Ushqimi i pasur me fibra ofron shumë dobi për organizmin. Nxit punën optimale të traktit tretës, ulë kolesterinën, ruan zemrën, redukton rrezikun nga zhvillimi i kancerit të zorrëve dhe mban nën kontroll nivelin e sheqerit.

Shkencëtarët kanë përcjellë 630 persona për 15 vite, ndërsa shëndetin e zgavrës së tyre të gojës e kanë kontrolluar çdo tre vjet.

Para çdo kontrolli, të anketuarit kanë plotësuar pyetësor me detajet për konsumimin e ushqimeve të pasura me fibra që përmbajnë më shumë se 2.5 gramë fibra për porcion (banane, mollë, portokaj, boronica, brokoli, lakër, patate, spinaq, kikirik, qull tërshëre).

Efekti më i rëndësishëm pozitiv i fibrave është vënë re te të anketuarit më të vjetër se 65 vjeç, është dëshmuar që çdo shujtë shtesë e pasur me fibra zvogëlon rrezikun nga humbja e dhëmbëve për 30 për qind.

Bananet, mollët dhe kumbullat e thata

Dobitë e fibrave për dhëmbë dhe mishin e dhëmbëve nuk janë konfirmuar te të anketuarit e rinj. Kur për së afërmi kanë analizuar ushqimet, që i kanë konsumuar të anketuarit, kanë përfunduar që në mënyrë mbrojtëse veprojnë bananet, mollët dhe kumbullat e thata.

Ekspertët nuk janë të sigurt sa fibra reduktojnë rrezikun nga sëmundja e mishit të dhëmbëve, veçanërisht të pemëve, por kanë ofruar disa mundësi: ushqimet e pasura me fibra kërkojnë shumë më shumë përtypje se ushqimi tjetër, çka mund të rrisë krijimin e pështymës dhe kështu të largojë bakteret e dëmshme nga goja.

Fibrat e mbajnë sheqerin në kontrolle dhe ulin tensionin, sheqeri i ngritur dhe tensioni i lartë janë faktorë të rrezikut për sëmundjet e mishit të dhëmbëve. Rrisni konsumimin e ushqimit të pasur me fibra, por vizitoni stomatologun e pastroni dhëmbët me furçë dy herë në ditë. /UBT News/

Ramazani është, ndër të tjera, një mundësi e madhe edhe për ata që duan ta reduktojnë peshën e trupit dhe për të ndihmuar në probleme të ndryshme të zemrës, sidomos kolesterolit dhe presionin e lartë të gjakut

Por, ka disa zakone të gabuara që duhet të marrin vëmendje në Ramazan për të arritur efektin e agjërimit e për të mbrojtur trupin nga sëmundjet e ndryshme.

1. Pirja e ujit të tepërt gjatë Syfyrit e para fillimit të ushqimit gjatë Iftarit, shumë besojnë se kjo mbron trupin nga etja gjatë ditës: Pirja e sasive të mëdha të ujit gjatë Syfyrit shkakton më shumë punë për veshkat për të nxjerr gjithë atë ujë, e cila rrit etjen. Konsumoni fruta të pasura me ujë, si pjepër, shalqi dhe mollë, pasi ndihmojnë që uji nga trupi të largohet gradualisht gjatë agjërimit.

2. Pirja e ujit të ftohtë pas agjërimit, redukton qarkullimin e gjakut në stomak gjë e cila shkakton dhimbje: Për shkak të kësaj, këshillohet përdorimi i ujit të pijshëm të vakët, njëjtë me temperaturën e dhomës së pirjen e qumështit me hurma, dhe vetëm pas iftarit mund të pini ujë të ftohtë.

3. Ushqimi i fërguar, paraqet rrezik për stomakun, duke shkaktuar dispepsi, trashje dhe acid. Ky lloj ushqimi duhet të shmanget nga iftari

4. Ushqimi i ëmbël menjëherë pas Iftarit, shkakton akumulimin e yndyrës në trup: Ndikon për të rritur peshën e trupit dhe kolesterolin, kështu që nëse doni të hani ëmbël, le të jetë pas namazit të natës dhe në sasi të vogla: Madje, një gjë e tillë rekomandohet të ndodh maksimumi prej një ose dy herë në javë.

5. Konsumi i pamjaftueshëm i frutave: Konsiderohet si burim i shkëlqyer i vitaminave dhe mineraleve që trupi ka nevojë në Ramazan, dhe për të ndihmuar dhe në luftën kundër obezitetit dhe zvogëlimin e peshës.

