Lajmet

6 tipare personaliteti që gratë e suksesshme i kanë

Vetëbesimi dhe karakteri janë disa prej tyre.

Published

4 years ago

on

Nëse e keni lexuar librin e Sheryl Sandberg “Lean In: Women, Work, and the Will to Lead” dhe të citoni paragrafë nga #GirlBoss të Sophia Amoruso, mund të jeni të interesuar në këtë studim që pretendon se ka gjetur gjashtë tiparet e personalitetit që kanë të përbashkëta të gjitha femrat e suksesshme.

Faqja e internetit e Lean In e përshkruan librin dhe lëvizjen si “dua një botë ku njerëzit e çdo gjinie mund të ndjekin ëndrrat e tyre pa paragjykime ose pengesa të tjera. Atje ku vajzat rriten të jenë udhëheqëse të sigurta dhe elastike. Aty ku më shumë gra drejtojnë kompani dhe vende.” Ata vazhdojnë duke thënë, “ne jemi të shtyrë nga besimi se shoqëria dhe ekonomia jonë do të ishte më mirë nëse gratë dhe vajzat do të vlerësoheshin si të barabarta me burrat dhe djemtë.”

Caliper, një firmë këshilluese globale për menaxhimin, filloi të zbulojë karakteristikat kryesore duke studiuar një grup prej 85 grash që ishin të gjitha në pozicione të larta drejtuese. Secila drejtuese bëri një test personaliteti dhe iu përgjigj një sërë sondazhesh në lidhje me sukseset.

Me këtë vlerësim të barabartë në mendje, këto drejtuese iu përgjigjën pyetjeve se si i udhëheqin kompanitë e tyre.

Hulumtimi zbuloi se gjashtë tiparet më të zakonshme që ndahen mes grave të suksesshme profesionalisht janë:

  • Vetëbesimi
  • Agresiviteti
  • Empatia
  • Forca në karakter
  • Toleranca ndaj stresit
  • Energjia

Sipas një shpjegimi që Caliper dha, rezultatet e studimit nënkuptojnë që femrat e suksesshme janë të drejtpërdrejta në stilin e tyre të komunikimit, mund të çojnë projekte përpara, mund të kuptojnë dhe lidhen me ndjenjat e të tjerëve, janë komode në mjedise me stres të lartë dhe janë entuziaste për punën e tyre.

Nga ana tjetër, cilësitë që mund të ngadalësojnë suksesin u zbuluan gjithashtu në studim. Me sa duket, gratë që kujdesen shumë për atë që njerëzit e tjerë mendojnë për to, ka të ngjarë të luftojnë në rolet drejtuese.

Rezultatet e studimit nuk janë aspak marramendëse, duket qartë se ju duhet të jeni në gjendje të qëndroni me këmbë në tokë, të jeni të lumtura për karrierën tuaj dhe të mos bini pre e presionit nëse doni të ngjisni shkallët e karrierës, por sigurisht që është një kujtesë e dobishme për ato që luftojnë me ndonjë ose të gjitha këto tipare.

Duhet shumë për të marrë përgjegjësinë dhe drejtuar e jo më të udhëhiqni një kompani. Por, ne të gjithë mund të jemi në krye të kompanive, duhet vetëm ta dëshirojmë atë. Siç thotë Lean In, “së bashku, ne mund ta bëjmë punën të funksionojë për gratë në një mënyrë që nuk ka ndodhur kurrë më parë”.

Pra, le ta bëjmë! Pavarësisht nga tiparet e personalitetit, nëse do të jesh udhëheqëse duhet dëshirë dhe vullnet i brendshëm për të drejtuar dhe marrë kontrollin. Varet nga ju që ta zotëroni atë.(Yourtango)/EO

Related Topics:
Continue Reading

Aktualitet

​Kurti takoi ambasadorët e QUINT-it dhe shefin e Zyrës së BE-së në Kosovë

Published

7 minutes ago

on

August 8, 2025

By

Kryeministri në detyrë Albin Kurti ka pritur në takim ambasadorët dhe përfaqësuesit diplomatikë të shteteve të QUINT-it dhe shefin e Zyrës së Bashkimit Evropian në Kosovë.

Aty u diskutua mbi rrugën e integrimit të vendit tonë në BE, mos konstituimin e Kuvendit dhe arrestimet e qytetarëve të Kosovës nga Serbia.

Kurti informoi ambasadorët dhe përfaqësuesit diplomatikë për performancën ekonomike të vendit dhe rezultatet e politikave të qeverisë përgjatë pjesës së parë të këtij viti.

Ai tha se qarkullimi i bizneseve për gjashtë muajt e parë të vitit ka arritur vlerën 10.7 miliardë euro, duke shënuar një rritje 10.3%. Shpenzimet kapitale të qeverisë gjatë këtyre gjashtë muajve të parë janë 24% më të larta sesa në gjysmën e parë 2024.

Në çerekun e parë 2025, ekonomia është rritur për 3.61% të Bruto Produktit Vendor, tha ai.

Kurti ka folur edhe mbi numrin e bizneseve të reja të regjistruara këtë vit, si dhe veçoi të dhënat e fundit nga skema e punësimit “Qeveria për Familjet”, anëtarësimin e Kosovës në Regjistrin Evropian për Cilësi të Arsimit të Lartë dhe në Aleancën Evropiane për Praktikën Profesionale.

Continue Reading

Lajmet

Partitë politike komentojnë vendimin e Gjykatës Kushtetuese për konstituimin e Kuvendit

Published

53 minutes ago

on

August 8, 2025

By

Ky lajm do të përditësohet

13:37 – Deliu: Vendimi vulosi shkeljen e Kushtetutës nga Qeveria Kurti

Deputetja e PDK-së, Blerta Deliu, ka reaguar pas vendimit të Gjykatës Kushtetuese, duke thënë se ky verdikt konfirmon se nga 1 maji e deri më sot, qeverisja e kryeministrit në detyrë Albin Kurtit përmes Avni Deharit ka shkelur Kushtetutën në çdo seancë.

Sipas saj, detyrimi për votim të fshehtë dhe mohimi i të drejtës për votë të hapur për Kryetar të Kuvendit përbëjnë një dështim të rëndë institucional dhe mungesë të plotë të respektit ndaj ligjit e demokracisë.

“Ky është moment i rëndësishëm për të rikujtuar se Kosova meriton udhëheqje me përgjegjësi dhe respekt për Kushtetutën, jo shkelje të qëllimshme e të përsëritura”, ka deklaruar Deliu përmes një postimi në Facebook. (more…)

Continue Reading

Aktualitet

Ministri Sveçla priti në takim të ngarkuarin me punë në Ambasadën e Japonisë në Kosov

Published

1 hour ago

on

August 8, 2025

By

Ministri i Punëve të Brendshme, z. Xhelal Sveçla, ka pritur në takim, z Tanigaki Hiroyasu, i ngarkuar me punë në Ambasadën e Japonisë në Kosovë.

Fillimisht ministri Sveçla i uroi mirëseardhje në Kosovë, z Hiroyasu, të cilin e falënderoi për mbështetjen e vazhdueshme që ka dhënë Japonia në të gjitha hapat e shtet ndërtimit të Republikës së Kosovës, si dhe për rolin aktiv në anëtarësimin e Republikës së Kosovës në organizata të rëndësishme ndërkombëtare.

Me këtë rast, ministri Sveçla e njoftoi edhe për situatën e përgjithshme të sigurisë në Kosovë, si dhe situatën e fundit me zjarre. Ndërkohë ministri Sveçla e falënderoi Hiroyasu për përkrahen e vazhdueshme që ka dhënë përmes projekteve të ndryshme për ngritjen e kapaciteteve të Agjencisë për Menaxhim të Emergjencave thuhet në njoftimin nga MPB-ja.

Ndërsa, i ngarkuari me punë në Ambasadën e Japonisë në Kosovë, z. Tanigaki Hiroyasu, vlerësoi të arriturat në vitet e fundit në Kosovë dhe u shpreh i gatshëm në thellimin e bashkëpunimit në mes të dy vendeve.

Ambasadori japonez u zotua se edhe në të ardhëm shteti i Japonisë do të vazhdojë të përkrahë Republikën e Kosovës.

Continue Reading

Lajmet

Gjykata Kushtetuese: Kuvendi duhet ta zgjedhë kreun e ri me votimi të hapur

Published

1 hour ago

on

August 8, 2025

By

Gjykata Kushtetuese ka vendosur që deputetët e Kuvendit të Kosovës duhet ta zgjedhin kreun e ri të organit ligjvënës përmes votimit të hapur dhe brenda 30 ditëve.

Në njoftimin e saj të premten, Kushtetuesja ka përcaktuar që kandidati i njëjtë mund të votohet vetëm deri në 3 herë dhe se të gjithë deputetët duhet të marrin pjesë në votim.

Njëkohësisht, ajo ka shpallur të pavlefshme të gjitha seancat e Kuvendit të mbajtura nga 27 qershori deri më 26 korrik 2025, duke konstatuar shkelje të një aktgjykimi të mëparshëm.

Vendimi u mor pas shqyrtimit të kërkesave KO193/25 dhe KO196/25 nga deputetët e udhëhequr nga Memli Krasniqi dhe Hykmete Bajrami, lidhur me kushtetutshmërinë e votimit të Komisionit për votim të fshehtë më 29 qershor 2025.

Gjykata vendosi:

TË DEKLAROJË, njëzëri, kërkesën të pranueshme;

TË KONSTATOJË, njëzëri, që deputetët e zgjedhur të Kuvendit të Republikës së Kosovës nuk kanë zbatuar Aktgjykimin e 26 qershorit 2025, të Gjykatës Kushtetuese të Republikës së Kosovës në rastin KO124/25, dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme;

TË KONSTATOJË, njëzëri, që Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës;

TË URDHËROJË, me 6 (gjashtë) vota për dhe 1 (një) kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutësë Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë;

TË URDHËROJË, njëzëri të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat] dhe nenin 74 [Ushtrimi i Funksionit] të Kushtetutës së Republikës së Kosovës gjatë procedurës së zgjedhjes së Kryetarit/es dhe nënkryetarëve të Kuvendit të Republikës së Kosovës të jenë të pranishëm dhe të votojnë;

TË URDHËROJË, me 6 (gjashtë) vota për dhe 1 (një) kundër deputetët e zgjedhur të Kuvendit të Republikës së Kosovës, në pajtim me paragrafët 2, 3 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës të zgjedhin Kryetarin/en dhe nënkryetarët e Kuvendit të Republikës së Kosovës sipas pikave 3 dhe 4 të rendit të ditës të Seancës Konstituive brenda 30 (tridhjetë) ditëve nga dita e hyrjes në fuqi të këtij Aktgjykimi;

TË VAZHDOJË, njëzëri, masën e përkohshme të vendosur më 24 korrik 2025 deri në hyrjen në fuqi të këtij Aktgjykimi;

T’UA KUMTOJË këtë Aktgjykim palëve;

TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;

TË KONSTATOJË që ky Aktgjykim hyn në fuqi në ditën e publikimit të tij nga Gjykata Kushtetuese e Republikës së Kosovës dhe njoftimit të palëve.

Continue Reading

Të kërkuara