

Lajmet
Rizvanolli: Gjatë muajit nëntor kemi ulje 15 për qind të konsumit të energjisë elektrike
Sipas saj, janë kursyer dhjetëra milionë euro.
Published
3 years agoon
By
Betim GashiMinistrja e Ekonomisë, Artane Rizvanolli ka thënë se gjatë muajit nëntor ka pasur ulje prej 15 për qind të konsumit të energjisë elektrike, në krahasim me vitin e kaluar. Sipas saj, janë kursyer dhjetëra milionë euro, ndërkohë që për muajt e dimrit është vlerësuar se do të ketë import në vlerë prej 300 milionë euro.
Në një konferencë për media, ajo theksoi se deri më tani janë disbursuar mbi 57 milionë euro në faturat e energjisë. Ajo ka folur edhe për planin e veprimit për pakon emergjente nga Bashkimi Evropian prej 75 milionë euro. Rizvanolli ka thënë se gjatë këtij viti është ulur konsumi i energjisë elektrike.
“Konsumi përgjatë këtij viti në Republikën e Kosovës është ulur. Gjatë muajit nëntor dhe tek amvisëritë e shohim një ulje impresive prej 15 për qind, në krahasim me energjinë elektrike të konsumuar vitin e kaluar… Po flasim për dhjetëra milionë kursime si rrjedhojë e kësaj. Para rreth një muaji, kur i kemi vlerësimit është vlerësuar se gjatë muajve të dimrit duhet të importohet 20 për qind të energjisë elektrike. Në atë kohë është vlerësuar që 300 milionë euro do të na duhen për të tejkaluar dimrin. Deri më tani për shkak të kërkesës më të ulët, ne kemi arritur që parashikimet t’i përmirësojmë”, tha ajo.
Përkundër kësaj, Rizvanolli ka kërkuar nga qytetarët kursim të energjisë elektrike. Meqë, siç tha ajo, dje dhe sot për megavat orë në bursat ndërkombëtare ka pasur rritje të çmimeve për mbi 500 euro.
Ministrja e Ekonomisë tha se nga shkurti deri në muajin nëntor janë subvencionuar mbi 57 milionë euro për fatura të energjisë.
“Deri më tani subvencionit për të gjithë konsumatorët, pra që aplikohet nga shkurti, deri më tani janë disbursuar 57.84 milionë euro. Ndërsa, 7.51 milionë euro pritet të disbursohen sapo të konfirmohen ditëve në vijim, për muajin nëntor është fjala. Nga ky subvencion kanë përfituar mbi 467 mijë amvisëri dhe mbi 70 mijë biznese, për vlerën për çdo muaj”, ka deklaruar ministrja Rizvanolli.
Ajo ka folur edhe për masën e tretë të qeverisë për subvencionimin e pajisjeve për ngrohje.
“Shuma e disbursuar totale nga thirrja e parë është 1 milion e 453 mijë e 909,04 euro. Ndërsa, në fazën e dytë të hapur para rreth një muaji, në fazë e parë kanë aplikuar mbi 14 mijë qytetarë. Prej të cilëve, 7.646 pastaj kanë vazhduar të aplikojnë në fazën e dytë. Prej tyre, 838 janë nëna vetushqyese, 1112 janë përfitues të asistencës sociale, ndërsa nga komunitetet pakicë janë 657. Tanimë prej këtyre aplikacioneve janë trajtuar 2.207 aplikacione, ndërsa disbursimi është bërë për 605 familje në vlerë prej 201.005 euro”, theksoi Rizvanolli.
Pasditen e së martës, Rizvanolli para gazetarëve ka folur për planin e veprimit për pakon emergjente nga Bashkimi Evropian prej 75 milionë euro.
“Bashkimi Evropian ka ndarë 500 milionë euro për shtetet e Ballkanit Perëndimor, nga të cilat 75 milionë euro janë ndarë për Kosovën, janë zotuar për Kosovën që i bie rreth 43 euro për kokë banori që është shuma më e lartë për kokë banori ndër vendet e rajonit. Që nga fillimi i muajit nëntor kur është dhënë ky zotim, kur është konfirmuar kjo pako e mbështetjes financiare, Ministria e Ekonomisë së bashku me institucionet tjera në radhë të parë me Ministrinë e Financave, Punës dhe Transfereve, Zyrën e Kryeministrit dhe fondin e eficiencës së energjisë së Kosovës ka bashkëpunuar me Zyrën e BE-së në Kosovë për hartimin e planit të bashkëveprimit dhe identifikimin e masave që do të ndërmerren menjëherë për zbutjen e efekteve të qytetarët dhe te bizneset”, ka thënë Rizvanolli.
Ajo ka përmendur edhe gjashtë masat e miratuar në kuadër të këtij plani, të miratuar në mbledhjen e sotme të qeverisë.
“Masa e parë është mbështetje e drejtpërdrejt financiare për familjet në nevojë për periudhën e dimrit. Masa e dytë ka të bëjë me vazhdimin e masës për kursim të energjisë për konsumatorët familjarë. Të dyta këto masa do të zbatohen nga Ministria e Financave, Punës dhe Transfereve. Masa e tretë parasheh investimin me masa të eficiencës së energjisë në njësi të banimit dhe ndërtesa, me shumë total prej 20 milionë euro, ku zbatimi do të bëhet pjesërisht nga Fondi Kosovar për Eficiencë të Energjisë në bashkëpunim me institucionet tjera relevante si Ministria e Ekonomisë dhe Agjencia për Eficiencë të Energjisë së Kosovës. Masat që do të realizohen në kuadër të kësaj mase janë izolimet e ndërtesave, fasadat e jashtme, ndërrimi i dyerve dhe dritareve të jashtme, ku target grup janë konsumatorët familjarë, mirëpo edhe veçanërisht konsumatorët në nevojë në veçanti banorët e banesave kolektive, ku banojnë qytetarët që janë përfitues të ndihmës sociale”, ka përfunduar Rizvanolli.
Sipas saj, masa e katërt mbështet konsumatorët familjarë përfshirë konsumatorët në nevojë për të investuar në pajisje familjare eficiente, duke përfshirë pajisjet për ngrohje edhe në sisteme të energjisë së ripërtritshme. Po ashtu, edhe ndërmarrjet mikro-të vogla dhe të mesme, të cilat do të mbështeten për pajisje të ngrohjes, mirëpo edhe për instalimin e sistemeve të ripërtritshme.
Lajmet
Irlanda e Veriut triumfon ndaj Maltës në kualifikuese të Botërorit 2026
Published
1 day agoon
September 5, 2025By
UBT News
Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.
Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.
Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.
Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.
Irlanda e Veriut u përmirësua në pjesën e dytë me dy gola në tre minuta.
Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.
Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.
Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.
Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.
Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.
Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/
Lajmet
Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona
Published
1 day agoon
September 5, 2025By
UBTnews
Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.
Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.
Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.
Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.
Pas sulmit, të dyshuarit janë larguar nga vendi i ngjarjes me motoçikleta.
Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.
Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP
Lajmet
Lautaro tejkalon Maradonën me gola për Argjentinën
Published
1 day agoon
September 5, 2025By
UBT News
Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.
Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.
Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.
Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/
Lajmet
Gjykata Kushtetuese vendos masë të përkohshme, s’ka mandatar për Qeverinë deri më 30 shtator
Published
1 day agoon
September 5, 2025By
UBTnews
Gjykata Kushtetuese ka nxjerrur aktgjykimin në lëndën e parashtuar nga deputetës e Listës Serbe për ‘masë të përkoheshme’ rreth veprimeve të mëtejme të Kuvendit të Kosovës.
Gjykata vlerëson se kjo ndërhyrje është e nevojshme për të shmangur “rreziqe ose pasoja të pariparueshme” dhe se miratimi i saj është në “interes publik”.
Po ashtu, Gjykata thekson se kjo masë nuk paragjykon përmbajtjen përfundimtare të çështjes që është ende në shqyrtim.
VENDIMI I GJYKATËS:
Gjykata Kushtetuese e Republikës së Kosovës, në mbështetje të nenit 116 (2) të Kushtetutës, të nenit 27 të Ligjit dhe rregullat 44, 45, 46 (2) dhe 48 (1) (d) të Rregullores së punës, më 4 shtator 2025, njëzëri
VENDOS
I. TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të Republikës së Kosovës, si dhe çdo procedurë për formimin e Qeverisë;
II. TË URDHËROJË që masa e përkohshme hyn në fuqi më 5 shtator 2025, në kohëzgjatje deri më 30 shtator 2025;
III. T’U’A KUMTOJË këtë Vendim palëve;
IV. TË PUBLIKOJË këtë Vendim në Gazetën Zyrtare, në pajtim me paragrafin 4 të nenit 20 të Ligjit;
V. Ky Vendim hyn në fuqi më 5 shtator 2025./D.B/EO

Reese Witherspoon bën thirrje që gratë ta përdorin AI-në

Doni një mëlçi më të shëndetshme? Kjo perime bën mrekulli

Real Madridi po përgatit largimin e njërit prej yjeve të tij më të mëdhenj

Nepali drejt bllokimit të Facebook, X, YouTube dhe platformave tjera

Ja filmat që ju duhen! Shtatori është muaji ku rikthehet atmosfera e kinemasë

Një tjetër surprizë! Justin Bieber publikon albumin e ri

Conor McGregor, “ylli” i UFC-së, kërkon të bëhet president!

Projekti i fundit i David Bowie, një muzikal i shekullit XVIII

Shega, mrekullia e vjeshtës që duhet shfrytëzuar çdo ditë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës