Sport

A do të ndikojnë sanksionet sportive ndaj Rusisë?

Të hënën, klubet ruse të futbollit dhe ekipet kombëtare u pezulluan nga të gjitha garat nga FIFA dhe UEFA.

Published

5 years ago

March 1, 2022

Betim Gashi

Organizatat sportive po vazhdojnë të vendosin sanksione ndaj ekipeve dhe atletëve rusë pasi Rusia nisi pushtimin e Ukrainës të enjten e javës së kaluar.

Të hënën, klubet ruse të futbollit dhe ekipet kombëtare u pezulluan nga të gjitha garat nga FIFA dhe UEFA “deri në një njoftim tjetër”. Kjo do të thotë se skuadra ruse e meshkujve nuk do të luajë ndeshje në play-off të Kupës së Botës muajin e ardhshëm dhe ekipi i femrave është përjashtuar nga kompeticioni i kësaj vere në Euro 2022.

Spartak Moska është përjashtuar nga Europa League, ndërsa UEFA i ka dhënë fund bashkëpunimit me gjigantin rus të energjisë, Gazprom.

Komiteti Olimpik Ndërkombëtar u ka kërkuar organeve drejtuese të sportit të ndalojnë atletët rusë dhe bjellorusë. Federata e Tenisit e Ukrainës i ka bërë thirrje organit drejtues të sportit, Federatës Ndërkombëtare të Tenisit (ITF), të përjashtojë Rusinë dhe Bjellorusinë nga organizimi dhe të ndalojë Rusinë nga turnetë individuale dhe ekipore.

Numri 15 ukrainas i botës në tenis, Elina Svitolina ka thënë se do të refuzojë të luajë me lojtaret ruse ose bjelloruse derisa ato të klasifikohen si ‘atlete neutrale’.

Tenisti ukrainas, Sergiy Stakhovsky thotë se ai beson se këto lëvizje do të bëjnë shumë ndryshim në aspektin e perspektivës për presidentin rus, Vladimir Putin.

“Ai me të vërtetë e do sportin dhe i pëlqen që Rusia është e suksesshme në sport. Atij i pëlqen që mund ta demonstrojë atë sukses në botë gjatë Olimpiadës dhe gjatë ngjarjeve të tjera sportive”, tha Stakhovsky./UBTNews/

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/