Lajmet

​313 serbë aplikuan për t’i konvertuar patentë shoferët ilegalë në RKS

Published

on

Kryeministri i Kosovës, Albin Kurti ka njoftuar se 313 serbë kanë aplikuar për t’i konvertuar patentë shoferët ilegalë të lëshuar nga strukturat paralele serbe në RKS në 12 ditët e para të zbatimit të vendimit. Këto shifra i ka bërë me dije kryeministri i Kosovës Albin Kurti, me ç ’rast u ka bërë thirrje të gjithë serbëve që kanë të drejtë ta shfrytëzojnë këtë mundësi.

“Për 3 muaj, ata që kanë patentë shoferë të lëshuar nga strukturat ilegale paralele të Serbisë do të mund t’i konvertojnë në patentë shoferë të Kosovës. Në më pak se 2 javë nga kjo mundësi përfituan 313 bashkëqytetarë tanë. I bëj edhe një herë ftesën time të gjithë atyre që kanë të drejtë ta shfrytëzojnë mundësinë”, ka shkruar Kurti në X.

Procedura për pajisje me patentë shoferi të Republikës së Kosovës zgjat pesëmbëdhjetë ditë. Patentë shoferi i lëshuar nga strukturat serbe i kthehet aplikuesit si dokument i pavlefshëm dhe i njëjti pajiset me patentë shoferin e Republikës së Kosovës.

Ministria e Punëve të Brendshme ka njoftuar në fillim të majit se ka vendosur që t’u lejojë serbëve t’i konvertojnë patentë shoferët ilegalë në RKS me disa lehtësira, duke mos iu nënshtruar provimit për patentë shofer. Aplikimi do të jetë i hapur deri më 9 gusht të këtij viti.

Aktualitet

Ambasada gjermane uron Bashën: Shpresojmë që Kosova tani të formojë Qeverinë e r

Published

on

Ambasada e Gjermanisë në Prishtinë ka reaguar pas zgjedhjes së Dimal Bashës kryekuvendar, ku përmes një postimi në faqen zyrtare, Ambasada gjermane e ka uruar Bashën për postin e ri.

Në të njëjtin reagim, Ambasada gjermane ka thënë se shpresojnë që Kosova do të jetë në gjendje të ecë përpara me formimin e institucioneve të reja.

“Urime Dimal Bashës, Kryetarit të ri të Kuvendit të Kosovës. Shpresoj që Kosova tani të jetë në gjendje të ecë përpara në formimin e institucioneve”, thuhet në reagim të ambasadës.

Continue Reading

Aktualitet

Figura e Dimal Bashës, kryetarit të ri të Kuvendit

Published

on

Deputeti i Lëvizjes Vetëvendosje, Dimal Basha me 73 vota për, 30 kundër dhe tri abstenim, është zgjedhur kryetari i Kuvendit të Kosovës. Zgjidhja e kryeparlamentarit Dimal Basha është bërë në përpjekjen e 58-të për konstituim të kuvendit.

Saj përket biografisë së tij, Dimal Basha ka lindur më 12 tetor 1979 në Prishtinë dhe jeton në qytetin e Ferizajt.

Studimet e larta i ka përfunduar në “John Jay College of Criminal Justice” në New York, duke diplomuar me vlerësimin më të lartë në drejtimin “E Drejta Penale Ndërkombëtare.”

Dimali gjithashtu ka përfunduar studimet Master në Marrëdhënie Ndërkombëtare, me fokus në “Konflikt dhe Siguri,” në Universitetin “The New School University,” po ashtu në New York.

Me një përvojë të pasur profesionale, Dimali ka punuar në zyrën e ish-Kongresmenit Eliot Engel, si dhe si Analist i të Dhënave Kualitative në Gjykatën Federale të ShBA-së. Përveç kësaj, ai ka ushtruar një karrierë të suksesshme menaxheriale në Angli dhe ShBA.

Në politikë, Dimal Basha ka shërbyer si deputet i Kuvendit të Republikës së Kosovës për dy mandate, duke përfaqësuar Lëvizjen Vetëvendosje! Ai ka qenë anëtar në Komisionin për Punë të Jashtme, Komisionin për Legjislacion, Komisionin për Mbikëqyrjen e AKI-së dhe Komisionin për Stabilizim-Asociim.

Continue Reading

Aktualitet

Haradinaj : Sfida e radhës, zgjedhja e nënkryetarëve

Published

on

Deputeti i AAK-së, Daut Haradinaj, ka thënë se e votoi Dimal Bashën për kryeparlamentar meqë vetë Vetëvendosje e konsideroi si emër serioz, por e sheh si sfidë zgjedhjen e nënkryetarëve në vijim.

Ai para gazetarëve tha se ky është realiteti i Kosovës dhe deri në pafundësi s’mund ta lënë kështu.

”I pyeta, a e keni seriozisht më thanë po, e votova dhe ju uroj suksese. Ky është realiteti i Kosovës dhe deri në pafundësi s’mund ta lëmë kështu. Ta shohim tash sfidën e radhës me nënkryetarë. Edhe aty e shoh një problem që s’do të kalojë lehtë”, tha Haradinaj.

“Njëherë do jenë nënkryetarët e partive shqiptare, pastaj nënkryetari i komunitetit serb, i cili nuk e di se si do të jetë situata e numrit të votave. Ne i kemi dhënë një shans, dhe duhet me i dhënë mundësi që ai me dëshmu seriozitetin e tij”, vazhdoi ai.

Continue Reading

Aktualitet

Krasniqi: Askush i kënaqur me zgjedhjen e Dimal Bashës por u desh të zhbllokohej situata

Published

on

Kryetari i PDK-së, Memli Krasniqi foli për media pas zgjedhjes së kryetarit të Kuvendit të Kosovës, Dimal Basha. Ai tha se me këtë zgjedhje nuk është e kënaqur as Vetëvendosje , as qytetarët, as PDK-ja.

Sipas tij, Partia Demokratike e Kosovës e ka mbajtur fjalën e dhënë për votimin e një kandidati që s’ka qenë pjesë e ekzekutivit. Gjithashtu ai ka deklaruar se në një situatë normale, kjo parti nuk do ta votonte dikë si Dimal Basha, por siç tha ai, u desh të zhbllokohej situata.

“As votuesit e VV-së e as qytetarët nuk janë të lumtur me përzgjedhjen për Kryetar të kuvendit. PDK ka kërkuar zhbllokadën e imponuar nga VV qysh nga dita e parë. Kemi ofruar gatishmërinë tonë për ta votuar një kandidat që s’ka qenë pjesë e ekzekutivit. Në një situatë normale, në një botë paralele asnjëherë nuk do ta votonim dikë si Dimali në krye të kuvendit, por sot kemi votuar siç kemi thënë për ta zhbllokuar situatën dhe për t’i qëndruar besnik fjalës së dhënë publike, sepse për PDK kjo është e rëndësishme”, tha Krasniqi për media.

Continue Reading

Të kërkuara