Sport

Abramowich i ofron Chelsean miliarderit zviceran

Abramowich gjendet në presion konstant pas sulmeve të vazhdueshme të agresorit rus ndaj shtetit të Ukrainës.

Published

5 years ago

March 2, 2022

Betim Gashi

Miliarderi zviceran Hansjorg Wyss ka thënë se i është bërë një ofertë për ta blerë klubin e Chelseat nga Roman Abramowich.

Abramowich gjendet në presion konstant pas sulmeve të vazhdueshme të agresorit rus ndaj shtetit të Ukrainës, ku ministri i punëve të brendshëm Chris Bryant ka thënë që pronari i Chelseat është tejet i frikësuar që mund të sanksionohet nga Qeveria e Britanisë së Madhe.

Abramowich veçse ka lëshuar një komunikatë duke treguar që fondacioni bamirës i klubit të Chelseat do të marr në dorë kreun e kampionit evropian, por miliarderi Wyss tregon që ai është pjesë e një grupi që po tenton që ta blejë klubin nga biznesmeni rus.

“Abramowich është njëri nga shokët më të mirë dhe më të ngushtë të Putinit. Sikur të gjithë oligarkët tjerë, ai po ashtu është në panik. Abramowich është duke u munduar që të shesë të gjitha villat e tij në Angli. Ai po ashtu dëshiron të largohet sa më shpejtë nga Chelsea. Unë dhe tre persona të tjerë kemi pranuar një ofertë të martën që të blejmë Chelsean nga Abramowich”, tha Wyss për Blick.

“Më duhet të presë katër deri në pesë ditë tani, Abramowich po kërkon një shumë të madhe. Ju e dini, Chelsea i ka borxh atij afro 2 miliardë euro, por Chelsea si klub nuk ka para, dhe kjo nënkupton që ata që e blejnë Chelsean duhet t’i kompensojnë borxhin Abramowichit”, shtoi miliarderi zviceran.

Wyss është një biznesmen i lindur në Zvicër i cili momentalisht jeton në Shtetet e Bashkuara të Amerikës, ku ka bërë pasurinë e tij si themelues dhe ish-presidenti i “Synthes USA”, kamponi kjo që prodhon pajisje mjekësore.

86-vjeçari raportohet se ka një shifër prej pesë miliardë dollarësh mbi emrin e tij, dhe së fundmi është zgjedhur edhe si njëri ndër njerëzit më filantropik në botë nga “Forbes”.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/