Lajmet

Ekskluzivisht për UBTnews, ish-ambasadori i Holandës në Prishtinë, Robert Bosch, flet për proceset politike nëpër të cilat po kalon Kosova

Published

on

Në një intervistë ekskluzive për UBTnews, ish-ambasadori i Holandës në Kosovë, Robert Bosch ka folur për proceset politike nëpër të cilat po kalon vendi ynë.

Vëmendje i dha kushtëzimit të anëtarësimit të Kosovës në Këshillin e Evropës me nisjen e zbatimit të asociacionit të komunave me shumicë serbe.

Për këtë diplomati holandez thotë se ky kushtëzim nuk është i çuditshëm, ngase Këshilli i Evropës parim e ka sundimin e ligjit.

“Lidhja e anëtarësimit në Këshillin e Evropës me zbatimin i asociacionit të komunave me shumicë serbe, nuk është dhe aq e çuditshme, pasi parlamenti juaj në vitin 2013 e ka pranuar këtë asociacion, që sigurisht ishte një gabim i madh, por ju tashmë e keni bërë dhe sigurisht që jeni të detyruar të bëni këtë, sepse sipas këtij Këshilli, sundimi i ligjit është gjëja më e rëndësishme dhe nëse keni rënë dakord për diçka, duhet ta bëni atë”, deklaroi Bosch.

Ai i komentoi edhe tentativat e minstres së jashtme, Donika Gërvalla, e cila përmes një letre drejtuar këtij Këshilli, theksoi zotimin e qeverisë se draft-statutin e asociacionit të propozuar nga “Friedrich Ebert Stiftung”, do ta dërgojnë në Gjykatën Kushtetuese për interpretim.

“Mendoj se është shumë e mirë. Sigurisht, ishte pak vonë. Domethënë duhet të kishin marrë atë orgjinalin e ndryshuar nga Gjykata Kushtetuese dhe pastaj do ishin shmangur shumë telashe, pastaj problemi të ishte Serbia dhe jo Kosova”, shtoi ai.

Duke folur për dialogun, Bosch, lehtësuesin e procesit të negociatave e quan të një anshëm dhe në favor të Serbisë.

“I gjithë procesi është sigurisht një proces i çuditshëm, sepse ju e dini që është lehtësuar nga BE-ja dhe BE-ja është treguar jashtëzakonisht e njëanshme në favor të Serbisë. E ka lënë Serbinë të iki me shumë gjëra. Me të drejt thonë që të ndiqni obligimet për asociacionin e komunave me shumicë serbe, por nuk thonë asgjë për diplomat, për kadastër, për kufij, dhe për të gjitha këto që serbët nuk po i bëjnë. Dhe këtu, gjëja kryesore janë snaksionet ndaj Kosovës, derisa Kosova pak a shumë ka pranuar gjithçka. Serbia nuk ka pranuar asgjë”, tha Bosch.

Në fund nga perspektiva e tij ai thotë nuk ka ndonjë dritë jeshile në të ardhmen e dialogut Kosovë-Serbi.

“Nga këndvështrimi im, e ardhmja duket e zymtë. Tani ishte rasti për të bërë diçka. Mos i tërhiqni këmbët. Kur të jetë e mundur, bëjeni këtë marrëveshje për asociacionin, nxirreni përpara, përfundoni dhe pastaj shikoni se çfarë thonë serbët, sepse me siguri nuk do të pajtohen me të. Dhe pastaj problemi, për momentin, të paktën është tek ata”, tha ai.

Robert Bosch ishte ambasador i Holandës në Kosovë nga viti 2010 deri në vitin 2015./UBTNews/

Realizoi: Dea Berisha

Lajmet

Gjashtë nënoficerë të FSK-së përfundojnë me sukses trajnimet profesionale në Shqipëri

Published

on

Gjashtë nënoficerë të Forcës së Sigurisë së Kosovës (FSK) kanë përfunduar me sukses trajnimet profesionale në Qendrën e Përgatitjes Profesionale të Nënoficerëve në Forcat e Armatosura të Republikës së Shqipërisë.

Ceremonia e diplomimit përfshiu përfundimin e Kursit të Kryekapterit, Kursit të Avancuar dhe Kursit Bazë të Nënoficerit, ku morën pjesë pjesëtarë të Forcave të Armatosura të Shqipërisë dhe FSK-së.

Sipas FSK-së, pjesëmarrja dhe suksesi i nënoficerëve kosovarë dëshmojnë përkushtimin e vazhdueshëm në ngritjen profesionale, zhvillimin e lidershipit dhe avancimin e kapaciteteve të trupës së nënoficerëve.

Zhvillimi i një trupe profesionale dhe të përgatitur të nënoficerëve mbetet një nga prioritetet e FSK-së, me synimin e rritjes së gatishmërisë operacionale të njësive.

FSK-ja thekson se investimi në zhvillimin profesional të nënoficerëve është investim në lidership, profesionalizëm dhe gatishmëri operacionale./A.K/

Continue Reading

Lajmet

Bajrami: Për 60 ditë mund të ketë reduktime të energjisë në çdo kohë dhe vend

Published

on

Deputetja e Lidhjes Demokratike të Kosovës (LDK), Hykmete Bajrami, ka kritikuar vendimin e Kuvendit për shpalljen e gjendjes së jashtëzakonshme në sektorin e energjisë, duke thënë se ai nuk garanton furnizim më të mirë me rrymë.

Sipas saj, për 60 ditët e ardhshme ndërprerjet e energjisë mund të bëhen në çdo kohë dhe vend, ndërsa vendimi, siç pretendon ajo, mbron KEDS-in dhe KESCO-n nga paditë eventuale për dëmet e shkaktuara nga reduktimet.

Bajrami ka theksuar se vendimi parasheh edhe detyrimin e Ibër-Lepencit për të prodhuar energji për Shërbimin Universal, por ka vënë në pikëpyetje ndikimin e kësaj mase, duke përmendur kapacitetin e instaluar prej rreth 30 megavatësh.

Ajo ka pretenduar se vendimi krijon mundësi për arsyetimin e reduktimeve, blerjen e energjisë elektrike duke anashkaluar procedurat e prokurimit publik, si dhe kontraktimin e kompanive për investime dhe remontet në KEK pa procedurat e zakonshme.

Deputetja e LDK-së ka rikujtuar se masat emergjente për furnizimin me energji ishin shpallur për herë të parë më 21 dhjetor 2021, ndërsa, sipas saj, gati pesë vjet më vonë, sektori vazhdon të funksionojë nën masa të tilla.

Ndër problemet që ajo ka renditur janë mungesa e kontratave afatgjata për blerjen e energjisë, dështimi i remonteve, kostot e larta të kontratave, moszbatimi i Strategjisë së Energjisë dhe mungesa e kapaciteteve të reja gjeneruese.

Bajrami ka vlerësuar se zgjidhja afatgjatë e krizës qëndron në ndërtimin e kapaciteteve të reja të prodhimit të energjisë. Ajo ka paralajmëruar se, nëse nuk ndërmerren hapa në këtë drejtim, kriza mund të thellohet dhe qytetarët e buxheti i Kosovës mund të përballen me vështirësi për mbulimin e kostos së energjisë.

Deklaratat e saj janë publikuar në rrjetin social Facebook./A.K/

Continue Reading

Lajmet

Dogana e Kosovës zbulon mallra të padeklaruara në vlerë prej rreth 4 mijë e 400 eurosh

Published

on

By

Dogana e Kosovës ka zbuluar një sasi të konsiderueshme të mallrave të padeklaruara gjatë një kontrolli të detajuar të realizuar të enjten në Prishtinë. Përmes mekanizmave të menaxhimit të riskut, zyrtarët doganorë kishin përzgjedhur për kontroll një kamion që transportonte mallra të deklaruara nga një operator ekonomik, ku më pas hasën në artikuj të fshehur që u nënshtrohen kërkesave për leje importi dhe autorizimeve për tregtimin e mallrave të akcizës.

Gjatë inspektimit të dërgesës, në kamion janë gjetur 11 mijë e 520 paketime me prezervativë, secila me nga tri copë, si dhe 400 copë cigare elektronike. Sipas vlerësimeve të Doganës, vlera e përgjithshme e këtyre mallrave të zbuluara, pa llogaritur detyrimet doganore dhe tatimore, kap shumën e rreth 4 mijë e 400 eurove.

Nga Dogana e Kosovës kanë bërë të ditur se do të vazhdojnë me zbatimin e mekanizmave të kontrollit për të identifikuar dhe parandaluar rastet e mosdeklarimit të mallrave, me synim mbrojtjen e interesave financiare të shtetit, sigurimin e konkurrencës së drejtë në treg dhe respektimin e kërkesave ligjore për qarkullimin e mallrave në vend. /E.A/

Continue Reading

Lajmet

Alix Earle kërkon deri në 500 mijë dollarë për një postim reklamues

Published

on

Influencuesja amerikane Alix Earle kërkon nga 250 mijë deri në 500 mijë dollarë për një postim të vetëm në kuadër të bashkëpunimeve me marka të ndryshme, raporton revista “The Hollywood Reporter”.

Sipas revistës, për 25-vjeçaren, e cila ka ndërtuar një audiencë të madhe në TikTok, një nga kriteret kryesore për pranimin e bashkëpunimeve është nëse i pëlqen vërtet produkti që i ofrohet për promovim.

Babai i saj, Thomas Earle, ka treguar se kur vajza e tij e pëlqen mjaftueshëm një produkt, ndonjëherë është e gatshme ta promovojë edhe pa pagesë.

“Duket e çmendur të shpenzosh kaq shumë para, por unë vërtet besoj te jetëgjatësia dhe te ruajtja e besimit që kam ndërtuar me audiencën time”, është shprehur Earle.

Përveç bashkëpunimeve reklamuese, influencuesja ka nisur të investojë edhe në kompani të ndryshme. Ajo ishte ndër investitorët e hershëm në kompaninë e pijeve me bazë prebiotike Poppi, të cilën PepsiCo e bleu vitin e kaluar për 1.95 miliardë dollarë.

Earle zotëron gjithashtu aksione në markën e produkteve të mirëqenies Cymbiotika, ndërsa është investitore dhe ambasadore e markës së koktejeve të gatshme SipMARGS.

Në mars, ajo prezantoi edhe markën e saj të produkteve për kujdesin e lëkurës, Reale Actives, duke zgjeruar aktivitetin në industrinë e bukurisë.

Gjatë intervistës, Earle foli edhe për kritikat që kishte marrë pas deklaratës se nuk kishte lexuar asnjë libër gjatë jetës së saj.

“Le ta bëjmë të qartë: E kam lexuar patjetër librin, por jo, nuk lexoj në mënyrë aktive. Për momentin nuk jam duke lexuar asgjë”, u shpreh ajo.

Alix Earle u bë e famshme gjatë pandemisë së COVID-19, përmes videove në TikTok, ku fitoi miliona ndjekës me përmbajtje rreth përditshmërisë, bukurisë dhe stilit të jetesës.

Vitin e kaluar, ajo arriti në vendin e dytë në sezonin e 34-t të spektaklit “Dancing with the Stars”. Ndërkohë, në shtator, në Netflix debutoi reality show i familjes së saj, “Earle Meets World”, i cili, sipas raportimeve, është rinovuar për një sezon të dytë./A.K/

Continue Reading

Të kërkuara