Magazinë
Princ Harry ndërmerr hapin e radhës për t’u pajtuar me familjen
Princi Harry duket se ka bërë një hap të rëndësishëm për t’u pajtuar me familjen e tij. Ai ka dhënë dritën jeshile për të ftuar princin William dhe mbretin Charles në Lojërat Invictus të vitit 2027, përmes një e-maili zyrtar, duke shpresuar se ata do t’i bashkohen për të nderuar veteranët e luftës.
“Harry ka rënë dakord që Invictus të dërgojë një ftesë për familjen e tij. Invictus shpreson që familja mbretërore të vijë për të mbështetur veteranët e plagosur që marrin pjesë”, tha një burim i afërt për Daily Mail.
Burimi tha se Harry është “shpresëplotë” që babai do të lërë mënjanë mosmarrëveshjet për të mbështetur këtë garë sportive dyvjeçare për ushtarakët dhe veteranët e plagosur, apo që kanë marrë lëndime gjatë luftës.
“Familja mbretërore ka qenë gjithmonë mbështetëse ndaj Invictus dhe krenare për çfarë ka arritur Harry në këtë fushë. Kjo është një “degë ulliri” nga ana e tij dhe shpreson që mund të marrë përgjigje pozitive,” tha burimi.
Nuk dihet nëse mbreti merr pjesë, pasi Lojërat Invictus 2027 nisin më 10 korrik e përfundojnë në ditëlindjen e 80-të të mbretëreshës Camilla, më 17 korrik.
Page Six konfirmoi se nuk janë shpërndarë ende ftesa për askënd — qoftë miq, familjarë, qeveritarë, anëtarë të ushtrisë, sponsorë apo VIP tjerë, pasi eventi është ende më shumë se dy vjet larg, por në rastin e mbretit, axhenda është shumë e zënë dhe ftesat dërgohen shumë më përpara.
U mësua se lista e të ftuarve përcaktohet nga ekipi i Invictus Games Birmingham 2027 dhe jo nga Harry. Përpjekja e Harry-t për t’u pajtuar me vëllain dhe babain e tij ka ngjallur reagime të përziera nga ekspertët mbretërorë.
“Mund të ndodhë që mbreti të marrë pjesë për të treguar mbështetje për forcat e armatosura e për të uruar Harry-n për suksesin më të madh të jetës së tij,” tha biografja mbretërore Ingrid Seward për Daily Mail.
“Mbreti do që të ketë një marrëdhënie me djalin e tij më të vogël dhe me nipërit e mbesat e tij”, tha komentatorja mbretërore Katie Nicholl, duke iu referuar princit Archie dhe princeshës Lilibet, fëmijët e Harry-t dhe Meghan-it.
“Ai ka aftësi të jashtëzakonshme për të falur e dëshiron të tregojë madhështinë, ndaj është e mundur që të marrë parasysh pjesëmarrjen në Invictus.”
“Arsyeja e vetme pse mbreti është i kujdesshëm për t’u afruar me djalin e tij është sepse nuk ka më besim tek ai që të mos bëjë publike bisedat e tyre private, ashtu siç ka bërë në të kaluarën,” tha një burim tjetër, duke shtuar: “Kjo vlen për të gjithë anëtarët e familjes.”
Në maj, Harry tha në një intervistë tronditëse se ishte “i dëshpëruar” për të rregulluar marrëdhënien me babain e tij, 76 vjeç.
“[Charles] nuk do të flasë me mua për shkak të çështjes së sigurisë,” i tha Harry BBC-së, duke iu referuar betejës së tij të dështuar ligjore për sigurimin e mbuluar nga shteti gjatë vizitave në Mbretërinë e Bashkuar. “Por do të ishte mirë të pajtoheshim,” shtoi ai.
Harry ka pasur marrëdhënie të tensionuara me familjen që prej momentit kur hoqi dorë nga detyrat mbretërore dhe u zhvendosën në Kaliforni në vitin 2020.
REL: Shëndeti në QKUK pret, pavarësisht investimeve milionëshe
SHBA nis sulme vdekjeprurëse kundër Shtetit Islamik në Nigeri
Studentët e Psikologjisë në UBT vizitojnë Qendrën për Zhvillim, duke u njohur nga afër me shërbimet në shëndetin mendor
Ndarja e shtesave prej 100 eurove – Kurti: Çdo herë para vitit të ri ne i gëzojmë të moshuarit dhe fëmijët
Besimtarët katolikë kremtojnë Krishtlindjet, mesazh për paqe dhe reflektim shpirtëror
12 traditat më të çuditshme të Krishtlindjeve në botë
REL: Kurti: Kosova dhe Serbia duhet t’i normalizojnë marrëdhëniet
Punëtori statistikore për studentët e Psikologjisë në UBT me ligjëruese nga ShBA
Burim Bajraktari ndan përvojën ndërkombëtare me studentët e Dizajnit në UBT
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Lajmet3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Rajoni2 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni3 months agoUBT hap thirrjen për punime shkencore në Konferencën Ndërkombëtare MBE 2025