Lajmet

Kurti sqarohet për propozimet dërguar ZRrE-së dhe kush përfiton nga subvencionimi i importit të rrymës

Në mbledhje e sotme të qeverisë, janë emëruar anëtarët e bordit të Trepçës dhe KEK-ut.

Published

4 years ago

February 2, 2022

UBT news

Kryeministri i Kosovës, Albin Kurti është sqaruar rreth propozimeve të dërguara nga ministritë e kabinetit të tij qeveritar dhe të Grupit Parlamentar të Vetëvendosjes për tarifat e reja në Zyrën e Rregullatorit të Energjisë (ZRrE).

Pas mbledhjes së qeverisë, Kurti tha se këto propozime kanë trajtuar dimensionet e ndryshme, që sipas tij kanë qëllimin e njëjtë e të përbashkët për pragun e bllok tarifave sa më të favorshëm për qytetarët dhe buxhetin e shtetit.

Megjithatë, ai tha se këto komente kanë dallime, por nuk janë kundërthënëse.

“Është e vërtet se kemi pasur edhe komentet e ministrisë së Ekonomisë, edhe të Ministrisë së Financave, si dhe të Grupit parlamentar të Lëvizjes Vetëvendosje. Këto komente kanë dallime, por nuk janë kundërthënëse. Andaj, unë jam i bindur që do t’i kontribuojnë të menduarit të ZRRE-së para vendimit të tyre. Ka përfunduar afati dje, tash neve na duhet të presim se çfarë do të thotë ZRRE-ja dhe sigurisht që do të mblidhemi edhe ne si qeveri që të shohim se si reflektohet kjo konkretisht për javët, muajt në vijim[…]Besoj që në këto momente kur e gjithë ZRRE-ja është duke i trajtuar komentet duke vlerësuar drejtësinë, duke parashikuar pasojat, duhet ta presim vendimin e tyre, por mund të themi që jam i gëzuar që i kemi dhënë mjaftueshëm material për të menduar sa më mirë e sa më dobishëm”, theksoi Kurti.

Kryeministri sërish theksoi se nuk ka rrugëdalje tjetër përveç shtrenjtimit të rrymës.

“Mirëpo duhet të jemi të vetëdijshëm që mos të ketë reduktime të energjisë elektrike, duhet të ketë ose subvencionim nga shteti siç kemi bërë deri më tash për shkak të importit të shtrenjtë të energjisë elektrike, ose shtrenjtim të energjisë elektrike, ose kombinim i të dyja këtyre. Subvencionimi i plotë nga shteti është barrë shumë e madhe, mirëpo edhe shtrenjtimi i energjisë elektrike duke shndërruar shtetin spektator gjithashtu nuk është zgjidhje. Sa më shumë komente që dërgohen në ZRrE, besoj që do t’i kontribuojnë vendimit përfundimtar të tyre”, tha ai.

Në këtë konferencë për media, Kurti ka hequr të gjitha dilemat se nga subvencionimi i importit të energjisë elektrike nga shteti mund të përfitojnë kompanitë private në Kosovë, në këtë rast KESCO.

“KEK e ka të pashmangshëm bashkëpunimin me KESCO, por si do që të jetë edhe kur importon drejtpërdrejt KEK-u ose kur importon Kosova nëpërmjet KEK-ut që këtë e bën nëpërmjet KESCO-s, unë mund t’iu siguroj që nuk bëhet fjalë për përfitime private, meqenëse e gjithë kostoja e shtuar e importit të energjisë elektrike nuk lejojmë të kthehet në përfitim të askujt. Pra, kur humbet publiku nuk do të mund të fitojë privati tek ne. Pra, përfituesit e mëdhenj të kësaj krize energjetike janë tregtarët e energjisë në bursat ndërkombëtare energjetike”, theksoi ai.

Në mbledhje e sotme të qeverisë, janë emëruar anëtarët e bordit të Trepçës dhe KEK-ut.

Lajmet

Arrestohen dy gra në Sllatinë, sulmuan dy femra tjera

Published

20 seconds ago

August 11, 2025

UBTnews

Dy femra janë arrestuar mbrëmjen e së dielës në fshatin Sllatinë të Fushë Kosovës, pas një konflikti fizik me dy gra të tjera.

Sipas Policisë së Kosovës, viktimat kanë marrë tretman mjekësor si pasojë e sulmit. Ngjarja ka ndodhur më 10 gusht 2025, rreth orës 22:10.

“Janë arrestuar dy të dyshuarat femra kosovare pasi dyshohet se kishin sulmuar fizikisht dy viktimat femra kosovare të cilat si pasojë kanë pranuar tretman mjekësor. Pas intervistimit me vendim të prokurori e dyshuara është dërguar në mbajtje“, thuhet në raportin e Policisë së Kosovës.

Lajmet

Grabitje me thikë në Prishtinë, dy persona në arrati

Published

3 minutes ago

August 11, 2025

UBTnews

Në Prishtinë është shënuar një rast grabitjeje me kërcënim me thikë, bëri të ditur Policia e Kosovës.

Sipas raportit 24-orësh të policisë, dy persona të dyshuar, nën kërcënimin e një thike, i kanë marrë një qytetari mashkull kosovar 600 euro para të gatshme. Pas grabitjes, ata janë larguar në drejtim të panjohur.

“Është raportuar se dy persona të dyshuar nën kërcënimin e thikës nga viktima mashkull kosovar kanë marrë 600 (gjashtëqind) € para të gatshme dhe janë larguar në drejtim të panjohur. Rasti është duke u hetuar.” thuhet në njoftim.

Policia ka nisur hetimet për zbardhjen e rastit dhe identifikimin e të dyshuarve.

Lajmet

Haradinaj kujton dëshmorët e Luftës Çlirimtare në javën e dytë të gushtit 1998

Published

8 minutes ago

August 11, 2025

UBTnews

Kreu i AAK-së, Ramush Haradinaj, ka përkujtuar heronjtë e rënë gjatë javës së dytë të gushtit 1998 në Luftën Çlirimtare të Kosovës.

Përmes një postimi në Facebook, ai përkujtoi: Halil Sejfijaj, Arben Ahmetaj, Gëzim Dervishaj, Halil Berisha, Malë Zejnaj, Nexhat Humaj, Naser Idrizaj, Hasan Osmani, Arton Hasanaj dhe Agron Thaqi, të cilët me heroizmin e tyre frymëzuan shumë luftëtarë dhe beteja deri në çlirimin e vendit.

“Përgjithmonë në kujtesën tonë historike!”, theksoi Haradinaj.

Lajmet

Dy raste dhune në familje brenda një dite në Pejë

Published

16 minutes ago

August 11, 2025

UBTnews

Policia e Kosovës ka njoftuar për dy raste të dhunës në familje të raportuara gjatë ditës së djashme në qytetin e Pejës.

Rasti i parë është regjistruar, rreth orës 04:30 të mëngjesit, kur është arrestuar një i dyshuar mashkull kosovar. Sipas policisë, i dyshuari mashkull nën ndikimin e alkoolit, kishte fyer dhe kanosur dy viktima meshkuj kosovarë. Pas intervistimit, dhe me vendim të prokurorit kujdestar, i dyshuari është dërguar në mbajtje.

“Është arrestuar i dyshuari mashkull kosovar pasi që nën ndikim të alkoolit kishte fyer dhe kanosur dy viktimat meshkuj kosovarë. Pas intervistimit me vendim të prokurorit kujdestar i dyshuari është dërguar në mbajtje” thuhet në njoftim.

Ndërkohë, rasti i dytë ka ndodhur po të njëjtën ditë, rreth orës 22:30, kur pas një mosmarrëveshjeje mes një femre dhe një mashkulli kosovar, njësitet policore i kanë shoqëruar të dy palët në stacion policor. Viktima ka refuzuar trajtimin mjekësor, ndërsa i dyshuari, pas konsultimit me prokurorin, është liruar në procedurë të rregullt.

“Pas pranimit të informatave për një mosmarrëveshje në mes një femre dhe një mashkulli kosovar, njësiti policor të njëjtit i ka shoqëruar në stacion policor. Lidhur me rastin viktima ka refuzuar tretmanin mjekësor, i dyshuari në konsultim me prokurorin është liruar në procedurë të rregullt.” thuhet në njoftim./UBTnews