proceseve të sigurimit të cilësisë në arsimin e lartë në Kosovë, pengon zhvillimin institucional, poashtu krijon si problematikë edhe anëtarësimin e Agjencionit të Akreditimit në organizatat ndërkombëtare siç është ENQA”, është shprehur ai në një intervistë për Ekonomia Online.

Hajrizi shpreson që të formohet sa më parë Kuvendi dhe të emërojë anëtarët e rinj të këtij bordi.

“Shpresojmë që zgjedhjet të përfundojnë sa më shpejt dhe të formohet komisioni parlamentar për arsim dhe ai të bëjë nominimin e personave në këtë bord. Poashtu lusim që ky nominim të jetë i bazuar në performancë e kompetenca të mirëfillta. Në persona që kanë integritet të lartë akademik, shkencor, profesional në vend dhe jashtë tij. Me qenë të pavarur që kanë një përvojë në këtë punë në mënyrë që vendimet e tyre të jenë kredibile në të ardhmen, të bazuara pa anashkalim, të kenë një përfaqësim të të gjitha palëve të interesit në atë bord dhe në këtë mënyrë të krijohet një cikël normal i zhvillimit të agjencionit të akreditimit që ka disa vite që nuk funksionin në mënyrë të rregullt. Kjo e ka zbehur pozicionin e arsimit të lartë të Kosovës në botë”, ka thënë ai.

Po ashtu Hajrizai duke folur për EO ka kërkuar nga partitë politike që arsimi të jetë prioritet i tyre.

“Në përgjithësi shihet që të gjithë ne flasim për një nevojë më të madhe për rritjen dhe sigurimin e cilësisë në arsim në të gjitha nivelet. Mendoj që arsimi duhet të jetë një çështje mbarëkombëtare, ndër partive politike një lloj bashkëveprimi. Është një sistem kompleks që nuk mund të zgjidhet nga një parti politike por në bashkëveprim me të gjitha palët e interesit në arsim në Kosovë. Duhet të konfirmohet dhe të besohet në një kriter më transparent, të qartë të vlerësimit cilësor apo kualitativ e kuantitativ të tij dhe të marrim masa që arsimi të jetë prioritare në Kosovë. Është parakusht për të gjitha zhvillimet. Bëjë apel të gjitha partive politike që arsimin ta kenë si prioritet, mos ta lënë ashtu që të flitet për të e të mos veprohet”, deklaroi ai.

Sipas Hajrizit, arsimi në Kosovë ka shënuar një zbehje të cilësisë shikuar në nivelin ndërkombëtar.

“Në vitet e fundit ne kemi një lloj zhvillimi vetvetiu të arsimit që nuk është e mjaftueshme kur flasim për arsimin e bazuar në teknologji, metoda e forma të reja, trasformime digjitale, inovacione, klasën 3.0, 4.0, 5.0, trasformimet e kompetencave të reja që kanë me na u paraqitë gjatë viteve të ardhshme, profesione e detyra të reja. Ku janë ato programe, ata profesor që dinë të ligjërojnë ato, ku është ajo literaturë e infrastrukturë, ndërveprim e të dhëna që janë të lidhura mes tregut të punës e edukimit. Sa e mbështesin politikat tona këtë trasformim dhe mendoj që nëse ne shkojmë ngadalë kemi me pas edhe më shumë probleme. Nëse shohim në aspektin ndërkombëtar ne kemi një zbehje të arsimit të Kosovës, qoftë në pozitat ranguese, qoftë në largimin nga orgazata respektive profesionale e akademike. Kurse vendet në regjion po zhvillohen qoftë në pjesëmarrje aktive në projekte ndërkombëtare qoftë ne komponenta tjera”, deklaroi ai.

Hajrizi ka treguar se gjatë pandemisë, UBT ka mbajtur mësimin online dhe të gjithë aktivitete e tjera.

“Ne kemi marrë para një jave çmimin numër një në botë për përdorimin e teknologjisë në edukim. Ne e kemi mbajtur mësimin online. Teknologjia sot nuk është e shtrenjtë dhe kjo mundëson që vetëm me një vullnet mund të bëhet. Kemi mbajtur edhe provimet, diplomimet, konferencat e shkollat verore online. Neve na është shtyrë akreditimi vitin e kaluar për shkak të pandemisë, janë shtyrë 30 programe të reja për vit”.

Kurse për fund, ai ka treguar se i kanë ofruar Ministrisë së Arsimit një platformë për shkollat fillore e të mesme, por që këta të fundit nuk e kanë pranuar.

