Lajmet

​Kurti i gatshëm për bisedime me Serbinë: Dialogun e duam për marrëveshje

Kurti foli edhe për Asociacionin.

Publikuar

2 vjet më parë

më

Kryeministri Albin Kurti është shprehur i gatshëm për bisedime me Serbinë kurdo që do të ketë ftesë nga përfaqësuesi i Lartë për Politikë të Jashtme dhe të Sigurisë së BE-së, Josep Borrell. Ai ka folur edhe për asociacionin, ku tha se asnjëherë nuk ka qenë kërkesë e serbëve të Kosovës. Këta të fundit, sipas tij, duan drejtësi dhe punësim.

Pas mbledhjes së qeverisë, kryeministri Albin Kurti në konferencë për media u shpreh se janë të gatshëm për të zhvilluar bisedime me Serbinë.


“Kur zyra e përfaqësuesit të lartë të BE-së, zëvendëspresidenti i Komisionit Evropian, zotëri Borrel të na thërras në takim, si lehtësues dhe ndërmjetësues që janë, ne jemi të gatshëm që të marrim pjesë në bisedime atje. Natyrisht ne duam dialogun parimor, të baraspeshuar, ku barazia e palëve është fakt i dhënë dhe i padiskutueshëm. Ndërkaq, dialogun e duam për marrëveshje, jo dialog për dialog. Ky dialog për marrëveshje nënkupton që marrëveshja si marrëveshje për statusin e raporteve tona, jo statusit të Kosovës, çfarë marrëdhënie duhet të kenë Kosova me Serbinë e që ne besojmë që duhet të jenë marrëdhënie normale, patjetër në qendër do ta përmbaj njohjen reciproke”, ka deklaruar Kurti.

Derisa është pyetur për asociacionin, Kurti ka përmendur vendimin e Kushtetueses duke thënë se qeveria është e përkushtuar që në gjithë territorin kjo të jetë e zbatuar në mënyrë të plotë.

“Rrjedhimisht nuk e kaluar testin e Gjykatës Kushtetuese. Unë besoj që edhe serbët në Kosovë, por si shqiptarët, turqit, boshnjakët, romët, egjiptianët, ashkalinjtë, të gjithë qytetarët e Republikës kanë nevojë për drejtësi dhe për punësim dhe jo për asociacione të cilat na shtojnë tensione, na i prishin raportet tona dhe e gëzojnë dikë në Beograd. Nuk ka qenë asnjëherë kërkesë e serbëve të Kosovës, serbët e Kosovës duan drejtësi dhe punësim. Andaj duhet t’i dallojmë kërkesat që vijnë prej poshtë dhe kanë karakter demokratik dhe shoqëror, prej kërkesave që vijnë prej lartë dhe kanë karakter dhe jo-demokratik dhe hegjemonik”, ka shtuar ai.

Në mbledhjen e qeverisë janë emëruar anëtarët e bordit mbikëqyrës të ndërmarrjes publike-Trepça dhe të Korporatës Energjetike të Kosovës-KEK. 

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

6 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

8 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

10 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

12 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara