

Kuriozitete
Agimi i Artë, shoqëria e magjistarëve që synonte të sundonte Evropën
Mesazhi i urdhrit hermetik të Agimit të Artë ka mbijetuar deri në ditët e sotme.
Published
3 years agoon
By
UBT newsNga Pietro Emanueli
Politika është fe. Dhe si çdo fe, ajo ka nevojë për klerikë, doktrina, dogma dhe besimtarë. Ajo e shekullit XXI-të është një politikë laike, e shekullarizuar që kërkon vota më shumë në rrugë sesa në Kisha, dhe që të paktën në Perëndim, e ka përjashtuar të shenjtën nga platforma e saj programore.
Por nuk ka qenë gjithmonë kështu. Përkundrazi, Evropa e fillim-shekullit XX është shembulli kryesor i ndërlidhjes së ngushtë midis së shenjtës dhe profanes, midis besimit dhe pushtetit politik, që e ka karakterizuar historikisht kontinentin e vjetër.
Sepse ai ka parë mobilizimin e kishave gjatë Luftës së Parë Botërore, të feve gjatë luftërave ballkanike, promovimin e orientalizmit, shfrytëzimin e Islamit nga fuqitë evropiane, dhe së fundmi, por jo më pak e rëndësishme, përhapjen e gjerë të shoqërive sekrete dhe sekteve ezoterike.
Ato përfaqësonin fytyrën e errët të Belle Époque (Epokës së Bukur), duke kushtëzuar një brez të tërë intelektualësh, studiuesish dhe politikanësh, si dhe duke ushtruar një ndikim kulturor domethënës dhe të qëndrueshëm.
Pasi këto realitete, që kishin të përbashkët refuzimin e Krishterimit tradicional dhe dëshirën për të rishkruar identitetin e Evropës, përgatitën padashur terrenin për ngritjen e ardhshme të ideologjisë naziste. Dhe në këtë listë të gjatë spikasin Shoqëria Teozofike e Madam Blavataskit, Ordo Templi Orientis e Karl Kellner, dhe mbi të gjitha urdhri hermetik i Agimit të Artë.
Origjina e këtij të fundit është ende e mbuluar me mister, ashtu si çdo gjë tjetër që lidhet me këtë shoqëri të vogël por të fuqishme sekrete, që nxiti shumë imagjinatën kolektive të britanikëve dhe evropianëve në fundin e shekullit XIX dhe fillimin e shekullit XX.
Gjithçka duket se ka nisi të zbulohej në vitin 1886 nga disa dorëshkrimeve të lashta e të koduara nga orientalisti dhe gjuetari i thesareve Kenet Mekenzi. Pasi i ekzaminoi dhe dështoi t’i dekriptonte, Mekenzi ia dorëzoi ato njërit prej masonëve më me ndikim të kohës, Adolfus Udford, që nga ana e tij ia kaloi vëllait të tij mason Uilliam Uestkot.
I ndihmuar nga një mason tjetër, Samuel Maters, Ueskot ia doli ta deshifronte dorëshkrimin e lashtë, duke gjetur fragmente nga Kabala hebraike, pjesë astrologjike, mësime alkimike dhe një hyrje në artet magjike dhe praktikat e profecive.
Dhe ai informacion i çmuar, do të përdorej nga këta 3 burra për të formuar në vitin 1887 shoqërinë sekrete Agimi i Artë. Në vitin 1888, me mbështetjen e konteshës Ana Shprengel, një eksponente e përfolur e Rosikrucianëve – që sipas disa historianëve nuk ka ekzistuar kurrë – Uestkot dhe Maters ngritën degën e parë të urdhrit në Londër, Tempullin e Uranisë dhe Isidës.
Udford nuk do të merrte pjesë në inaugurim, pasi vdiq një ditë më pas nga septicemia. Në një kohë të shkurtër dhe brenda pak vitesh, kjo shoqëri do të zgjerohej në të gjithë Britaninë e Madhe, nga Londra në Edinburg. Ajo hapi degë edhe në Evropën kontinentale, duke filluar nga Parisi në vitin 1893.
Popullariteti ishte i madh për shkak të aurës misterioze që rrethonte këtë urdhër, dëshirës së katolikëve dhe agnostikëve të zhgënjyer, në kërkim të fuqive të supozuara dhe besimit superior, duke zbatuar dorëshkrimet themeluese sipas udhëzimeve të Uestkot. Fuqi të tilla ishin aftësia për të komunikuar me entitetet hyjnore, të njohura si shefat sekretë, ndriçimi shpirtëror edhe psikokineza.
