Lajmet

10 mënyra kursimi për çdo punonjës

Nëse jeni lodhur nga njerëzit që ju thonë se duhet të kurseni, atëherë këtu janë disa mënyra.

Published

5 years ago

on

Ndoshta jeni lodhur nga njerëzit qofshin ata prindërit tuaj, miqtë apo ekspertët e financave personale kur ju thonë se ka ardhur momenti të kurseni para.

Ajo që ju nevojitet vërtet janë disa këshilla të dobishme për mënyrën se si të kurseni para në mënyrë natyrale sot. Lënia e kafes jo vetëm që nuk është zgjidhje për të kursyer para por edhe ato pak para që mund t’ju kursejë do të ju marrë shumë kohë për t’i kursyer.

1. Merrni me vete drekën tuaj

Kur shumica e drekave tuaja përbëhet vetëm nga picat dhe sanduiçat jo vetëm që do të harxhoni një mal me para por gjithashtu do të vijë momenti që do të kuptoni se sa dëm i keni bërë shëndetit tuaj. Nëse filloni të merrni çdo ditë me vet drekën tuaj do të kurseni shumë para dhe njëkohësisht do të jeni më të shëndetshëm.

2. Pastroni dollapin tuaj

Të gjithë kanë rroba në dollapin e tyre të cilat nuk i veshin kurrë. Në vend që t’i falni apo t’i lini rrobat aty ju mund t’i shisni ato. Ndoshta nuk do të arrini ti shisni me vlerën reale por me siguri do të përfitoni diçka. Me paratë që do të fitoni ju mund të blini diçka të re e cila ju nevojitet duke mos shpenzuar paratë

3. Pastrojeni vetë shtëpinë tuaj

Ndoshta disa prej jush nuk e kanë luksin të kenë dikë që t’i ndihmojë në punët e shtëpisë por shumë të tjerë harxhojnë mbi 100 mijë lekë në muaj vetëm për pastrimin e shtëpisë. Përpiquni t’i bëni vetë punët e shtëpisë edhe nëse jeni shumë të ngarkuar me punë të tjera.

Nëse bëni një plan dhe secili në shtëpi kryen një funksion të caktuar ju do të kurseni shumë para dhe shtëpia juaj do të jetë gjithnjë e pastër.

4. Rezervoni biletën e avionit të paktën një muaj më herët

Rezervimi i biletës së avionit në momentin e fundit do t’ju bëjë gjithmonë të paguani shumë më shumë para se një biletë avioni e rezervuar më parë.

Sigurisht që disa udhëtime të cilat dalin në mënyrë të papritur ju nuk mund t’i evitoni por kur bëhet fjalë për pushimet tuaja përpiquni t’i rezervoni gjithmonë më përpara biletat.

5. Bëni një listë përpara se të shkoni në supermarket

Nëse shkoni në dyqan të uritur atëherë ky është faji juaj. Nëse e bëni këtë syri do të shikojë produkte nga më të ndryshmet e do t’ju tundojë t’i blini të gjitha.

Por nëse më përpara keni përgatitur një listë dhe e dini fare mirë se produktet që gjenden në atë listë janë të vetmet produkte që ju nevojiten, atëherë ju duhet thjesht t’i përmbaheni listës suaj dhe nuk do të bëni asnjë shpenzim më shumë.

6. Hiqni dorë nga duhani

Përfitimet financiare kur hiqni dorë nga duhani janë të mëdha dhe në fakt nuk duan shumë mend për të kuptuar, se nëse lini duhanin do të keni në xhepin tuaj 3 mijë lekë më shumë në ditë.

7. Blini një filtër uji

Uji në shishe është një nga produktet i cili nuk ja vlen të blihet. Nëse përdorni një filtër uji ju do të mund të konsumoni ujin e rubinetit pa shpenzuar para.

8. Bëni pazare gjatë periudhës së uljeve

Blerja e produkteve që ju nevojiten në periudhën e uljeve është një lëvizje e zgjuar. Ju do të blini të gjitha produktet me pak para dhe kështu do të përfitoni jo vetëm disa para të kursyera por edhe të gjitha ato çka kishit nevojë.

9. Shkëmbimi mall me mall

Kjo është një metodë e cila është përhapur goxha në botë. Njerëzit shkëmbejnë mallrat që kanë me tepri me mallra që i mungojnë dhe në këtë mënyrë jo vetëm që kursejnë para, por edhe marrin atë çka dëshirojnë.

10. Programoni daljet tuaja

Takimet me miqtë apo të afërmit tuaj do të ishte mirë t’i programonit. Në këtë mënyrë ju do të arrini t’i takoni të gjithë dhe nuk do të harxhoni para shtesë për të pirë kafen tuaj. Le të jetë kafja juaj e mëngjesit gjithashtu kafja me një mikun tuaj.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

13 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

13 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

14 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

15 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara