Sport

​Real Madridi zhvillon kamp stërvitor në Kosovë në bashkëpunim me KB Prishtinën

Published

on

Klubi spanjoll i basketbollit Real Madridi do të zhvillojë një kamp stërvitor në Kosovë në bashkëpunim më klubin e basketbollit Prishtina.

Kampi do të mbahet nga data 30 gusht deri më 10 shtator 2021 dhe do të targetojë grupmoshat e reja 6 deri 18 vjeç.

Me këtë rast kryetari i KB Prishtinës, Burim Maraj tha se ky kamp do të shërbejë për të krijuar kushte dhe programe profesionale për të gjitha grupmoshat e reja përmes ekspertëve vendor dhe të huaj. Ai shtoi se me akademinë e Real Madridit synohet që të thellohet bashkëpunimi edhe në tutje në të ardhmen.

“Kemi bërë një punë të pandërprerë të sigurojmë që fëmijëve tanë tu jepet mundësia të përjetojnë disa ditë në kampin e udhëhequr me program te klubit më të trofeshëm evropian, Real Madrid. Kjo mundësi, e para në histori të klubit dhe basketbollit në përgjithësi nuk do të ishte e mundur pa organizatën STE në krye me Robin Krasniqin….Klubi Sigal Prishtina synon që nga ky vit të ketë në fokus të shtuar edhe gjenerata e reja. Synimi ynë është të krijojmë kushte dhe programe profesionale për të gjitha grupmoshat e reja përmes ekspertave të huaj dhe vendor”, tha Maraj.

Maraj me tutje shtoi se ky kamp do të mbikëqyret edhe nga drejtuesit e Klubit të Basketbollit Prishtina si trajneri dhe drejtori sportiv.

“Organizimi i programit udhëhiqet nga klinika e Real Madridit përmes trajnerëve të klubit Real Madrid. Programi është këtë herë një ja.vor por që besoj fuqishëm që ky bashkëpunim do të thellohet dhe do të vazhdojë edhe më tutje në formate edhe më të mëdha me mundësi te reja për avancimit e basketbollit të fëmijëve tanë. I tërë procesi i kampit do mbikëqyret nga trajneri ynë i ekipes së parë z. Nazur, drejtori i klubit Edmond Azemi si dhe trajneri ynë vendor…Andi Rashica”, theksoi Maraj.

Ndërsa Erjona Musliu, përfaqësuese e Mix Sport, dha më shumë detaje rreth zhvillimit të kampit ku zbuloi se kampi fillon më 30 gusht dhe zgjatë deri më 30 qershor ndërsa do të përfshihen grupmoshat nga 6 deri në 18 vjeçar.

Musliu: Në kamp do të përfshihen grupmoshat nga 6 deri në 18 vjeçar ndërsa kampi fillon nga data 30 gusht deri më 30 shtator.

“Arsyeja pse jemi mbledhur sot në këtë konferencë për shtyp është që të paraqesim para jush një mundësi shumë të mirë për talentët e basketbollit por mbi të gjitha për të gjithë të interesuarit që kanë dashuri për sportin e basketbollit, fjala është për kampin stërvitor që organizohet nga akademia Real Madrid. Veçantia e këtij kampi është se do të marrin pjesë trajner profesionist nga akademia e Real Madridit të cilët do të shoqërohen edhe me trajnerë vendor në mënyrë që t’i shkëmbejnë idetë dhe përvoja mbi pjesëmarrësit. Kampi fillon më 30 gusht dhe përfundon më 10 shtator, regjistrimi për të interesuarit fillon nga sot, më datë 11 gusht….Do të jenë gjithesejt katër sesione. Grumposhat janë prej moshës gjashtë deri në moshën 18 ku do të ndahen 6-8, 9-12,13-16 dhe 17-18 vjeçare. Numri i të regjistruarve është i limituar”, tha në fund.

Ndryshe, një kamp të ngjajshëm stërvitor Real Madridi e ka zhvilluar në Kosovë para disa javësh edhe me grupmoshat e reja në sportin e futbollit në kampin stërvitor në Hajvali.

Sport

Xabi Alonso ka vendosur 11-shen më të mirë të Real Madridit për sezonin 2025/26 – duket e frikshme

Published

on

Real Madridi ka qenë aktiv në afatin kalimtar të verës deri më tani. Pas një sezoni zhgënjyes 24/25 ku Los Blancos dështuan në shumë fronte, Carlo Ancelotti u shkarkua, u zëvendësua nga ish-lojtari Xabi Alonso.

Gjigantët spanjollë kanë punuar shumë për të përmirësuar skuadrën e tyre përpara Kupës së Botës për Klube dhe pikërisht këtë e kanë bërë, duke nënshkruar tashmë me Trent Alexander-Arnold, Dean Huijsen dhe Franco Mastantuono.

Ata pritet të nënshkruajnë me mbrojtësin e majtë të Benfica-s, Alvaro Carreras, në muajt e ardhshëm, ndërsa mund të ketë edhe prurje tjera. Ardhjet e verës nënkuptojnë se Alonso tani ka në dispozicion një ekip të pasur.

Sipas gazetarit spanjoll Manu Carreno, 43-vjeçari tashmë e ka në mendje formacionin e tij më të mirë titullar përpara sezonit të ri. Pasi zbuloi formacionin formues në programin sportiv radiofonik El Larguero të Cadena SER, Carreno tha:

“Ky është formacioni titullar që Xabi Alonso ka në mendje tani, jo për Kupën e Botës për Klube në Shtetet e Bashkuara, por për fillimin e La Ligës”.

Formacioni pritet të jetë një rreshtim 4-4-2, ku në portë parashihet Thibaut Courtois, ndërsa mbrojtja do të formohej nga Trent Alexander-Arnold, Dean Huijsen, Eder Militao/Antonio Rudiger dhe Alvaro Carreras.

Mesfusha qendrore do të formohet nga Aurelien Tchouameni dhe Federico Valverde, ndërsa në krah pritet të vendosen Jude Bellingham dhe Franco Mastantuono.

Në sulm, Alonso do t’i besojë dy yjeve kryesor të skuadrës: Kylian Mbappe dhe Vinicius Junior.

Continue Reading

Sport

Tottenhami e zgjedh trajnerin e ri

Published

on

Tottenham Hotspur ka njoftuar zyrtarisht të enjten se Thomas Frank, trajneri i deritanishëm i Brentford, është emëruar trajner i ri i ekipit.

Danezi ka nënshkruar kontratë trevjeçare, duke zëvendësuar Ange Postecoglou, i cili u shkarkua të premten e kaluar.

Për të liruar Frank nga kontrata me Brentford, që ishte e vlefshme edhe për dy vite të tjera, Tottenham ka paguar rreth 10 milionë funte.

Frank mori drejtimin e Brentford në tetor të vitit 2018 dhe e udhëhoqi ekipin drejt promovimit në Premier League në vitin 2021, përmes “play-off”-it të Championship.

Continue Reading

Sport

Kosova synon medalje në Botërorin e xhudos

Published

on

Kosova do të synojë medalje të reja në Kampionatin Botëror të xhudos, i cili do të mbahet në Budapest të Hungarisë nga 13 deri më 20 qershor.

Një nga ngjarjet më të mëdha të vitit në sportin e xhudos është gati të nisë.

Kampionati Botëror për seniorë, një arenë ku garojnë xhudistët më të mirë, pret 557 xhudistë nga 93 shtete, në përfaqësim të 6 kontinenteve.

Kosova, shteti i medaljeve olimpike, dotë përfaqësohet me krenari nga: Distria Krasniqi (-52kg), Laura Fazliu (-63kg) dhe Akil Gjakova (-73kg).

Distria Krasniqi do të ndeshet të shtunën, Akil Gjakova të dielën, kurse Laura Fazliu do të ndeshet të hënën.

Garuesit kosovarë do të jenë nën udhëheqjen e kryemjeshtrit Driton Kuka dhe trajnerët Fatos Tabaku dhe Majlinda Kelmendi, kampionia që tani po ndërton kampionë.

Continue Reading

Sport

Ademi thotë se nuk ka informacione se Foda mund të largohet

Published

on

Kryetari i Federatës së Futbollit të Kosovës, Agim Ademi, ka thënë se si institucion nuk kanë marrë asnjë njoftim nga përfaqësuesit e trajnerit Franco Foda apo ndonjë palë tjetër për largim të mundshëm.

Të mërkurën, mediat arabe kanë raportuar se Al-Wahda ka nisur bisedimet me Fodan për ta punësuar si trajner.

Në një postim në Facebook, Ademi ka thënë se pret nga Foda t’i përmbushë obligimet kontraktuale që ka me Kosovën.

“Pas raportimeve se përzgjedhësi Franco Foda është pranë largimit nga posti i tij në Kombëtaren tonë, dëshiroj të informoj opinionin publik se as unë, si President, dhe as FFK-ja si institucion, nuk kemi marrë asnjë njoftim zyrtar nga përfaqësuesit e përzgjedhësit Foda apo nga ndonjë palë tjetër. Foda aktualisht ka obligime kontraktuale me ne dhe presim që ato obligime të përmbushen, veçanërisht tani, në këtë fazë të rëndësishme të fushatës kualifikuese për Kampionatin Botëror, drejt së cilës shkojmë me optimizëm dhe dëshirë të madhe për sukses”, ka shkruar Ademi.

Al-Wahda, ekip me bazë në Abu-Dhabi, është prej ekipeve më të suksesshme në Emiratet e Bashkuara Arabe.

59-vjeçari Foda erdhi te Kosova në shkurt të vitit 2024 dhe ka kontratë deri në verën e vitit të ardhshëm.

Përfaqësuesja dardane ka shënuar rezultate pozitive që nga ardhja e gjermanit.

Continue Reading

Të kërkuara