Lajmet

Zemaj paraqet propozimin për Projektligjin për shëndetësi

Ai tha se për këtë projektligj ka konsultuar shumë profesionistë shëndetësorë dhe ekspertë të fushës.

Published

3 years ago

April 15, 2022

Betim Gashi

Deputeti i Lidhjes Demokratike të Kosovës, Armend Zemaj ka paraqitur propozimin për Projektligjin e ri për shëndetësi, për të cilin tha se përbëhet nga 128 nene dhe se e konsideron lehtë të zbatueshëm.

Ish-ministri i Shëndetësisë në një konferencë për media tha se për këtë projektligj ka konsultuar shumë profesionistë shëndetësorë dhe ekspertë të fushës, me qëllim të avancimit dhe përmirësimit të sistemit shëndetësor në vend. Ndërkohë që uroi që projektligji të gjejë mbështetje edhe nga shumica parlamentare.

“Sot kam kënaqësinë të procedoj Projektligjin për shëndetësi, si nismë legjislative, për të cilin kam marrë mbështetje edhe nga deputetët tjerë nënshkrues… Ne po e bëjmë hapin për shëndetin e mirë të qytetarëve tanë, ndaj të njëjtën qasje e presim edhe nga Qeveria dhe nga shumica parlamentare… Ky Ligj në përmbajtjen e tij ka 128 nene, do të jetë lehtë i zbatueshëm, në dobi të qytetarëve, cilësisë së shërbimeve shëndetësore, unifikimit të sistemit shëndetësor deri tek harmonizimi i të arriturave shkencore njerëzore, duke siguruar qëndrueshmëri të sistemit dhe të profesionistëve. Andaj, me këtë rast, ne sot e kemi dërguar në Zyrën për Parashtresa dhe presim përkrahjen dhe miratimin e tij”, tha Zemaj.

Zemaj theksoi se përmes këtij projektligji Kosova do të ketë sistem funksional shëndetësor dhe të zbatueshëm, i cili siç tha ai, është qenësor. Ai foli edhe për emergjencën, për të cilën tha se duhet të finalizohet dhe të jetë në shërbim të qytetarëve. Derisa shprehi gatishmërinë për të bashkëpunuar me pozitën për nismën legjislative për transplantin e organeve.

“Nëse Qeveria e Kosovës nuk mund të arrijë që ta përgatis prapë,, do të japim kontributin tonë edhe në këtë pjesë. Besoj se shumë shpejt do të bashkohemi edhe për një nismë legjislative shumë të rëndësishme për transplantin e organeve”, tha ai.

I pyetur për qëndrimin e LDK-së për trustin, Zemaj përsëriti se janë në përkrahje të tërheqjes së një pjese, por pa dëmtuar asnjërën palë.

“Ne e kemi dhënë qëndrimin tonë… Jemi në përkrahje të tërheqjes së një pjese nga trusti. Forma, mënyra, pragu, besoj se do të duhet të ishin temë e një ekspertize të veçantë, e cila mundëson tërheqjen por nuk e dëmton pjesën burimore të Trustit dhe as të ardhmen e atyre që përfitojnë”, theksoi ai.

Related Topics:Armend Zemaj Projektligji per shendetesi

Up Next

GLPS: Problematik numri i madh i lëndëve të trashëguara për korrupsion, krim të organizuar e shpëlarje të parave

Don't Miss

Sulmi ndaj Policisë së Kosovës në veri, reagon Haradinaj

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

11 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

1 day ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/