6. Erëzat vlerësohen të jenë armiqtë tanë: Konsumimi i ushqimeve të kripura dhe pikante promovon sekretim të ujit nga trupi, gjë që shkakton ndjenjën e etjes gjatë ditës dhe rrahje zemre të parregullta. /UBT News/

Mishi është i nevojshëm për mbrojtjen kundër depresionit dhe ankthit, pohon dietologia nga Harvard, Dr. Georgia Ede. Pavarësisht nga numri në rritje i vegjetarianëve dhe veganëve vitet e fundit, ajo argumenton se heqja dorë nga mishi është e dëmshme për shëndetin mendor.

“Truri ka nevojë për mish. Dëgjojmë se mishi është i rrezikshëm për shëndetin tonë të përgjithshëm, duke përfshirë trurin. Bimët vërtet ushqejnë dhe mbrojnë trurin, por e vërteta është se ne kemi nevojë edhe për mish” tha ajo.

Mjekja thotë se rëndësia e mishit nuk lidhet vetëm me përmbajtjen e tij të proteinave.

“Të gjithë lëndët ushqyese tjera që gjenden në mish janë më të rëndësishme. Ju mund të plotësoni nevojat për proteina me ushqime të tjera që gjenden në një dietë vegjetariane ose vegane, por shumë lëndë ushqyese të tjera thelbësore janë të vështira, ndonjëherë të pamundura, për t’u marrë nga bimët”, u shpreh ajo.

Proteina përbëhet nga kimikate të quajtura aminoacide që ndërtojnë e riparojnë muskujt dhe kockat. Megjithëse produktet shtazore si vezët, mishi, djathi dhe kosi grek janë të pasura me proteina, ato mund të gjenden gjithashtu në opsionet vegane si thjerrëzat dhe brokoli.

Ajo vuri në dukje se mishi është “ushqimi i vetëm që përmban të gjitha lëndët ushqyese që na nevojiten në formën e duhur dhe është ushqimi më i sigurt për nivelin e sheqerit në gjak dhe insulinës”. Këto lëndë ushqyese përfshijnë vitaminën B12, acidet yndyrore omega-3, zinkun, kolinën, hekurin dhe jodin.

Vitamina B12, ndihmon në krijimin e qelizave të kuqe dhe ADN-së të pasur me oksigjen. Megjithatë, është e lidhur me rregullimin e serotoninës që rrit humorin e nivelet e ulëta të serotoninës shoqërohen me një rrezik për depresionin. Mungesa e B12, është e zakonshme te veganët, rrit rrezikun e goditjes në tru. Mungesa e pengon largimin e proteinave nga qarkullimi i gjakut, çon në inflamacion e rrit mundësinë e dëmtimit të enëve të gjakut.

Të rriturit kanë nevojë për rreth 2.4 mg vitaminë B12 në ditë për të funksionuar normalisht, sipas Organizatës së Kombeve të Bashkuara për Ushqimin dhe Bujqësinë (FAO). /UBT News/

Mjalta dhe uthulla e mollës kanë shumë përfitime shëndetësore për trupin, është një produkt bio që përdoret për efektet e mira terapeutike. Por, nëse shtoni edhe pak uthull të mollës, do të keni një ilaç natyral.

Këta dy përbërës të kombinuar do të bëjnë mrekulli për shëndetin dhe mirëqenien tuaj.

Përveç kësaj, kjo përzierje e fuqishme rrit energjinë tuaj, rregullon shtypjen e gjakut, ndihmon me problemet e lëkurës si dhe t’ju ndihmojë të humbni peshë.

Këto dy përbërës veprojnë mrekullisht në trupin tuaj, sepse ato janë alkalike dhe rregullojnë nivelin e pH në trup.

Por si ta përgatisni këtë pije të shëndetshme?

Përbërësit:

1 lugë gjelle mjaltë
1 lugë gjelle uthull molle
1 gotë ujë

Përgatitja:

Përzieni të gjithë përbërësit bashkë dhe konsumojeni këtë pije 20 minuta para mëngejsit. Përsëriteni këtë procedurë çdo ditë por konsultoheni megjithatë me mjekun sepse konsumimi i vazhdueshëm i uthullës së mollës mund të jetë edhe e dëmshme për shëndetin tuaj. /UBT News/