Lajmet

Kandidatët për kancelar të Gjermanisë pajtohen për Evropë të fuqishme

Në debatin e fundit televiziv të dy konkurrentët kanë bërë thirrje për Evropë të fuqishme dhe sovrane.

Published

5 years ago

September 24, 2021

Betim Gashi

Dy kandidatët që synojnë të zëvendësojnë Angela Merkelin për kancelar të Gjermanisë, kanë bërë thirrje për Bashkim Evropian më të fuqishëm, në debatin e fundit televiziv para zgjedhjeve që do të mbahen më 26 shtator.

Aleanca konservatore e Merkelit, Demokristiane/Kristian-Sociale (CDU/CSU) është prapa Social-Demokratëve të qendrës së majtë (SPD) në sondazhe, ndonëse dallimi është zvogëluar në ditët e fundit.

Në debatin e fundit televiziv më 23 shtator, të dy konkurrentët që duan ta zëvendësojnë Merkelin – Ministri i Financave dhe Zëvendës-kancelari, Olaf Scholz nga SPD dhe Armin Laschet nga CDU/CSU, kanë bërë thirrje për Evropë të fuqishme dhe sovrane.

“Neve na duhet më shumë Evropë, neve na duhet të flasim me një zë”, ka thënë Laschet, i cili është kryetar në landin North Rhine-Westphalia.

Scholz ka thënë se BE-ja duhet të jetë e bashkuar për të qenë relevante në skenën botërore dhe ka theksuar nevojën e bashkëpunimit me SHBA-në dhe NATO-n.

Ai ka thënë se nuk do të pajtohet me politikat radikale siç është largimi nga NATO-ja, si dhe është zotuar se do të rrisë shpenzimet për mbrojtje.

Annalena Baerbock, kandidate nga Partia e Gjelbër, ka bërë thirrje për politike të përbashkët të BE-së ndaj Kinës, “në mënyrë që të mos dalim kundër njëri-tjetrit”.

Ajo ka propozuar një kombinim të “dialogut” dhe “ashpërsisë” ndaj Pekinit.

Sondazhet kanë treguar se Baerbock ka përkrahje prej 16.5 për qind, duke i dhënë partisë së saj mundësi reale për t’u bërë partnere e koalicionit në qeverinë e ardhshme.

Sondazhet e televizionit ZDF, kanë treguar se Scholz ka përkrahje prej 25 për qind, derisa Laschet 23 për qind.

Merkel, e cila ka qenë në pushtet nga viti 2005, planifikon të mos jetë më pjesë e udhëheqësisë, ndonëse do ta mbajë pozitën e kancelares gjatë negociatave për koalicion.

Vendi

UBT organizon Konferencën më të madhe shkencore për Mjekësinë Sportive, me pjesëmarrjen e profesionistëve botërorë

Published

1 hour ago

October 19, 2026

UBTNews

UBT do të mirëpresë më 21 tetor, Konferencën e Dytë Ndërkombëtare për Mjekësinë Sportive – ICSM 2026, e cila do të bëjë bashkë profesionistë shëndetësorë, hulumtues, akademikë dhe ekspertë të sportit për të diskutuar zhvillimet e reja në mjekësinë sportive, inovacionin dhe qëndrueshmërinë në praktikën klinike dhe sportive.

Konferenca, e organizuar nga Instituti për Mjekësi Sportive i UBT-së, në bashkëpunim me International Federation of Sports Medicine (FIMS), SHAPE Project – Sport, Health, and the People dhe Kosovo Association of Sports and Exercise Medicine (KASEM), në Parkun Shkencor, Inovativ dhe Teknologjik të UBT-së, do të zhvillohet nën temën “Innovation and Resilience in Sport Medicine”, duke krijuar një platformë për shkëmbimin e njohurive shkencore, përvojave profesionale dhe praktikave bashkëkohore në këtë fushë.

Në kuadër të konferencës do të trajtohen tema me rëndësi për zhvillimin e mjekësisë sportive, përfshirë shëndetin funksional, radiologjinë, ortopedinë, teknologjitë e veshshme (wearable technologies), inteligjencën artificiale dhe mundësitë që sjell inovacioni teknologjik në përmirësimin e kujdesit shëndetësor dhe performancës sportive.

Konferenca synon të forcojë bashkëpunimin ndërmjet komunitetit akademik, profesionistëve shëndetësorë dhe sektorit sportiv, duke nxitur diskutimin mbi qasjet e reja shkencore dhe zbatimin e tyre në praktikë.

Konferenca është e akredituar nga Oda e Mjekëve të Kosovës (OMK), në kuadër të Edukimit të Vazhdueshëm Profesional (EVP).

Për më shumë informata rreth programit, të interesuarit mund të vizitojnë: LINKU.

Vendi

Skenderaj: Qëlloi qenin me armë, policia ia sekuestron armën

Published

1 hour ago

October 19, 2026

UBTNews

Një person është shoqëruar në polici pasi dyshohet se ka shtënë me armë zjarri në drejtim të qenit të një bashkëqytetari në Skenderaj. Ngjarja ka ndodhur të dielën, më 18 tetor, rreth orës 10:20.

Pas raportimit të rastit, Policia e Kosovës, në konsultim me prokurorin e shtetit, ka ushtruar kontroll në shtëpinë e të dyshuarit, ku ka gjetur dhe sekuestruar një armë gjuetie.

I dyshuari është intervistuar nga hetuesit policorë dhe më pas, me vendim të prokurorit, është liruar në procedurë të rregullt. Rasti po hetohet nën dyshimin për veprat penale “Përdorim i armës” dhe “Mbajtje në pronësi, kontroll ose posedim të paautorizuar të armëve”. /E.A/

lajme

Gjenden mbi 140 fishekë të vjetër në një fushë në Gjakovë

Published

1 hour ago

October 19, 2026

UBTNews

Gjatë ditës së djeshme, në një fushë të hapur në Gjakovë janë hasur disa municione të vjetra.

Sipas raportit 24-orësh të Policisë së Kosovës, pas marrjes së informacionit, njësitet përkatëse kanë dalë në vendin e ngjarjes ku kanë gjetur dhe sekuestruar rreth 144 fishekë.

Lidhur me rastin janë iniciuar hetimet dhe autoritetet po kryejnë procedurat e nevojshme. /E.A/

Lajmet

Zhduket një person në Gjakovë

Published

2 hours ago

October 19, 2026

UBTNews

Një burrë është rapotuar i zhdukur në Gjakovë pasi është larguar nga shtëpia e tij dhe nuk dihet më asgjë për vendndodhjen e tij.

Sipas raportit 24-orësh të Policisë së Kosovës, ngjarja ka ndodhur më 13 tetor, rreth orës 07:00 të mëngjesit.

Familjarët kanë njoftuar autoritetet për largimin e tij nga shtëpia.

Policia e Kosovës bën me dije se rasti tashmë ka kaluar në procedurë hetimore dhe po ndërmerren të gjitha veprimet e nevojshme për gjetjen e tij. /E.A/