Lajmet

​Shpallet konkursi për Kryeprokuror të Shtetit

Konkursi për kryeprokuror të shtetit do të shpallet më 17 janar 2022 dhe do të jetë i hapur 15 ditë nga dita e shpalljes.

Published

4 years ago

on

Këshilli Prokurorial i Kosovës (KPK), i udhëhequr nga kryesuesi Jetish Maloku, ka mbajtur takimin e radhës, ku është marrë vendim për shpalljen e konkursit për zgjedhjen e kryeprokurorit të shtetit.

Sipas KPK-së, ky vendim është marrë duke u bazuar në rregulloren për emërimin e kryeprokurorit të shtetit dhe kryeprokurorëve të prokurorive të Republikës së Kosovës, e cila përcakton që konkursi shpallet së paku 90 ditë para skadimit të mandatit të kryeprokurorit aktual të shtetit.

“Mandati 7-vjeçar i kryeprokurorit aktual të shtetit, Aleksandër Lumezi, do të përfundojë më 21 prill 2022. KPK-ja ka themeluar edhe panelin vlerësues për poentimin e kandidatëve që aplikojnë për pozitën e kryeprokurorit të shtetit. Anëtarë të këtij paneli, përveç kryesuesit të këshillit, Jetish Maloku, që, sipas detyrës zyrtare, është anëtar dhe kryesues i panelit, përmes shortit u përzgjodhën edhe anëtarët e KPK-së, Ariana Shajkovci, Bedrije Syla-Alshiqi, Armend Zenelaj dhe Jovo Radoviq. Ndërsa, anëtarë të komisionit për rishqyrtim të kundërshtimeve të kandidatëve për kryeprokuror të shtetit, pas tërheqjes së shortit, u përzgjodhën anëtarët e KPK-së, Veton Shabani, Ardian Hajdaraj dhe Agron Beka. Konkursi për kryeprokuror të shtetit do të shpallet më 17 janar 2022 dhe do të jetë i hapur 15 ditë nga dita e shpalljes. Gjithashtu, këshilli ka themeluar katër panele hetimore për trajtimin e rasteve disiplinore ndaj një prokurori të Prokurorisë Speciale të Republikës së Kosovës, një prokurori të Prokurorisë Themelore të Prishtinës dhe ndaj dy prokurorëve të Prokurorisë Themelore të Mitrovicës”, thuhet në njoftim.

Në fund të takimit janë mbajtur dy seanca dëgjimore disiplinore për rastin e një prokurori në Prokurorinë Themelore të Ferizajt dhe një prokurori në Prokurorinë Themelore të Prishtinës, kurse vendimet përkatëse do të bëhen publike siç parashihet me ligj.

Related Topics:
Continue Reading

Lajmet

Arrestohet një person në Kosovë për sulm ndaj zyrtarit policor

Published

5 minutes ago

on

June 10, 2026

By

Sipas Policisë së Kosovës, një person është arrestuar nën dyshimin se ka sulmuar një zyrtar policor gjatë kryerjes së detyrës zyrtare.

Sipas njoftimit zyrtar, i dyshuari i është nënshtruar testit të alkoolit, i cili ka rezultuar pozitiv me 0.72 promilë.

Ngjarja ka ndodhur në orët e para të mesnatës më 09.06.2026, ndërsa më 10.06.2026 policia ka bërë të ditur se për rastin është njoftuar prokurori i shtetit, i cili ka urdhëruar që i dyshuari të mbahet në stacion policor derisa t’i kalojë gjendja e dehjes.

I dyshuari, mashkull kosovar, po trajtohet sipas procedurave ligjore, ndërsa rasti është duke u hetuar./A.K/

Continue Reading

Lajmet

Deçan – Hidhet granatë dore në oborrin e shtëpisë, i dyshuari në kërkim

Published

23 minutes ago

on

June 10, 2026

By

Sipas raportit 24-orësh të Policisë së Kosovës, në Deçan më 09.06.2026 rreth orës 05:39 është raportuar një rast ku një person dyshohet se ka hedhur një granatë dore në oborrin e shtëpisë së viktimës.

Sipas policisë, viktima mashkull kosovar ka deklaruar se i dyshuari mashkull kosovar ka kryer veprimin, duke shkaktuar vetëm dëme materiale, pa të lënduar në njerëz.

I dyshuari aktualisht gjendet në kërkim policor, ndërsa rasti është duke u hetuar nga organet kompetente./A.K/

Continue Reading

Lajmet

Përfundon procesi i numërimit dhe verifikimit të votave në 13 komuna

Published

25 minutes ago

on

June 10, 2026

By

Komisioni Qendror i Zgjedhjeve (KQZ) njofton se deri më tani procesi i verifikimit dhe numërimit të votave ka përfunduar në 13 qendra komunale të numërimit, ndërsa në total janë procesuar 1,379 nga 2,498 vendvotime, apo 55.20%.

Sipas KQZ-së, qendrat komunale të numërimit që kanë përfunduar plotësisht punën janë Juniku, Shtërpca, Hani i Elezit, Parteshi, Mamushë, Zubin Potoku, Zveçani, Kllokoti, Novobërda, Obiliqi, Shtimja, Ranillugu dhe Mitrovica e Veriut.

Ndërkohë, procesi i numërimit dhe verifikimit po vazhdon në 25 qendra të tjera komunale, përfshirë Prishtinën, Prizrenin, Pejën, Gjilanin, Ferizajn, Gjakovën dhe komunat e tjera të vendit.

KQZ bën të ditur se pas përfundimit të numërimit të çdo vendvotimi, të dhënat po transmetohen në platformën zyrtare të institucionit.

Paralelisht, në Qendrën e Numërimit dhe Rezultateve po vazhdon vlerësimi i pakove të supozuara me fletëvotime nga votimi jashtë Kosovës. Deri më tani janë vlerësuar mbi 7 mijë pako, prej të cilave janë aprovuar 7,153, ndërsa janë refuzuar 142, kryesisht për mungesë të dëftesës së regjistrimit.

Sipas KQZ-së, nga kutitë postare në 22 shtete dhe brenda Kosovës janë tërhequr mbi 85,700 pako të supozuara me fletëvotime, ndërsa numri i shtetasve të regjistruar për votim përmes postës është 104,480./A.K/

Continue Reading

Lajmet

Sagrada Família bëhet kisha më e lartë në botë

Published

29 minutes ago

on

June 10, 2026

By

Basilika e famshme Sagrada Família në Barcelonë ka arritur një moment historik, me përfundimin e kullës së Jezusit, e cila e bën atë kishën më të lartë në botë me 172.5 metra.

Arkitekti Antoni Gaudí, i njohur si “arkitekti i Zotit”, e la këtë vepër gjigante të papërfunduar kur vdiq në vitin 1926, pasi u godit nga një tramvaj në Barcelonë.

Ndërtimi i kishës ka vazhduar për dekada pas vdekjes së tij, duke u përballur me sfida të mëdha, sidomos pasi planet dhe modelet origjinale u shkatërruan gjatë Luftës Civile Spanjolle në vitin 1936.

Sot, falë kombinimit të frymëzimit arkitekturor të lashtë dhe teknikave moderne inxhinierike, Sagrada Família është shndërruar në një nga simbolet më të njohura të botës dhe atraksionin kryesor të Barcelonës./A.K/

Burimi:BBC

Continue Reading

Të kërkuara