Sport

10 vite më parë Aguero shënon golin e titullit për Cityn në Premier Ligë, reagimi i tifozëve të United ishte epik

Në ndeshjen e fundit të sezonit, goli i fundit i Sergio Agueros shkatërroi shanset e United për titull.

Published

4 years ago

on

Në këtë ditë, 10 vite më parë, Manchester City shënoi dy gola në minutat shtesë për të fituar titullin e Premier Ligës për herë të parë pas 44 vitesh.

“AGGUUEEERROOOO! Ju betohem se nuk do të shihni më kurrë diçka të tillë!”, të gjithë tifozët e Manchester United nuk mund ta besonin kur komentatori Martin Tyler i tha këto fjalë të famshme.

Trajneri i Cityt asokohe, Roberto Mancini, nga gëzimi kërceu te asistenti i tij, Brian Kidd, ndërsa mijëra tifozë u vërsulën brenda stadiumit “Etihad” për të festuar momentin më të madh në historinë e tyre.

Ndërkaq, në stadiumin “Light”, vetëm pak çaste pasi skuadra e Sir Alex Ferguson siguroi një fitore 1:0 kundër Sunderland falë një goli të Wayne Rooney, lajmet filluan të përhapeshin se City kishte shënuar golin e fitores në minutat shtesë për të fituar titullin përmes gol-dallimit.

Në ndeshjen e fundit të sezonit, goli i fundit i Sergio Agueros shkatërroi shanset e United për titull në rrethanat më dramatike, dhe kjo shihej në të gjitha fytyrat e “Djajve të Kuq”.

Më poshtë mund ta gjeni videon e reagimit të Manchester United e tifozëve të tyre kur e kuptojnë se City ka shënuar golin e fitores së titullit, dhe sekuencat nga ndeshja mes Cityt e QPR ku Aguera shënon golin e tij që shkatërroi ëndrrat e “Djajve të Kuq”.

Related Topics:
Continue Reading

Sport

Briken Calja shkëlqen në Taranto, shpallet kampion dhe thyen rekorde

Published

15 hours ago

on

September 1, 2026

By

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Continue Reading

Lajmet

Islam Selmani i artë, medalja e 7-të për Kosovën

Published

16 hours ago

on

September 1, 2026

By

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Continue Reading

Sport

Briken Calja i artë në “Taranto 2026”, Shqipëria fiton medaljen e dytë të artë

Published

18 hours ago

on

September 1, 2026

By

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Continue Reading

Sport

Sigurohet medalja e shtatë për Kosovën, Islam Selmani në finale

Published

18 hours ago

on

September 1, 2026

By

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L

Continue Reading

Të kërkuara