Sport

Trajneri i PSG-së flet për të ardhmen e Messit

Marrëveshja e Messit përfshin opsionin e zgjatjes për 12 muaj të tjerë.

Published

3 years ago

January 10, 2023

UBT news

Trajneri i Paris Saint-Germain , Christophe Galtier, ka konfirmuar se klubi është në diskutime me Lionel Messin për zgjatjen e kontratës.

Shtatë herë fituesi i Topit të Artë mund të largohet nga gjigantët francezë si një transferim i lirë në fund të sezonit, pasi ka hyrë në gjashtë muajt e fundit të kontratës së tij.

Marrëveshja e Messit përfshin opsionin e zgjatjes për 12 muaj të tjerë, por presidenti Nasser Al-Khelaifi është i prirur ta lidhë atë me kontratë të re.

Një raport nga 3 janari thoshte se konfirmimi i marrëveshjes së re të sulmuesit mund të kishte qenë vetëm disa ditë larg, por ai ende nuk ka arritur një marrëveshje të plotë me PSG-në.

Mes pasigurisë aktuale rreth të ardhmes së tij, Messi është lidhur me një rikthim të bujshëm te Barcelona, pasi është detyruar të largohet nga gjigantët katalanas në vitin 2021 për shkak të problemeve të tyre financiare.

Duke folur për mediat përpara ndeshjes të së mërkurës në Ligue 1 me Angers, Galtier tha, “Ka diskutime, menaxhmenti i sportit ka shkëmbyer biseda me Leon për temën e zgjatjejes së kontratës. Nuk e di se ku është. Leo më duket i lumtur në Paris. Më pas, duhet të shihni pozicionin e tij në lidhje me projektin e klubit. Është një temë që nuk e diskutoj me të”, theksoi ai.

Messi ka shënuar 23 gola dhe 29 asistime në 53 paraqitje për kampionët francezë gjatë një sezoni e gjysmë, duke përfshirë 12 gola dhe 14 asistime në 19 ndeshje në sezonin 2022-23.

Pasi arriti qëllimin e tij të përjetshëm për t’u bërë kampion i Kupës së Botës me Argjentinën, Messi u kthye në bazën stërvitore të PSG-së të mërkurën.

Sport

Champions League, City dhe Chelsea luftojnë për rikthim

Published

12 hours ago

March 17, 2026

UBTNews

Manchester City dhe Chelsea, përballen me një mision shumë të vështirë për të siguruar kualifikimin në çerekfinale të UEFA Champions League.

Të dy skuadrat pësuan humbje të thella në ndeshjet e para, City u mposht 3:0 nga Real Madrid në “Santiago Bernabeu”, ndërsa Chelsea humbi 5:2 ndaj Paris Saint-Germain në Paris. Ndeshjet e kthimit zhvillohen sot nga ora 21:00.

Përmbysja e disavantazheve të tilla ndaj skuadrave si Real Madridi dhe PSG konsiderohet shumë e vështirë, duke pasur parasysh cilësinë dhe përvojën e tyre në garat evropiane. Megjithatë, te City mbizotëron besimi. Kapiteni Bernardo Silva theksoi se skuadra do të luftojë deri në fund, pavarësisht rezultatit të parë negativ.

Nga ana tjetër, Chelsea synon reagim në shtëpi, edhe pse përballet me mungesën e kapitenit Reece James për shkak të lëndimit. Trajneri Liam Rosenior ka kërkuar përqendrim maksimal dhe shmangie të gabimeve ndaj kampionit në fuqi.

Në kampin e PSG-së, Ousmane Dembele theksoi se skuadra e tij do të hyjë në fushë për fitore, duke paralajmëruar një tjetër ndeshje të fortë ndaj londinezëve.

Në takimet e tjera, Sporting CP përballet me Bodo/Glimt, ku norvegjezët kanë epërsi 3:0 nga ndeshja e parë. Ndërkohë, Arsenal FC dhe Bayer Leverkusen nisin nga barazimi 1:1, duke lënë gjithçka të hapur për kualifikim.

Sport

Sfida e fortë në Romë për karatistët kosovarë

Published

15 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

15 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

16 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.