

Published
3 years agoon
By
UBT newsKur buzëqeshni, vazhdoni të buzëqeshni! E gjithë bota është me ju.
-Louis Armstrong
Qofshi rekruterë ose jo, imagjinoni sikur i keni dy kandidatë dhe duhet të vendosni se cilin ta punësoni! Njëri i ka të gjitha aftësitë dhe kualifikimet e kërkuara, por ai është shumë i mërzitshëm në intervistë, sepse ngjan në një robot. I dyti gjithashtu ka aftësitë e duhura dhe në intervistë keni kaluar shumë mirë duke biseduar me të, madje gjatë intervistës kishte shumë të qeshura. Cilin do ta pranonit në punë?
Për sa kohë që nuk po kërkoni dikë për të punuar nga shtëpia, zgjidhja e dytë do të ishte opsioni i duhur. Prandaj, nëse je dikush i cili është duke kërkuar punë, ta keni parasysh që përdorimi i humorit gjatë intervistës është një mënyrë e mirë për t’u dalluar, për të mbetur në kujtesë dhe argëtoheni gjatë “procesit sfidues” që është kërkimi i punës.
Akademi Pune sjellë për ju 5 mënyra për të pasur një qasje më humoristike në intervistën tuaj të ardhshme, sipas Andrew Tarvin, inxhinieri i humorit i pari në botë dhe autor i librit “Humor That Works: The Missing Skill for Success and Happiness at Work”.
Flisni me dikë që ju promovon
Mënyra sesi e sfidoni bisedën dhe çfarë mendësie keni, mund ta përcaktojë mënyrën se si ju përformopni, kështu që sigurohuni që e juaja është pozitive! Përpara intervistës, komunikoni me shokët ose familjarët, të cilët ju promovojnë duke ju treguar se sa të mirë jeni. Këta janë personat që i shohin anët e mira edhe kur diçka që keni nuk duket edhe aq mirë, sepse në këtë mënyrë jua rrisin vetëbesimin. E mos flisni me personat që ua hedhin dobësitë dhe gjërat negative që i keni bërë që nga shkolla e mesme.
Buzëqesh
“E qeshura është distanca më e shkurtër në mes dy personave”, kështu thotë Victor Borge artisti danezo-amerikan. Ndërsa, shkencëtarja e neurobiologjisë Susan R. Barry, thotë që kur shohim dikë duke buzëqeshur, neuronet pasqyruese në trurin tonë na shtyjnë edhe neve që t’i reflektojmë sjelljet e tyre. Kështu që, kur i qeshim intervistuesit, me shumë gjasë edhe ai do të na kthejë atë buzëqeshje, kjo është lidhja e parë që e krijojmë me të.
Një studim nga Instituti Kanadian për Hulumtime të Avancuara sugjeron që gjuha e trupit mund të ketë ndikim të madh në disponimin tonë, që do të thotë se nëse e merrni qëndrimin e duhur, mund t’ju bëjë më të lumtur, përveç asaj që askush nuk dëshiron që të punojë me dikë i cili ka temperament të keq.
Përgjigjuni me storje
Në disa pyetje përgjigjuni me ngjarje në vend që të jepni përgjigje vetëm me një ose dy fjalë. Me anë të storjeve që tregoni, do të ndani detaje të cilat e ngjyrojnë bisedën dhe krijojnë edhe më shumë lidhje me intervistuesin.
Për shembull, në vend që të thoni “Kam punuar në pozitën “project manager” në kompaninë XY”, mund të thoni diçka të tillë si “Kam filluar të rritem në karrierë në kompaninë e akullore XY, që i bën akulloret më të mira në planet. Por kam dashur gjithmonë të punoj në kompaninë XY (kompania e kaluar). Fillova fakultetin për të studiuar për shkenca dhe inxhinieri, pastaj fillova të punojë si “project manager” pasi u diplomova.
Pas kësaj, intervistuesit mund të kenë shumëçka për të pyetur, për universitetin, për firmën e akulloreve, ose për diçka tjetër të rrugëtimit tënd. Biseda e rrjedhshme është shumë më e bukur sesa një me pyetje të strukturuara.
Bëni pyetje për kulturën
Kandidatët pothuajse gjithmonë harrojnë që intervista e punës nuk është vetëm “mjet” përmes të cilës kompania vendos nëse do t’i pranojë ato, por edhe një mënyrë që ata ta kuptojnë nëse duan të punojnë për atë kompani. Kështu që, nëse po kandidoni, është më mirë që ta përcaktoni nëse njëmend kompania është vendi i duhur për ju duke ju bërë pyetje për kulturën e kompanisë.
Një pyetje si “Kur është hera e fundit që ke qeshur në punë” mund t’ju ndihmojë ta kuptoni nëse njerëzit aty duan apo s’duan që të argëtohen. Përgjigjja si “Ne qeshim gjatë gjithë kohës.” Pastaj kur ata fillojnë që ta tregojnë historinë pse kanë qeshur, është një shenjë e mirë. E në anën tjetër, nëse ata ndalen të mendojnë se kur me të vërtetë është hera e fundit që kane qeshur, mateni veten!
Vazhdoni me humor
Procesi i kërkimit të punës nuk përfundon me përfundimin e intervistës. Kur dërgoni email falënderues, përfshini ndonjë “link” për diçka që është për të qeshur, që do t’i bëj intervistuesit t’ju kujtojnë. Kjo e bën punëdhënësin që t’ju vlerësojë, i forcon akoma më shumë lidhjet dhe i jep të kuptojë që nuk jeni aty vetëm për para, edhe nëse kjo është arsyeja e vërtetë.
Siç e shihni humori hap shumë dyer, të cilat as nuk do t’i kishim imagjinuar pa të! /Akademi Pune
You may like

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.
Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.
Mos bëj dushe të gjata dhe të nxehta
Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.
Mos e fik alarmin e zgjimit
Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?
Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.
Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.
Mos kontrollo rrjetet sociale sapo hap sytë
Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.
Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.
Shmang pirjen e kafesë, direkt pas zgjimit
Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.
Mos e shmang asnjëherë vaktin e mëngjesit
Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.
Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.
Rregullo gjithnjë shtratin
Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.
Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.
Shmangia e shujtës së mëngjesit
Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.
Flini vonë
Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.
Konsumimi i ushqimeve me shumë sheqer
Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.
Pirja e duhanit
Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:
Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.
Produktet për të tre hapat janë në dispozicion në barnatoret lokale dhe kanë kosto të ulët.
Pastroni lëkurën tuaj
Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.
Mbroni lëkurën nga dielli
Zgjidhni krem me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.
Trajtoni nevojat e veçanta të lëkurës
Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat e zbehta kafe ose puçrrat. /UBT News/
Lifestyle
Fundjava erdhi, ja si ta kaloni pa stres dhe në mënyrë fantastike
Published
3 weeks agoon
April 5, 2025
Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.
Prandaj duhet të bëni maksimumin për të shijuar këto dy ditë pushim.
Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.
Këto janë disa këshilla se çfarë mund të bëni gjatë fundjavës:
Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.
Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.
Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.
Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.
Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.
Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/

UBT organizon diskutim të nivelit të lartë mbi sundimin e ligjit dhe reformat në sistemin gjyqësor shqiptar

Kina prodhon edhe “Rolls Royce-in për të varfrit”

Selena Gomez: Rrënjët e mia kanë ndikuar në gjithë jetën time

Tragjedi në pistën e skive, vdes në moshën 18-vjeçare ylli i ri francez Margot Simond

UBT nënshkruan marrëveshje bashkëpunimi me Universitetin “Abdullah Gül” nga Turqia

Witkoff dhe Putin diskutojnë një propozim për paqe

Ndikimi i luftës tregtare të SHBA-së, Xi shpall planin për ekonominë kineze

Von der Leyen mund të bisedojë me Trump në Romë

Ulen ndjeshëm pritshmëritë për eksportet mes luftës tregtare të Trump
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore