Nëse jeni të brengosur për rënien e flokëve, gjëja më e mirë që mund të bëni është të shmangni stilimin artificial. Tharësit e flokëve nuk e shkaktojnë rënien e flokëve e as parandalimin e rritjes së flokëve. Tharësit shkaktojnë dëme nëse jeni duke përdorur nxehtësi të madhe apo jeni duke e mbajtur për një kohë të gjatë nxehtësinë në rrënjët e flokëve.

Tharësin e flokëve duhet ta mbani tërë kohën në lëvizje në mënyrë që të shpërndahet nxehtësia, dhe kur është e madhe ndikon që rrënjët e flokëve të vdesin, ndërsa me kohën flokët nuk do të rriten nëse rrënja ka vdekur.

Duhet të keni parasysh se nuk është nevoja ta përdorni tharësin e flokëve çdo ditë, as shamponin, një këshillë që duhet ta aplikoni është ta kontrolloni nxehtësinë e tharësit. Mos e përdorni tharësin e flokëve në nxehtësi maksimale, por më të vogël të parandalohen dëmet.

Është e rëndësishme ta përdorni tharësen e duhur e cila mund të rregullojë temperaturën e ajrit dhe shpejtësinë e fryrjes. Tharësja do të duhej të përmbante të paktën edhe dy nivele, duke përfshirë edhe nivelin për temperaturë të ulët të ajrit. /UBT News/

Pas një viti të vështirë për të, princesha e Uellsit, Kate Middleton ka ndarë përditësim të rëndësishëm për betejën me kancerin. Ajo tregoi se ka kuruar sëmundjen në spitalin ku u trajtua vitin e kaluar, megjithatë kjo nuk do të thotë se është zhdukur përgjithmonë.

Si është tani Kate Middleton?

“Është një lehtësim që tani jam e kuruar dhe mbetem e fokusuar në rikuperimin tim,” ndau Kate në Instagram së bashku me një imazh të vizitës së saj me një pacient në Spitalin Royal Marsden në Londër më 14 janar.

“Siç mund ta dijë kushdo që ka përjetuar një diagnostikim me kancer, duhet kohë për t’u përshtatur me një normalitet të ri. Megjithatë, pres me padurim një vit të ri përpara. Ka shumë për të pritur.”

Gjatë vizitës emocionale, Kate u takua me stafin e përfshirë në trajtimin e saj për t’i falenderuar ata për kujdesin ndaj saj dhe pacientëve tjerë me kancer. Vizita erdhi ndërsa Kate po vazhdon ngadalë kthimin në detyrat publike pasi mori pjesën më të madhe të vitit 2024 për t’u fokusuar tek shëndeti dhe familja e saj.

Hera e fundit që ajo u pa në publik ishte në ditën e Krishtlindjeve teksa iu bashkua familjes mbretërore për festime në Sandringham.

Pjesa më e madhe e fokusit të saj në prapaskenë që nga mbarimi i trajtimeve të kimios është rikthyer në gjendjen e duhur, me një biograf mbretëror që zbuloi se ajo po shkonte dhe në palestër.

“Me sa kuptoj, Catherine po ecën shumë mirë. Ajo po stërvitet në palestër dhe po bën të gjitha gjërat që donte të bënte”, tha Robert Jobson për revistën “Hello” në fund të vitit 2024.

A është rikthyer Kate Middleton në detyrë?

Lajmi i mirë vjen pasi Kate ka nisur një rikthim gradual në detyrë pasi zbuloi se ka përfunduar trajtimin e kimioterapisë. Pjesëmarrja e saj në vizitën spitalore shënon fillimin e kthimit të planifikuar të princeshës në punë dhe angazhimet publike gjatë muajve të ardhshëm.

Pas gati një viti spekulimesh, ndërsa ajo merrej me probleme serioze shëndetësore, Princesha e Uellsit më në fund ndau disa lajme pozitive me fansat anembanë globit më 9 shtator.

“Vera po mbaron, nuk mund t’ju them se çfarë lehtësimi është që më në fund përfundova trajtimin tim të kimioterapisë,” tha Kate shoqëruar me një video të ëmbël duke dhënë një vështrim të sinqertë dhe të paprecedentë në jetën e saj private në shtëpi.

Kate njoftoi se ishte diagnostikuar me një formë të pazbuluar të kancerit në mars të vitit 2024 pas një operacioni të mëparshëm serioz në bark dhe do t’i nënshtrohej disa seancash “kimioterapie parandaluese”.

Ajo është mbështetur shumë gjatë betejës së saj me sëmundjen nga princi William, 41 vjeç, i cili e vuri familjen në vend të parë pasi ata u përballën me këtë kohë të vështirë. Princi ndërpreu detyrat e tij për të qenë aty për gruan dhe fëmijët e tyre.

Kate shpjegoi se udhëtimi kishte qenë “kompleks, i frikshëm dhe i paparashikueshëm”, i kishte lënë çiftit “perspektivë të re për gjithçka”.

Burimi: Who Magazine

Ceremonia e ndarjes së çmimeve Oscar është në prag të anulimit për herë të parë në historinë e saj 96-vjeçare, kjo për shkak të zjarreve vdekjeprurëse që kanë shkatërruar Los Angelesin.

Komiteti zyrtar i Akademisë po monitoron situatën çdo ditë, me yjet si Tom Hanks, Emma Stone, Meryl Streep dhe Steven Spielberg që thuhet se janë në dijeni të situatës. Por, ndjesia është se mund të jetë me shije të keqe të vazhdohet me turbullirën e shkëlqyeshme kur dhjetëra njerëz kanë vdekur dhe mijëra kanë mbetur të pastrehë.

Një i burim tha për “The Sun”:  “Shqetësimi kryesor i bordit në këtë kohë është të mos duken sikur po festojnë ndërkohë që shumë nga LA po përballen me dhimbje e humbje të paimagjinueshme. Edhe nëse zjarret do shuheshin javën e ardhshme, realiteti është se situata në qytet është e rëndë dhe do të përballet me atë dhimbje për muaj të tërë. Kështu që hierarkia vendosi që fokusi do të jetë mbështetja dhe mbledhja e fondeve kur të paraqiten mundësitë e duhura”.

Të paktën 25 njerëz kanë vdekur nga zjarret në Kaliforni, megjithëse kjo shifër pritet të rritet ndërsa shërbimet e urgjencës kërkojnë nëpër rrënoja. Më shumë se 200,000 banorë janë detyruar të largohen nga shtëpitë e tyre, me 88,000 ende nën urdhrat e evakuimit.

Shkatërrimi ka çuar në vendosjen e një strategjie emergjente për anulimin e ceremonisë së Oscars më 3 mars. /UBT News/

Janari i vitit 2025 shënon 5 vjet nga ndarja e parakohshme nga jeta e aktorit të paharruar të skenës dhe ekranit, Xhevdet Ferri. Humbja e tij, më 16 janar 2020, ishte një tronditje e madhe për të gjithë ata që e njihnin dhe e vlerësonin talentin e tij të jashtëzakonshëm. Xhevdet Ferri ishte një nga emrat më të dashur dhe më të respektuar të artit shqiptar, një figurë që do të mbetet e paharruar përmes roleve të tij të paharrueshme në kinema dhe teatër.

Xhevdet Ferri lindi në qytetin e Durrësit, më 26 nëntor 1960, dhe kaloi një jetë të pasur me arritje artistike dhe pedagogjike, deri sa u nda nga jeta në moshën 59-vjeçare nga një sëmundje e rëndë. I njohur nga të gjithë me emrin “Xhoda”, ai mori shpejt vëmendjen dhe respektin e kolegëve dhe studentëve që e konsideronin një model të profesionalizmit dhe përkushtimit. Pas diplomimit në degën e artit dramatik të Akademisë së Arteve të Bukura në vitin 1982, Xhevdeti vazhdoi të kontribuonte në edukimin e brezave të rinj, duke shërbyer si pedagog dhe më pas si Dekan i Fakultetit të Artit Skenik.

Gjatë karrierës së tij të pasur artistike, Xhevdet Ferri interpretroi rreth 30 role në teatër dhe kinema, por ai është veçanërisht i njohur për performancat e tij të shkëlqyera në ekranin e kinemasë shqiptare. Mes roleve të tij më të njohura janë ato në filmat si “Përrallë nga e kaluara” (1987), “Dasma e Sakos” (1998), “Treni niset në shtatë pa pesë” (1988), “Gjoleka – djali i Abazit” (2006), “Vitet e pritjes”, “Dhe vjen një ditë”, “Besa e Kuqe”, dhe shumë të tjera. Ai ishte i njohur për natyrshmërinë dhe thellësinë e karaktereve që krijonte, duke i dhënë një identitet të veçantë çdo roli që interpretonte. Për rolin e tij në filmin “Dhe vjen një ditë”, Xhevdet Ferri u nderua me medaljonin e Festivalit të Filmit në vitin 1986.

Xhoda, përveç angazhimeve të tij si aktor, luajti një rol të rëndësishëm edhe në fushën e menaxhimit të arteve. Ai ishte drejtor i Qendrës Kombëtare të Kinematografisë gjatë dy periudhave, nga 1995 deri në 1999 dhe më pas nga 2006, dhe drejtoi Teatrin Kombëtar nga vitet 1999 deri në 2001. Po ashtu, ai ishte një nga bashkëthemeluesit e Shoqatës së Kineastëve Shqiptarë dhe shërbeu si kryetar i saj në vitet e para. Xhevdet Ferri ishte gjithashtu i angazhuar në politikë si deputet i Partisë Demokratike në vitet 1996-1998. Përveç karrierës së tij artistike dhe menaxhuese, ai u specializua në fushën e menaxhimit të institucioneve artistike në Amsterdam dhe Oxford.

Jeta e Xhevdet Ferrit ishte gjithashtu e lidhur ngushtë me artin dhe jetën private të bashkëshortes së tij, aktoren Rozeta Ferri, me të cilën kishte një vajzë, Borën. Xhoda ka lënë një boshllëk të madh, por edhe një pasuri të çmuar trashëgimie, përmes pasurimit të artit shqiptar dhe ndikimit të tij në breza të tërë artistësh dhe profesionistësh të rinj.

Edhe pse është larguar nga jeta, Xhevdet Ferri mbetet një figurë e paharruar dhe një simbol i përkushtimit ndaj artit, një ikonë e skenës dhe ekranit shqiptar, dhe një shëmbëlltyrë për ata që duan të ndjekin rrugën e pasionit dhe artit. Pas pesë vjetësh, kujtimi për të do të jetojë përjetësisht, duke u ripërsëritur në çdo shfaqje, film dhe bisedë për kulturën dhe artin shqiptar./UBTNews/