Aktualitet

​Stradner: Putini synon destabilizimin e Perëndimit edhe përmes luftërave kulturore

Stradner është ndalur edhe tek ShBA-ja, për të cilën ka thënë se përpjekjet e saj përqendrohen ekskluzivisht në mbrojtje.

Published

on

Analistja serbe me shtetësi amerikane, Ivana Stradner, ka thënë se presidenti rus, Vladimir Putin po i vazhdon përpjekjet e tij për të destabilizuar demokracitë perëndimore duke nxitur luftëra kulturore.

Në një shkrim autorial për “dispatch”, Stradner është ndalur edhe tek ShBA-ja, për të cilën ka thënë se përpjekjet e saj përqendrohen ekskluzivisht në mbrojtje.

“Lufta tjetër propagandistike e Rusisë nuk ka të bëjë vetëm me zgjedhjet. Putin gjithashtu përpiqet të destabilizojë demokracitë perëndimore duke nxitur luftëra kulturore. Përpjekjet e SHBA-së për të kundërshtuar propagandën ruse përqendrohen pothuajse ekskluzivisht në mbrojtjen: Qeveria është e detyruar të mbështesë integritetin e zgjedhjeve tona dhe të luftojë dezinformimin në mediat sociale. Por ka një luftë tjetër propagandistike që Kremlini po bën kundër Perëndimit (si dhe popullit të tij), paralel me luftën e tij me armë me Ukrainën: Ai ka armatosur prej kohësh ato që i quan “vlera tradicionale shpirtërore dhe morale”. Në vend të tij, Vladimir Putin synon të sigurojë sigurinë e regjimit të tij dhe të justifikojë censurën dhe revanshizmin e tij agresiv. Në nivel global, Moska kërkon të promovojë ndikimin rus, të krijojë aleanca me aktorë të të njëjtit mendim dhe të nxisë luftëra kulturore përçarëse në Perëndim. Është një fushatë që SHBA nuk mund të lejojë ta injorojë më sesa mund të injorojë pushtimin e Ukrainës”, ka shkruar ajo.

Ajo ka thënë po ashtu se përpjekjet e Rusisë për të promovuar vlerat tradicionale shpirtërore dhe morale – “patriotizmin dhe unitetin”, por edhe konservatorizmin kulturor dhe kundërshtimin ndaj të drejtave të LGBT-ve – datojnë dekada më parë.

“Kremlini publikoi konceptin e tij të Sigurisë Kombëtare të vitit 2000 vetëm disa ditë pasi Putini mori presidencën ruse, duke theksuar një lidhje midis sigurisë kombëtare dhe këtyre vlerave. Së fundmi, Koncepti i Politikës së Jashtme të Rusisë i vitit 2023, i miratuar më 31 mars, identifikon “forcimin e vlerave tradicionale shpirtërore dhe morale ruse dhe ruajtjen e trashëgimisë kulturore dhe historike të popullit shumëkombësh të Rusisë” si interesa kyçe të sigurisë kombëtare”, ka shkruar mes tjerash ajo. 

Rajoni

UBT përfaqësohet me sukses në Konferencën Ndërkombëtare të Pedodontisë në Turqi

Published

on

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Aktualitet

Rektori Hajrizi u uron studentëve mirëseardhje dhe një fillim të mbarë të vitit akademik 2025/26

Published

on

Rektori i UBT-së, Prof. Dr. Edmond Hajrizi, u ka uruar mirëseardhjen studentëve të rinj dhe atyre aktualë në fillimin e vitit të ri akademik 2025/26. Në fjalën e tij, Rektori Hajrizi theksoi rëndësinë e këtij fillimviti, i cili sjell mundësi për suksese, përvoja të reja edukative dhe zhvillim personal e profesional.

Lexoni mesazhin e plotë të Rektorit Hajrizi:

Të dashur studentë të rinj dhe studentë aktualë të UBT-së,

Në emër të UBT-së dhe në emrin tim personal, ju urojmë mirëseardhje në fillimin e vitit të ri akademik 2025/26.

Ky është një fillimvit që na bashkon për më shumë suksese, përvoja të reja edukative e akademike, si dhe mundësi për zhvillim personal dhe profesional.

UBT mirëpret gjeneratën e re të radhës, e cila bashkë me studentët aktualë, që kanë besuar në edukimin dhe zhvillimin profesional të ofruar nga UBT, do të kontribuojë në një vit të pasur akademik.

Besojmë fuqimisht se, ashtu si gjithmonë, do të veprojmë për të arritur synimet tona kryesore: Top Education for Top Students, duke mbështetur jo vetëm studentët, por edhe zhvillimin e vendit dhe suksesin e Kosovës në arenën globale.

Ju keni zgjedhur të studioni në institucionin më prestigjioz, tashmë të dëshmuar edhe në nivel global, ku cilësia dhe inovacioni janë parimet themelore.

UBT është ranguar ndër universitetet më të mira në botë për cilësi, inovacion, ndërmarrësi, zhvillim të qëndrueshëm, teknologji dhe inteligjencë artificiale, dhe së fundmi, renditet në vendin e parë në botë për angazhimin dhe impaktin në shoqëri.

Për herë të parë në Kosovë dhe në rajon, UBT ka integruar Inteligjencën Artificiale, teknologjitë më të avancuara dhe infrastrukturën e kompletuar të një Qyteti të Mençur, së bashku me një staf cilësor, në rritje, dhe shumë të përkushtuar, në mënyrë që ju të jeni sa më të suksesshëm.

Kështu, gjatë studimeve, ju do të keni mbështetje të plotë nga profesorët, mentorët dhe strukturat tona akademike, duke ju dhënë hapësirën e duhur për të mësuar, krijuar dhe ndërtuar karrierën tuaj.

Ne jemi të përkushtuar t’ju ofrojmë një përvojë studimi të pasur, që jo vetëm do të ndikojë në jetën tuaj personale, por gjithashtu do të kontribuojë në shoqëri dhe në zhvillimin e Kosovës.

Ju uroj një vit akademik të suksesshëm, të mbushur me dije, përvoja dhe arritje të reja. Le të jetë ky vit një hap i sigurt drejt realizimit të ëndrrave tuaja!

Me respekt,

Prof. Dr. Edmond Hajrizi

President dhe Rektor i UBT-së

Continue Reading

Rajoni

Punimi shkencor i profesoreshës së UBT-së, Miranda Sejdiu Abazi dhe bashkëautorëve botohet në Georgian Medical News

Published

on

Profesoresha e UBT-së, Miranda Sejdiu Abazi me bashkëautorë, kanë publikuar punimin origjinal shkencor, me titull “Assessment of Practical Performance in Orthodontic Clasp Fabrication Among Dental Technician Students at UBT: A Real-Time Analysis of Working Time and Perceived Stress në Gazetën Internacionale – Georgian Medical News, e indeksuar ne Scopus dhe Web of Science.

Ky studim, punim origjinal dhe inovativ është i një rëndësie të veçantë, sepse për herë të parë vlerëson në mënyrë të drejtpërdrejtë ndikimin e stresit gjatë procesit praktik të ndërtimit të elementeve aktive dhe pasive të aparateve ortodontike mobile. Përmes një metodologjie të qartë, që përfshin matjen e kohës së punës dhe nivelin e stresit me SUDS scale, autorët kanë krijuar një urë të fortë midis teorisë akademike dhe praktikës reale laboratorike.

Autorët kanë arritur të ndërthurin në mënyrë shkencore analizën e performancës praktike, menaxhimin e stresit dhe vlerësimin psikologjik të studentëve, duke përdorur metoda të avancuara statistikore dhe qasje empirike reale gjatë procesit të punës.

Ky punim jo vetëm që rrit vlerën shkencore dhe profesionale të programit të Teknikut Dentarë në UBT, por gjithashtu dëshmon për angazhimin e studentëve dhe mentorëve në zhvillimin e kërkimeve me ndikim praktik dhe akademik.

Continue Reading

Lajmet

​Digjet një autobus në Duhël të Suharekës, nuk ka të lënduar

Published

on

Një autobus nën rrethana të pasqaruara ka marrë flakë ditën e djeshme gjatë lëvizjes në Duhël të Suharekës.

Shaqir Bytyqi, zëdhënës i policisë në Prizren, ka konfirmuar, se rasti ka ndodhur rreth orës 16:16 dhe se njësitet e policisë dhe zjarrfikësit kanë dalë menjëherë në vendngjarje.

“Zjarri është lokalizuar dhe shuar me sukses. Sipas të dhënave fillestare, si pasojë e zjarrit janë shkaktuar dëme materiale, ndërsa persona të lënduar nuk ka”, tha ai.

Rasti është duke u hetuar nga njësitë përkatëse policore për të përcaktuar shkaqet./S.K/KP/

Continue Reading

Të kërkuara