“Ne me Departamentin tonë për Zhvillimin e Digjitalizimit në Arsim i kemi ofruar Ministrisë së Arsimit krejt platformën për shkollat e mesme dhe fillore por fatkeqësisht ata nuk e kanë pranuar. Ne u kemi ofruar një donacion prej 2 milionë eurosh bashkë me institucionet amerikane për të iu ofruar virtualizimin e digjitalizimin e arsimit në Kosovë por ata nuk e kanë marrë. Nuk e kuptoj kur diçka e madhe e mirë nuk implemtohet. Për mua kjo është diskutabile se a kemi vërtetë dëshirë me zhvillu arsimin apo jemi vetë të interesuar të luftojmë kundër vetvetes. Kjo është e paqartë derisa ofrohen të gjitha mundësitë që buxheti mos të dëmtohet e cilësia të rritet”, ka përfunduar ai.

Continue Reading

Lajmet nga UBT

Publikohet studimi i profesorit të UBT-së, Naser Morina, mbi gjendjen dhe rehabilitimin e Urës 94R në aksin Prishtinë – Bllacë

Published

on

Një studim i detajuar mbi inspektimin, vlerësimin dhe strategjitë për përforcimin e Urës 94R, që ndodhet në aksin rrugor Prishtinë – Bllacë, në rrugën nacionale N2, është publikuar në SSRG International Journal of Civil Engineering (IJCE), një revistë prestigjioze e indeksuar në SCOPUS.

Autori i punimit, profesori Naser Morina nga Fakulteti i Inxhinierisë së Ndërtimit dhe Infrastrukturës në UBT, ka kryer një analizë të detajuar mbi gjendjen aktuale të urës, performancën e materialeve të përdorura dhe nevojat për ndërhyrje rehabilituese.

Studimi është një përpjekje ndërdisiplinore që kombinon analiza historike të dokumentacionit të projektimit dhe ndërtimit, inspektimet në terren me metoda jo-destruktive, dhe simulimet strukturore me modelim numerik për të vlerësuar shpërndarjen e sforcimeve dhe zonat e mundshme të degradimit.

Rezultatet kryesore të studimit përfshijnë, “gjendjen e materialeve”,  ku mostrat e analizuara tregojnë një rezistencë të lartë ndaj shtypjes, por gjithashtu janë vërejtur prani të karbonizimit dhe depërtimi i klorideve, që mund të ndikojnë në jetën e strukturës.

Pastaj “integriteti strukturor”, simulimet me metodën FEM (Metoda e Elementeve Fundorë) tregojnë se ura ka kapacitet të mjaftueshëm për të përballuar ngarkesat aktuale. Megjithatë, analizat e lodhjes sugjerojnë prani të çarjeve të vogla për shkak të stresit të përsëritur nga trafiku. Dhe “nevojat për mirëmbajtje”, ku për të siguruar jetëgjatësi dhe siguri të lartë, rekomandohet injektimi i çarjeve dhe riveshja e platformës.

Ura 94R mbetet e qëndrueshme nga pikëpamja strukturore, por kërkon ndërhyrje të synuara për mirëmbajtje dhe rehabilitim. Profesori Morina rekomandon që për të garantuar sigurinë dhe funksionalitetin e saj afatgjatë, të bëhet një monitorim i rregullt dhe një plan proaktiv i ndërhyrjeve teknike për të parandaluar dëmtimet më të mëdha dhe për të siguruar vazhdimësinë e funksionimit të urës./UBTNews/

Continue Reading

Lajmet nga UBT

UBT ndërlidh bashkëpunimin me Unionin e Bizneseve Shqiptaro-Gjermane

Published

on

By

UBT ndërlidh bashkëpunimin me Unionin e Bizneseve Shqiptaro-Gjermane, duke forcuar lidhjen mes arsimit dhe sektorit të biznesit, si dhe duke krijuar mundësi të reja për zhvillim profesional, akademik dhe ekonomik.

Marrëveshja u nënshkrua nga Rektori i UBT-së, Prof. Dr. Edmond Hajrizi dhe Kryetari i Degës së Unionit në Kosovë, Shkelzen Jusaj.

Rektori Hajrizi theksoi rëndësinë e bashkëpunimit mes arsimit dhe sektorit të biznesit, duke nënvizuar se UBT vazhdon të jetë një mbështetës i fuqishëm i bizneseve, ndërmarrësve dhe iniciativave të diasporës.

