Lajmet

Trendafilova për protestën e paralajmëruar: S’përfshihemi në diskutime politike

Vizita e saj është anuluar për shkak të protestave të paralajmëruara nga PSD-ja dhe veteranët e UÇK-së.

Published

3 years ago

September 21, 2022

Betim Gashi

Kryetarja e Gjykatës Speciale, Ekaterina Trendafilova ka thënë se Dhomat e Specializuara dhe Zyra e Prokurorit të Specializuar janë plotësisht të pavarura nga njëra-tjetra. Në adresimin e saj përmes platformës zoom ajo ka thënë se DhSK merret vetëm me përgjegjësi individuale dhe jo përgjegjësi të organizatave.

“Dhomat e Specializuara dhe Prokurori i Specializuar janë plotësisht të pavarura nga njëra-tjetra dhe jemi marrë vetëm me përgjegjësi individuale dhe jo përgjegjësi të organizatave. Siç shihni DhSK fokusohen vetëm në mandatin e vet. Kam parë në media që ka kritika sa i përket punës së gjykatës dhe gjithashtu ka njerëz që nuk besojnë në mandatin e DhSK si gjykatë. Ne nuk merremi me vendime politike, nuk angazhohemi në argumente për çështjen e rasteve që tashmë janë trajtuar nga gjyqtarët, duhet ta përmbushim mandatin tonë sipas kushtetutës dhe ligjit për dhomat e specializuara, duke siguruar procedura të drejta, të pavarura dhe të paanshme, vendimet dhe aktgjykimet do të flasin, ky ishe edhe qëllimi i vizitës sime për t’iu informuar shkurtimisht se çfarë po ndodh, qëllimi është të angazhohemi në një shkëmbim transparent dhe të hapur të pikëpamjeve”, ka thënë Trendafilova.

“Qytetarët kanë të drejtë të protestojnë, edhe ne e kemi të drejtën të mos përfshihemi në çfarëdo diskutimi politik, ne nuk jemi politikanë”, ka shtuar ajo lidhur me protestën e paralajmëruar për të kundërshtuar vizitën e saj.

Kujtojmë se Partia Socialdemokrate (PSD) ka anuluar protestën e paralajmëruar për sot, e cila ishte planifikuar të mbahej kundër vizitës së kryetares së Dhomave të Specializuara në Hagë Ekaterina Trendafilova në Gjilan.

Kryetari i PSD-së Dardan Molliqaj ka thënë se anulimi i protestës vjen pas njoftimit zyrtar se Trendafilova ka anuluar konferencën e nesërme. Ai ka thënë se anulimi i vizitës tregon se kjo gjykatë nuk e ka për qëllim informimin e drejtë të opinionit dhe se vepron në bazë të presioneve politike.

Ndryshe, kreu i Dhomave të Specializuara në Hagë, ishte paraparë të mbajë të mërkurën një konferencë për media, e ku brenda do të ishin vetëm pjesëtarë të shoqërisë civile dhe media të akredituara, por pa kamera dhe pajisje të tjera për xhirim. Por sipas një njoftimi vizita është anuluar për shkak të protestave të paralajmëruara nga PSD-ja, ndërkohë që edhe veteranët e UÇK-së kanë deklaruar se do t’i bashkohen protestës.

Aktivitetet e kryetares së Dhomave të Specializuara po mbahen online, përmes zoom-it.

Up Next

Kryeministri holandez: Mobilizimi është shenjë paniku

Don't Miss

Osmani takohet me Escobarin në New York

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

14 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/