

Published
4 years agoon
By
Betim GashiCeremonia e hapjes së Lojërave Olimpike të Tokios të premten do të nisë nën hijen e pandemisë, e cila nxiti shtyrjen në kohë të kësaj ngjarjeje sportive, krijoi probleme me garat përpara saj, si dhe pritet të mbajë larg spektatorët nga tribunat, e madje të pengojë disa atletë të garojnë.
Për vëzhguesit e rastësishëm në Shtetet e Bashkuara, entuziazmi duket i vështirë të gjendet para Lojërat Olimpike.
“Vështirë se kemi dëgjuar shumë për këtë aktivitet”, i tha Zërit të Amerikës, Kevin Watson një banor nga Aleksandria e shtetit të Virxhinias. “Ka më pak intervista me atletë apo reklama televizive për sportet”.
Edhe para pandemisë interesi mbi Lojrat Olimpike Verore ishin në rënie.
Të dhënat e mbledhura nga faqja “Zeta Global” me bazë në Nju Jork tregojnë se 60% e amerikanëve nuk ishin të interesuar apo të ngazëllyer rreth Lojërave të Tokios. Dhe madje rreth 45% nuk i prisnin fare me padurim.
Mungesa e spektatorëve
Sipas faqes në internet “Zeta Global” mes arsyeve për këtë mungesë interesi ishin shtyrja e lojërave të vitit të kaluar, rënia e dëshirës për t’u ulur para televizorit pas një viti bllokimi si dhe ndalimi i spektatorëve për të ndjekur nga afër këtë ngjarje sportive.
“Meqenëse nuk do të ketë spektatorë për të parë, brohoritur dhe bërtitur nga tribunat, kjo e bën ngjarjen e mërzitshme”, thotë në një intervistë për Zërin e Amerikës, Alex Willman nga Karlsbadi i Kalifornisë. “Gjeja më e bukur e çdo ngjarjeje sportive me një audiencë të madhe është të shohësh reagimin e tyre ndaj rezultatit”, shton ai.
Eliot Greenwald thotë se ai nuk i ka kushtuar shumë vëmendje aktiviteteve sportive që i paraprinë Lojërave Olimpike. Marinari nga Bethesta i shtetit të Merilendit, thotë se ndoshta interesi do t’i ndizet me fillimin e tyre, veçanërisht për sportet ujore, si lundrimi e zhytja.
Në kushtet kur disa prej atletëve kanë rezultuar pozitivë për koronavirus, disa mendojnë se Lojërat e Tokios duhet të shtyhen sërish.
“Unë i dua Lojërat Olimpike, por nuk mendoj se duhet të zhvillohen tani”, thotë për Zërin e Amerikës Barry Hunter, trajner boksi në palestrën “Headbangers” në Uashington. Ai shton se për shkak të pandemisë “çdo amerikan i thjeshtë nuk është aq i ngazëllyer për to, siç do të ishte normalisht”.
“Ato duken më pak të rëndësishme kur ndodh një pandemi në të gjithë botën”, thotë Louise Korver, e cila jeton në Hantersvill të Karolinës së Veriut.
Por për Jeff Shell-in, shef ekzekutiv i NBC Universal, rrjetit kryesor televiziv amerikan që do të transmetojë pjesën më të madhe të Lojërave Olimpike, kjo është koha e duhur që kjo ngjarje të nisë.
NBC do të transmetojë 7,000 orë mbulim në rrjetet e saj të shumta televizive. Zoti Shell tha gjatë një konferencë virtuale këtë javë se Lojërat e Tokios mund të ishin aktiviteti më fitimprurës në historinë e NBC.
Etja mes disa tifozëve
Mungesa e entuziazmit nuk është aspak diçka e përgjithshme. Disa amerikanë mezi presin të shikojnë sportet e tyre të preferuara.
Luisa Handem Piette nga Londonderry i shtetit Nju Hempshër, thotë se ajo do të jetë në mesin e atyre që do të rrijnë ngjitur pas televizorit duke parë Lojërat Olimpike. “Publiku amerikan do të jetë shumë më i madh nga sa parashikohet”, tha ajo në një intervistë telefonike për Zërin e Amerikës.
Bob Mandau nga Chesterland-i i Ohajos, thotë se ai e mirëpret Olimpiadën, duke e parë si një shkëputje shumë të nevojshme nga politika negative që përcillet në televizo.
Ndërkohë Rick Kinney nga Wellesley i shtetit Masaçusets, thotë se amerikanët si ai do t’i shohin Lojërat Olimpike sepse “njerëzit i pëlqejnë historitë që të bëjnë të ndihesh mirë si ato rreth përpjekjeve të atletëve për të mbërritur deri aty”.
Sam Doering është pjesë e ekipit të notit në Kolegjin Hendrix në Conway të Arkansasit. Ajo do të ndjekë garat ku merr pjesë amerikania Katie Ledecky, një prej notareve më të mira në botë dhe favorite për medalje.
“Mendoj se do të jetë dicka fantastike të shohësh Ledecky-n dhe shpresoj që edhe notarë të tjerë amerikanë të dalin mirë në garat e notit”, tha ajo.
“Të dëgjosh himnin kombëtar pasi ata kanë fituar medaljet është vërtet diçka interesante”, thotë ajo.
Nga të gjitha disiplinat sportive, gjimnastika për femra parashikohet të jetë më e ndjekura nga amerikanët. Zeta Global parashikon që 33% e njerëzve të interesuar për Lojërat Olimpike të përqendrohen tek ky sport.
Ashley Umberger, pronare dhe trajnere kryesore në Akademinë e Gjimnastikës North Stars në Boonton, të Nju Xhersit thotë se ekipi amerikan i femrave “duhet të jetë ai që duhet ndjekur”. Amerikanët thotë ajo do të përqëndrohen për të parë Simone Biles, gjimnasten kryesore “e cila po shënon arritje te mëdha”.
You may like
Aktualitet
UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025
Published
7 hours agoon
September 30, 2025By
Driton Iseni
UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.
Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.
Datat e rëndësishme:
- Dorëzimi i abstrakteve: 10 Tetor 2025
- Njoftimi për pranimin e abstrakteve: 17 Tetor 2025
- Regjistrimi i hershëm: 17 Tetor 2025
- Regjistrimi i vonë: 20 Tetor 2025
- Dorëzimi i artikujve të plotë: 14 Nëntor 2025
- Peer review: 17 Tetor 2025
Qëllimi i konferencës:
Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.
Tema e vitit:
- Inteligjenca Artificiale dhe Sensacionalizmi i Informacionit në Kohë Krize dhe Konflikti
Nën-temat përfshijnë:
- Roli i medias në kohë krize dhe kriza gjeopolitike
- Transformimi i komunikimit politik në epokën dixhitale
- Etika e medias dhe komunikimit gjatë krizave humanitare: Përdorimi i Chat GPT
Temat e tjera të trajtuara:
- Reklama, media alternative dhe komunitare
- Inteligjenca artificiale dhe gazetaria
- Komunikimi biznesor dhe marketingu i integruar
- Media dhe globalizimi, media dhe sporti
- Etika e medias, dezinformimi dhe lajmet false
- Komunikimi ndërkulturor dhe ndëretnik
- Studime kritike dhe kulturore, rinia dhe gjinia
- Gazetaria, ligji dhe ndikimi shoqëror
- Media, ndryshimet klimatike dhe studimet mjedisore
- Komunikimi i rrezikut, stigma dhe shëndeti publik
- Media vizuale, muzikore, multimediale dhe teknologjitë e reja
Dorëzimi i artikujve:
Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.
Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së
Aktualitet
Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement
Published
7 hours agoon
September 30, 2025By
Driton Iseni
Punimi shkencor i profesorëve të UBT-së, të Fakultetit Shkencat e Sportit dhe të Lëvizjes, me titull: “The effects of strength and conditioning programs on soccer players’ performance across a single season divided into two phases”, është publikuar në revistën ndërkombëtare Human Movement (ISSN 1899-1955).
Studimi, i realizuar nga profesorët: Milaim Berisha, Abedin Bahtiri dhe Agron Thaqi nga UBT, në bashkëpunim me Monèm Jemni nga Fakulteti i Edukimit Fizik në Ningbo, në Kinë, analizon ndikimin e programeve të forcës dhe kondicionit në performancën e futbollistëve profesionistë gjatë një sezoni të plotë futbollistik, i ndarë në dy faza përgatitore dhe dy faza garuese.
Rezultatet kryesore
Faza e parë përgatitore pati efektin më të madh në qëndrueshmërinë specifike, me rritje të dukshme në Yo-Yo Recovery Level 1 dhe VO₂max, kryesisht për shkak të niveleve fillestare më të ulëta. Faza e dytë, megjithëse efektive, solli rritje më të vogël për shkak të gjëndjes iniciale ne ketë fazë. Gjatë fazës së parë garuese u pa përmirësim i lehtë dhe mirëmbajtje e performancës; në të dytën mbizotëroi stabilizimi, me rënie të lehta.
Analiza e përbërjes trupore tregon se rritja e yndyrës është në kundershtim me qëndrueshmërinë, ndërsa uji trupor lidhet pozitivisht me të; masa muskulore, në mungesë të kondicionit kardiovaskular adekuat, korrelon negativisht me qëndrueshmërinë.
Yndyra viscerale shfaqi lidhje të dobët dhe jo domethënëse statistikisht. U vu re edhe një mospërputhje e pjeshshme midis Yo-Yo RL1 dhe VO₂max në fazat e mëvonshme, ndonëse VO₂max derivohet nga distancat e Yo-Yo. Kjo për shkak të fazave të pushimit që përmban testi. megjithatë, Yo-Yo RL1 mbetet një mjet praktik, ekonomik dhe efikas për vlerësimin e VO₂max dhe i ndjeshëm ndaj ndryshimeve në përsëritje të ushtrimeve intensive.
Në thelb, studimi nënvizon rëndësinë e stërvitjes së strukturuar në fazën përgatitore, rikuperimit aktiv për ruajtjen e performancës gjatë periudhave të ndeshjeve dhe menaxhimit të kujdesshëm të përbërjes trupore, sidomos kur testimi laboratorik nuk është i mundur.
Aktualitet
Mungesa e kuorumit, Kuvendi i Prishtinës mbyll mandatin me dështim të seancës
Published
11 hours agoon
September 30, 2025By
UBT News
Ka dështuar seanca e cila ishte paraparë të mbyllte ciklin katërvjeçar të Kuvendit të Komunës së Prishtinës, kjo për shkak të mungesës së kuorumit brenda sallës.
Mungesa e ekzekutivit të Komunës dhe grupit të asamblistëve të Lidhjes Demokratike të Kosovës pamundësoi vazhdimin e punës dhe shtyu edhe njëherë diskutimin e temave të mbetura në rend dite.
Përfaqësuesi i grupit të asamblistëve të Lëvizjes Vetëvendosje, Gëzim Sveçla, u shpreh se disa çështje të rëndësishme, siç është afati i fundit ligjor për miratimin e buxhetit për vitin e ardhshëm, apo raporti i auditimit, do duhej të diskutoheshin në këtë mbledhje.
“Kjo nuk është hera e parë që ndodhë kështu, në demokraci të konsoliduara të pakta janë rastet ku pushteti mungon në seanca, mirëpo në Kuvendin Komunal, gjatë këtij mandati, kjo ka qenë një dukuri e shpeshtë”, ka thënë Sveçla.
Kryetarin Rama dhe asamblistët e pozitës, ngjashëm i ka kritikuar edhe përfaqësuesi i asamblistëve të Partisë Demokratike të Kosovës, Leutrim Retkoceri.
“Përparim Rama dhe ekzekutivi nuk erdhën as sot, e mbyllën mandatin me ikje, me heshtje, me përbuzje ndaj kuvendit dhe ndaj qytetarëve të Prishtinës. Ky është treguesi më i qartë i mënyrës se si kanë qeverisur”- u shpreh Retkoceri.
Pas kësaj, kryesuesi i Kuvendit, Fehmi Kupina, shpalli mbledhjen e mbyllur.
Kjo ishte mbledhja e fundit e Kuvendit Komunal të Prishtinës, para mbajtjes së zgjedhjeve lokale.
Një prej çështjeve të mbetura pezull, e cila ende nuk ka gjetur zgjidhje në Asamblenë e Prishtinës, është miratimi i projektbuxhetit për vitin 2026./S.K/EO/
Aktualitet
UBT ofron 20 për qind bursë në programin Master në Shkencat dhe Teknologjia e Ushqimit, për teknologët, nutricionistët dhe infermierët
Published
13 hours agoon
September 30, 2025By
Driton Iseni
UBT po ofron një mundësi të veçantë për profesionistët e industrisë ushqimore. 20 për qind bursë për teknologët ushqimorë, nutricionistët dhe infermierët, në programin Master në Shkencat dhe Teknologjia e Ushqimit, për të zhvilluar njohuri të thella akademike, aftësi praktike të avancuara dhe përvojë ndërkombëtare.
Programi Master në Shkencat dhe Teknologjinë e Ushqimit në UBT është dizajnuar për të ofruar arsimim të avancuar akademik dhe profesional në këtë fushë vitale për zhvillimin shoqëror, ekonomik dhe shëndetësor të vendit.
Ky program është ndërtuar sipas kurrikulave bashkëkohore, të krahasueshme me ato të universiteteve më të zhvilluara ndërkombëtare, duke përfshirë qasje multidisiplinare, kërkime shkencore dhe praktika laboratorike.
Studentët pajisen me njohuri të thelluara mbi kiminë ushqimore, mikrobiologjinë, inxhinierinë e ushqimit dhe nutricionin, duke mësuar të krijojnë, përpunojnë dhe ruajnë produkte ushqimore të sigurta, cilësore dhe të shëndetshme.
Ky program përgatit profesionistë të aftë për:
- të punuar në kompani kombëtare dhe ndërkombëtare të industrisë ushqimore,
- të kontribuar në sektorin publik dhe privat,
- të udhëheqin projekte të inovacionit në ushqim,
- të zhvillojnë kërkime shkencore dhe të vazhdojnë studimet në nivel doktorature.
Përmes një mjedisi modern akademik, UBT u ofron studentëve mundësi për mobilitete studimore në universitete partnere evropiane, staf me përvojë ndërkombëtare dhe kushte laboratorike të nivelit më të lartë.
Programi gjithashtu u mundëson studentëve të specializohen në fusha të ndryshme si nutricioni, teknologjia ushqimore dhe menaxhimi i cilësisë e sigurisë së ushqimit, duke i pajisur ata me aftësi për të adresuar sfida komplekse që lidhen me prodhimin, sigurinë dhe ndikimin shëndetësor të ushqimit.
UBT thekson se qëllimi i këtij programi është të krijojë profesionistë dhe ekspertë që jo vetëm plotësojnë nevojat e tregut vendor dhe ndërkombëtar, por gjithashtu kontribuojnë në ngritjen e standardeve të ushqimit, shëndetit dhe inovacionit në Kosovë dhe më gjerë.
APLIKO TANI ONLINE dhe përfito nga bursa 20 për qind për të qenë pjesë e gjeneratës së re të ekspertëve të ushqimit dhe nutricionit.

Spotify heq masivisht përmbajtjen e krijuar nga AI

Flet drejtori i KH Rahovecit: Vendimi për të na përjashtuar nga palestra i pakuptimtë

Facebook dhe Messenger me rregulla të reja

Studimi: Edhe pse e ëmbël, mangoja ul rrezikun e diabetit

Bashkimi kërkon suksesin historik në Evropë

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Madonna rrëfen përvojën tronditëse me infeksionin bakterial

Portieri 42 vjeçar kthehet për kualifikueset e Botërorit

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega