Presidenti rus Vladimir Putin tha se kishte arritur mirëkuptime me presidentin amerikan Donald Trump për përfundimin e luftës në Ukrainë, gjatë takimit të tyre muajin e kaluar në Alaskë, sipas BBC.

Por ai nuk tha nëse do të pranonte bisedime paqeje me presidentin ukrainas, Volodymyr Zelensky të ndërmjetësuara nga Trump, i cili duket se kishte caktuar të hënën si afat për përgjigjen e Putinit.

Duke folur gjatë një samiti në Kinë, Putin vazhdoi të mbronte vendimin e tij për të pushtuar Ukrainën, duke fajësuar sërish perëndimin për luftën.

Pas takimit në Alaskë, i dërguari special amerikan Steve Ëitkoff tha se Putin kishte rënë dakord për garanci sigurie për Ukrainën, edhe pse Moska ende nuk e ka konfirmuar. Putin foli në Tianjin gjatë samitit të Organizatës së Bashkëpunimit të Shangait, ku falënderoi Kinën dhe Indinë për mbështetjen e tyre dhe për përpjekjet për të zgjidhur krizën ukrainase.

Putin theksoi se dakordimi me Trumpin mund të hap rrugën për paqe, por përsëriti se lufta është rezultat i një grushtshteti të mbështetur nga perëndimi dhe përpjekjeve për të futur Ukrainën në NATO. Ai ka kundërshtuar gjithmonë anëtarësimin e Ukrainës në aleancën perëndimore.

Macron të premten tha se Putin përballej me një afat të Trump për të pranuar bisedime paqeje me Zelenskyn, ndërsa Trump vetë i dha disa javë për një përgjigje. Trump propozoi një marrëveshje të përhershme paqeje, pa hyrje të Ukrainës në NATO, por me garanci sigurie nga SHBA dhe Evropa, pa dërguar trupa.

Zelensky priste një kornizë të shkruar për garancitë e sigurisë këtë javë, por Rusia kritikoi propozimet perëndimore si “njëanshme” dhe vazhdoi sulmet ajrore, duke vrarë 23 persona në sulmin më të madh deri tani.

Gjermania dhe Franca kanë premtuar presion mbi Rusinë për të arritur marrëveshje.

Zelensky refuzoi një zonë tampon dhe akuzoi Rusinë se nuk është gati për diplomaci.

Kryetari i Kuvendit, Dimal Basha ka uruar fillimin e viti të ri shkollor.

Në urim thuhet se 1 Shtatori shënon një ditë të veçantë, sepse është dita kur shkollat hapin dyert për brezat e rinj, të gatshëm për të mësuar dhe për të ndërtuar të ardhmen.

“Shkolla nuk është vetëm vendi i dijes, por edhe hapësira ku mësohen vlerat, ku forcohet karakteri, ku kultivohet dashuria për atdheun dhe ku formohen qytetarët e përgjegjshëm të së ardhmes. Mirënjohje të thellë për mësuesit dhe edukatorët, që me përkushtim e dashuri udhëheqin fëmijët tanë drejt diturisë dhe që me shembullin e tyre ndriçojnë rrugën e brezave të rinj”, thuhet tutje në urim.

“Urime të gjithë nxënësve, prindërve dhe mësuesve për një vit shkollor të mbushur me suksese, frymëzim dhe arritje të reja!”.

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 1916 tiketa trafiku, janë shkaktuar 26 aksidente me dëme materiale dhe 25 aksidente me të lënduar. Zyra e Informimit nga PK ka njoftuar se 14 persona janë arrestuar, kurse 7 janë dërguar në mbajtje.

INCIDENTET KRIMINALE-PRISHTINË

VJEDHJE E RËNDË

Gllogoc / 31.08.2025 – Koha N.N. Ankuesi mashkull kosovar raporton se persona të panjohur kanë hyrë brenda shtëpisë së vëllait të tij, dhe nga aty kanë vjedhur një pushkë gjuetie dhe disa fishekë, e cila armë ka qenë me leje. Rasti po hetohet nga ekipet relevante policore.

DHUNË NË FAMILJE

Prishtinë /31.08.2025 – 15:10. Ankuesja femër kosovare ka raportuar se i dyshuari mashkull kosovar ka ushtruar dhunë psikike ndaj saj. Lidhur me rastin është njoftuar prokurori dhe po trajtohet nga ekipet relevante.

Fushë Kosovë /31.08.2025 – 11:00. Është arrestuar i dyshuari kosovar për shkak se i njëjti ka ushtruar dhunë ndaj viktimave kosovarë. Me vendim të prokurorit i dyshuari pas inicimit të rastit është dërguar në mbajtje.

AKSIDENT TRAFIKU ME FATALITET

Gllogoc / 31.08.2025 – 17:08. Një veturë me targa vendore të cilën e drejtonte e dyshuara femër kosovare, dyshohet se ka dalur nga rruga dhe është vet–aksidentuar. Si pasojë e lëndimeve të marra në aksident një viktimë femër kosovare ka ndërruar jetë, ndërsa lëndime trupore kanë pësuar 3 femra dhe një mashkull kosovarë si dhe drejtuesja e vetures. Të lënduarit janë dërguar në tretman mjekësor në QKUK. Me vendim të prokurorit trupi i pajetë është dërguar në IML për obduksion.

AKSIDENT TRAFIKU ME LËNDIME

Prishtinë /31.08.2025 – 10:10. Raportohet se ka ndodhur një aksident trafiku ndërmjet 4 automjeteve. Lëndime trupore ka pësuar një mashkull shtetas I huaj. Rasti po hetohet nga ekipet relevante policore.

ARRESTIM I PERSONIT TË KËRKUAR

Podujevë /31.08.2025 – 20:25. Në bazë të urdhëresës së Gjykatës është arrestuar dhe dërguar në mbajtje i kërkuari mashkull kosovar.

Fushë Kosovë /31.08.2025 – 20:30. Në bazë të urdhëresës së Gjykatës është arrestuar dhe dërguar në vuajtje të dënimit i kërkuari mashkull kosovare.

INCIDENTE KRIMINALE-GJILAN

Asgjë me rëndësi për të raportuar.

INCIDENTE KRIMINALE-FERIZAJ

VJEDHJE E RËNDË

Kaçanik / 31.08.2025-01.09.2025 – 18:40-01:15. Ankuesi mashkull kosovar ka raportuar se persona të panjohur kanë depërtuar me forcë përmes dritares në shtëpinë e tij dhe prej aty kanë vjedhur një pistoletë me leje, me një karikator me 115 fishekë, si dhe stoli ari në vlerë rreth 1500€. Në konsultim me prokurorin është inicuar rasti dhe mbetet në hetime.

INCIDENTE KRIMINALE-PRIZREN

Asgjë me rëndësi për të raportuar.

INCIDENTE KRIMINALE-PEJE

DËMTIM APO ASGJËSIM I PASURISË

Klinë /31.08.2025 – Koha e pa njohur. Ankuesi mashkull kosovar raporton se nga persona të panjohur është dëmtuar një kasafortë ne te cilen mbante disa gjëra me vlere. Rasti po hetohet nga ekipet relevante policore.

SULM NDAJ PERSONIT ZYRTAR

Pejë /30.08.2025 – 23:48. Janë arrestuar dy të dyshuar meshkuj kosovarë, pasi që të njëjtit kanë penguar si dhe sulmuar fizikisht zyrtarët policorë të cilët ishin në kryerje të detyrës. Gjatë intervenimit, një zyrtar policor ka pësuar lëndime trupore dhe i njëjti ka pranuar tretman mjekësor. Me vendim të prokurorit, të dyshuarit janë dërguar në mbajtje.

INCIDENTET KRIMINALE-GJAKOVË

DHUNA NË FAMILJE /MBAJTJE NË PRONËSI, KONTROLL OSE POSEDIM TË PAAUTORIZUAR TË ARMËVE

Malishevë / 31.08.2025 – 12:05. Ankuesja femër kosovare ka raportuar se i dyshuari mashkull kosovar ka ushtruar dhunë ndaj saj. Gjatë kontrollimit në posedim të personit të dyshuar është gjetur dhe konfiskuar një pistoletë me dy karikatorë dhe 20 fishekë. Me vendim të prokurorit pas intervistimit i dyshuari është dërguar në mbajtje.

INCIDENTET KRIMINALE-MITROVICË VERI

PENGIM I PERSONIT ZYRTAR NË KRYERJE TE DETYRËS ZYRTARE

Zubin Potok / 30.08.2025 – 21:10. Deri sa zyrtarët policorë kanë qenë duke shqiptuar një gjobë në trafik, një i dyshuar mashkull kosovar i ka penguar ata. I dyshuari ka rezistuar gjatë arrestimit dhe si pasojë e kësaj ka pësuar lëndime trupore. Pas intervistimit me vendim të prokurorit i dyshuari është liruar në procedurë të rregullt.

NXITJE E URREJTJES DHE MOSDURIMIT

Leposaviq / 31.08.2025 – 00:29. Raportohet se njësia policore gjatë patrullimit ka hasur një person mashkull shtetas Serb i cili ka qenë duke shpërndarë afishe në Gjuhën Serbe me përmbajtje të veprës penale ‘’ Nxitje e urrejtjes dhe mosdurimit’’. Me vendim të prokurorit i dyshuari pas intervistimit është liruar, rasti vazhdon të trajtphet në procedurë të rregullt.

INCIDENTET KRIMINALE-MITROVICË JUG

Asgjë me rëndësi për të raportuar.

DEPARTAMENTI I POLICISË KUFITARE

Asgjë me rëndësi për të raportuar.

 

 

 

 

 

 

 

 

Nga Komisioni Qendror i Zgjedhjeve kanë treguar se nga 56,778 persona që aplikuan për t’u regjistruar si votues jashtë Kosovës, 10 mijë e 94 prej tyre nuk arritën që të përmbushin kërkesat e përcaktuara.

E shprehur në përqindje, ky numër përbën 17.77% të aplikimeve ku pjesa tjetër prej 46 mijë e 15 shtetas nga numri i përgjithshëm i aplikuesve, janë regjistruar për votim me postë nga jashtë Kosovës në Zgjedhjet Lokale 2025.

“Nga data 23 korrik dhe deri në përfundim të afatit, më 29 gusht, përmes platformës elektronike të KQZ-së janë pranuar 56,778 aplikime për regjistrim për votim me postë, prej të cilave janë aprovuar 46,015, ndërkaq janë refuzuar 10,094 të tjera”, ka thënë Zëdhënësi i KQZ-së, Valmir Elezi.

Sipas Elezit pjesa më e madhe e këtyre refuzimeve ka ardhur për shkak të mungesës së dokumenteve që dëshmojnë adresën e banimit jashtë Kosovës.

“Në shumicën e rasteve të refuzuara, aplikuesit nuk kanë paraqitur njërin nga dokumentet që dëshmon adresën e tij jashtë Kosovës (dokument identifikues në të cilin është e shënuar adresa e banimit, vërtetim i adresës nga autoriteti lokal, kontratë të qirasë, faturë shërbimesh, dokument i lëshuar nga banka apo kompania e sigurimit, dokument që dëshmon adresën e personit tek i cili qëndrojnë përkohësisht, dëshmi tjetër banimi për rastet specifike (rezervim hoteli, konvikti, etj.))”, ka sqaruar Elezi.

Më tej, sipas Elezit, procesi i regjistrimit të votuesve jashtë Kosovës nuk ka qenë përjashtuar.

“Procesi i regjistrimit nuk ka qenë përjashtues, pasi çdo aplikues i refuzuar është njoftuar për arsyet e refuzimit dhe për mundësinë e ri-aplikimit duke paraqitur dokumentet e domosdoshme për regjistrim”, sqaroi ai.

Sipas KQZ-së, vetëm shtetasit e Kosovës që janë regjistruar gjatë periudhës 38-ditore, do të mund të votojnë përmes postës në periudhën e cila do të fillojë më 17 shtator dhe do të përmbyllet më 11 tetor 2025.