Aktualitet

211 punonjës në ministri paguhen pa shkuar fare në punë, paralajmërohen masa

Debati nisi kur Mirlinda Sadiku nga LVV u pyeti se çka po bënë Ministria me punëtorët që nuk vijojnë fare në punë.

Published

4 years ago

on

Para anëtarëve të Komisioni për Mbikëqyrjen e Financave Publike sot ka raportuar ministri i Financave, Punës dhe Transfereve, Hekuran Murati së bashku me Auditoren e Përgjithshme, Vlora Spanca ku kanë shqyrtuar edhe raportin vjetor të auditimit për vitin 2020.

Krahas të gjeturave nga ZKA-ja, temë diskutimi në këtë mbledhje u bë edhe pagesa për nëpunësit civil të cilët nuk shkojnë në punë, por marrin paga.

Derisa ministri i Financave, Hekuran Murati njoftoi se në këtë drejtim kanë marrë veprime dhe se mjafton vetëm që organizatat buxhetore t’i bëjnë të ditur emrat e këtyre personave dhe kjo ministri do ndërmarrë masa, kryetarja e Komisionit për Mbikëqyrje të Financave Publike, Hykmete Bajrami nga LDK tha se zgjidhjen e kësaj çështjeje e sheh si një problem politik.

Krejt debati nisi kur anëtarja e këtij komisioni, Mirlinda Sadiku nga Lëvizja Vetëvendosje u interesua të di më shumë se çka po bënë Ministria e Financave me punëtorët që cilët nuk vijojnë fare në punë.

Sipas saj, janë identifikuar 211 punonjës në 7 ministri të cilët paguhen pa punuar fare.

“Janë identifikuar 211 punonjës në ministri dhe shuma e pagesës së tyre është mbi 1 milion euro pa vijuar fare në punë. Ne e dimë që kjo buron nga marrëveshja e Brukselit por ne si komision kemi dhënë raport për disa ministri të jepet një raport se faktikisht kjo është pabarazi ndaj atyre punëtorëve që punojnë në ato institucione dhe këta marrin pagë pa punuare hiq”, u shpreh ajo.

Por pas kësaj reagoi kryetarja e Komisionit për Mbikëqyrje të Financave Publike, Hymete Bajrami, e cila tha se këtë gjë nuk mund ta bëjë Ministria e Financave, dhe se më shumë kjo çështje është problem politik.

Sipas saj, janë organizatat buxhetore të cilat duhet ta njoftojnë Ministrinë e Financave se kush punon dhe kush jo.

“Prapë mendojë se ky është një problem politik. Nëse nuk është problem politik dhe nuk e ka Vetëvendosja ja ku e kemi drejtorinë e Thesarit, drejtorinë e buxhetit, ministrinë dhe pyeti nëse janë duke u paguar dhe unë jam shumë e sigurt se janë duke u paguar sepse nëse ishin ndal pagat e këtyre punëtorëve ne e kishim parë në medie deri më tash mos të them 10-tra herë apo më shumë“, theksoi Bajrami.

E ndërprerje të këtyre lloj pagesave ka kërkuar edhe deputeti i Lëvizjes Vetëvendosje, Eman Rrahmani i cili tha se këto pagesa nuk duhet të vazhdojnë tutje pasi nuk paraqesin asnjë problem politik.

Ndërsa, shkurt deputetja e LDK-së, Hykmete Bajrami ia ktheu duke i thënë quaje çfarë problem të duash vetëm rregulloje!

Albana Bytyqi e Aleancës për Ardhmërinë e Kosovës i tha deputetit të LVV-së, Eman Rrahmani se nëse ka punëtorë të tillë që paguhen pa punuar, merrni masa në këtë drejtim.

Pas kësaj drejtori i Thesarit, Ahmeti Ismaili tha se aspektin e pagesës së nëpunësve civil që nuk shkojnë në punë nuk e sheh aspak problem politike. Sipas tij, për këta emra duhet t’i njoftojë organizata dhe se për çdo këndë që janë njoftuar se kanë normë pune zero, atëherë edhe paga është zero.

Shpjegime për këtë çështje dha edhe vetë ministri i Financave, Hekuran Murati, i cili u shpreh se kanë marrë veprime në këtë drejtim me qëllim të zbatimit të ligjshmërisë.

Ai vetëm kërkoi nga ministritë emrat e punëtorëve që nuk vijojnë punën dhe ndaj tyre do merren masa.

“Neve ministritë tjera na tregojnë se kush është duke punuar dhe kush nuk është duke punuar sa i përket asaj se a ka mundësi me u marr veprime të tilla a janë politike apo jo ne vetëm kemi marr veprime të tilla sa i përket zbatimit të ligjshmërisë ka edhe komuna serbe që për shkak të mos koordinimit dhe mos aranzhimit si duhet të kodeve buxhetore nuk kanë marr paga nuk ka ndërlidhje me këtë. Krejt çka duhet është organizatat buxhetore me na njoftuar neve kush janë cilët janë persona se ka persona që 1 muaj shkon dhe 1 muaj jo është organizata buxhetore që duhet të na njoftoj dhe ne veprojmë i marrim të gjitha masat”, theksoi Murati.

Ministri i Financave, Punës dhe Transfereve, Hekuran Murati tha se arsyeja e marrjes së kredive dhe tashmë mosimplementimit të projekteve është sepse projektet janë nënshkruar pa u bërë një studim i mirë.

Ndërsa në implementim të projekteve si telash ai ka theksuar edhe aspektin e shpronësimit të pronave.

Auditorja e Zyrës së Përgjithshme të Auditorit, Vlora Spanca lidhur me raportin financiar të vitit 202O, tha se organizatat buxhetore në fushën e raportimit financiar po bëjnë përmirësime të lehta nga viti në vit.

Sipas saj, pasqyrat financiare të qeverisë janë mbivlerësuar për 42 milionë euro për shkak se të hyrat vetanake nga viti paraprak ishin përfshirë në planin buxhetor 2020.

Spanca gjatë raportimit tha se shpenzimet prej 18 milionë eurosh ishin klasifikuar nëpër kategori jo adekuate.

Spanca shtoi se me qëllim të mbulimit të deficiteve buxhetore borxhi i përgjithshëm publik ishte rritur për 300 milionë euro dhe tani ka arritur shifrën prej 1.5 milionë.

Related Topics:
Continue Reading

Rajoni

UBT ofron 20 për qind bursë për programin Master në E Drejta Komerciale për punonjësit e institucioneve të drejtësisë

Published

10 hours ago

on

October 7, 2025

By

UBT po ofron një mundësi të veçantë për profesionistët dhe punonjësit e institucioneve të drejtësisë në Kosovë. Me bursën prej 20 për qind në programin Master (LLM) në E Drejta Komerciale -Tregtare, të gjithë zyrtarët dhe profesionistët e fushës së drejtësisë kanë mundësinë të thellojnë njohuritë e tyre akademike, të zhvillojnë aftësi praktike dhe të përfitojnë nga një program modern dhe multidisiplinar që adreson sfidat komplekse të së drejtës tregtare dhe menaxhimit ligjor.

Ky program synon të zhvillojë ekspertizën e studentëve në aspekte të avancuara të së drejtës tregtare, duke u fokusuar në interpretimin kritik të strukturave dhe parimeve të shoqërive tregtare, kuadrit ligjor kombëtar dhe ndërkombëtar, si dhe menaxhimin e proceseve gjyqësore dhe kontraktuale në një mjedis biznesi gjithnjë më kompleks dhe global.

Objektivat kryesore të programit LLM në E Drejta Komerciale:

  • Zhvillimi i njohurive të thelluara në të drejtën tregtare: Studentët do të mësojnë interpretimin kritik të shoqërive tregtare, qeverisjen dhe shpërbërjen e tyre.
  • Përvetësimi i metodologjive kërkimore të avancuara: Programi ofron aftësi për të kryer kërkime shkencore dhe analizuar të dhëna ligjore në mënyrë kritike.
  • Kuptimi i thelluar i së drejtës së kontratave afariste: Analizimi i krijimit, ekzekutimit dhe shkeljes së kontratave tregtare.
  • Krahasimi i kuadrove ligjore kombëtare dhe ndërkombëtare: Njohuri mbi pronësinë intelektuale, financat dhe bankat, konkurencën, falimentimin dhe arbitrazhin tregtar në kontekstin evropian dhe global.
  • Menaxhimi kreativ i të drejtave të pronësisë intelektuale: Zhvillimi i zgjidhjeve për patentat, markat, të drejtat e autorit dhe sekretet tregtare.
  • Analiza e të drejtave të shoqërive tregtare dhe të ligjeve afariste: Kuptim i avancuar mbi etikën e biznesit, kontratat tregtare dhe tregun e brendshëm të BE-së.
  • Zgjidhja e problemeve në qeverisjen korporative dhe përgjegjësinë sociale: Trajtim i çështjeve komplekse të qeverisjes dhe ndikimi i tyre në performancën e biznesit.

Përfitimet për studentët:

  • Njohuri të avancuara në struktura ligjore dhe procedura gjyqësore.
  • Aftësi për të menaxhuar ekipe në simulime të proceseve gjyqësore tregtare.
  • Ekspertizë në hartimin e kontratave tregtare dhe analizimin kritik të fenomeneve dhe tendencave ligjore.
  • Gatishmëri për të zhvilluar projekte kërkimore dhe analiza në fushën e së drejtës tregtare.

Programi LLM në E Drejta Komerciale i UBT-së është ndërtuar sipas standardeve ndërkombëtare dhe ofron mundësi specializimi në fusha të tilla si:

  • E-drejtësia dhe transaksionet E-Commerce
  • Qeverisja e korporatave dhe përgjegjësia sociale
  • Të drejtat digjitale dhe privatësia
  • Etika në biznes
  • Tregu i brendshëm i BE-së dhe konkurrenca

Me laboratorë modernë, staf akademik me përvojë ndërkombëtare dhe mundësi mobiliteti në universitete partnere, UBT siguron një eksperiencë akademike dhe profesionale të plotë.

Ligjëratat do të zhvillohen me orar fleksibël, duke u përshtatur me nevojat e profesionistëve që tashmë janë aktivë në tregun e punës.

Misioni i programit: Të edukojë profesionistë të kualifikuar dhe etikë, të pajisur me njohuri të avancuara në drejtësinë komerciale, duke kontribuar në forcimin e sundimit të ligjit dhe zhvillimin e qëndrueshëm në Kosovë dhe rajon.

APLIKO TANI ONLINE dhe përfito nga bursa 20 për qind për punonjësit e institucioneve të drejtësisë për të qenë pjesë e këtij programi inovativ dhe avancuar në E Drejta Komerciale.

Continue Reading

Lajmet nga UBT

Profesoresha e UBT-së, Dr. Blertë Zylfiu – Latifi publikon punim shkencor në revistën ndërkombëtare Journal of Stomatology

Published

11 hours ago

on

October 7, 2025

By

Profesoresha e Fakultetit të Stomatologjisë në UBT, Dr. Blertë Zylfiu – Latifi, ka publikuar punimin shkencor me titull “Kosovar Dentists’ Knowledge on Oral Cancer” në revistën ndërkombëtare Journal of Stomatology (Poloni). Artikulli është botuar në vëllimin 78, numrin 3 të vitit 2025 dhe është i qasshëm në format Open Access përmes DOI.

Ky studim ka për qëllim të vlerësojë nivelin e njohurive të dentistëve kosovarë për kancerin oral, duke u fokusuar në njohuritë diagnostike, faktorët e rrezikut dhe aftësitë për identifikimin e lezioneve të hershme. Hulumtimi është zhvilluar me 147 dentistë të përfshirë në programet e specializimit në Qendrën Klinike Stomatologjike Universitare të Kosovës (QKSUK), dhe ka arritur një përgjigje prej 93.19% nga pjesëmarrësit.

Rezultatet tregojnë se dentistët specializantë në Kosovë kanë një nivel mesatarisht të kënaqshëm të njohurive mbi diagnostikimin e kancerit oral, ndërsa vërehet nevoja për arsimim të vazhdueshëm dhe trajnime profesionale në këtë fushë. Studimi thekson rëndësinë e edukimit të dentistëve në parandalimin dhe zbulimin e hershëm të kancerit oral, si pjesë e përpjekjeve për të përmirësuar kujdesin shëndetësor oral në vend.

Punimi është realizuar në bashkëpunim me Dr. Olsa Alku – Latifi, ndërsa është miratuar nga Oda e Stomatologëve të Kosovës (Ref. Nr. 12, 25.05.2021) në përputhje me Deklaratën e Helsinkit.

Ky publikim përbën një tjetër arritje të rëndësishme për UBT-në, duke dëshmuar angazhimin e stafit akademik në kërkimet shkencore me ndikim ndërkombëtar dhe në përmirësimin e praktikave klinike në stomatologji.

Continue Reading

Rajoni

UBT përfaqësohet me sukses në Konferencën Ndërkombëtare të Pedodontisë në Turqi

Published

1 day ago

on

October 6, 2025

By

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Lajmet

Rektori Hajrizi u uron studentëve mirëseardhje dhe një fillim të mbarë të vitit akademik 2025/26

Published

1 day ago

on

October 6, 2025

By

Rektori i UBT-së, Prof. Dr. Edmond Hajrizi, u ka uruar mirëseardhjen studentëve të rinj dhe atyre aktualë në fillimin e vitit të ri akademik 2025/26. Në fjalën e tij, Rektori Hajrizi theksoi rëndësinë e këtij fillimviti, i cili sjell mundësi për suksese, përvoja të reja edukative dhe zhvillim personal e profesional.

Lexoni mesazhin e plotë të Rektorit Hajrizi:

Të dashur studentë të rinj dhe studentë aktualë të UBT-së,

Në emër të UBT-së dhe në emrin tim personal, ju urojmë mirëseardhje në fillimin e vitit të ri akademik 2025/26.

Ky është një fillimvit që na bashkon për më shumë suksese, përvoja të reja edukative e akademike, si dhe mundësi për zhvillim personal dhe profesional.

UBT mirëpret gjeneratën e re të radhës, e cila bashkë me studentët aktualë, që kanë besuar në edukimin dhe zhvillimin profesional të ofruar nga UBT, do të kontribuojë në një vit të pasur akademik.

Besojmë fuqimisht se, ashtu si gjithmonë, do të veprojmë për të arritur synimet tona kryesore: Top Education for Top Students, duke mbështetur jo vetëm studentët, por edhe zhvillimin e vendit dhe suksesin e Kosovës në arenën globale.

Ju keni zgjedhur të studioni në institucionin më prestigjioz, tashmë të dëshmuar edhe në nivel global, ku cilësia dhe inovacioni janë parimet themelore.

UBT është ranguar ndër universitetet më të mira në botë për cilësi, inovacion, ndërmarrësi, zhvillim të qëndrueshëm, teknologji dhe inteligjencë artificiale, dhe së fundmi, renditet në vendin e parë në botë për angazhimin dhe impaktin në shoqëri.

Për herë të parë në Kosovë dhe në rajon, UBT ka integruar Inteligjencën Artificiale, teknologjitë më të avancuara dhe infrastrukturën e kompletuar të një Qyteti të Mençur, së bashku me një staf cilësor, në rritje, dhe shumë të përkushtuar, në mënyrë që ju të jeni sa më të suksesshëm.

Kështu, gjatë studimeve, ju do të keni mbështetje të plotë nga profesorët, mentorët dhe strukturat tona akademike, duke ju dhënë hapësirën e duhur për të mësuar, krijuar dhe ndërtuar karrierën tuaj.

Ne jemi të përkushtuar t’ju ofrojmë një përvojë studimi të pasur, që jo vetëm do të ndikojë në jetën tuaj personale, por gjithashtu do të kontribuojë në shoqëri dhe në zhvillimin e Kosovës.

Ju uroj një vit akademik të suksesshëm, të mbushur me dije, përvoja dhe arritje të reja. Le të jetë ky vit një hap i sigurt drejt realizimit të ëndrrave tuaja!

Me respekt,

Prof. Dr. Edmond Hajrizi

President dhe Rektor i UBT-së

Continue Reading

Të kërkuara