Magazinë

A duhet kompanitë të punësojnë punëtorët më të moshuar?

E vërteta është se punëtorët e moshuar mund të jenë një aset i madh për shumë organizata.

Publikuar

4 muaj më parë

më

Një sondazh i vitit të kaluar raportoi se 31 për qind e pensionistëve janë të etur për t’u kthyer në punë për shkak të inflacionit dhe shqetësimit për të ardhmen e tyre financiare.

Por a duhet organizatat të punësojnë punëtorë më të vjetër, ata rreth moshës 55-vjeçare ose më të moshuar? Patjetër! Por, për profesionet me përvojë në burime njerëzore e dinë se mosha dhe stereotipizimi i punëtorëve të moshuar është shumë i zakonshëm në shumë organizata. Në fakt, shumica do ta veçonin si formën më të zakonshme të diskriminimit në vendin e punës.

Në fund të fundit, mosha i kapërcen të gjitha racat, fetë, gjinitë dhe grupimet etike, dhe të gjithë ne do të jemi “të moshuar” nëse jetojmë mjaftueshëm. Sekreti i vogël i korporatave, të cilin askush nuk do ta pranojë hapur është se diskriminimi në moshë është përgjithësisht i pranuar, edhe nëse nuk synohet.

Shumë mendojnë se punëtorët e moshuar janë më të ngadaltë, më pak teknikisht të aftë, të patrajnueshëm, më pak të angazhuar dhe përgjithësisht shumë të modës së vjetër për tu përshtatur me vendet moderne të punës. Ata vlerësohet që janë relikte që nuk kanë asgjë “të re” për të kontribuar.

Fuqia punëtore e pashfrytëzuar

E vërteta është se punëtorët e moshuar mund të jenë një aset i madh për shumë organizata. Në mënyrë të veçantë, punëtorët e moshuar shpesh kanë aftësi shumë të mira të cilat janë të bazuara në vitet e tyre të përvojës. Këto nuk janë vetëm aftësi pune: ata shpesh kanë ato “aftësi të buta” që punëdhënësit i kërkojnë.

Ata janë përgjithësisht të besueshëm dhe stabil dhe ka më pak të ngjarë të kalojnë nga punëdhënësi në punëdhënës për dallim nga punëtorët më të rinj.

Një artikull akademik i vitit 2020 në “Journal of Business Diversity” me bashkëautorë Dr. Stephanie K. Douglas dhe Dr. Robin A. Roberts, zbuloi se punëtorët e moshuar, ata mbi 63 vjeç kishin nivele më të larta të angazhimit në vendin e punës se çdo moshë më e re. Shumë punëtorë të moshuar janë mentorë të shkëlqyeshëm për punëtorët e rinj, veçanërisht në lidhje me të menduarit strategjik, orientimin e politikave të korporatave brenda organizatave dhe ndërlikimet e punës që fitohen vetëm me përvojën. Një avantazh tjetër është fakti se shumë punëtorë të moshuar janë “avokatë” pozitivë për punëdhënësin dhe mund t’i ndihmojnë punonjësit e rinj t’i kuptojnë gjërat racionalisht.

Me këto avantazhe të dukshme të punësimit të punëtorëve më të vjetër, dhe me shumicën e organizatave që luftojnë për të gjetur punëtorë, fokusi më i madh në këtë demografi mund të sigurojë një avantazh konkurrues biznesi dhe investim më të mirë të burimeve të fuqisë punëtore./ AkademiPune

Etiketa
Vazhdo të lexosh

Kulturë, Lifestyle

Atletet Yeezy sërish në shitje

Edhe pas shkëputjes së partneritetit me reperin Ye.

Publikuar

7 orë më parë

më

4 Qershor, 2023

nga

Disa nga atletet e mbetura në stok të markës Yeezy janë sërish në shitje – disa muaj pasiqë gjiganti gjerman i veshjeve sportive, e ndërpreu partneritetin me reperin e njohur Ye, i cili më parë njihej si Kanye West.

Në fund të tetorit, Adidas ndërpreu partneritetin disavjeçar me reperin e njohur Ye, për shkak të komenteve të tij antisemitike. Gjatë muajve në vijim, fati i Yeezys në vlerë 1.2 miliard euro (1.3 miliard dollarë) mbeti i panjohur – deri në fillim të këtij muaji, kur CEO i Adidasit, Bjørn Gulden njoftoi se kompania do të shiste një pjesë të inventarit të mbetur dhe do të dhuronte disa nga paratë e mbetura për organizatat e drejtësisë sociale.

“Grupi i parë i atleteve të mbetura doli në shitje të mërkurën. Në këtë kohë, atletet duket se janë të disponueshme përmes aplikacionit të Adidas “Confirmed”, thuhet në njoftim.

Adidas raportoi 400 milionë euro humbje në fillim të vitit 2023./UBTNews/

Vazhdo të lexosh

Kulturë, Lifestyle

Kjo është arsyeja pse Megan Thee Stallion nuk do të publikojë muzikë të re

Albumi i fundit i Megan ishte “Traumazine” i vitit 2022.

Publikuar

1 ditë më parë

më

3 Qershor, 2023

nga

Reperja 28-vjeçare është ende duke u “shëruar” nga përvoja traumatike me reperin Tory Lanez dhe gjyqit të gjatë pasues. Ajo tani po fokusohet në mirëqenien e saj mendore e fizike dhe nuk mendon të publikojë këngë të reja derisa të ndihet mirë!

Reperi Tory Lanez, 30 vjeç, u dënua në dhjetor për tre akuza të krimit, përfshirë sulmin me një armë zjarri gjysmë automatike, mbajtjen e një arme zjarri të paregjistruar dhe përdorimin e një arme zjarri në incidentin e vitit 2020 që përfshinte Megan.

“Fansat mund të presin muzikë të re kur unë të jem në një gjendje më të mirë. Tani për tani, unë jam e fokusuar në shërimin [tim]”.

Megan tha se tani për tani ajo po “kalon kohë me qentë e saj, po stërvitet, po shijon shfaqje televizive dhe thjesht po gjen mënyra të reja për të mbrojtur paqen e saj”.

Albumi i fundit i Megan ishte “Traumazine” i vitit 2022./UBTNews/

Vazhdo të lexosh

Kulturë, Lifestyle

Sam Smith dhe Madonna njoftojnë bashkëpunim

Ata kanë konfirmuar publikimin e këngës së tyre të re, Vulgar.

Publikuar

3 ditë më parë

më

1 Qershor, 2023

nga

Sam Smith dhe Madonna kanë ndarë detaje rreth bashkëpunimit të tyre të ri.

Sam Smith dhe Madonna kanë konfirmuar publikimin e këngës së tyre të re, Vulgar.

Madonna ka postuar një foto ku shfaqeshin inicialet e të dy artistëve, S&M, shoqëruar me mbishkrimin, “VULGAR. Kënga e re del të premten më 9 qershor @samsmith”.

Ndërkohë, Madonna, 64 vjeçe, ka qenë duke u përgatitur për turneun e saj të ardhshëm Celebration, i cili do të nisë në Vankuver në korrik dhe do të shohë atë duke performuar hitet e saj nga katër dekadat e fundit.

Vulgar do të publikohet më 9 qershor./UBTNews/

Vazhdo të lexosh

Kulturë, Lifestyle

Danny Masterson shpallet fajtor për dy akuza për përdhunim

Ai rrezikon deri në 30 vjet burg.

Publikuar

3 ditë më parë

më

1 Qershor, 2023

nga

Një juri në Los Anxhelos e ka shpallur fajtor aktorin amerikan Danny Masterson për dy nga tre akuzat e përdhunimit.

Ylli i serialit “That ’70 Show”, rrezikon deri në 30 vjet burg. Ai u nxor nga gjykata në pranga.

Tre gra, të gjitha ish-anëtare të Kishës së Scientologjisë, e akuzuan aktorin për sulm seksual në shtëpinë e tij në Hollywood nga 2001-2003.

Prokurorët argumentuan se Masterson ishte mbështetur në statusin e tij si një Scientologist i shquar për të shmangur përgjegjësinë.

Juria e përbërë nga shtatë gra dhe pesë burra nuk ishte në gjendje të merrte një vendim për një akuzë të tretë pas një jave diskutimesh, duke përfunduar në bllokim në 8-4.

Masterson u akuzua për herë të parë për përdhunim në vitin 2017 gjatë kulmit të lëvizjes #MeToo. Ai u përgjigj duke thënë se nuk ishte akuzuar apo dënuar për një krim dhe se në klimën e asaj kohe “duket sikur prezumohesh fajtor në momentin që akuzohesh”.

Akuzat erdhën pas një hetimi tre-vjeçar nga Departamenti i Policisë së Los Anxhelosit./UBTNews/

Vazhdo të lexosh

Të kërkuara