Sport

​Ronaldinho zbulon se si arsyetohej babai i tij kur nuk kishte para për t’i blerë këpucë të futbollit

Published

6 years ago

on

Njëri prej futbollistëve më të mëdhenj që ka njohur bota e futbollit padyshim se është Ronaldinho.

Karriera e tij është e mbushur me tituj në nivel klubesh e trofe individual derisa stili i tij i lojës i bënte të gjithë që të mahniteshin.

Por, jeta e Ronaldinhos nuk ishte aspak e lehtë para se të bëhej një futbollist i njohur në Evropë. Në Brazil. Ai kaloi një fëmijëri shumë të vështirë ku i munguan edhe kushtet më elementare të jetës.

Madje, ai ka treguar edhe një prej shumë rasteve kur babai i tij nuk kishte para as për t’ia blerë këpucët e nevojshme për të luajtur futboll dhe para tij arsyetohej se ai duhej të mësohej që ta posedonte topin i zbathur për të pasur më shumë ndjeshmëri.

“Babai im më tha se ishte më mirë të mësoja të zotëroja topin zbathur për të pasur ndjeshmëri në këmbë dhe i premtova se do ta zotëroja atë top si askush tjetër, por ajo që ndodhi vërtet ishte se ai nuk kishte para për të më blerë një palë këpucë. Kur fitova topin e parë të artë, nuk qava nga gëzimi, qava sepse nuk e kisha Atin tim.”, shpjegoi Ronaldinho.

Related Topics:
Continue Reading

Sport

KV Ulpiana triumfon ndaj KV Forcës

Published

60 minutes ago

on

October 14, 2026

By

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Continue Reading

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

2 hours ago

on

October 14, 2026

By

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Continue Reading

Sport

Baton Zabërgja në formacionin më të mirë të javës në Ukrainë

Published

6 hours ago

on

October 14, 2026

By

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Continue Reading

Sport

Albian Hajdari pëson një tjetër lëndim, jashtë fushës për disa javë

Published

7 hours ago

on

October 14, 2026

By

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L

Continue Reading

Të kërkuara