Kuriozitete

7 vendet sekrete ku nuk mund të shkojë askush!

Published

on

1. Mezhgorye është një qytet i themeluar në vitin 1979 në Rusi. Aty besohet se po zhvillohet një projekt i rëndësishëm, por nuk dihet se çfarë. Përveç qytetarëve askush nuk mund të shkelë aty pa një leje nga autoritetet.

2. Arkivat e Vatikanit: Për to është folur dhe shkruar shumë. Arkivat e Vatikanit janë aq të shumta sa dhe të vjetra. Thuhet se në këto arkiva ka dokumente me një gjatësi prej 84 kilometrash dhe 35 mijë volumesh. Të rrallë janë ata që mund të futen dhe vetëm me lejen e Papës.

3. Klubi 33: Është një klub privat ku anëtarët kanë ekskluzivitet dhe askush nuk mund të hyjë. Gjendet në Disneyland, Kaliforni.

4. Zona 51: Është e vendosur në shkretëtirën e Nevadës dhe është 133 km larg Las Vegasit: Për të janë bërë libra dhe filma. Ajo shfrytëzohet për zhvillimin e testimin e armëve dhe mjeteve ajrore.

5.Sanktuari i Ise: Është një ndër vendet më të shenjta në botë dhe ndodhet në Japoni. Ai është dedikuar perëndeshës së diellit, Amaterasu. Ai ndërtohet, prishet, dhe rindërtohet çdo 20 vjet si një koncept i rilindjes ku besojnë japonezët. Aty mund të hyjnë vetëm priftërinjtë dhe ata që i përkasin familjes perandorake japoneze.

6. Dhoma 39 në Korenë e Veriut: Dhoma e fshehtë 39 u krijua nga Kim Il-sung (gjyshi i Jong-un) në fundin e viteve 1970, dhe mendohet që tani fiton më shumë se 2 miliardë dollarë në vit duke falsifikuar “supermonedha” amerikane, prodhuar dhe trafikuar drogë si heroina dhe metamfetamina, shitur cigare dhe ilaçe të falsifikuara, si dhe përmes mashtrimeve të skemave të sigurimeve. Veprimtaria kriminale në shkallë të gjerë është një pjesë integrale e ekonomisë së Koresë së Veriut. “Jo vetëm paguan”, thotë politologu David Asher, “por edhe i shkon për shtat strategjisë së tyre për të dëmtuar interesat perëndimore”. Ai shton: “Në një kuptim, Dhoma 39 është si një bankë investimesh. Ofron paratë për gjërat që ka nevojë Kimi”.

7. RAF Menwith Hill: Është një bazë e avioacionit britanik e vendosur në Harrogate. Ajo sjell mbështetje inteligjence dhe komunikacioni për ushtritë britanike dhe amerikane./dritare.net

Kuriozitete

Fotoja e vitit: Portreti i një djali palestinez të plagosur shpallet fitues i “World Press Photo”

Published

on

Një portret i mahnitshëm i një djali të ri palestinez, Mahmoud Ajjour, i cili humbi të dy duar në një sulm ajror izraelit në qytetin e Gazës, ka fituar titullin e fotos më të mirë të “World Press Photo”.

Fotografja Samar Abu Elouf, gjithashtu nga Gaza, takoi nëntëvjeçarin Mahmoud pas tre muajsh, kur ai dhe familja e tij u evakuan në Doha, Katar, për trajtim mjekësor. Ajjour kishte pësuar dëmtime të rënda nga shpërthimi që ia këputi njërin krah dhe ia gjymtoi tjetrin.

Në shënime Abu Elouf tregon për momentin kur nëna e Mahmudit i shpjegoi se fjalët e para pas operacionit ishin: “Si do të jem në gjendje të të përqafoj?”

Foto e publikuar në “The New York Times”, është pasqyrë e dhimbshme e pasojave të luftës në Gaza, e cila ka shkaktuar dhjetëra mijëra të vdekur.

Kjo foto përfaqëson më shumë se një histori personale; ajo tregon një luftë të gjerë që ka pasoja të thella për brezat. Gjyqtarët e “World Press Photo” ishin tërhequr nga kontrastet mes dritës dhe errësirës, bukurisë dhe dhimbjes në imazhin fitues.

Nga më shumë se 60,000 aplikime nga 3,778 fotografë në mbi 140 shtete, ky imazh u zgjodh si më i miri.

Dy vepra të tjera janë nderuar si nënkampione, duke përfshirë një imazh të emigrantëve kinezë që ngrohen nga një zjarr pas kalimit të kufirit SHBA-Meksikë dhe një fotografi tronditëse e një të riu që kalon një shtrat lumi të shkretëtiruar në Amazonë.

Imazhet fituese janë ekspozuar në Amsterdam dhe do të shfaqen gjithashtu në Londër, Sidnej, Xhakartë dhe Mexico City.

Continue Reading

Kuriozitete

Teleskopi gjen shenja jete në planetin e largët

Published

on

Shkencëtarët kanë gjetur prova të reja, por paraprake, se një botë e largët që rrotullohet rreth një ylli tjetër mund të jetë shtëpia e jetës.

Një ekip i Kembrixhit që studion atmosferën e planetit të quajtur K2-18b ka zbuluar shenja të molekulave që në Tokë prodhohen nga organizma të thjeshtë.

Rezultatet janë pikasur nga teleskopi hapësinor James Webb i NASA-s, por ekipi dhe astronomët e pavarur theksojnë se nevojiten më shumë të dhëna për të konfirmuar këtë gjë.

Studiuesi, Prof Nikku Madhusudhan, tha në laboratorin e tij në Institutin e Astronomisë të Universitetit të Kembrixhit se shpreson të marrë provat kryesore.

“Kjo është prova më e fortë. Ende që ka gjasa të ketë jetë atje. Mund të them realisht se ne mund ta konfirmojmë këtë sinjal brenda dy vitesh”.

K2-18b është dy herë e gjysmë më i madh se Toka dhe është shtatëqind trilionë milje larg nesh.

 

Continue Reading

Kuriozitete

Studimi: Fëmijët e dytë kanë më shumë gjasa të shfaqin probleme sjelljeje

Published

on

Një studim nga MIT zbuloi se fëmijët e dytë të familjes – veçanërisht djemtë kanë më shumë gjasa të shfaqin sjellje problematike krahasuar me vëllezërit apo motrat më të mëdha.

Duke analizuar të dhëna nga familje në SHBA dhe Danimarkë, studiuesit zbuluan se djemtë e lindur të dytë kanë 20% deri në 40% më shumë gjasa të kenë probleme në shkollë apo me ligjin.

Një nga arsyet mund të jetë fakti që fëmijët e parë përfitojnë vëmendje të plotë nga prindërit dhe kanë si shembull modele më të pjekura, ndërsa fëmijët e dytë shpesh marrin si shembull vëllezërit e motrat e tyre që janë ende duke u zhvilluar.

Megjithatë, kjo nuk është një rregull që vlen për të gjithë, pasi sjellja ndikohet edhe nga mënyra e rritjes, dinamika familjare dhe personaliteti i fëmijës.

 

Continue Reading

Kuriozitete

Diamanti blu ne ankand/ Guri i çmuar, pjesë e trashëgimisë mbretërore të Indisë

Published

on

Një diamant blu i rrallë nga Golconda mbi 23 karat do të dalë në ankand në Christie’s.

Guri i çmuar dikur zotërohej nga Maharajt e Indorit ëdhe është diamanti blu më i rëndësishëm që është nxjerrë ndonjëherë në ankand.


Diamanti u zbulua në minierat legjendare Golconda në Indinë jug-qendrore, e njohur për prodhimin e disa prej diamanteve më të famshëm në botë, duke përfshirë Diamantin Hope.

Ajo që është unike është se guri nuk ka ndryshuar në më shumë se 100 vjet, 23.24 karat dhe nuk ka ndryshuar formë, peshë apo madhësi.

Grui i çmuar ishte një pjesë e trashëgimisë mbretërore të Indisë dhe dikur zotërohej nga Maharajt e Indorit.  Diamantet Golconda janë gurët më të mirë transparentë dhe të rrallë në botë.

Shitja pritet të shënojë një rekord. Vlerësimet shkojnë nga 35 deri në 50 milionë dollarë.

Me 45,52 karat, Diamanti Hope është diamanti më i madh blu që është zbuluar ndonjëherë.

 

Continue Reading

Të kërkuara