 
									 
																		
Published
4 years agoon
By
UBT newsKur buzëqeshni, vazhdoni të buzëqeshni! E gjithë bota është me ju.
-Louis Armstrong
Qofshi rekruterë ose jo, imagjinoni sikur i keni dy kandidatë dhe duhet të vendosni se cilin ta punësoni! Njëri i ka të gjitha aftësitë dhe kualifikimet e kërkuara, por ai është shumë i mërzitshëm në intervistë, sepse ngjan në një robot. I dyti gjithashtu ka aftësitë e duhura dhe në intervistë keni kaluar shumë mirë duke biseduar me të, madje gjatë intervistës kishte shumë të qeshura. Cilin do ta pranonit në punë?
Për sa kohë që nuk po kërkoni dikë për të punuar nga shtëpia, zgjidhja e dytë do të ishte opsioni i duhur. Prandaj, nëse je dikush i cili është duke kërkuar punë, ta keni parasysh që përdorimi i humorit gjatë intervistës është një mënyrë e mirë për t’u dalluar, për të mbetur në kujtesë dhe argëtoheni gjatë “procesit sfidues” që është kërkimi i punës.
Akademi Pune sjellë për ju 5 mënyra për të pasur një qasje më humoristike në intervistën tuaj të ardhshme, sipas Andrew Tarvin, inxhinieri i humorit i pari në botë dhe autor i librit “Humor That Works: The Missing Skill for Success and Happiness at Work”.
Flisni me dikë që ju promovon
Mënyra sesi e sfidoni bisedën dhe çfarë mendësie keni, mund ta përcaktojë mënyrën se si ju përformopni, kështu që sigurohuni që e juaja është pozitive! Përpara intervistës, komunikoni me shokët ose familjarët, të cilët ju promovojnë duke ju treguar se sa të mirë jeni. Këta janë personat që i shohin anët e mira edhe kur diçka që keni nuk duket edhe aq mirë, sepse në këtë mënyrë jua rrisin vetëbesimin. E mos flisni me personat që ua hedhin dobësitë dhe gjërat negative që i keni bërë që nga shkolla e mesme.
Buzëqesh
“E qeshura është distanca më e shkurtër në mes dy personave”, kështu thotë Victor Borge artisti danezo-amerikan. Ndërsa, shkencëtarja e neurobiologjisë Susan R. Barry, thotë që kur shohim dikë duke buzëqeshur, neuronet pasqyruese në trurin tonë na shtyjnë edhe neve që t’i reflektojmë sjelljet e tyre. Kështu që, kur i qeshim intervistuesit, me shumë gjasë edhe ai do të na kthejë atë buzëqeshje, kjo është lidhja e parë që e krijojmë me të.
Një studim nga Instituti Kanadian për Hulumtime të Avancuara sugjeron që gjuha e trupit mund të ketë ndikim të madh në disponimin tonë, që do të thotë se nëse e merrni qëndrimin e duhur, mund t’ju bëjë më të lumtur, përveç asaj që askush nuk dëshiron që të punojë me dikë i cili ka temperament të keq.
Përgjigjuni me storje
Në disa pyetje përgjigjuni me ngjarje në vend që të jepni përgjigje vetëm me një ose dy fjalë. Me anë të storjeve që tregoni, do të ndani detaje të cilat e ngjyrojnë bisedën dhe krijojnë edhe më shumë lidhje me intervistuesin.
Për shembull, në vend që të thoni “Kam punuar në pozitën “project manager” në kompaninë XY”, mund të thoni diçka të tillë si “Kam filluar të rritem në karrierë në kompaninë e akullore XY, që i bën akulloret më të mira në planet. Por kam dashur gjithmonë të punoj në kompaninë XY (kompania e kaluar). Fillova fakultetin për të studiuar për shkenca dhe inxhinieri, pastaj fillova të punojë si “project manager” pasi u diplomova.
Pas kësaj, intervistuesit mund të kenë shumëçka për të pyetur, për universitetin, për firmën e akulloreve, ose për diçka tjetër të rrugëtimit tënd. Biseda e rrjedhshme është shumë më e bukur sesa një me pyetje të strukturuara.
Bëni pyetje për kulturën
Kandidatët pothuajse gjithmonë harrojnë që intervista e punës nuk është vetëm “mjet” përmes të cilës kompania vendos nëse do t’i pranojë ato, por edhe një mënyrë që ata ta kuptojnë nëse duan të punojnë për atë kompani. Kështu që, nëse po kandidoni, është më mirë që ta përcaktoni nëse njëmend kompania është vendi i duhur për ju duke ju bërë pyetje për kulturën e kompanisë.
Një pyetje si “Kur është hera e fundit që ke qeshur në punë” mund t’ju ndihmojë ta kuptoni nëse njerëzit aty duan apo s’duan që të argëtohen. Përgjigjja si “Ne qeshim gjatë gjithë kohës.” Pastaj kur ata fillojnë që ta tregojnë historinë pse kanë qeshur, është një shenjë e mirë. E në anën tjetër, nëse ata ndalen të mendojnë se kur me të vërtetë është hera e fundit që kane qeshur, mateni veten!
Vazhdoni me humor
Procesi i kërkimit të punës nuk përfundon me përfundimin e intervistës. Kur dërgoni email falënderues, përfshini ndonjë “link” për diçka që është për të qeshur, që do t’i bëj intervistuesit t’ju kujtojnë. Kjo e bën punëdhënësin që t’ju vlerësojë, i forcon akoma më shumë lidhjet dhe i jep të kuptojë që nuk jeni aty vetëm për para, edhe nëse kjo është arsyeja e vërtetë.
Siç e shihni humori hap shumë dyer, të cilat as nuk do t’i kishim imagjinuar pa të! /Akademi Pune
You may like
Lifestyle
Pse fëmijët janë përzgjedhës në ushqim dhe si mund t’i ndihmojnë prindërit?
Published
1 week agoon
October 21, 2025By
UBT News 
														Një asistente e terapisë profesionale ka ndarë një këshillë të thjeshtë, por shumë të vlefshme për prindërit e fëmijëve që janë përzgjedhës në ushqim: mos hiqni dorë nga ofrimi i ushqimeve të reja, edhe nëse fëmija i refuzon fillimisht.
Ajo thekson se është krejtësisht normale që fëmijët të refuzojnë shije të reja, por prindërit duhet të jenë të durueshëm dhe të vazhdojnë t’ua ofrojnë ato pa presion.
Sipas saj, një fëmijë mund të ketë nevojë të ekspozohet ndaj një ushqimi deri në 20 herë përpara se ta pranojë.
“Qëllimi nuk është që fëmija ta pëlqejë menjëherë, por të ndihet i sigurt pranë ushqimit të ri,” shpjegon ajo.
Si shembull, përmend një rast me rrushin, pasi ia ofroi fëmijës për 11 ditë rresht, ai fillimisht refuzon, por më vonë e pranoi dhe e pëlqeu.
Ekspertja këshillon që ushqimet e reja të jenë gjithmonë të pranishme në pjatë, pa dramatizim, pasi shijet ndryshojnë me kohën.
Nëse një fëmijë refuzon pothuajse çdo ushqim pavarësisht përpjekjeve, mund të bëhet fjalë për një çrregullim si ARFID apo vështirësi ndijimore – në këto raste, rekomandohet konsultimi me pediatrin. /A.Z/UBT News/
Lifestyle
Përfitimet e majasë së bukës për fytyrën, flokët dhe kopshtin
Published
2 weeks agoon
October 17, 2025By
UBT News 
														Majaja e bukës është një përbërës i njohur për përdorimin e saj në përgatitjen e bukës apo picës, ku ndihmon në ngritjen e brumit dhe dhënien e strukturës së dëshiruar.
Por, kjo kërpudhë natyrale ka shumë përdorime të tjera të dobishme, që shkojnë përtej kuzhinës.
Në këtë artikull do të zbulojmë pesë mënyra alternative se si mund ta përdorni majanë e bukës në shtëpi, nga kujdesi për fytyrën e deri tek kopshtaria.
Pastron dhe rigjeneron fytyrën
E pasur me vitaminë B, antioksidantë, aminoacide dhe vitaminë E, që e bëjnë ideale për pastrimin dhe rigjenerimin e lëkurës. Përgatitja është e thjeshtë: Përzieni një lugë gjelle maja me ujë të ngrohtë, lëreni të pushojë për 30 minuta në ambient të ngrohtë. Aplikoni përzierjen në fytyrën e pastër dhe lëreni të veprojë për 20 minuta. Pasi të thahet, shpëlani me ujë e përdorni krem hidratues.
Shkëlqen dhe ushqen Flokët
Majaja e bukës është trajtim natyral i shkëlqyeshëm për flokët, falë përmbajtjes së vitaminës B8 e lëndëve ushqyese. Për ta përdorur: Shkrini një lugë gjelle maja në një gotë me ujë. Vendosni përzierjen në flokë të thatë, duke filluar nga skalpi. Lëreni të thahet për 30 minuta e lani me shampo si zakonisht.
Largon krimbat dhe insektet e padëshiruara nga bimët
Krimbat dhe insektet e vogla mund të jenë problem për kopshtarinë. Majaja e bukës është mënyrë natyrale për t’i larguar pa përdorur kimikate: Mbushni një kavanoz me dy lugë gjelle maja e shtoni ujë të vakët, pak sheqer e kripë. Vendosni në tokë pranë bimëve apo luleve. Insekte tërhiqen nga fermentimi e do të grumbullohen në kavanoz, duke lënë bimët të qeta.
Ushqen dhe përmirëson shëndetin e luleve
Një përzierje me majë buke, ujë e mjaltë ju ndihmon luleve të marrin proteinat e nevojshme e tërheqin insektet. Hidhni pak nga kjo përzierje në pjatat ku vendosen lulet. Kjo mënyrë ndihmon lulëzimin e shëndetshëm të kopshtit tuaj.
Përshpejton plehërimin e tokës
Majaja e bukës, si një kërpudhë me mikrorganizma të gjallë, ndihmon në përshpejtimin e dekompozimit të materialeve organike në tokë: Përzieni majanë me sheqer, kripë dhe ujë e hidhni përzierjen në tokë.
Kjo aktivizon proceset e plehërimit, duke ndihmuar bimët të marrin ushqimet e nevojshme më shpejt.
Përfundimisht, majaja e bukës është një burim natyral me shumë përdorime të ndryshme që mund t’ju ndihmojnë jo vetëm në kuzhinë, por edhe për kujdesin personal dhe kopshtarinë. /A.Z/UBT News/
Lifestyle
Sekreti i pastrimit të furrës: Uji me limon!
Published
2 weeks agoon
October 17, 2025By
UBT News 
														Ka shumë mundësi që e përdor shpesh në kuzhinë, por nuk e ke vënë re se me kalimin e kohës është bërë më e ndotur.
Po flasim për derën e furrës, e cila mbulohet me yndyrë dhe papastërti, aq sa mund të ndodhë që një ditë të mos mund të shikosh më përmes saj. Por mos u shqetëso! Nuk ke nevojë të blesh produkte të shtrenjta për pastrim.
Një limon i thjeshtë mund të bëjë mrekulli. Limonët kanë veti antibakteriale dhe pastruese, duke u konsideruar një “zbardhues natyral”.
Sipas uebfaqes Oven Clean: “Kur jeta të jep limonë, përdore për të pastruar furrën!”
Acidi citrik në limon vepron si pastrues natyral dhe i shton shkëlqim pajisjeve të kuzhinës.
Madje, me pak kripë mund të shmangësh përdorimin e shumë kimikateve të zakonshme.
Si të pastroni furrën me limon?
Mbush një enë që mund të futet në furrë me ujë.
Merr 1 ose 2 limonë (ose limeta), priti përgjysmë dhe shtrydhi lëngun në enë.
Vendose enën në furrë dhe mbylle derën.
Ndiz furrën dhe kur uji të fillojë të vlojë, fik furën pa hapur derën.
Lëre avullin të qarkullojë ndërsa furra ftohet.
Kjo metodë jo vetëm që pastron, por i jep furres një aromë të freskët dhe natyrale. /A.Z/UBT News/
Lifestyle
Si të zgjidhni ngjyrat e duhura për një gjumë të qetë?
Published
4 weeks agoon
October 6, 2025By
UBT News 
														Mënyra se si është e mobiluar dhoma e gjumit ka ndikim të madh në cilësinë e pushimit. Renditja e mobilieve, zgjedhja e materialeve dhe, mbi të gjitha, paleta e ngjyrave ndikojnë drejtpërdrejt në qetësinë e trupit dhe mendjes.
Ekspertët e dizajnit të brendshëm theksojnë se ngjyrat nuk janë thjesht element estetik, por kanë efekt psikologjik, duke formësuar disponimin dhe ndjenjën e rehatisë në hapësirë.
Ngjyrat që duhen shmangur
Sipas Kate Duffy, eksperte e arredimit të brendshëm, hapi i parë është të mendoni për atmosferën që doni të krijoni. Për një dhomë që nxit relaksim, duhet të shmangni tonet e ftohta dhe sterile, që krijojnë ndjesi distancimi apo ftohtësie emocionale.
Gri ose e bardha me nëntona të ftohtë mund të japin ndjesinë e sterilitetit ose të trishtimit. Në vend të tyre, rekomandohen tone të ngrohta, neutrale ose tokësore, që sjellin rehati dhe natyralitet.
Ngjyrat e ndezura, si e verdha intensive, jeshile e gjallë ose rozë e fortë, mund t’i japin energji dhomës, por nëse dominojnë, mund të shkaktojnë nervozizëm dhe vështirësi në relaksim. Përdorini vetëm në detaje: jastëkë dekorativë, perde ose tablo.
E kuqja, edhe pse lidhet me pasionin, rrit energjinë e pengon gjumin. Ajo nxit dhe oreksin, ndaj nuk është e përshtatshme për dhoma gjumi.
Si të neutralizoni ngjyrat e papërshtatshme?
Nëse muret janë lyer me ngjyra të papërshtatshme, efekti zbutet: Me mobilie të mëdha që mbulojnë sipërfaqe dominuese, me piktura, tablo ose pasqyra që krijojnë ekuilibër vizual. Me ndriçim të ngrohtë dhe të butë, që ndryshon perceptimin e ngjyrës dhe e bën më qetësuese
Ngjyrat që nxisin gjumin e mirë
Ekspertët rekomandojnë: Kaltra e butë, që qetëson mendjen e krijon ndjesi sigurie. Bezha dhe tonet rërorë, që sjellin ngrohtësi dhe stabilitet
Livanda, vjollca e hapur dhe jeshilja ulliri, për një atmosferë të balancuar dhe natyrale. Për një prekje romantike, rozë e zbehtë ose nuanca pudre, delikate dhe të balancuara.
Zgjedhja e ngjyrave të duhura mund të transformojë dhomën e gjumit në një hapësirë relaksuese dhe të qetë, që favorizon pushimin e mirë dhe rifreskimin e trupit dhe mendjes. /A.Z/UBT News/
 
											Trump kufizon pranimet e refugjatëve në SHBA
 
											Gjiganti anglezë gati të ofrojë 200 milionë euro për Vinícius Júnior
 
											Kuvendi i Shqipërisë rrëzon ngritjen e dy komisioneve hetimore
 
											Arrestohet një person i dyshuar për vjedhje të rëndë në Ferizaj
 
											Kanalet pro-ruse në Telegram si “armë informative” kundër Kosovës
 
											Probleme fizike për Yamal, lëndimi në ijë vazhdon ta kufizojë
 
											Mbyllet përkohësisht gjysma e tunelit në Dardani për aktivitete kulturore
 
											Dita Botërore e Kursimeve
 
											Qeveria në detyrë mblidhet sot
Të kërkuara
- 
   Lajmet2 months ago Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis 
- 
   Rajoni1 month ago Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT 
- 
   Aktualitet1 week ago Aktualitet1 week agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë 
- 
   Vendi2 months ago Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën 

 
									 
																	