UBT ka qenë dhe mbetet një nga mbështetësit kryesorë të bizneseve, ndërmarrësve dhe iniciativave të diasporës, duke u angazhuar vazhdimisht në fuqizimin e ekosistemit të inovacionit dhe zhvillimit ekonomik”, u shpreh Rektori Hajrizi

Palët angazhohen për mbështetje të ndërsjellë në promovimin e biznesit dhe arsimit, organizimin e trajnimeve dhe aktiviteteve profesionale, përkrahjen e inovacionit dhe sipërmarrjes, si dhe forcimin e lidhjeve mes studentëve dhe komunitetit të biznesit.

Continue Reading

Lajmet nga UBT

Mundësi praktike dhe karrierë në media me Fakultetin Media dhe Komunikim në UBT

Published

on

By

Fakulteti Media dhe Komunikim në UBT është një qendër e njohur kombëtare dhe ndërkombëtare për arsimimin e gjeneratave të reja në arsimin e lartë në fushën mediale, me një staf të dëshmuar studiuesish dhe profesionistësh nga industria e mediave në Kosovë dhe rajon. Fakulteti është i orientuar nga digjitalizimi dhe ofron mundësi studimi dhe zhvillimi në një kampus me aftësi të forta mësimore, kërkimore dhe eksperimentale, duke kontribuar në të ardhmen e industrisë së medias.

Me një vizion të qartë për të ndihmuar studentët të zhvillojnë aftësitë e nevojshme për sukses në sektorin e medias dhe komunikimit, Fakulteti i Media dhe Komunikim në UBT ofron një përvojë të pasur profesionale përmes njohurive të thella dhe praktike që lidhen drejtpërdrejt me industrinë. Ky program ofron mundësi të shkëlqyera për zhvillimin e njohurive dhe aftësive në fushat si: mediat digjitale, menaxhimi i mediave, regjia televizive, dizajni medial, kamerat, fotografia dhe shumë më tepër.

Infrastruktura moderne dhe mundësi të avancuara studimi

Fakulteti Media dhe Komunikim në UBT ofron kushte të shkëlqyera për studime dhe zhvillim profesional. Laboratorët dhe studiot e kompletuara, si Laboratori i Redaksisë Mediale, Laboratori i Fotografisë, Laboratori i Kamerës, Laboratori i Regjisë dhe Laboratori i Montazhit, janë të pajisur me teknologjinë më të fundit. Pjesëmarrësit mund të punojnë në Studio televizive dhe Studio të Radios, duke përdorur softuerë të avancuar për përpunimin e lajmit, fotografisë dhe montazhit.

Përgatitje për karrierë dhe mundësi praktike

Fakulteti ofron mundësi të shumta për t’u përfshirë në projekte të vërteta profesionale si pjesë e UBT Campus Radio, UBT News, UBT TV dhe Zyrës së PR-it, duke ofruar mundësi të shkëlqyera për zhvillimin e aftësive praktike dhe mundësi punësimi në media dhe komunikim. Praktika e mundësuar nga fakulteti, si dhe lidhjet me mediat dhe kompanitë ndërkombëtare, ofrojnë mundësi për punësim dhe avancim në karrierë pas diplomimit.

Mbështetje për kërkim dhe zhvillim

Në përputhje me synimet kryesore strategjike kërkimore të UBT-së, promovimi i kërkimeve dhe zhvillimi i gjeneratave të reja të studiuesve është një nga qëllimet kryesore të Fakultetit Media dhe Komunikim. Ky fakultet mbështet aktivitetet kërkimore të stafit akademik dhe hulumtuesve shkencorë, duke përfshirë edhe studentët e programit Master. UBT ofron një mjedis stimulues dhe mbështetës për kërkime dhe trajnime, duke ndihmuar në zhvillimin e ideve të reja për sfidat dhe mundësitë që paraqet industria e medias dhe komunikimit.

Angazhimi për inovacion dhe zhvillim të qëndrueshëm

Duke u bazuar në kapacitetin e stafit të brendshëm novatorë, të besueshëm dhe të përkushtuar, Fakulteti Media dhe Komunikim është i përkushtuar për të ofruar një mjedis studimi që nxit inovacionin dhe zhvillimin e qëndrueshëm të industrisë së medias, komunikimit dhe marrëdhënieve me publikun. Fakulteti zhvillon dhe përdor shkencën dhe njohuritë teknike për të mirën e shoqërisë dhe për të kontribuar në avancimin e mediave dhe komunikimit.

Dekani i Fakultetit, Prof. Ass. Dr. Ferid Selimi, thekson:
“Në Fakultetin e Media dhe Komunikim në UBT, ne ofrojmë një program që është në përputhje me trendet më të fundit të industrisë. Ne e kuptojmë rëndësinë e zhvillimit të aftësive praktike dhe teorike dhe jemi të angazhuar që të ofrojmë një arsim që ju përgatit për një karrierë të suksesshme në median dhe komunikimin e sotëm global. Studentët tanë janë të pajisur me aftësitë dhe njohuritë që i bëjnë ata konkurrues në tregun e punës, dhe mundësitë për të punuar direkt në radio dhe media janë një mundësi e jashtëzakonshme”

Nëse jeni të interesuar për të ndjekur një karrierë të suksesshme mediatike, Fakulteti Media dhe Komunikim në UBT është vendi i duhur për ju. Bëhuni pjesë e këtij fakulteti dhe zhvilloni potencialin tuaj për të shkëlqyer në industrinë e medias dhe komunikimit!/UBTNews/D.E

Continue Reading

Lajmet nga UBT

Përgatituni për të udhëhequr politikën e të ardhmes me Fakultetin e Shkencave Politike në UBT

Published

on

Fakulteti i Shkencave Politike në UBT ofron një program të avancuar, i fokusuar në zhvillimin e liderëve të ardhshëm në fushën e shkencave politike. Programi ofron një mundësi të shkëlqyer për të përvetësuar njohuri dhe aftësi analitike për të kuptuar dhe adresuar sfidat politike të nivelit lokal, rajonal dhe global. Fakulteti është i përkushtuar për të ofruar një arsim të avancuar dhe ndërkombëtar, me mësimdhënës dhe profesionistë të njohur nga fusha të ndryshme të politikës.

Çfarë do të fitoni nga ky program?

Arsim i thelluar dhe ndërkombëtar: Programi i shkencave politike në UBT është i dizajnuar për të ofruar një arsimim që lidhet drejtpërdrejt me trendet dhe zhvillimet ndërkombëtare. Mësimdhënësit dhe ekspertët ndërkombëtarë janë pjesë e stafit akademik, duke siguruar një edukim të nivelit të lartë dhe njohuri për sfidat aktuale të politikës globale.

Përvojë praktike dhe mundësi të drejtpërdrejta: Pjesëmarrësit në këtë program do të kenë mundësinë të angazhohen në praktika profesionale në institucione të ndryshme të vendit dhe jashtë tij. Fakulteti organizon vizita studimore në institucione dhe organizata ndërkombëtare, duke ofruar mundësi të shkëlqyera për të fituar përvojë praktike dhe për të ndërtuar një rrjet të fortë profesionistësh.

Përgatitje për karrierë ndërkombëtare: Ky program përgatit studentët për mundësi të mëdha në fushën e politikës, qeverisjes dhe marrëdhënieve ndërkombëtare. Nëpërmjet mundësive të praktikës dhe angazhimit në projekte ndërkombëtare, studenti ka mundësinë të zhvillojë një karrierë të suksesshme në politikë, diplomaci dhe shoqërinë civile.

Vizita dhe aktivitete praktike: Pjesëmarrësit mund të përfshihen në aktivitete të ndryshme, përfshirë ligjërata dhe punëtori me personalitete të njohura të politikës dhe diplomacisë. Fakulteti ka krijuar partneritete të forta me ambasada, institucione qeveritare dhe organizata ndërkombëtare, duke ofruar mundësi për internship dhe punësim në nivel ndërkombëtar.

 

Dekania e Fakultetit, Prof. Ass. Dr. Hajdi Xhixha, thekson: “Fakulteti i Shkencave Politike në UBT ofron mundësinë për të krijuar lidhje të drejtpërdrejta me institucione vendore dhe ndërkombëtare. Partneritetet tona të forta me ambasada, institucione qeveritare dhe organizata ndërkombëtare ofrojnë mundësi të jashtëzakonshme për internship dhe punësim, duke hapur dyer për karrierë ndërkombëtare dhe përfshirje aktive në zhvillimet politike globale”.

Nëse jeni të interesuar të bëheni lider në fushën e shkencave politike dhe të kontribuoni në zhvillimin e politikës globale dhe vendore, Fakulteti i Shkencave Politike në UBT është vendi ku mund të zhvilloni potencialin tuaj dhe të keni ndikim të qëndrueshëm në botën politike. Bëhuni pjesë e këtij fakulteti dhe kontribuoni në të ardhmen e politikës vendore e ndërkombëtare!/UBTNews/D.E.

 

 

Continue Reading

Të kërkuara