

Published
4 years agoon
By
UBT newsKur buzëqeshni, vazhdoni të buzëqeshni! E gjithë bota është me ju.
-Louis Armstrong
Qofshi rekruterë ose jo, imagjinoni sikur i keni dy kandidatë dhe duhet të vendosni se cilin ta punësoni! Njëri i ka të gjitha aftësitë dhe kualifikimet e kërkuara, por ai është shumë i mërzitshëm në intervistë, sepse ngjan në një robot. I dyti gjithashtu ka aftësitë e duhura dhe në intervistë keni kaluar shumë mirë duke biseduar me të, madje gjatë intervistës kishte shumë të qeshura. Cilin do ta pranonit në punë?
Për sa kohë që nuk po kërkoni dikë për të punuar nga shtëpia, zgjidhja e dytë do të ishte opsioni i duhur. Prandaj, nëse je dikush i cili është duke kërkuar punë, ta keni parasysh që përdorimi i humorit gjatë intervistës është një mënyrë e mirë për t’u dalluar, për të mbetur në kujtesë dhe argëtoheni gjatë “procesit sfidues” që është kërkimi i punës.
Akademi Pune sjellë për ju 5 mënyra për të pasur një qasje më humoristike në intervistën tuaj të ardhshme, sipas Andrew Tarvin, inxhinieri i humorit i pari në botë dhe autor i librit “Humor That Works: The Missing Skill for Success and Happiness at Work”.
Flisni me dikë që ju promovon
Mënyra sesi e sfidoni bisedën dhe çfarë mendësie keni, mund ta përcaktojë mënyrën se si ju përformopni, kështu që sigurohuni që e juaja është pozitive! Përpara intervistës, komunikoni me shokët ose familjarët, të cilët ju promovojnë duke ju treguar se sa të mirë jeni. Këta janë personat që i shohin anët e mira edhe kur diçka që keni nuk duket edhe aq mirë, sepse në këtë mënyrë jua rrisin vetëbesimin. E mos flisni me personat që ua hedhin dobësitë dhe gjërat negative që i keni bërë që nga shkolla e mesme.
Buzëqesh
“E qeshura është distanca më e shkurtër në mes dy personave”, kështu thotë Victor Borge artisti danezo-amerikan. Ndërsa, shkencëtarja e neurobiologjisë Susan R. Barry, thotë që kur shohim dikë duke buzëqeshur, neuronet pasqyruese në trurin tonë na shtyjnë edhe neve që t’i reflektojmë sjelljet e tyre. Kështu që, kur i qeshim intervistuesit, me shumë gjasë edhe ai do të na kthejë atë buzëqeshje, kjo është lidhja e parë që e krijojmë me të.
Një studim nga Instituti Kanadian për Hulumtime të Avancuara sugjeron që gjuha e trupit mund të ketë ndikim të madh në disponimin tonë, që do të thotë se nëse e merrni qëndrimin e duhur, mund t’ju bëjë më të lumtur, përveç asaj që askush nuk dëshiron që të punojë me dikë i cili ka temperament të keq.
Përgjigjuni me storje
Në disa pyetje përgjigjuni me ngjarje në vend që të jepni përgjigje vetëm me një ose dy fjalë. Me anë të storjeve që tregoni, do të ndani detaje të cilat e ngjyrojnë bisedën dhe krijojnë edhe më shumë lidhje me intervistuesin.
Për shembull, në vend që të thoni “Kam punuar në pozitën “project manager” në kompaninë XY”, mund të thoni diçka të tillë si “Kam filluar të rritem në karrierë në kompaninë e akullore XY, që i bën akulloret më të mira në planet. Por kam dashur gjithmonë të punoj në kompaninë XY (kompania e kaluar). Fillova fakultetin për të studiuar për shkenca dhe inxhinieri, pastaj fillova të punojë si “project manager” pasi u diplomova.
Pas kësaj, intervistuesit mund të kenë shumëçka për të pyetur, për universitetin, për firmën e akulloreve, ose për diçka tjetër të rrugëtimit tënd. Biseda e rrjedhshme është shumë më e bukur sesa një me pyetje të strukturuara.
Bëni pyetje për kulturën
Kandidatët pothuajse gjithmonë harrojnë që intervista e punës nuk është vetëm “mjet” përmes të cilës kompania vendos nëse do t’i pranojë ato, por edhe një mënyrë që ata ta kuptojnë nëse duan të punojnë për atë kompani. Kështu që, nëse po kandidoni, është më mirë që ta përcaktoni nëse njëmend kompania është vendi i duhur për ju duke ju bërë pyetje për kulturën e kompanisë.
Një pyetje si “Kur është hera e fundit që ke qeshur në punë” mund t’ju ndihmojë ta kuptoni nëse njerëzit aty duan apo s’duan që të argëtohen. Përgjigjja si “Ne qeshim gjatë gjithë kohës.” Pastaj kur ata fillojnë që ta tregojnë historinë pse kanë qeshur, është një shenjë e mirë. E në anën tjetër, nëse ata ndalen të mendojnë se kur me të vërtetë është hera e fundit që kane qeshur, mateni veten!
Vazhdoni me humor
Procesi i kërkimit të punës nuk përfundon me përfundimin e intervistës. Kur dërgoni email falënderues, përfshini ndonjë “link” për diçka që është për të qeshur, që do t’i bëj intervistuesit t’ju kujtojnë. Kjo e bën punëdhënësin që t’ju vlerësojë, i forcon akoma më shumë lidhjet dhe i jep të kuptojë që nuk jeni aty vetëm për para, edhe nëse kjo është arsyeja e vërtetë.
Siç e shihni humori hap shumë dyer, të cilat as nuk do t’i kishim imagjinuar pa të! /Akademi Pune
You may like
Lifestyle
Dielli plak lëkurën/ Dermatologët: Kremi mbrojtës ul rrisqet për disa sëmundje
Published
2 days agoon
June 26, 2025By
UBT News
Në një kohë që temperaturat e larta kanë pushtuar vendin, dhe sytë janë nga plazhi, specialistët rrëzojnë mitet e krijuara se aplikimi i kremit kundra diellit mund të ketë efekte anësore të parikuperueshme.
Sipas tyre është e rëndësishme që kremi kundra diellit të sigurohet nëpërmjet farmacive.
“E kam dëgjuar këtë mit, por nuk jam dakord, që dielli shkakton kancer të lëkurës. Është e mira që të merret në farmaci, sepse është i kontrolluar me kërkime shkencore, dhe ka firmë nga FDA-ja. “
Kremi duhet të aplikohet çdo stinë, por verës specialistët kërkojnë vëmendje të shtuar, kjo për shkak të rrezatimit të fortë.
Dermatologia Rozana Çela tregon për abc neës se çfarë ndodh me lëkurën tonë, nëqoftëse nuk aplikojm kremin mbrojtës.
“Dëmtimet nga dielli janë afatshkurtër, por edhe efekte afatgjatë. Duke marr parasysh që krijon probleme që nga fotoplakja, krijimi i njollave kafe….lezionet. Sidomos kancerin e lëkurës, si faktor kryesor rrezatimi nga dielli. Në këtë kontekst roli i kremit kundra diellit është i domosdoshëm, duhet vendos me patjetër sidomos gjatë verës.”
Kremi kundra diellit këshillohet për çdo moshë, dhe duhet të përshtatet me tipologjinë e lëkurës.
“Kremërat janë në bazë të tipologjisë së lëkurës. Mund të jetë me akne, a mature. Ndryshon në varësi të lëkurë, por edhe të moshës. Duhet të përshtatet me problemet e lëkurës, me akne apo jo. Kremi sa më pak shkëlqim nëse është me akne, nëse merr një krem tjetër mund të shkaktoj hiperhidrim. Ekziston edhe mundësia e alergjisë.”
Sa i takon mënyrës së përdorimit, në ditë normale, dermatologët këshillojnë aplikimin e kremit 20 minuta para ekspozimit, ndërsa gjatë kohës që jemi në plazh, shpeshtësia e aplikimit të tij duhet të jetë më i lartë, kjo për shkak të kohës së gjatë të ekspozimit në diell.

Organizata Ndërkombëtare Detare (IMO), 25 qershorin e ka shpallur si “Dita e Detarit” duke njohur kështu kontributin që japin detarët në tregtinë ndërkombëtare dhe ekonominë botërore, shpesh me sakrifica të mëdha në jetën e tyre personale dhe të familjeve të tyre.
Dita e Detarit u festua për herë të parë më 2011, duke pasuar kështu themelimin e kësaj dite në qershor të vitit 2010, në Manila të Filipineve, me rezolutën e pranuar nga Konferenca e Palëve në Konventën Ndërkombëtare mbi Standardet e Stërvitjes, Certifikimit dhe Ruajtjes për Detarët të vitit 1978.
Dita e Detarit tashmë është përfshirë në listën vjetore të kremtimeve të Kombeve të Bashkuara.
Dita e Detarit është një mundësi për të edukuar publikun rreth çështjeve me të cilat përballen detarët në ditët e sotme, si pirateria, por gjëja më e rëndësishme është mundësia që bota të thotë “Faleminderit detarë”.
Detarët janë shtylla e tregtisë botërore, duke transportuar mbi 80% të mallrave që konsumohen në botë. Pa punën e tyre, ekonomia globale do të ndalonte – nga ushqimet dhe energjia deri te teknologjia dhe materialet e ndërtimit.
Për më tepër, ata sigurojnë që zinxhiri i furnizimit të funksionojë pa ndërprerje, duke qenë shpesh të papërfillur në jetën e përditshme të njerëzve.
Megjithatë, puna në det është e rrezikshme dhe kërkon një nivel të lartë profesionalizmi dhe përkushtimi. Sfida si pirateria, aksidentet detare, dhe stresin psikologjik të izolimit larg familjes janë vetëm disa nga vështirësitë që ata përballojnë çdo ditë.
Dita e Detarit ofron një mundësi për të edukuar publikun për këto sfida, dhe për të kërkuar kushte më të mira dhe mbështetje për komunitetin e detarëve.
Lifestyle
Moti sot me diell, temperaturat arrijnë deri 31 gradë
Published
4 days agoon
June 24, 2025By
UBT News
Sot parashihet të mbajë mot kryesisht me diell.
Vranësirat mund të paraqiten për rreth relievit malor, ku atje mund të ketë edhe riga të izoluara shiu.
Sipas IHMK-së, temperaturat minimale do të lëvizin ndërmjet 13 deri 19 gradë Celsius, ndërsa maksimalet e ditës parashihen të lëvizin ndërmjet 27 deri 31 gradë Celsius.
Edhe nesër parashihet të mbaj mot i ngjashëm me temperatura nga 24 deri 32 gradë Celsius. /UBT News/
Lifestyle
Ja gjërat që prindërit e fëmijëve të suksesshëm i bëjnë ndryshe
Published
2 weeks agoon
June 17, 2025By
UBT News
Prindërit e fëmijëve me arritje të larta ndajnë disa zakone të përbashkëta që i ndihmojnë të rrisin fëmijët e tyre, por rrallë flasin për to me zë të lartë.
Në vend që të ushtrojnë presion, ata udhëheqin me dashuri, ushqejnë kuriozitetin dhe i lejojnë fëmijët të eksplorojnë botën vetë. Ja çfarë i dallon ata nga të tjerët.
Në shtëpinë e tyre, optimizmi është themeli i gjithçkaje.
Suksesi fillon me besimin se suksesi është i mundur. Prindërit e tyre ngjallin optimizëm që në moshë të vogël. Pavarësisht rrethanave përçojnë mesazhin se çdo gjë është e mundur. Në shtëpinë e tyre, motoja është e qartë: Çfarëdo që ëndërroni dhe për të cilën përpiqeni, mund ta arrini, raporton The Times of India.
Ata e përshtatin motivimin me interesat e fëmijës
Prindër bëjnë gabimin duke u përpjekur t’i motivojnë fëmijët në të njëjtën mënyrë. Ata që rrisin fëmijë të suksesshëm e dinë se motivimi duhet të jetë personal. Në vend që të shtyjnë para qëllime të përgjithshme, i lidhin me atë që fëmija i pëlqen. Nëse një fëmijë i do filmat, tregojini se si matematika mund ta ndihmojë në menaxhimin e financave të një karriere të ardhshme si aktor. Personalizimi i motivimit është çelësi i motivimit të brendshëm.
Ato i lejojnë fëmijët të mësojnë përmes përvojës së tyre
Mësimi nuk ndodh vetëm në klasë, por çdo ditë, përmes lojës, eksplorimit dhe gabimeve të vogla. Prindërit e suksesshëm nuk i zgjidhin çdo problem fëmijës, por i japin hapësirën për të provuar vetë. Prindërit i rezistojnë dëshirës për t’i bërë gjërat të lehta sepse e dinë se sfidat janë ato që ndërtojnë vetëbesim dhe zgjuarsi.
Ata kultivojnë kuriozitet, jo vetëm zakone pune
Kurioziteti është një nga themelet më të rëndësishme të suksesit. Prindërit përqendrohen jo vetëm në punë të palodhur, dhe në zbulimin e botës me gëzim. Udhëtimet, librat, bisedat rreth pyetjeve të mëdha, të gjitha këto janë mënyra për të inkurajuar dashurinë për të mësuar. Në vend që dija të jetë një detyrim, ajo bëhet një aventurë.
Ata udhëheqin me dashuri, jo me presion
Në shtëpi nuk ka disiplinë ushtarake. Prindërit nuk veprojnë si trajnerë ose komandantë. Përkundrazi, janë të pranishëm, mbështetës dhe e lejojnë fëmijën të udhëheqë lojën. Ata nuk e detyrojnë, nuk urdhërojnë, nuk kontrollojnë, por janë aty kur nevojitet ndihmë. Është ky ekuilibër që i jep fëmijës sigurinë për të eksploruar, për të bërë gabime dhe për t’u rritur.

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Kurti: Serbia mund të shfrytëzojë elemente destruktive për të nxitur incidente në Gazimestan

Bajrami: LDK do të marrë pjesë në takimin e nesërm

Izraeli kryen sulme ajrore në zonat pyjore dhe malore në Libanin jugor

Limaj konfirmon pjesëmarrjen në takimin me Kurtin, rithekson nevojën e arritjes së një marrëveshje politike

VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore