Lajmet

Ukraina vendos armët e reja amerikane në vijat e saj të frontit

Howitzer janë pjesë e paketës më të fundit të mbështetjes prej 800 milionë dollarësh të ShBA-së, dërguar Ukrainës.

Published

3 years ago

May 15, 2022

Betim Gashi

Ukraina ka vendosur një numër të madh të armëve Howitzer M-777 në vijat e saj të frontit, pasi Shtetet e Bashkuara të Amerikës dorëzuan 89 nga 90 prej artilerisë së premtuar.

Howitzer janë pjesë e paketës më të fundit të mbështetjes prej 800 milionë dollarësh të ShBA-së, dërguar Ukrainës. Ambasada e ShBA-së në Ukrainë postoi një video në Twitter për të treguar zhvillimin.

Howitzeri është një armë me rreze të gjatë veprimi, që bie midis një topi, i cili lëshon predha në trajektore të sheshta dhe një mortaje, që gjuan në kënde të larta të ngjitjes dhe zbritjes. Howitzer, si pajisjet e tjera të artilerisë, zakonisht organizohen në një grup të quajtur bateri.

Këshilltarët amerikanë dhe aleatë kanë kaluar javët e fundit duke trajnuar qindra gjuajtës ukrainas për të përdorur armët e tyre të reja, shkruan Forbes.

Bateritë e artilerisë ukrainase punojnë ngushtë me operatorët e dronëve për të dalluar objektivat – dhe ndonjëherë edhe i drejtojnë armët e tyre në koordinatat që civilët ukrainas i thërrasin me telefon pasi kapin një paraqitje të shkurtër të forcave ruse aty pranë.

Lajmet

Policia shqipton mbi 2 mijë e 300 gjoba trafiku brenda 24 orëve

Published

50 minutes ago

August 15, 2025

UBTnews

Policia e Kosovës ka shqiptuar 2361 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 83 aksidente trafiku me dëme materiale kurse 39 aksidente trafiku kanë përfunduar me të lënduar.

Policia e Kosovës ka arrestuar 22 persona, 17 janë dërguar në mbajtje, kurse 3 persona janë në vuajtje të dënimit.

Lajmet

Vjedhje e rëndë në Klinë, hajnat vjedhin shumë të madhe parash

Published

51 minutes ago

August 15, 2025

UBTnews

Sipas raportit të Policisë së Kosovës, hajnat kanë hyrë në një shtëpi në Klinë ku kanë vjedhur para të gatshme 4000 Franga Zvicerane, 250 paund Britanik, 50 kruna Norvegjeze, si dhe stoli të ndryshme ari në vlerë rreth 19 mijë euro.

Rasti është nën hetim.

“Rr. Ali Berisha, Klinë / 14.08.2025 – NN. Është raportuar se personi/a të panjohur me përdorim force kishin depërtuar në shtëpinë e viktimës mashkull kosovar dhe kishin vjedhur: para të gatshme 4000 Franga Zvicerane, 250 paund Britanik, 50 kruna Norvegjeze, si dhe stoli të ndryshme ari në vlerë rreth 19.100 (nëntëmbëdhjetëmijë) euro. Njësitë relevante policore kanë dalë në vendin e ngjarjes dhe janë duke e hetuar rastin për të cilin është njoftuar edhe prokurori“, thuhet në raportin 24-orësh të Policisë së Kosovës.

Lajmet

Deri 1 orë e gjysmë pritje në pikat kufitare për dalje nga Kosova, përditësohen të dhënat e fundit

Published

1 hour ago

August 15, 2025

UBTnews

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar.

Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra.

Pritjet në hyrje raportohen nga 3 deri në 5 minuta. Përderisa pritjet për të hyrë në Kosovë janë të shkurtra, pritjet për të dalë nga Kosova janë të gjata.

Raportohen pritje deri 1 orë e gjysmë te Dheu i Bardhë, kurse deri 20 minuta në Merdarë.

Përditësimi i fundit ishte në ora 07:03 të mëngjesit.