Kulturë

7 mënyra si t’i edukoni fëmijët tuaj të mos jenë të përkëdhelur

Vazhdoni të praktikoni aftësitë sociale.

Published

4 years ago

October 28, 2021

Betim Gashi

Heqja dorë sepse ka mbetur prapa ose zemërimi dhe të bërtiturat kur nuk fiton dot, janë shenja që fëmija juaj mund të jetë i përkëdhelur dhe nuk është mësuar ende si të sillet në situata kur i duhet të pranojë humbjen.

Të qenit i përkëdhelur me shumë mundësi nuk do t’i bëj favore fëmijës suaj gjatë jetës së tij si adult. Në fund të fundit, askush nuk do të luaj me një fëmijë që bën hile sepse nuk pranon dot humbjen apo që heq dorë në mes të një loje.

Mos të harrojmë, këto shpesh janë karakteristika të zakonshme për një fëmijë që ende nuk e ka formuar personalitetin e tij. Por si prindër, është e rëndësishme të ndërhymë dhe t’i japim atyre një shembull që do t’i vlejë gjatë gjithë jetës së tij.

Ekspertët amerikanë të Truity ofrojnë disa mënyra se si t’i ndihmoni fëmijët tuaj të jenë ‘humbës fisnikë’, të dinë të jenë në humor edhe nëse humbin, si dhe të jenë të aftë të gëzohen për suksesin e të tjerëve dhe ta tregojnë atë haptazi.

1 – Lavdërojini përpjekjet e fëmijës suaj

Nëse ju i lavdëroni fëmijët tuaj kur ata bëjnë më shumë gola se të tjerët ose kur marrin notën më të mirë në një test matematike, kjo do t’jua ushqejë atyre natyrën luftarake. Por, ajo mund edhe t’i bëjë ata të mendojnë se të fituarit është më e rëndësishme se të qenit njeri.

Ndaj, lavdërojini ata për përpjekjet e tyre pavarësisht rezultatit final.

Në vend që të thoni, ‘Jeni më të shpejtët në skuadër’, thoni ‘Më pëlqen mënyra se si ti luaje me fëmijët e tjerë sot.” Vijini në dukje rëndësinë e të luajturit në grup, dhe theksoni rëndësinë e trajtimit të të tjerëve me respekt.

2 – Krijoni modele

Nëse ju vetë i bërtisni arbitrit në lojën e futbollit të fëmijës suaj, atëherë ai do t’i regjistrojë sjelljet dhe zakonet tuaja dhe t’i kthejë ato shumë shpejt në pjesë të personalitetit të tij.

Krijimi i modeleve që dinë të sillen natyrshëm dhe të jenë në humor të mirë, ndërkohë që e lavdërojnë fituesin, edhe nëse ata janë në skuadrën për të cilën ju nuk po bënit tifo, i mëson fëmijës suaj më shumë seç e mendoni.

Tregojani fëmijëve tuaj me shembuj real se si t’i trajtojnë të tjerët, me mirësi.

3 – Ndihmojini fëmijët tuaj të kuptojnë emocionet

Kur fëmijët mund t’i identifikojnë dhe kuptojnë emocionet e tyre, si për shembull mërzinë, zemërimin, zhgënjimin apo acarimin, kjo e ul probabilitetin që ata të veprojnë nën ndikimin e tyre. Mësojini fëmijës suaj rreth emocioneve dhe kuptimit që secili prej tyre ka. Dhe ndihmojini ata të ndërtojnë strategji të shëndetshme se si t’i përballojnë situatat e vështira dhe t’i kapërcejnë ato.

Pranojini dhe miratojini ndjenjat e tyre. Mos u sillni sikur ato nuk ekzistojnë. Flisni me ta dhe tregojini se si është normale të ndjehesh keq apo të provosh turp dhe zhgënjim, sidomos kur humb. Por, bëjani të qartë që ata e kanë në dorë të zgjedhin se si të sillen kur përballen me këto emocione të parehatshme.

4 – Mësojini si të menaxhojnë stresin

Humbësit shpesh bëjnë ndonjë gjest të pakëndshëm ose nisin të shajnë të tjerët në një shpërthim emocional. Ndihmojini ata të kuptojnë që këto lloj sjelljesh nuk janë të pranueshme.

Mësojini që të ndjerit i zemëruar është normale por ta manifestojmë këtë sjellje duke i vrarë të tjerët si pasojë e zemërimit tonë nuk është aspak e tillë. Investoni kohë në edukimin e fëmijës suaj, sidomos në mësimin e përballimit të situatave të vështira dhe stresuese.

5 – Mos e lini fëmijën tuaj të fitojë

Ndonjëherë, mund të tundoheni ta luani lojën qëllimisht që fëmija juaj mos të humbë, në mënyrë që mos të merrni reagimin e tij negativ. Dhe kjo mund të jetë diçka pa zarar nëse bëhet rrallë. Por në përgjithësi, nëse i lejoni fëmijët tuaj të humbin dhe të kuptojnë që humbja është pjesë e jetës në çdo moshë, do t’i ndihmojë ata në të ardhmen.

6 – Injorojini shpërthimet emocionale

Nëse fëmija juaj nis të qajë, të bërtasë, të shkelmojë etj, kur nuk merr atë që do, injorojeni. Ndonjëherë kjo mund ta përkeqësojë situatën, por pas pak fëmija juaj do të kuptojë që këto sjellje nuk kanë efekt dhe do të ndalojë.

Mos e ngushëlloni ose t’i flisni kur ata sillen në këtë mënyrë. Prisni që ata të qetësohen, më pas flitini, këshillojini dhe jepini sërish emocione pozitive.

7 – Vazhdoni të praktikoni aftësitë sociale

Sporti është një mënyrë mjaft e mirë për t’i mësuar fëmijës suaj të sillet në situata sociale dhe të luajë apo punojë në grup. Nëse luani lojëra ose sporte me fëmijën tuaj do t’i jepni atij mundësinë të praktikojë aftësitë e tij sociale. Lavdërojeni atë kur ai sillet me mirësi dhe respekt dhe theksojeni faktin që ju e vlerësoni më tepër kur ai trajton të tjerët mirë se sa kur fiton një lojë.

Me kohë dhe praktikë, fëmija juaj do të mësoj të jetë një lojtar i mirë dhe të ndërtojë një personalitet pozitiv. Dhe sa më herët ta mësojë këtë, aq më mirë.

Magazinë

Bëri ndërhyrje plastike në trup? Flet për herë të parë Drake

Published

8 minutes ago

September 4, 2025

UBT News

Reperi i njohur Drake ka folur hapur për spekulimet që qarkulluan në internet pas një fotoje virale ku trupit të tij i dukej shumë i tonifikuar.

Në një intervistë për podkastin Not This Again me Bobbi Althoff të martën, reperi 38-vjeçar u pyet nëse i ishte bërë gravurë abdominale, një procedurë kozmetike që synon të formësojë barkun.

Althoff i përmendi një foto nga qershori, ku trupi i dukej muskuloz, dhe tha se shumë njerëz menduan se kishte bërë ndërhyrje kirurgjikale. Drake e mohoi dhe iu përgjigj: “Njerëzit thonë gjithashtu se kam bërë BBL [ngritje të të pasmeve braziliane]. Më quajnë ‘BBL Drizzy’.”

Ai pranoi vetëm se kishte bërë disa modifikime të lehta në foton e postuar.

“Erdha nga palestra, isha i djersitur në atë foto. Ndoshta rrita ngopjen ose diçka të tillë. Mendoj se e kam tepruar, nuk duken ashtu.”

Spekulimet për ndërhyrje erdhën pas diss-it të Metro Boomin më 2024, ku “BBL Drizzy” përmendte se Drake kishte bërë operacione. Drake nuk është i vetmi reper që ka përballur thashetheme të tilla; Big Sean hodhi poshtë pretendimet për implante abdominale gjatë verës.

Në këtë mënyrë, Drake vendos ta qartësojë situatën, duke treguar se ndryshimet në imazhet e tij janë thjesht për efekt vizual dhe jo rezultat i operacioneve plastike.

Magazinë

Zbulohet sekreti i darkës që tregoi fatin e William dhe Kate

Published

14 hours ago

September 3, 2025

UBT News

Grant Harrold, ish-butler i familjes mbretërore britanike, ka ndarë një kujtim të veçantë që sipas tij tregonte qartë se Kate Middleton dhe Princi William ishin të destinuar për martesë.

Harrold shërbeu për Mbretin Charles, atëherë Princ i Uellsit, nga 2004 deri më 2011, dhe gjatë kësaj kohe pati mundësinë të shihte nga afër fillimet e lidhjes së çiftit.

Pas ndarjes së shumëpërfolur më 2007 dhe ribashkimit pak muaj më vonë, Harrold kujton një darkë intime në Highgrove House në vitin 2008, në të cilën shërbeu vetëm për William dhe Kate.

“Ishin vetëm të dy, ishte atmosferë e qetë e romantike, por edhe miqësore me mua. Pikërisht e kuptova që do të martoheshin,” tha ai për mediat britanike.

Sipas Harrold, pas ribashkimit të tyre, marrëdhënia e çiftit ndryshoi dukshëm. “Më parë dukeshin më shumë si miq, por pas kthimit bashkë, gjithçka ndryshoi. U bënë një çift i pandashëm dhe ne e dinim që martesa ishte vetëm çështje kohe,” shtoi ai.

Më 29 prill 2011, Princi William dhe Kate Middleton u kurorëzuan në një nga ceremonitë mbretërore më të ndjekura në botë. Harrold thekson se marrëdhënia i kujtonte atë të Mbretëreshës Elizabeth e Princ Philip, të cilët përveçse bashkëshortë, ishin edhe miq të mirë.

“Janë partnerë në dashuri dhe në jetë, njësoj siç ishin Elizabeth dhe Philip,” tha ish-butleri.

Magazinë

Pse Johnson shpërtheu në lot pas premierës së filmit të tij të ri në Venecia?

Published

17 hours ago

September 3, 2025

UBT News

Aktori Dwayne “The Rock” Johnson u përfshi nga emocionet gjatë premierës së filmit të tij më të ri, “The Smashing Machine”, në Festivalin e Filmit në Venecia, ku publiku e priti me duartrokitje të pandërprera që zgjatën plot 15 minuta.

Në pamjet e shpërndara, ai shihet duke fshirë lotët krahas koleges në film, Emily Blunt, ndërsa salla shpërthen në ovacione të fuqishme. Gazetari i “Variety”, Ramin Setoodeh, e përshkroi skenën si një nga momentet më prekëse të këtij edicioni:

Johnson po qante gjatë 15 minutave të ovacioneve në Venecia për “The Smashing Machine”. Ky ishte momenti më emocional që kemi parë në Lido që nga koha kur Brendan Fraser nisi këtu fushatën për Oscar me “The Whale” katër vite më parë.

Ky reagim ka ngjallur spekulime se The Rock mund të jetë pretendent serioz për nominim për Oscar. Krahasimet me Brendan Fraser më 2022, kur u rikthye në Venecia e fitoi Oscar-in për aktorin më të mirë, janë tashmë të pashmangshme.

“The Smashing Machine”, me regji dhe skenar të Benny Safdie, është dramë sportive ku Johnson portretizon legjendën e MMA-së, Mark Kerr, jeta e të cilit u bë më parë subjekt i një dokumentari të suksesshëm të HBO.

Krahas tij, Emily Blunt interpreton rolin e Dawn, të dashurës së Kerr, duke shënuar bashkëpunimin e dytë pas “Jungle Cruise”.

Premiera amerikane e “The Smashing Machine” është caktuar për 3 tetor, pritshmëritë janë të larta që ky rol të jetë një nga interpretimet më të rëndësishme të karrierës së Johnson.

Magazinë

Vogue prezanton kryeredaktoren e re, pas dorëheqjes së Anna Wintour

Published

17 hours ago

September 3, 2025

UBT News

Chloe Malle do të bëhet kryeredaktore e American Vogue, pasi Anna Wintour dha dorëheqjen. Lajmin e bëri të ditur vet magazina Vogue.

39-vjeçarja është ngjitur në renditjen e revistave të modës gjatë 14 viteve të fundit duke u bërë redaktore e Vogue.com dhe duke prezantuar podcast-in e revistës, The Run Through.

Emërimi i Malle shënon epokë të re për revistën, që konsiderohet si një nga botimet më me ndikim dhe më joshëse të modës. Wintour njoftoi se po largohej nga roli në qershor, pasi e mbajti këtë pozicion për 37 vjet. Ajo do të mbante pozicione të larta te botuesi i saj.

Anna tha se Malle ishte e aftë në gjetjen e ekuilibrit mes “historisë së gjatë e unike” të Vogue e të ardhmes “në vijën e parë të së resë”.

Malle, vajza e Candice Bergen dhe regjisorit francez të Louis Malle, u rrit duke e ndarë kohën midis Parisit dhe Los Angelesit, deri në vdekjen e babait të saj.

Malle filloi punën me orar të plotë në Vogue si redaktore sociale në vitin 2011, në moshën 25 vjeç, ajo u ngjit në radhët e magazines dhe më vonë u bë redaktore e Vogue.com.