Sipas Organizatës Ndërkombëtare për Migracionin, mbi 10 milionë njerëz janë zhvendosur në Sudan, vendin e shkatërruar nga lufta.

Qëkur shpërtheu lufta në prill të vitit 2023 midis ushtrisë sudaneze dhe Forcave të Mbështetjes së Shpejtë paraushtarake, 7.26 milionë njerëz janë larguar nga shtëpitë e tyre, si dhe 2.83 milionë të tjerë tashmë janë zhvendosur nga konfliktet e mëparshme.

Kombet e Bashkuara kanë paralajmëruar vazhdimisht se Sudani po përballet me krizën më të keqe të zhvendosjes në botë.

Mbi një e katërta e 48 milionë njerëzve të Sudanit tani janë detyruar të largohen nga shtëpitë e tyre, me më shumë se dy milionë që kanë kaluar kufijtë ndërkombëtarë.

Rreth 3.7 milionë njerëz – mbi një e treta e të gjithë të zhvendosurve – janë arratisur vetëm nga kryeqyteti i shkatërruar, Khartoum./UBTNews/

Ambasadori gjerman në Prishtinë, Jorn Rohde, ka shkruar me rastin e 25-vjetorit të Çlirimit të Kosovës dhe fillimit të vendosjes së misionit të NATO-s.

Diplomati gjerman ka kujtuar fjalët e ish-sekretarit britanik të NATO-s, George Robertson, i cili kishte thënë se qëllimi i ndërhyrjes së NATO-s ka qenë largimi i forcave të Millosheviqit, hyrja e NATO-s dhe kthimi i refugjatëve.

“Misioni ishte kompletuar”, citon Rohde fjalët e thëna nga Robertson më 1999. “Shpallja e pavarësisë së Kosovës në vitin 2008 është një storie suksesi”, ka shkruar Rohde.

Në fund ambasadori gjerman ka shkruar se Gjermania është dhe mbetet një na aleatët më të afërt të Kosovës.

“Sot para 25 vitesh filloi misioni i KFOR-it të NATO-s. Për të cituar ish-Sekretarin e Mbrojtjes të Mbretërisë së Bashkuar/NATO-GS Lord Robertson: Qëllimi ishte largimi i forcave të Millosheviçit, hyrja e NATO-s dhe kthimi i refugjatëve. Misioni u krye. U shpall pavarësia e Kosovës në 2008 dhe është një histori suksesi. Gjermania është dhe mbetet ndër partnerët më të afërt të Kosovës”, shkruan Rohde.

Përfaqësuesi i familjes Jashari, Rifat Jashari, është shprehur i lumtur me rastin e 25-vjetorit të Ditës së Çlirimit. Jashari ka thënë se për këtë ditë është derdhur shumë gjak. Ai ka thënë se më i kënaqur nuk ka qenë asnjëherë pasi ka arritur ta gëzojë çlirimin e Kosovës.

“Qysh më mirë, më i kënaqur nuk jam kanë kurrë qe e arritëm edhe çlirimin e Kosovës është derdhur gjak por është paguar ata gjak, dhimbje s’ka veç krenari. Urime gjithë shqiptareve kudo qe janë”, ka thënë ai.

Kryetari i Partisë Demokratike të Kosovës, Memli Krasniqi, ka thënë se 12 qershori i vitit 1999 është një nga ato ditët që secili e mban mend se çfarë ka qenë duke bërë.

Në seancën solemne të Kuvendit, në nder të 25-vjetorit të Çlirimit të Kosovës, Krasniqi tha se ajo ditë dikë e ka gjetur jashtë vendit, dikë të frikësuar apo të strehuar, por një kategori e zgjedhur e popullit e ka gjetur me pushkë në dorë, duke luftuar për çlirimin e vendit.

Krasniqi tha se këta ushtarë ishin të gatshëm të vdesin për liri, duke ndjekur shembullin e pishtarit më të ndritshëm në rrugëtimin tonë kombëtar, komandantin legjendar Adem Jashari.

“12 qershori i vitit 1999 është një ato ditët që secili që kemi jetuar e mbajmë mend mirë se ku kemi qenë dhe çfarë kemi bërë atë ditë dhe kjo ditë dikë e ka gjetur jashtë Kosovës si të dëbuar dhunshëm apo nëpër kampet e refugjatëve, dikë në Kosovë të frikësuar apo duke u strehuar maleve, dikë tjetër të degtisur nëpër shtete të ndryshme të botës e disa të tjerë nëpër burgjet Serbisë, por një kategori e zgjedhur e popullit tonë kjo ditë e ka gjetur me pushkë në dorë nëpër fronet e luftës çlirimtare të gatshëm të vdesin për liri duke ndjekur shembullin e pishtarit më të ndritshëm të rrugëtimit tonë kombëtar, komandantit legjendar Adem Jashari”, tha Krasniqi.

Duke kujtuar sakrificën e liderëve të UÇK-së që gjenden në Hagë si Hashim Thaçi, Kadri Veseli, Jakup Krasniqi e Rexhep Selimi, Krasniqi tha se kjo është dëshmi se liria nuk është e garantuar dhe se për të duhet luftuar dhe mbrojtur çdo ditë.

I pari i PDK-së tha se këta burra janë testament i gjallë i përpjekjeve të pandalshme që kërkon liria dhe shteti. Krasniqi u bëri thirrje atyre që të qëndrojnë të fortë, pasi sipas tij, historia kurrë nuk do të mund të ndryshohet dhe se “Dielli do të lind përsëri”.

“Këto 25 vjet na kanë mësuar se liria kurrë nuk është e garantuar dhe nuk mund të merret si e mirëqenë. Për të duhet luftuar dhe atë duhet mbrojtur çdo ditë, për të duhet punuar ndershëm e me zell që t’ua kalojmë brezave pasues trashëgiminë, e kush e di këtë gjë më mirë se ne këtu. Hashim Thaçi, Kadri Veseli, Jakup Krasniqi, Rexhep Selimi dhe shokët e tyre në Hagë që kanë thuajse 4 dekada që luftojnë për lirinë dhe mbrojtjen e sajë, që nga protestat studentore popullore në vitet e 80-ta, celulat e para të krijimit të UÇK-së në vitet e 90-ta përpjekjet e jashtëzakonshme për pavarësi në dekadën e parë të këtij mijëvjeçari. Lufta e tyre nuk u ndal kurrë dhe beteja e tyre për lirinë tonë po vazhdon ende. Këta burra janë testament i gjallë i përpjekjeve të pandalshme që kërkon liria dhe shteti. Ju themi se jeni heronj të luftës dhe të paqes dhe se askush me asgjë nuk mund ta ndryshojë të vërtetë, qëndroni të fortë sepse padyshim Dielli do të lind përsëri”, tha Krasniqi.