Aktualitet

Afganët po hapin biznese!

E nisin me restorant në Shëngjin, me ushqime nga vendlindja.

Published

on

Afganët u janë rikthyer jetës normale në Shqipëri, duke hapur bizneset e para.

Një i tillë është në Shëngjin ku ofrohen ushqime tradicionale afgane

Jetesa jonë po shkon shumë mire këtu, edhe pse një pjesë e zemrës tonë është atje, por jemi munduar disi ta kalojmë. Kur ne erdhëm në Shqipëri, na mungonin shume ushqimet afgane. Në fakt, na mungonin shumë gjëra nga Afganistani, por e vetmja që ne mund të sillnim ishte ushqimi afgan. Në fillim menduam së bashku me shoqet e mia të gatuanim vetëm për vete, por pamë që kjo ndërtesë ishte bosh dhe pse jo vendosëm ta merrnim dhe kështu mund të gatuanim dhe shërbenim dhe për komunitetin tonë”, thotë WalWala Jalalza.

Ualala na tregon më tepër rreth menusë që ofrojnë në restorant dhe mënyrën e përgatitjes së 2 ushqimeve më të famshme të vendit të tyre. Gjithashtu ajo shton se gatimi ka qenë si një terapi përgjatë kohës që po qëndrojnë në Shëngjin.

Për momentin, ne po përgatisim dy lloje ushqimesh, ashek dhe bulani, të cilat janë më të famshmet ushqime të Afganistanit, ku bulani është pak a shumë si byreku shqiptar. Ne kemi klientë të ndryshëm, shqiptarë, amerikanë por më të shumte janë afganë.
Në menunë e tyre ende nuk ka një ushqim shqiptar, por ajo thotë se nëse do të qëndrojnë më gjatë në vendin tonë, restoranti i tyre do të ofrojë dhe ushqime tradicionale shqiptare.
“Unë akoma nuk kam provuar ushqim shqiptar, por po kërkoj një vend që bën ushqim tradicional shqiptar dhe pse jo nëse ne rrimë me gjatë, mund ta përfshijmë në menunë tonë”.TCH

Continue Reading

Rajoni

Begaj pret në takim Presidentin e Letonisë

Published

on

Presidenti i Republikës, Bajram Begaj, priti në takim Presidentin e Letonisë, Edgars Rinkevics. Vizita e tij në Tiranë pason atë të Presidentit Begaj në Riga vitin e kaluar, e cila ishte vizita e parë shtetërore e një Presidenti të Shqipërisë në tre vendet baltike.

Si kryetarë shtetesh aleate në NATO, Presidentët Begaj dhe Rinkēvičs trajtuan se çështjet e mprehta në fushën e sigurisë dhe mbrojtjes vijnë në një kohë kur provokimet ruse u intensifikuan me shkeljet e hapësirës ajrore të disa shteteve.

Gjithashtu, gjatë takimit u bisedua edhe për marrëdhëniet politike, ekonomike dhe tregtare mes dy vendeve, anëtarësimin e Shqipërisë në BE, për situatën në Ballkanin Perëndimor, dhe në rajonin baltik.

Presidenti Begaj vlerësoi bashkëpunimin e ngushtë për sigurinë, duke theksuar kontributin e Letonisë përmes trupave në KFOR në Kosovë, si dhe të trupave shqiptare në prezencën e përparuar të NATO-s në “Camp Adazi” të Letonisë.

Të dy Presidentët ndanë qëndrim të njëjtë për sa i përket shqetësimeve të sigurisë, duke përfshirë agresionin rus, kërcënimet hibride dhe bashkëpunimin për sigurinë kibernetike, keqinformacioni dhe dizinformimi, brenda kornizave të NATO-s dhe BE-së.

Po ashtu, ata kanë rikonfirmuar qëndrimin e njëjtë për të dënuar agresionin ushtarak të Rusisë kundër Ukrainës dukë shprehur angazhimin e palëkundur në mbështetjen e plotë për Ukrainën për ti dhënë fund luftës.

Presidentët Begaj dhe Rinkevics, pas takimit me delegacionet përkatëse mbajtën një konferencë të përbashkët për mediat./S.K/KP/

Continue Reading

Vendi

Osmani: Serbia dhe Rusia kërcënim për Kosovën, BE të mos e shpërblejë Beogradin

Published

on

Presidentja e Kosovës, Vjosa Osmani tha se Rusia dhe aleatja e saj, Serbia paraqesin kërcënim për Kosovën, duke i bërë thirrje Bashkimit Evropian që të mos e shpërbëjë Beogradin.

Para nisjes së samitit të Komunitetit Politik Evropian në Konpenhagë të Danimarkës, Osmani tha për gazetarët se Rusia paraqet kërcënim për Evropën, ndërkaq Serbia për rajonin e Ballkanit Perëndimor, duke e akuzuar Beogradin se i kopjon veprimet e Moskës.

“Serbia i trajton shtetet fqinje si shtete që nuk ekzistojnë, si shtete të përkohshme, si shtete ndaj të cilave ajo vepron me agresion. Është kopje e metodave të Rusisë. Fatkeqësisht, Rusia e përkrah Serbinë në këto veprime. Tradicionalisht dhe për shekuj të tërë, ata kanë përdorur një koncept të ngjashëm: Rusia flet për Rusinë e Madhe dhe Botën Ruse, Serbia për ‘Serbinë e Madhe’ dhe ‘Botën Serbe’ dhe përdorin të njëjtat metoda. Për ne të dyja paraqesin kërcënim”, tha Osmani.

Osmani tha se në rajonin e Ballkanit Perëndimor kurrë nuk ka vakum të ndikimit.

“Nëse nuk ka ndikim perëndimor, sipas saj, “forcat malinje të ‘Trekëndëshit të Ligësisë’ që është Rusia, Kina dhe Irani gjithmonë vijnë aty jo për bamirësi, por kanë interesa dashakeq strategjikë. Prandaj është e rëndësishme që zgjerimi të shtyhet përpara dhe Ballkani Perëndimor, ato shtete të rajonit që i plotësojnë kriteret dhe punojnë me vlerat e BE-së, duhet të merren parasysh që të lëvizin përpara”, shtoi ajo.

Osmani tha se disa ditë më parë Kosova shënoi dyvjetorin e sulmit të armatosur në Banjskë të Zveçanit, kur një grup i serbëve të armatosur sulmoi Policinë e Kosovës, duke vrarë një rreshter.

Kosova e konsideron këtë sulm terrorist dhe akuzon shtetin e Serbisë për organizimin e tij.

“BE-ja vazhdon të kërkojë llogaridhënie. Ka pasur zero llogaridhënie dhe është koha që ata t’i shndërrojnë fjalët në veprime”, theksoi Osmani.

Këtë vit, Danimarka është mikpritëse e samitit të shtatë të Komunitetit Politik Evropian. Samiti mbledh 45 udhëheqës, përfshirë edhe presidentin e Ukrainës, Volodymyr Zelensky./S.K/EO/

 

Continue Reading

Vendi

Ulutash rikthehet nga sot në krye të KFOR-it

Published

on

Këtë të premte do të mbahet ceremonia e ndërrimit të komandës në shtabin e KFOR-it me fillim nga ora 11:00.

Gjeneralmajori i ushtrisë italiane, Enrico Barduani, do t’ia dorëzojë komandën e KFOR-it gjeneralmajorit të ushtrisë turke, Ozkan Ulutash.

Ndryshe, Ulutash rikthehet sërish në krye të KFOR-it, post të cilin e kishte dorëzuar rreth një vit më parë, më 11 tetor 2024./S.K/EO/

Continue Reading

Lajmet

Parashikimi i motit

Published

on

Gjatë ditës së sotme pritet të mbajë mot i vranët dhe me reshje bore.

Sipas Institutit Hidrometeorologjik të Kosovës, temperaturat minimale janë 1-4°C kurse temperaturat maksimale lëvizin 5-9 gradë Celsius.

“Mot kryesisht i vranët dhe vende-vende me riga shiu. Temperaturat minimale: 1-4°C. Temperaturat maksimale: 5-9°C. Era e lehtë deri mesatare nga drejtimi i veriperëndimit”, thuhet në njoftim./S.K/EO/

Continue Reading

Të kërkuara