Presidenti i Bjellorusisë, Alexander Lukashenko nënshkroi të mërkurën një ligj për pezullimin e Traktatit për Forcat e Armatosura Konvencionale në Evropë (Traktati CFE).

Dokumenti përkatës, i miratuar nga parlamenti bjellorus në fillim të majit, është publikuar në portalin e qeverisë.

Traktati CFE u nënshkrua në 1990 dhe hyri në fuqi në 1992 nga përfaqësues të 16 anëtarëve të NATO-s dhe gjashtë Organizatës së Paktit të Varshavës, një bllok ushtarak që ekzistonte gjatë Luftës së Ftohtë.

Ai vendos një kapak në pesë lloje të armëve dhe pajisjeve ushtarake – tanke luftarake, automjete të blinduara luftarake, artileri, avionë sulmues dhe helikopterë sulmues. /UBTNews/

Municionet e prodhuara në Shtetet e Bashkuara u përdorën në sulmin vdekjeprurës izraelit në një kamp zhvendosjeje në Rafah të dielën, sipas një analize të videos nga vendi i ngjarjes dhe një rishikim nga ekspertët e armëve shpërthyese.

Në këtë sulm, të paktën 45 njerëz humbën jetën dhe mbi 200 të tjerë u plagosën. Zjarri shpërtheu pas sulmit të ushtrisë izraelite në periferi të qytetit më jugor të Gazës. Viktimat ishin kryesisht gra dhe fëmijë, siç raportuan Ministria e Shëndetësisë së Gazës dhe mjekët palestinezë. Pamjet e siguruara treguan një pjesë të kampit në Rafah në flakë, me dhjetëra burra, gra dhe fëmijë që përpiqeshin të gjenin strehë nga sulmi. Trupat e djegur, përfshirë ato të fëmijëve, mund të shiheshin duke u nxjerrë nga rrënojat nga shpëtimtarët.

Municionet Amerikane në fokus

Në videon e shpërndarë në mediat sociale, të cilën duke përputhur detajet, u identifikua bishti i një bombe GBU-39 të prodhuar nga SHBA, sipas ekspertëve të armëve shpërthyese. GBU-39, i prodhuar nga Boeing, është një municion me precizion të lartë, i projektuar për të sulmuar objektiva strategjike me dëme të ulëta kolaterale. Megjithatë, përdorimi i çdo municioni në një zonë me popullsi të dendur mbart rreziqe të mëdha.

Reagimi ndërkombëtar dhe politika amerikane

Sulmi në Rafah ka tërhequr dënimin ndërkombëtar nga agjencitë e Kombeve të Bashkuara, grupet e ndihmës dhe qeveritë e shumta, të cilat i kanë bërë thirrje Izraelit të ndalojë ofensivën e tij. Më 27 maj, palestinezët u mblodhën në vendin e sulmit për të protestuar dhe për të kërkuar drejtësi për viktimat.

Presidenti amerikan Joe Biden nuk e ka ndryshuar politikën e tij ndaj Izraelit, duke sugjeruar se sulmi në Rafah nuk kishte kaluar ende një vijë të kuqe që do të detyronte ndryshime në mbështetjen amerikane. Biden kishte deklaruar më parë se nuk do të lejonte që armët amerikane të përdoren në ofensiva të mëdha në Rafah, por ngjarjet e fundit nuk kanë çuar në një rishikim të kësaj politike. Pentagoni dhe Këshilli i Sigurisë Kombëtare të SHBA nuk kanë komentuar detajet e municioneve të përdorura në sulmin në Rafah. Zëvendës sekretarja e shtypit e Pentagonit, Sabrina Singh, tha se nuk dihet se çfarë lloj municioni është përdorur dhe i referoi pyetjet te autoritetet izraelite.

Shtetet e Bashkuara kanë qenë furnizuesi kryesor i armëve për Izraelin, sipas Institutit Ndërkombëtar të Kërkimeve të Paqes në Stokholm (SIPRI), dhe kjo mbështetje ka vazhduar pavarësisht presionit politik në rritje mbi administratën Biden për ofensivën e Gazës. /UBTNews/

Asambleja e Përgjithshme e Kombeve të Bashkuara ka caktuar 29 majin si Ditën Ndërkombëtare të Paqeruajtësve të OKB-së.

Kjo ditë ka për qëllim të nderojë paqeruajtësit që kanë humbur jetën për kauzën e paqes, si dhe nderimin e gjithë burrave dhe grave që vazhdojnë shërbimin në operacionet e OKB-së, për profesionalizimin e lartë, përkushtimin dhe kurajën.

Që nga themelimi i misionit paqeruajtës në vitin 1948, rreth 3 mijë e 200 ushtarë, policë dhe staf civil, kanë humbur jetën në shërbim të paqes, si pasojë e aksidenteve, dhunës, apo sëmundjeve, përcjell KosovaPress.

Paqeruajtësit e përdorin këtë ditë për të forcuar lidhjet me popullsinë lokale të cilës i shërbejnë.

Stuhi të fuqishme, erëra shkatërruese dhe breshër në madhësi të topit të golfit goditën pjesën veriore të Teksasit të martën.

Pjesa më e madhe e Shteteve të Bashkuara u goditën gjatë fundjavës nga stuhi dhe tornado të fuqishme që lanë rreth 25 të vdekur.

Ndërprerje të energjisë elektrike janë raportuar në shkallë të gjerë në Teksas, ndërsa ky shtet u godit nga një valë e hershme e të nxehtit. Njoftohet se 800,000 abonentë nuk kishin energji elektrike të martën.

Ndërsa zhvillohej një balotazh, disa qendra votimi njoftuan mungesë të energjisë elektrike. Rreth 100 qendra votimi në qarkun e Dallas-it nuk kishin qasje në rrjet.

Gjykatësi i qarkut të Dallas-it, Clay Jenkins, e shpalli atë rajon zonë fatkeqësie ndërsa vuri në dukje se disa shtëpi pleqsh po përdornin gjeneratorët. “Kjo tregon se do të përballemi me një situatë shumë-ditore të ndërprerjes së energjisë elektrike”, tha Jenkins të martën.

Parashikimet tregojnë për një mot të ashpër dhe shira të dendura në zonën e Dallas-it. Edhe qyteti i Hjustonit pritet të përballet me stuhi të forta, ndërsa zyrtarët paralajmërojnë për erëra që kapin shpejtësinë mbi 100 kilometra në orë që mund të shkaktojnë dëme. Rreth dy javë më parë, Hjustoni u përball me uragane që ndërprenë energjinë elektrike për më shumë se 800,000 abonentë.

Stuhitë shkatërruese gjatë fundjavës shkaktuan vdekje në Teksas, Oklahoma, Arkansas, Mizuri, Kentaki, Karolinën e Veriut dhe Virxhinia.

Shtatë persona humbën jetën në kontenë Cooke të Teksasit, nga një tornado që goditi një lagje të varfër, thanë zyrtarët. Shteti Arkansa njoftoi për tetë viktima. Dy të vdekur u raportuan në kontenë Mayes në Oklahoma. Rrëzimi i një peme shkaktoi vdekjen e një burri nga Mizuri të dielën. Guvernatori i Kentakit, Andy Beshear, tha në një konferencë shtypi të hënën se pesë persona kishin vdekur në shtetin e tij.

Një tornado e mundshme dëmtoi një shkollë të mesme dhe disa shtëpi në Pensilvani mbrëmjen e së hënës. Nuk ka njoftime për të lënduar.

Rreth 160.000 shtëpi dhe biznese nuk kishin energji elektrike të martën pas stuhive që goditën Kentakin, Arkansasin, Virxhinian Perëndimore dhe Mizurin.

Javën e kaluar, tornadot në Ajova lanë të paktën pesë të vdekur dhe dhjetëra të plagosur. Gjatë këtij muaji, rreth tetë vetë kanë humbur jetën në Hjuston nga stuhitë. Stuhitë vijnë pasi ndryshimet klimatike në përgjithësi kontribuojnë në ashpërsinë e stuhive në mbarë botën.

Fundi i majit shënon kulmin e sezonit të tornadove, por stuhitë e fundit kanë qenë jashtëzakonisht të dhunshme, duke prodhuar tornado shumë të forta, tha Victor Gensini, profesor i meteorologjisë në Universitetin e Illinoisit të Veriut.

“Gjatë fundjavës kemi pasur ajër shumë të nxehtë dhe të lagësht që i kanë ushqyer këto stuhi”, tha Gensini.

Harold Brooks, shkencëtar në Laboratorin Kombëtar të Stuhive të Rënda në Norman të Oklahomës, tha se ajri i ngrohtë dhe të lagësht është fajtor për tornadot gjatë dy muajve të fundit.