Ai u bë shumë popullor në mesin e artistëve dhe intelektualëve, të cilët filluan të kërkonin anëtarësimin e tyre në këtë shoqëri. Ndër ta përmendim aktorët dhe aktoret si Sara Ollgud, Florens Farr dhe Moud Gon; bankierë dhe sipërmarrës si Eni Horniman dhe Gustav Mejrink; këngëtare si Ana dë Bremo; poetë si Uilliam Sharp, XhonTodhanter dhe Uilliam Batler Jits, dhe shkrimtarë si Arnold Benet, Algernon Blekud, Sër Artur Konan Dojl (krijues i Sherlok Holmsit), Artur Maken, Saks Romer dhe Bram Stoker, autori i librit të famshëm “Drakula”.
Por nga ky urdhër ishin magjepsur jo vetëm aktorët dhe shkrimtarët, por edhe magjistarët, që ngjitën një nga një shkallët e dijes dhe mësuan gradualisht sekretet që lejoheshin vetëm për anëtarët e rinj.
Ndër mistikët, okultistët dhe magjistarët më të rëndësishëm që u bënë pjesë e këtij urdhri ishin padyshim Dario Karpaneda, Alister Krouli, Dion Fortun, Evelin Anderhill dhe Artur Uajt. Fortun do ta braktiste më vonë këtë shoqëri për të krijuar organizatën e tij – Shoqërinë e Dritës së Brendshme – ndërsa karizmatiku Krouli, magjistari më i famshëm i shekullit XX do të ishte shkatërruesi i shoqërisë.
Pasi u bë i besuari i Maters, Krouli i përdori aftësitë e tij bindëse për të vjedhur sekretet e dorëshkrimeve, për t’i prekur ato, duke ia dalë aty ku asnjë nga anëtarët e rinj nuk kishte pasur sukses. Zilia dhe mosmarrëveshjet shkaktuan në vitin 1900 një arratisje masive të ndjekësve.
Në pamundësi për ta përballuar krizën, Maters -që prej kohësh i kishte shkëputur të gjitha lidhjet me Ueskot -vëzhgonte i pafuqishëm shkatërrimin e organizatës dhe trashëgimtarët e vetëshpallur që shtoheshin dita-ditës.
Në vitet 1920-1930, shumë tempuj të Agimit të Artë u regjistruan në të gjithë Perëndimin, nga Shtetet e Bashkuara në Zelandën e Re. Por vetëm një pjesë e vogël e tyre kishin të bënin me origjinalin, i cili de fakto kishte përfunduar së ekzistuari për shkak të lojës keqdashëse të Kroulit.
Megjithatë, nëse kjo shoqëri ishte apo jo gjallë në periudhën e pasluftës, nuk ka rëndësi. Ajo që ka vërtet rëndësi është fati i mesazhit të saj, që mbijetoi duke përjetësuar idenë se Evropa kishte nevojë për një rinovim shumëdimensional, shpirtëror dhe antropologjik, dhe për të gjurmuar burimet e dijes së lashtë, të ruajtura në luginën e Indusit dhe të prodhuara nga raca e humbur Ariane.
Mesazhi i urdhrit hermetik të Agimit të Artë ka mbijetuar deri në ditët e sotme, pasi u mor dhe u ringjall nga lëvizjet e reja fetare që u shfaqën në të gjithë Perëndimin midis viteve 1960 -1970. Dhe (ri)leximi i teksteve të shenjta të përdorura nga urdhri, si dhe librave të shkruar nga Maters dhe ndjekësit e tij, ka kontribuar ndjeshëm në formimin e mendimit të Epokës së Re dhe mitologjisë së Wicca-s. / “Il Giornale” – Bota.al
You may like
Kuriozitete
Kujdes nga pajisjet që shpenzojnë më së shumti energji në shtëpinë tuaj
Published
20 hours agoon
April 3, 2025
Nga gjashtë pajisje ju vjen fatura më e lartë. Të gjithë kemi pasur frikë, të paktën një herë në jetën tonë, të kontrollojmë faturën e energjisë.
Vlera mund të jetë shumë më e lartë se sa presim, e duhet të gjejmë gjithmonë një mënyrë për të kursyer sa më shumë që të jetë e mundur.
Mjafton të keni kujdes në disa pajisje, pasi harxhojnë shumë energji dhe ju sjellin faturë të lartë në fund të muajit.
Karikuesi i celularit – Shumë i lënë karikuesit në prizë, e nuk e kanë dijeninë sa mund të rritin kostot. Konsumi mesatar i energjisë i një karikuesi është 0.26 W, duke mos e përdorur arrin në 1 W deri në 5 W, edhe kur është i lidhur një pajisje celulare plotësisht të karikuar.
Mikrovala – Nëse nuk hiqet nga priza, konsumon 3 W më shumë. Gjëja më e mirë është që ta shkëpusni kur nuk është në përdorim.
Kompjuterët – Megjithëse laptopët përdoren më shumë, kompanitë e mëdha dhe njerëzit që punojnë në shtëpi përdorin kompjuterë fikse. Këto pajisje janë në funksion dhe konsumojnë shumë energji. Kompjuterët, edhe kur janë të fikur, mund të konsumojnë deri në 21 W.
Makineria e kafesë – Hiqjani prizën kur nuk e keni në përdorim pasi konsumon rreth 1W më shumë.
Telefoni pa kabllo – Edhe pse janë të rralla, këto pajisje ende përdoren gjerësisht, dhe konsumojnë rreth 3W kur ato janë në prizë.
Televizori – TV harxhon 3W më shumë kur është i fikur, por ende në prizë. E njëjta gjë funksionon edhe tek modelet me konsum A +.
Kuriozitete
Pse disa njerëz preferojnë udhëtimet e gjata vetëm?
Published
2 days agoon
April 2, 2025
Shumë njerëz e gjejnë veten të tërhequr nga udhëtimet e gjata pa praninë e personave të tjerë.
Kjo zgjedhje, e cila mund të duket e pazakontë për disa, lidhet me një sërë faktorësh që kanë të bëjnë me personalitetin, mirëqenien emocionale dhe nevojën për vetëreflektim.
Kërkimi i paqes dhe qetësisë – Udhëtimet e gjata vetëm shihen si mundësi për të shmangur zhurmën dhe kërkesat e jetës së përditshme. Për shumë ky është një moment për të rigjetur paqen e brendshme e për të përjetuar një ndjenjë qetësie që është e vështirë të arrihet në prani të të tjerëve. Shumë prej tyre e përdorin këtë kohë për t’u lidhur me veten dhe për të dëgjuar mendimet e tyre pa ndërhyrje të jashtme.
Vetëreflektim dhe zhvillim personal – Udhëtimet vetëm ofrojnë hapësirë të veçantë për vetëreflektim e zhvillim personal. Individi ka mundësi të mendojë mbi përvojat, të analizojë vendimet e marra dhe të reflektojë mbi qëllimet e ardhshme.
Ndjenja e lirisë dhe pavarësisë – Një tjetër arsye kryesore pse njerëzit preferojnë udhëtimet e gjata vetëm. Kur udhëtojnë vetëm, individët kanë kontroll mbi itinerarin, kohën dhe aktivitetet. Kjo liri për të bërë zgjedhje të pavarura e për të ndryshuar planet në çdo moment është një ndjesi që shumë njerëz e vlerësojnë dhe e kërkojnë.
Përballja me frikën dhe sfida vetjake – Udhëtimi vetëm është mënyrë për të përballuar frikën e testuar kufijtë e tyre. Duke përjetuar sfida të reja pa mbështetjen e të tjerëve, forcohet vetëbesimi dhe aftësia për të përballuar situata të paparashikuara. Kjo përvojë shpesh çon në një rritje të konsiderueshme të aftësive personale dhe në ndërtimin e një karakteri më të fortë.
Kërkimi i aventurës dhe eksplorimit të së panjohurës – Disa njerëz janë të tërhequr nga aventura e dëshira për të zbuluar vende dhe kultura të reja. Udhëtimi vetëm u ofron atyre mundësinë për të përjetuar botën në mënyrë të vërtetë. Ky lloj eksplorimi ndihmon në zhvillimin e një kuptimi më të thellë të botës dhe të vendit të tyre në të.
Udhëtimet e gjata vetëm janë më shumë sesa një zgjedhje për të kaluar kohën në vetmi; ato janë një rrugë për vetëreflektim, zhvillim personal dhe eksplorim të botës.
Këto udhëtime vetëm me raste ofrojnë paqen, lirinë dhe aventurën që ata kërkojnë duke u bërë përvojë e vlefshme dhe gjithashtu e domosdoshme për rritjen dhe mirëqenien e tyre personale.

Artistët zbrazin emocionet e tyre përmes procesit të pikturës. Zbrazja e emocioneve përmes veprave artistike është një përvojë katartike për shumë njerëz, në të gjitha moshat.
Shumë terapistë sugjerojnë pikturën ose vizatimin si një trajtim për pacientët që janë të “dobët” psikologjikisht.
Ata që pikturojnë përjetojnë një rritje të nivelit të inteligjencës së tyre emocionale, shkruan FoxHill.
Të luash me lloje të ndryshme ngjyrash në pikturë mund t’ju ndihmojë të kuptoni se çfarë shkakton disa ndjenja si lumturia, trishtimi, dashuria ose zemërimi.
Shpesh, emocionet që ndjeni gjatë krijimit të kësaj vepre mund të shfaqen te njerëzit që shohin pikturat tuaja.
Piktorët kanë aftësinë t’u sjellin të tjerëve lumturi, duke ndarë mendimin e tyre pozitiv me shikuesit.
Kuriozitete
Koleksioni 100 milionë dollarësh i monedhave del në ankand
Published
7 days agoon
March 28, 2025
Një grumbull monedhash, shumica e të cilave ishin groposur nëntokë për më shumë se 50 vjet, pritet të arrijnë shumën prej 100 milionë dollarësh në ankand, sipas ekspertëve.
Koleksioni “The Traveller”, që mendohet se është koleksioni më i shtrenjtë i monedhave ndonjëherë, do të shitet përgjatë tri vjetëve të ardhshme – me shitjen e parë që bëhet më 20 maj.
Cilido qoftë rezultati, është historia e origjinës së monedhave që vlerësohet e mahnitshme.
Janë monedha nga mbi 100 territore përreth globit, duke nisur nga kohët e lashta te epoka moderne. Por, gjëja më e jashtëzakonshme është se shumica e monedhave ishin të groposura për gjysmë shekulli, shkroi CNN.
Koleksionuesi ka filluar t’i blejë monedhat që në vitin 1929. Ai kishte interes për monedhat, historinë prapa tyre dhe sa të rralla ishin. Përgjatë kohës ai kishte në pronësi të veten rreth 15,000 monedha.
Ai udhëtoi nga Amerika në Evropë dhe monedhat i mori me vete kudo. Gjatë regjimit nazist të Hitlerit në Gjermani, koleksionisti duket se e ndjeu kërcënimin dhe monedhat e paketuara me kujdes i groposi në tokë – ku mbetën për pesë dekada.
Kur më në fund ato u morën nga pasardhësit e tij, monedhat u prezantuan te një shtëpi ankandesh.

Trump: Irani dëshiron bisedime të drejtpërdrejta me SHBA-në

Granit Xhaka, ‘Mbreti’ i pasimeve në Bundesligë

SHBA mbyll transmetimin e Radio Evropa e Lirë në Rusi

Komandanti i forcave amerikane në Evropë: Rusët humbën 4000 tanke në Ukrainë

Sekretari i përgjithshëm i NATO-s: Jemi të fokusuar për një Ballkan të qetë e të qëndrueshëm

Ndrek Shkjezi, aktori i karaktereve, bashkëthemelues i Teatrit të Shtetit

Sllovakia miraton vrasjen e 350 arinjve pas sulmit të fundit me pasoja fatale

Stephen Curry fiton duelin me LeBron James, rezultatet në NBA

Gjykata Kushtetuese e Koresë së Jugut rrëzoi presidentin Yoon
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë