Kapiteni Granit Xhaka ka udhëhequr Zvicrën drejt fitores së parë në Kupën e Botës 2026, duke mposhtur Bosnjë-Hercegovinën me rezultat të thellë 4:1 në Los Angeles. Me këtë triumf, Zvicra bën një hap të madh drejt fazës nokaut, duke u ngjitur në kuotën e 4 pikëve në Grupin B, ndërsa Bosnja mbetet me vetëm një pikë.

Ndeshja u vendos në fundin e saj dramatik, ku të gjitha golat e Zvicrës u shënuan pas minutës së 74-të. Ndryshimin e madh e bënë zëvendësuesit Johan Manzambi (me dy gola) dhe Ruben Vargas, të cilët u futën në lojë në minutën e 72-të. Ndeshja u lehtësua për zviceranët edhe nga minuta e 80-të, kur Tarik Muharemoviq i Bosnjës u ndëshkua me karton të kuq pasi ndali Breel Embolon si lojtar i fundit. Për boshnjakët golin e nderit e shënoi Ermin Mahmiq në minutën e 93-të.

Vula e kësaj fitoreje erdhi nga vetë kapiteni Granit Xhaka, i cili shënoi nga penalltia në minutën e shtatë të kohës shtesë. Pas golit, Xhaka festoi me një gjest me dorë duke u kërkuar kritikëve të heshtin dhe të qetësohen.

Kohët e fundit, mesfushori ishte vënë në shënjestër të mediave zvicerane për deklaratat e tij të ashpra publike pas barazimeve me Australinë dhe Katarin, duke pretenduar se ai po krijonte një klimë “toksike” në kombëtare. Megjithatë, mediumi prestigjioz “New York Times” i vlerësoi kritikat e tij si një dëshirë të madhe për të fituar.

“Njerëzit e dinë se kush jam… Unë jam njëri që e kritikoj veten para se t’i kritikojë të tjerët. Zvicra mund të jetë krenare që ka lojtar me 148 paraqitje për këto ngjyra. Por ndoshta kjo më duhet, unë provokoj paksa. Ajo që është e rëndësishme është se ekipi është prapa meje,” deklaroi Xhaka pas ndeshjes, duke konfirmuar se fokusi i tij i vetëm mbetet suksesi në fushë. /E.A/

Foto: Associated Press

Sot në Kosovë pritet të mbajë mot me diell dhe vranësira të pakta.

Sipas Institutit Hidrometeorologjik të Kosovës (IHMK), temperaturat minimale do të lëvizin mes 11 dhe 14 gradë Celsius, ndërsa ato maksimale të ditës do të arrijnë nga 27 deri në 30 gradë Celsius.

Do të fryjë një erë e lehtë nga drejtimi i veriperëndimit me shpejtësi prej 1 deri në 4 m/s.

/E.A/

Bisedat e parashikuara për t’u zhvilluar të premten midis SHBA-së dhe Iranit në Zvicër për zbatimin e një marrëveshjeje paqeje u anuluan, pasi Hezbollahu shënjestroi forcat izraelite dhe Izraeli ndërmori një valë sulmesh ajrore në jug të Libanit, duke vrarë disa njerëz.

Bisedimet ishin planifikuar të fillonin të premten në fshatin e vogël zviceran Obbürgen, dy ditë pas nënshkrimit të një memorandumi mirëkuptimi (MOU) që hapi një dritare 60-ditore për të negociuar një marrëveshje të përhershme mbi programin bërthamor të Iranit, duke vënë njëkohësisht në lëvizje trafikun e naftës përmes Ngushticës së Hormuzit.

Shtëpia e Bardhë tha se SHBA mezi pret “të fillojë bisedimet teknike sa më shpejt të jetë e mundur”, ndërsa njoftoi se JD Vance, i cili po udhëheq negociatat për administratën Trump, tani nuk do të udhëtonte.

Marrëveshja e paqes me Iranin tregon qartë se sa larg është detyruar të tërhiqet SHBA që nga viti 2025.

“Logjistika e këtyre negociatave nuk ka qenë kurrë e thjeshtë apo e parashikueshme. Që nga ky moment, zëvendëspresidenti nuk do të niset sonte,” tha një zëdhënës i Shtëpisë e Bardhë vonë të enjten.

Anulimi i bisedimeve erdhi në kohën kur Izraeli dhe Hezbollahu shkëmbyen sulmet e tyre më të dhunshme që nga vendosja e armëpushimit.

Hezbollahu shënjestroi forcat izraelite pranë qytetit Nabatieh, në jug të Libanit, me disa breshëri raketash vonë të enjten, pas bombardimeve të ndërprera izraelite gjatë gjithë ditës. Izraeli u përgjigj me një valë sulmesh ajrore mbi qytet dhe qytezat përreth, duke lënë disa njerëz të vdekur dhe të plagosur, përfshirë fëmijë.

Hezbollahu tha se po shënjestronte forcat izraelite që po përpiqeshin të përparonin drejt kodrave që rrethojnë Nabatieh – një pikë e nxehtë që ka parë luftime të ndërprera që kur u shpall armëpushimi SHBA-Iran. Përpara armëpushimit, forcat izraelite po përparonin drejt qytetit të Libanit jugor.

Anulimi i bisedimeve të së premtes midis Iranit dhe SHBA-së erdhi aq papritur, saqë stafi i Vance dhe një grup i vogël gazetarësh ishin mbledhur madje në bazën e përbashkët Andrews jashtë Uashingtonit në pritje të udhëtimit. Dhjetëra zyrtarë të Shtëpisë së Bardhë, staf i avancuar dhe media ishin tashmë në Zvicër për t’u përgatitur për mbërritjen e parashikuar të Vance.

Udhëheqësi suprem i Iranit, Ajatollahu Mojtaba Khamenei, tha të enjten se e kishte miratuar memorandumin e mirëkuptimit pavarësisht rezervave, ndërsa në të njëjtën kohë, Shtetet e Bashkuara hoqën zyrtarisht bllokadën ndaj porteve iraniane.

Por para se bisedimet të anuloheshin, agjencia gjysmë-zyrtare e lajmeve e Iranit, Tasnim, tha se negociatorët iranianë duhej të shihnin shenja të zbatimit të marrëveshjes së përkohshme nga SHBA përpara se të fillonin raundet e ardhshme të bisedimeve të paqes, dhe se nuk kishte asnjë konfirmim që delegacioni i saj do të udhëtonte drejt Gjenevës.

Anulimi i bisedimeve erdhi pas një raporti nga Al-Mayadeen, një rrjet mediatik në gjuhën arabe që është i rreshtuar politikisht me grupin e armatosur libanez të mbështetur nga Irani, Hezbollah, i cili tha se Teherani po shtynte dërgimin e delegacionit të tij në Zvicër për shkak të fushatës ushtarake të vazhdueshme të Izraelit në Liban.

Izraeli, i cili nuk ishte i përfshirë në bisedimet e paqes dhe është distancuar nga marrëveshja SHBA-Iran, ka vazhduar luftimet e tij në Liban dhe ka nisur sulme të reja ajrore herët të premten, duke akuzuar Hezbollahun për shkelje të armëpushimit – një akuzë që grupi i armatosur ia ka kthyer mbrapsht Izraelit. /The Guardian/ /E.A/

Paketa përfshin ekzaminim të plotë kardiovaskular, vizitë specialistike me EKG, ekokardiografi dhe Doppler të arterieve karotide, duke u ofruar pacientëve një vlerësim gjithëpërfshirës të gjendjes së tyre kardiovaskulare në një vend të vetëm dhe me teknologji bashkëkohore.

Nën udhëheqjen e re të rektorit dhe profesionistit të njohur, prof.dr.Edmond Hajrizi, “United Hospital”, po hyn në një fazë të re zhvillimi, duke vendosur në qendër të misionit të tij qasjen e barabartë të qytetarëve në shërbime shëndetësore cilësore. I njohur për arritjet e tij akademike, shkencore dhe inovative në nivel ndërkombëtar, Hajrizi ka artikuluar një vizion të qartë për transformimin e institucionit, me fokus në uljen e kostove të shërbimeve dhe përafrimin e tyre me mundësitë ekonomike të qytetarëve të Kosovës.

“Po kujdesem që shëndeti i qytetarëve të jetë prioriteti ynë kryesor, duke i përshtatur shërbimet me kushtet reale ekonomike dhe të ardhurat e tyre. Synimi ynë është që askush të mos privohet nga kujdesi shëndetësor profesional dhe cilësor për shkak të pamundësisë financiare. Po punojmë që standardet më të larta mjekësore të jenë të arritshme për çdo qytetar”, ka deklaruar Hajrizi për Rajonipress.

Sipas tij, modeli i ri i funksionimit të spitalit synon të ndërthurë ekselencën profesionale me përgjegjësinë sociale, duke dëshmuar se kujdesi shëndetësor modern mund të jetë njëkohësisht cilësor, inovativ dhe i përballueshëm.

Në një kohë kur kujdesi shëndetësor cilësor dhe i përballueshëm mbetet prioritet për qytetarët, United Hospital po vazhdon të dëshmojë përkushtimin e tij për ofrimin e shërbimeve moderne mjekësore me standarde të larta profesionale dhe çmime të qasshme për të gjithë.

Spitali, i cili po konsolidohet si një nga institucionet private më të avancuara shëndetësore në Kosovë, ka prezantuar një paketë të re kardiovaskulare me çmim promocional prej vetëm 50 eurosh, duke synuar rritjen e kujdesit preventiv dhe diagnostikimit të hershëm të sëmundjeve të zemrës dhe enëve të gjakut.

Paketa përfshin ekzaminim të plotë kardiovaskular, vizitë specialistike me EKG, ekokardiografi dhe Doppler të arterieve karotide, duke u ofruar pacientëve një vlerësim gjithëpërfshirës të gjendjes së tyre kardiovaskulare në një vend të vetëm dhe me teknologji bashkëkohore.

Ekspertët shëndetësorë theksojnë se diagnostikimi i hershëm është çelësi për parandalimin e komplikimeve serioze kardiovaskulare, ndërsa kontrollet e rregullta mund të ndikojnë drejtpërdrejt në përmirësimin e cilësisë së jetës dhe uljen e rreziqeve për sëmundje të zemrës.

Me investime të vazhdueshme në teknologji mjekësore, staf profesional dhe shërbime të specializuara, United Hospital po ndërton një model të ri të kujdesit shëndetësor privat, ku cilësia, siguria dhe qasja e përballueshme për pacientin ecin paralelisht.

Përfaqësuesit e spitalit bëjnë të ditur se kjo ofertë është pjesë e angazhimit të tyre për ta afruar diagnostikimin modern me çdo familje kosovare, duke dëshmuar se shërbimet shëndetësore të standardeve të larta nuk duhet të jenë domosdoshmërisht të shtrenjta.

Qytetarët që dëshirojnë të përfitojnë nga kjo paketë mund të rezervojnë terminin e tyre në United Hospital, në aksin Prishtinë-Ferizaj, ku kujdesi profesional dhe teknologjia moderne vihen në shërbim të shëndetit të secilit pacient.

Sepse një zemër e shëndetshme mbetet investimi më i rëndësishëm për një jetë të sigurt, aktive dhe me cilësi./rajonipress/